تم تطبيق سياسة الاستخدام العادل فى شركات الـ adsl

[lancerevolution]

فى سؤال جيه فى بالى
فى إنترنت ستاليت عن طريق الرسيفر بتاع الدش العادى هل هينطبق عليه نفس الموضوع دا
لأنى سمعت إنه أرخص بكتير لو بإشتراك هيبقى ب 50 جند تقريبا لل512 و ممكن يمشى من غير إشتراك

[ahmad7610]

هو في حد ممكن يحتاج ينزل 25جيجا في الشهر.......؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده معناه جيجا كل يوم تقريباً.!!!!!!!!!!!!!!!!!!!!!!!!!!!!!!!!!!!!!!
طيب ليه وازاي وفي ايه ممكن تحتاج اكتر من كده..؟؟؟؟!!!!!!!!!

-
ياباشا .... الواحد جيجا دلوقتى مع سرعة ال 512 تنزل فى 5 ساعات لو السرعة شغالة كويس ( 58 ك .ب مثلا ثابتة )
-
مثلا أنا بقالى سنة تقريبا بعمل تصفح بس و مع ذلك بدفع 95 جنيه ... لكن أنا لسه منزل لعبة gta بمساحة 8 جيجا فى 4 أيام وكنت مش عايز أضغط على الجهاز وأنزلها فى يومين ...
-
قصدى .أنا بدفع زيادة علشان وقت محتاج أنزل براحتى ألاقى ....
-
لكن لو حيفضل الاستخدام العادل ده فعلا لحد 25 جيجا فى الشهر مفيش مشكلة بس يرخصوا سعر الاشتراك .. لكن لو فضل السعر زى ما هو ده يبقى نصب علنى ...
=-

[noble911]

موضوع السعات ده موجود في العالم كله ........و موجود في أنجلترا و فرنسا على وجه الخصوص علشان أنا متأكد من الدولتين دول بالذات .

يعني مش حاجة جديدة....... و مشفتش حد بصراحة في الدول بينزل كمية البيانات اللي أحنا بنزلها
25 جيجا و مش عاجبنا

أولا التحديد مفيد للجميع و مفيد للشركة و المشتركين معاها .

مفيش خنقة و لا حاجة .....

أحنا بس اللي بنحب نشتكي من كل حاجة و فيه حاجات بنعتبرها حق من حقوقنا و هي ممكن تكون مش حق و لا حاجة .

و الأستاذ محمد سعيد ........ marsguy كل كلامه مظبوط 100 % و صح .

خلاص يا استاذ توت لما يبقي متوسط الاسعار و كذلك مستوي الخدمة قريب و بلاش مساوي لمستوي الخدمة بره نبقي نطبق الاستخدام العادل

ثانيا حضرتك ذكرت نص حقيقة الوضع بره
زي ما حضرت مشترك و عندك ليمت في خطة اسعار رخيصة
في غيرها خطط مفتوحة و اسرع و اغلي او بتحديد كبير و اللي مش عجباه فيرجين يروح اورنج و اللي مش عجبه لا دي و لا دي في غيرها
انما هنا مفيش حل مفيش اختيار هو كده و اللي مش عجبه يشرب من البحر اسعار مرتفعة جدا و خدمة سيئة جدا و تحديد ظالم جدا
بنفس اسلوبهم في معالجة مشاكل الدعم الفني العيب دايما من المستخدم

[mnabil1980]

أنا اتفاجئت بالموضوع دة وفعلا لقيت سايت تيداتا أعلن عن السياسة دى http://www.tedata.net/.../eg/ar/default.aspx?sec=3&pr=2

[hero]

هو طبعا الاسعار ارخص ....والخدمة احسن ...بس برضة يا جماعه لازم ما نسرحش قوي ونقارن نفسنا باوروبا....يعني ممكن نقارن نفسنا بدولة زيينا......وما تنسوش ان الانترنت معتمد علي بنية تحتية للاتصالات اولا......يعني الـDSL معتمد علي خط التيفون من بيتك لحد السنترال .....وطبعا كفاءة وسرعه ودوام الانترنت معتمد اعتماد كلي علي جودة الخط دة....

