تم تطبيق سياسة الاستخدام العادل فى شركات الـ adsl

[Hacker5]

وضعت سياسة الاستخدام الرشيد لضمان عدم تأثر الخدمة التي تتلقاها الغالبية العظمى من عملائنا سلبياَ بسبب قلة قليلة من أولئك الذين قد يسيئون استخدامها. وقد تضع لينك دوت نت حدا للسرعة المتاحة للعميل في حالة ما إذا وجدت أنظمة المراقبة أن استهلاكه للحركة على الإنترنت إساءة استخدام. ويحدث ذلك متى كان الاستهلاك أعلى من المعايير المتعارف عليها عالميا لخدمات النطاق الترددي الواسع لمستهلكي المناطق السكنية.
ستصنف هكذا فقط إذا تعديت حدود حركة الإنترنت التي تسمح بها الباقة ، وفي هذه الحالة سيتم نزول سرعة الاشتراك إلي ١٢٨ كيلوبت/ثانية، ويكون الكمية القصوي للاستخدام العادل الخاصة بهذه السرعات في الشهر هي: ٢٥ جيجا شهرياً لسرعة الـ ٥١٢ كيلوبت/ثانية
٤٠ جيجا شهرياً لسرعة الـ ١ ميجابت/ثانية
٦٠ جيجا شهرياً لسرعة الـ ٢ ميجابت/ثانية
٨٠ جيجا شهرياً لسرعة الـ ٤ ميجابت/ثانية
٨٠ جيجا شهرياً لسرعة الـ ٥ ميجابت/ثانية
١٢٠ جيجا شهرياً لسرعة الـ ٨ ميجابت/ثانية
١٢٠ جيجا شهرياً لسرعة الـ ١٢ ميجابت/ثانية
٢٥٠ جيجا شهرياً لسرعة الـ ٢٤ ميجابت/ثانية


دة من موقع شركة لينك اللى انا مشترك معاها
و نفس النظام لباقى الشركات
الشركات دى فتحت على نفسها ابواب جهنم و الناس مش هاتسكت
مصر الدولة الوحيدة اللى فيها التظام المتخلف دة يعنى انترنت بطىء و غالى و سعته محدودة كمان
دة فى شرع مين دة؟

هل فى حد بيفكر يلغى الخدمة
انا عن نفسى مستعد انا وصحابى بنتفق نروح مع بعض كل واحد يلغى الخدمة
و حسبى الله و نعم الوكيل

[evoo90]

ايه الهبل ده ناقص كمان يقولوا الخدمه هتبتدى الساعه 9 صباحا وتنتهى 9 مساءا وشويه و يعملوا المواقع زى باقات ال art حبه المواقع ده بكذا ودى بكذ طبعا الحوار ده مش هايتسكت عليه ابدا ابدا ابدا

[كابوس الليل]

ده حتى لى اunlimted

[Hacker5]

ايوة يا باشا دة الـ unlimited للأسف مبقاش unlimited

[medo55]

انا هكنسل لينك واحول اتصالات ان شاء الله

[mazagngi2010]

وايه نظام الاستخدام العادل فى اتصالات يا اخ ميدو؟؟

[Eng. Rafy Samy]

25 جيجا شهرياً لسرعة الـ ٥١٢ كيلوبت/ثانية
٤٠ جيجا شهرياً لسرعة الـ ١ ميجابت/ثانية

هو في حد ممكن يحتاج ينزل 25جيجا في الشهر.......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده معناه جيجا كل يوم تقريباً.!!!!!!!!!!!!!!!!!!!!!!!!!!!!!!!!!!!!!!
طيب ليه وازاي وفي ايه ممكن تحتاج اكتر من كده..؟؟؟؟!!!!!!!!!

