تم تطبيق سياسة الاستخدام العادل فى شركات الـ adsl

[Rsarabia]

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.

+111111111111111

[Sharky]

انا مش لاقى الكلام دا على الموقع !

[Clark_ElMaSrY]

يا جماعة حرام كدة احنا كدة هنتبهدل و النت مش هيبقي لية لازمة اصلا النت دة داونلود و انا شخصيا ع سرعة 512 بحمل في الشهر بتاع 50 جيجا ع الاقل و ناس كتير كدة بس ليا كام تعقيب كدة صحيح ان الموضوع دة هيوقف الشبكات اللي الناس عملها بس كدة كدة الشبكات دي مش بتأثر ع الباقي في اي حاجة الشبكة كلها كانها فرد واحد مهما عملوا دوانلود لو كلهم بيحملوا في نفس الوقت كاني انا قاعد بحمل لوحدي يعني لو سرعتهم 512 برضو معدل نقل البيانات هيبقي 60 و هكذا فمش دة اللي عامل ازمة ثانيا اختلف معاك يا mars ع ان المستخدم اللي برة زي ما حضرتك بتقول لا طبعا بيحمل و بيعمل داونلود و كل حاجة زينا بالزبط و اكتر كمان و الاحصائيات كلها بتقول كدة و متنساش ان كل حاجة احنا بنحملها من ع النت بناخدها من الاجانب باختلاف جنسياتهم شوف التورنت و برامج الشير دي لوحدها حكاية دي غير الروابط المباشرة و الرابيد شير و حتي لو بيشتروا حاجات اصلية و كدة فدة لان ثمنها معقول انما عمري ما هاجي اشتري مسلسل الاقي مكتوب علية في كرفور 2000 جنية مصري و هفكر حتي ابص ناحيتة لية و لا اية ؟؟؟؟ الشركات دي بتفكر تقتدي بالعالم الخارجي فيما ينفعها و بس مش في كلا الجانبين

[medo55]

يا جماعه الإنترنت في مصر يمكن تكون أرخص بلد في أفريقيا والشرق الأوسط.

لكن طبعاً عمرنا ما هانقدر ننافس أسعار الدول المتقدمه والقريبه من العمود الفقري للإنترنت، وده لأسباب كتير يطول شرحها.

موضوع سياسة الإستخدام العادل موجود بره بس ما حدش بيشتكي منه خالص، عشان ما عندهمش بره وصلات وعشان كمان المستخدم العادي ولا يعرف يعني إيه تورنت ولا بينزل أي حاجه مضروبه من على الإنترنت (ليه ينزل فيلم من على الإنترنت بينما مستوى دخله يمكنه من شراء الفيلم على dvd أصلي).

أنا شايف إن الموضوع مش بالسوء اللي الناس متصوراه خالص، بالعكس ده هايعود بالنفع على معظم الناس.

ياباشا احنا عندنا باك بون برضو كويس , ولكن ينقصه بيرينج بين الشركات وبين الدول العربيه

ولو يسهلو لينا احنا ممكن نستغنى عن اكتر من 3/4 الباندويدث الي بنستهلكه من امريكا مرورا باوروبا , يعني اروح ارخص مركز معلومات يعقدلي الدنيا وتامين وحوارات!! طيب مايسهلوها وهتوفر عليهم كشركات وكحكومه وهتستفيد وهتعمل استثمار في البلد

الحكومه في ايديها الحل , لكن مش عايزه تطبقه للاسف ولو حبت تطبقه هتلاقي مستثمرين كتييير جدا فوق ما تتخيل وبشوية سياسة هيظبطو بقية الدول العربيه انها تعمل بيرنج معانا

لكن تقول لميييييييين ,,,

لنا الله

[Sharky]

انا كلمتهم و طلع الكلام دا على كل شركات النت فى مصر و القرار من الشركة المصرية للإتصالات
انا عن نفسى حلغى الإشتراك و احول فودافون او اتصالات أحسن بلا قرف

[marsguy]