سياسة الاستخدام العادل دي مطبقة في اوروبا وفي كل مكان ....وفي اتفاقيات دولية بخصوص الكلام دة.....ودة بمنتهي البساطة .....لانة عمليا يستحيل تلبية احتياجات كل المشتركين بباند ويدث مفتوح...لان دايما شبكات الاتصالات بتبقي متصممة علي انها تشتغل علي نسبة من عدد المشتركين ...من 25% لحد 35% في نفس الوقت....لو هاتتصمم علي انها تلبي احتياجات 100% هاتبقي غالية جدااااااا فوق تصور اي انسان.....ودي لكل شبكات الاتصالات التليفونية وايلي علي اساسها الانترنت شغالة....
شبكات الحاسب الالي ليها وضع تاني....وليها برضة حسابات تانية....

عموما من غير ما اخوض في تفاصيل هندسية مملة ....عايز اطمن الناس كلها ان Fair use policy او سياسة الاستخدام العادل دي موجودة في دول اوروبية كتير وعلي رأسها بريطانيا.....

وممكن تشوفوا اللينك دة بتاع شركة الاتصالات البريطانية.....وتعرفوا انهم بيطبقوا النظام دة...

[Ahmed Nouh]

بُص يا باشا ......
أنا كنت عايش هناك ............. و كان عندي في الشهر محدودية تحميل لغاية 40 جيجا بايت في الشهر على سرعة الواحد ميجا أو أثنين ميجا مش فاكر ( كان كل شوية يعملوا تعديل و يزودوا السرعة )

ثانيا .
الحاجات اللي أحنا بنقعد ننزل فيها هنا هي أيه ؟؟؟
أفلام ..... و دي أكثر حاجة بنزلها و بييجي بعديها الألعاب و بعدين البرامج

و الثلاثة حاجات اللي بنزلها بتنزل بشكل غير شرعي و سرقة ........ ( ساعات صاحب الحاجة بيكون عارف زي ويندوز في الأول لما كان سايب الناس تنزل نسخ مسروقة عادي جدا علشان يضمن الأنتشار )

النقطة المهمة اللي أنا عايز أقولها أيه ؟
أن أوروبا و أمريكا هُما عصب الأنترنت و أغلب السيرفرات عندهم هما على أراضيهم ....و بالتالي كدا كدا الأنترنت سريع علشان أنت قريب من المصدر .

كمان نيجي بقى للحاجات اللي بتتحمل
افلام ......... الأفلام هناك على دي في دي رخيصة و مش غالية زي هنا
هي نفس السعر و لكن علشان عملتهم أغلى بالتالي هي أرخص بالنسبة لهم
يعني ليه يقعد ينزل في أفلام و جودتها أي كلام ....... و هو ممكن يشتري الفيلم على أسطوانة دي في دي بعشرة جنيه أسترليني ؟؟؟؟؟ و ساعات السعر بيوصل لخمسة جنيه أسترليني كمان و ساعات أقل لو الفيلم قديم شوية أو معلوهوش طلب .

طيب ده بالاضافة للقنوات الكابل اللي أشتراكها في الشهر مثلا ممكن يدخل في 20 جنيه أسترليني في الشهر و التليفزيون متوفر و عندك بإستمرار .......... و عليه كل الأفلام الجديدة .......

نيجي للألعاب ......

أوروبا الغربية بالذات ......
الألعاب فيها مش غالية و رخيصة ده أولا .
ثانيا ....... الناس هناك أغلبهم بيشتغل و مش فاضيين يقعدوا يلعبوا زينا ......
أحنا عندنا عدد سكان أكتر و مصانع أقل و بالتالي شباب فاضي مش لاقي حاجة يعملها ...... على العكس هناك
عدد سكان مناسب لعدد الوظائف المتاح و بالتالي الناس كلها مشغولة و محدش فاضي يقعد على الأنترنت زينا بعدد ساعات طويلة أو يقعد يلعب إلا إذا كان تلميذ و أهله أغنياء شوية و هو مش بيشتغل علشان يصرف على تعليمه و دول عددهم مش كبير ......... لأن هناك الطلبة كلها أو أغلبها بتشتغل علشان تصرف على تعليمها و تصرف على نفسها .

الموضوع مش موضوع حضارة و تخلف و كلام من ده ........