[medo55]

اتصالات 1 ميجا ب 99 جنيه في الشهر سياسة الاستخدام العادل 100 جيجا في الشهر
اتصالات 4 ميجا ب 199 في الشهر سياسة الاستخدام العادل 150 جيجا في الشهر

بعد كدا السرعه بتنزل ل 256

بس ارخص واليميت بتاع الداونلود اعلى بكتييييييييييييييييير من لينك

[ASKAFRAWY]

هو فيه سياسة عادلة فى مصر

الاستخدام العادل دة المفروض لل limited لكن لل unlimited ازاى!!!
ولسة اليعيش ياما يشوف

[أبومعاذ]

سياسة الاستخدام الرشيد مستخدمة برا مصر مش من دماغ الشركات دي ومحدش بيوصل لانه يكسر25 جيجا ابدا وهو سرعته 512

والموضوع ده موجه اصلا عشان مصلحة الناس ...ازاي؟ لان الموضوع ده هيخلي الناس اللي واخدين خط 512 مثلا و موصلين عليه بتاع 40 وصلة و بستحبوا 8 ميجا بدل ال 512 الناس دي هتتوقف عند حدها ولما الشبكات المنزلية دي تختفي السرعة اللي واصلالي وواصلالك هتبقى مظبوطة ومش هيبقى في مشكلة باندويدث بعد كدا

[Rsarabia]

يا جماعة الموضوع دا خير لينا كلنا لان دا معناه ان اللى جايب شبكة ب 95 جنيه 512 و مركب عيلها 50 واحد طول الليل و النهار بيعملو دونلود بيحملو كمية رهيبة و فى نفس الوقت الخدمة سيئة

وطبعا النظام دا هيمنع الوصلات دى و الاشتراكات دى و النت هيخف شوية و يبقى احسن

انا شخصيا كان عندى خط تى اى داتا و وقفته ومعايا دلوقتى فوافون يو اس بى مودم unlimited bandwidth و مبسوط بيه جدا جدا

[M.Mostafa80]

انا شخصيا كان عندى خط تى اى داتا و وقفته ومعايا دلوقتى فوافون يو اس بى مودم unlimited bandwidth و مبسوط بيه جدا جدا[/QUOTE]
نفس اللى انا عملتو سبحان الله بس أنا الموديم بتاعى بليمت 2 جيجا ومش محتاج أكثر من كدا كبيرى أخش على المنتدى وأشيت وسرعه وان ميجا زى الفل

[M.Osman]

هو في حد ممكن يحتاج ينزل 25جيجا في الشهر.......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده معناه جيجا كل يوم تقريباً.!!!!!!!!!!!!!!!!!!!!!!!!!!!!!!!!!!!!!!
طيب ليه وازاي وفي ايه ممكن تحتاج اكتر من كده..؟؟؟؟!!!!!!!!!

يدوبك يا باشا ..
تصفح الشهر + برامج او أفلام بتزلها + و لو بتتكلم فيديو زيي ..
مينفعش بصراحة 25 جيجا بس !!!
هما واضح انهم مش عارفين يحلوا مشاكلهم و الضغط اللي على الخدمة .. فعملوا ساسة جديدة!!

هي اي حاجة في البلد بتتحل كدا!!

[medo55]

يدوبك يا باشا ..
تصفح الشهر + برامج او أفلام بتزلها + و لو بتتكلم فيديو زيي ..
مينفعش بصراحة 25 جيجا بس !!!
هما واضح انهم مش عارفين يحلوا مشاكلهم و الضغط اللي على الخدمة .. فعملوا ساسة جديدة!!

هي اي حاجة في البلد بتتحل كدا!!

ياباشا يحلو مشاكلهم ايه بس ؟؟؟

دا في 3 كابلات بحريه جديده هيشتغلو في مصر على نهاية 2010 بدايتهم واحد هيشتغل اول شهر 9 الجاي

يعني المفروض الباندويدث يكون ارخص لانه في 3 شركات هتنافس غير الكابلين الي مصر بتستخدمهم حاليا باجمالي 5 كابلات

يعني لما يكون في وفره في الباندويدث يخنقونا ولما يكون في خنقه في الباندويدث يدولنا راحتنا ؟؟؟؟؟

المفروض يدولنا راحتنا في الخطوط مش يخنقونا + اننا بندفع اغلى من كدا بكتير


انا موافق انهم يعملو سياسة استخدام عادل لو اقل سرعه هي 8 ميجا ب 95 جنيه ويعمل سياسة الاستخدام العادل 100 جيجا , هتكون زي الفل ومفيش مشكله , انا اصلا مش من هواة الداونلود لكن يديلي سرعه بطيئه وغير كدا غاليه ومحدد الداونلود , دا ظلم وافترا

[marsguy]

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.