الموضوع موضوع التفكير العملي و التنفيذ العملي للموضوع .

حضرتك راجل محترم وانا سعيد بالنقاش معاك

انا متفق معاك ان مش كلهم بيحملو ومتفق معاك ان هناك فى حدود للتحميل بس زيهم زينا فى منهم ميقدرش يعيش من غير دونلوود وده الشركه بتوفرله عرض بدون حد اقصى للتحميل بسعر اعلى شويه من العروض العاديه وده اللى بالفعل انا مشترك فيه وبدفع حوالى 70% اكتر من العرض العادى اللى هو بحد اقصى للتحميل

تيجى بقا الشركه تقفلى السكه خالص وبدون اعلان مسبق ويقولك اللى عايز يحمل يدفع 10 جنيه على الجيجا الزياده يبقى كدا الواحد يجيب بديل منين ؟؟

الشركات برا بتعمل ليمتد لمجرد انهم يجذبو زبون معين بيتصفح بس سواء من اللابتوب او من جهاز البيت او العمل ومش محتاج الدونلوود ومحتاج يوفر فبيدفع سعر اقل من العرض المفتوح وعلشان مياخدش اكتر من حقه الشركه بتعمل ليمت حرصا منها على انه ياخد بس اللى يكفيه تصفح

بالنسبه لحته الحاجات هناك رخيصه فالناس بتشترى اسهل هقولك مظبوط بس الموضوع مفهوم غلط شويه الناس هناك برده زيهم زينا بالظبط بيستخسرو يشترو الحاجه حتى لو رخيصه فى سبيل ان عنده خط يقدر ينزل منه اى فيلم بسهوله سواء تورنت او خلافه ومش هيكلف نفسه ال 10 جنيه حق الفيلم وكمان ممكن ينزله قبل ما ينزل يتباع فى السوق ونفس المقياس على الالعاب ولو مكنش الناس هناك بتنزل الافلام والالعاب من النت كانت المنتديات والتراكرز هناك قفلت من زماان

انا اسف لو طولت بس انا عايز اوصل فكره ان اللى عايش فى اوروبا وبيستعمل نت اسلوبه يشبه كتير اوى المصرى واحنا مش بنعمل حاجه غلط وهما بيعملو صح الفرق بس ان هناك الحكومه مساعداهم على انهم ياخدو الحق المناسب من الشركه سواء فى خطط الاسعار والسرعات او فى خدمه العملاء اللى للأسف بتعانى من قصور شديد فى شركات الانترنت فى مصر

والقشه اللى قسمت ظهر البعير كانت تحديد السرعات اجبارى وبمنتهى التعسف على العرض مرتفع السعر المسمى بالانترنت الغير محدود

من رأى الشخصى كمستخدم وليس اكثر ان الحل اعتذار عن سوء حال الخدمه ووعد بتحسينها ولو لفصل الخدمه عن سنترال بعد التانى لحين تطوير الشبكات زى ما يحبو والناس مش هتعترض انما يقولى هو ده اللى عندى وانت نام خفيف خفيف وبلاش تتقل فى التحميل يبقى اسمه نصب

[TheInfernal]

أنا عايز أوصل كذا نقطة.

الشركات ميفرقش معاها من ناحية الضغط أو التكاليف انت موصل سرعة كام. اللي يفرق معاها انت بتسحب باندويدث أد ايه في الشهر..
كمثال للتوضيح. انت مأجر عربية. السرعة بالكيلوبايت هي سرعة العربية كم/س, و الباندويدث هو البنزين اللي العربية بتستهلكه. الشركة اللي انت متعاقد معاها مش هيفرق معاها انت ماشي على سرعة كام. اللي هيفرق في تكاليفها البنزين اللي هتديهولك. قبل كده الشركات كانت بتديك بنزين براحتك, انما دلوقتي عشان يزودوا مكاسبهم قالوا لك هنديك 25 لتر بنزين. لو تعديت الحد ده هنديك برضه بنزين بس هنخلي عربيتك متقدرش تمشي على أكتر من 20 كم/س بقية الشهر.


و بالتالي لو المستخدك بيعمل داونلود كتير أو بيوزع الخط لجيرانه و الشركة طبقت عليه النظام ده, هتوفر على نفسها مبلغ كبير و تكاليفها نظريا هتقل لغاية 8 مرات, و مكاسبها هتزيد بشكل كبير...جدا.

و هو ده سبب ان الشركات مش عاجبها الوصلة. انها بتقلل مكاسبها.
و لما قرروا يحاربوا الوصلة و عملوا سرعة 256 بسعر منافس لها, اتعاملوا بسذاجة و حددوا الداونلود بتاعها ل2 جيجا. طبعا مفيش حد عاقل قدامه وصلة 2 ميجا بتحميل مفتوح هياخد العرض الفاشل ده. لو كانوا نزلوه بتحميل مفتوح كانت الوصلة اتحلت من زمان.

و لو حبينا نقارن الأسعار, سرعة 10 ميجا في أمريكا بسعة تحميل مفتوحة توازي سعر 2 ميجا هنا في مصر (باللي هي كمان متحددة), و في اليابان تقدر تاخد سرعة 100 ميجا بالسعر ده. و ياريت محدش يقول ان الحال هنا مختلف لأن السعودية على سبيل المثال أسعارها هي كمان أرخص مننا بمراحل.

و مش عيب ان أنا بنزل أفلام أو أغاني و ألعاب. و الأفلام الhd وصل حجمها ل20 جيجا. يعني باندويدث شهر ممكن يضيع على فيلم ساعة و نص واللا ساعتين. و الألعاب هي كمان بقت بتتعدى حاجز ال10 جيجا. و بعدين الخدمة مفروض مع مرور الوقت تتطور للأفضل مش للأسوأ. السرعات القديمة (ال256 ب95 جنيه) أحسن مليون مرة من النصب العلني و الاستخفاف اللي بيحصل حاليا.

و و الناس بره بشكل عام استهلاكها للنت كبير و بيوصل لآلاف الجيجابايتات في الشهر, و رغم كده فالأسعار أرخص و الخدمة أحسن. و الناس بره بينزلوا زينا و أنا أعرف ناس كتير كده. و التلامذة الفقراء بينزلوا بالتورنت عشان يوفروا تكاليف معيشتهم, لأن معندهمش استعداد يشتروا لعبة ب20 جنيه استرليني, أو يروحوا السينما كل اسبوع. و الناس بره بيحبوا ينزلوا الأفلام بالتورنت لأن التورنت بيبقى موجود قبل ما ينزل الفيلم على دي في دي أو في التليفزيون.

و سياسة الاستخدام العادل كانت موجودة عندنا أصلا قبل تطبيق النظام الجديد ده, انما كان الحد 150-250 جيجا تقريبا و مكنش شغال للسرعات ال2 ميجا و أقل. يعني النظام كان موجود و كان مطبق. انما انهم يقللوا الليميت للدرجة دي ده اسمه ....*تييييت*....

[TheInfernal]

هو طبعا الاسعار ارخص ....والخدمة احسن ...بس برضة يا جماعه لازم ما نسرحش قوي ونقارن نفسنا باوروبا....يعني ممكن نقارن نفسنا بدولة زيينا......وما تنسوش ان الانترنت معتمد علي بنية تحتية للاتصالات اولا......يعني الـdsl معتمد علي خط التيفون من بيتك لحد السنترال .....وطبعا كفاءة وسرعه ودوام الانترنت معتمد اعتماد كلي علي جودة الخط دة....

سياسة الاستخدام العادل دي مطبقة في اوروبا وفي كل مكان ....وفي اتفاقيات دولية بخصوص الكلام دة.....ودة بمنتهي البساطة .....لانة عمليا يستحيل تلبية احتياجات كل المشتركين بباند ويدث مفتوح...لان دايما شبكات الاتصالات بتبقي متصممة علي انها تشتغل علي نسبة من عدد المشتركين ...من 25% لحد 35% في نفس الوقت....لو هاتتصمم علي انها تلبي احتياجات 100% هاتبقي غالية جدااااااا فوق تصور اي انسان.....ودي لكل شبكات الاتصالات التليفونية وايلي علي اساسها الانترنت شغالة....
شبكات الحاسب الالي ليها وضع تاني....وليها برضة حسابات تانية....

عموما من غير ما اخوض في تفاصيل هندسية مملة ....عايز اطمن الناس كلها ان fair use policy او سياسة الاستخدام العادل دي موجودة في دول اوروبية كتير وعلي رأسها بريطانيا.....

وممكن تشوفوا اللينك دة بتاع شركة الاتصالات البريطانية.....وتعرفوا انهم بيطبقوا النظام دة...

مش هم من سنتين لما كانوا عايزين يحددوا الباندويدث ل2 جيجا في الشهر قالوا ان متوسط الاستهلاك للمستخدم العادي 1.5 جيجابايت في الشهر؟ يعني لو وزعنا متوسط سرعة الداونلودا على الشهر هتبقى نص كيلوبايت في الثانية, أو 1.5% من طاقة خط سرعته 256. ليه بقى جايين دلوقثي و بيقولوا سياسة استخدام عادل و الناس اللي بتسحب السرعة و تأثر عالخدمة؟

هم اما كانوا بيضحكوا علينا وقتها, يا اما بيضحكوا علينا دلوقتي. و أنا رأيي انهم في الحالتين بيضحكوا علينا, و ان لو القرار اطبق المستفيد الوحيد هو الشركة اللي بتقدم الخدمة.

[أحمد كمال]

فى سؤال جيه فى بالى
فى إنترنت ستاليت عن طريق الرسيفر بتاع الدش العادى هل هينطبق عليه نفس الموضوع دا
لأنى سمعت إنه أرخص بكتير لو بإشتراك هيبقى ب 50 جند تقريبا لل512 و ممكن يمشى من غير إشتراك

ماكانش حد غلب


كان زمان كل الناس اللي خطها هوائي او مش عارفة تركب تليفون اشتركت

[egyptianmafia]

what about companies like Noor ADSL? Does it have that new DL limit or not. I am thinking of going to them if they dont have that policy.

When I checked their site, they do have something called FUP (Fair Usage Policy) but they dont have a table showing what each speed limit is

Thanks

[mnabil1980]

أنا السياسة دى حتأثر عليا وأنا مش عامل أى وصلات. أنا على سرعة 512 وبنزل مش أقل من 40 جيجا فى الشهر. هما بيقولوا عايزين يحاربوا الوصلات بس هما عارفين كويس انهم مقللين الليميت جامد لدرجة ان المستخدمين اللى بيعملوا داونلود كتير ومن غير وصلات حيتأثروا.

[AhmedGen2]

و الثلاثة حاجات اللي بنزلها بتنزل بشكل غير شرعي و سرقة ........

يا باشا ماهو اللى عاملينها أجانب .. كل الكراكز والسيريال نامبرز لكل البرامج والألعاب والويندوز مصدرها أجنبى ... مش احنا اللى نفك ونفتح احنا ننزل جاهز.

كمان نيجي بقى للحاجات اللي بتتحمل
افلام ......... الأفلام هناك على دي في دي رخيصة و مش غالية زي هنا
هي نفس السعر و لكن علشان عملتهم أغلى بالتالي هي أرخص بالنسبة لهم
يعني ليه يقعد ينزل في أفلام و جودتها أي كلام ....... و هو ممكن يشتري الفيلم على أسطوانة دي في دي بعشرة جنيه أسترليني ؟؟؟؟؟ و ساعات السعر بيوصل لخمسة جنيه أسترليني كمان و ساعات أقل لو الفيلم قديم شوية أو معلوهوش طلب .

معلش بقى انا مش متفق معاك تماما ً هنا يا توت ، بص هديك مثال بسيط:

http://www.warez-bb.org/index.php

دة منتدى أجنبى عدد المسجلين فيه مليون و نص تقريبا ً حضرتك بس خد جولة فيه كدة وهتعرف الناس دى مش بس فاضية تحمل أفلام .. لأ دى بترفعها وتظبطها بكواليتى وحاجات كتير هسيبك تتفرج مش بس افلام بس عيش بقى برامج وألعاب وكله ..

تعالى بقى هاتلى منتدى عربى!! نقول ايه مثلا؟ ديفيدى فور أراب؟ أجمد الجامدين؟ ... اتفرج هناك وقارن..

نيجي للألعاب ......

أوروبا الغربية بالذات ......
الألعاب فيها مش غالية و رخيصة ده أولا .
ثانيا ....... الناس هناك أغلبهم بيشتغل و مش فاضيين يقعدوا يلعبوا زينا ......

لا انت أكيد بتهزر بقى! مش فاضيين ازاى؟ هو فيه مصر حد بيلعب أساسا ً ، انت بتسمى السايبر والكلام دة لعب؟؟؟؟

يا باشا هناك اللعب اونلاين ... والتورنمنتس والمسابقات عالميا ً و و و الخ! ومفيش اكتر من اللى بيلعبوا ... عندك ال ESL و ال WCG و ال ESWC ... آلاف مؤلفة من المشتركين الأجانب!

تعالى بقى انت اعمل مسابقة على مستوى مصر فى أشهر الألعاب!؟ تلاقى بتاع عشرات الجيمرز ! يعنى أكبر عدد فى مسابقة مكملش الألف ! وياريت بيعرفوا يلعبوا 95% منهم نووبز.

[egyptianmafia]

Guys, check out this link. It is for a company called Bell Canada which is one of Canada's biggest companies for ISP (internet) They have 16Mbps internet but guess what ONLY 75GB download limit

so can we stop with the whole thing about Egypt being the ONLY country in the whole world that has this policy

here is the link

Internet services- bell.ca

Also, this is Rogers the #1 company in Canada and they too have DL limits

Link

Rogers has 10Mbps speed and their DL limit is 95gigs

http://www.rogers.com/.../Rogers.portal?_nfpb=true&_windowLabel=HiSpeedBrowse_1_2&HiSpeedBrowse_1_2_actionOverride=%2Fportlets%2Fconsumer%2Finternet%2Fbrowse%2FhiSpeedCableBrowse%2FproductDetails&HiSpeedBrowse_1_2productID=WAVE&_pageLabel=INTER_HISPEED

[josephedward]

سياسة الاستخدام الرشيد مستخدمة برا مصر مش من دماغ الشركات دي ومحدش بيوصل لانه يكسر25 جيجا ابدا وهو سرعته 512

والموضوع ده موجه اصلا عشان مصلحة الناس ...ازاي؟ لان الموضوع ده هيخلي الناس اللي واخدين خط 512 مثلا و موصلين عليه بتاع 40 وصلة و بستحبوا 8 ميجا بدل ال 512 الناس دي هتتوقف عند حدها ولما الشبكات المنزلية دي تختفي السرعة اللي واصلالي وواصلالك هتبقى مظبوطة ومش هيبقى في مشكلة باندويدث بعد كدا

ده إيه الكلام ده أصلا ؟؟؟ مين قال إن 512 لو موصلين عليه 40 وصلة هيسحب 8 ميجا ؟؟؟
ال 512 بيعمل دونلود على 51 تقريبا .... ودي بتتقسم على ال 40 واحد دول.... مش كل واحد بياخد 51 لوحده !!!!

أنا عندي 512 وفتحه 24 ساعة دونلود !!!! يعني 51x 60 x 60 x 24x = 4.4 Giga
ده في اليوم !!!
يعني 4.4 في اليوم يبقى 132 جيجا في الشهر !!!!!! أعمل أنا إيه بال 25 دول بقى ؟؟؟؟ امسح زوري ؟؟؟

وانا لوحدي !!!! يعني دافع فلوس في خدمة وواخدها لوحدي .... كده أنا بظلم مين لما أقول عايز الباندويدث بتاعي كله ؟؟؟
دي قلة أدب يا عم !!!!!

[ashraf229]

سياسة الاستخدام العادل دي مطبقة هنا في السعودية و في كل دول الخليج

ليه بتقولوا ان الشركات بتاعت مصر هيه اللي بدعتها!!!!

بلاش سوء النية و نظرية المؤامرة اللي شعب مصر اصيب بيها دي في كل حاجة

كل حاجة لازم يكون وراها انه و لازم تكون ضد ارادة الناس!!!!!!!!!! اكيد لأ طبعا

و الموضوع ده محطوط فعلا علشان اللي بيأخد خط و يوصل عليخ لأهل الحي و المناطق المجاورة و يسحبوا أضعاف المتاح ليهم