يا جماعة حرام كدة احنا كدة هنتبهدل و النت مش هيبقي لية لازمة اصلا النت دة داونلود و انا شخصيا ع سرعة 512 بحمل في الشهر بتاع 50 جيجا ع الاقل و ناس كتير كدة بس ليا كام تعقيب كدة صحيح ان الموضوع دة هيوقف الشبكات اللي الناس عملها بس كدة كدة الشبكات دي مش بتأثر ع الباقي في اي حاجة الشبكة كلها كانها فرد واحد مهما عملوا دوانلود لو كلهم بيحملوا في نفس الوقت كاني انا قاعد بحمل لوحدي يعني لو سرعتهم 512 برضو معدل نقل البيانات هيبقي 60 و هكذا فمش دة اللي عامل ازمة ثانيا اختلف معاك يا mars ع ان المستخدم اللي برة زي ما حضرتك بتقول لا طبعا بيحمل و بيعمل داونلود و كل حاجة زينا بالزبط و اكتر كمان و الاحصائيات كلها بتقول كدة و متنساش ان كل حاجة احنا بنحملها من ع النت بناخدها من الاجانب باختلاف جنسياتهم شوف التورنت و برامج الشير دي لوحدها حكاية دي غير الروابط المباشرة و الرابيد شير و حتي لو بيشتروا حاجات اصلية و كدة فدة لان ثمنها معقول انما عمري ما هاجي اشتري مسلسل الاقي مكتوب علية في كرفور 2000 جنية مصري و هفكر حتي ابص ناحيتة لية و لا اية ؟؟؟؟ الشركات دي بتفكر تقتدي بالعالم الخارجي فيما ينفعها و بس مش في كلا الجانبين

طبعاً يا باشا في ناس بره بيعملوا داونلود وأبلود زينا بالظبط، بس السواد الأعظم من الناس مش بيعملوا كده.
يا باشا ده انا واحد صاحبي كان في كندا وقال لصحابه على موضوع فك الهارد عشان تنقل حاجه من جهاز لجهاز. صحابه جالهم ذهول.
تخيل بقى إن الناس بره عندهم باندويدث بالهبل وما عندهمش حد بيسئ إستخدام الداونلود وإحنا عندنا العكس تماماً، عندنا باندويدث محدوده جداً وغاليه جداً وعندنا ناس كثير بيعملوا داونلود للإنترنت كلها تقريباً!!!! طبعاً الإنترنت عندنا لازم تبقى تعبانه.

وكمان اللي زود شكاوي الناس من الإنترنت في الفتره الأخيره جداً هو القرار الحكومي اللي أنا شايفه غير مدروس جيداً بمضاعفة سرعة الإنترنت لكل الناس.

تخيل إنت بيتك شايل 5 أفراد راحت الحكومه قالتلك بدءاً من الشهر الجاي هانجيبلك كمان 5 أفراد هايعيشوا معاك ... يا ترى هاتلحق تضاعف سعة بيتك في أقل من شهر؟ تخيل بقى كمان لو إنت معاك فلوس عشان تعمل التوسعه دية بس ما فيش إمكانيه ... ماحدش عنده مواد خام يبيعهالك مثلاً ..... هاتعمل إيه؟

هو ده اللي حاصل دلوقت.

وعلى فكره عروض شركات الموبايلات الجامده دية ومستوى خدماتها الجيد ده عشان هم لسه ما عندهمش عدد كبير من المستخدمين وعشان هم كمان عاوزين يلموا زباين، لكن كلها كام شهر وهايقعوا في نفس المطب. وعلى فكره سعة الإنترنت الدوليه في أكبر شركة موبايل عمرها ما هاتيجي نصف شركة إنترنت عاديه. وده بالإضافه إلى إن الشركات دية لسه مش موجوده في معظم السنترالات واليو إس بي بتاعهم مش شغال بكامل سرعته إلا في المناطق اللي فيها تغطية الجيل الثالث.

الخلاصه يا باشا إن التخلف بيعم في كل حاجه ... طالما إنت عايش في دوله من دول العالم الثالث يبقى توقع إنترنت بتاع العالم الثالث وده لأسباب كثير أوي.

[أحمد كمال]

وايه نظام الاستخدام العادل فى اتصالات يا اخ ميدو؟؟

100 جيجا لسرعة 1 ميجا

150 جيجا لسرعة 4 ميجا

على فكرة الموضوع ده في لينك و تي إي داتا من زمااااااااان بس اللينك مش سهل تلاقيها عالسايت ..... صياعة يعني

انا كلمتهم و طلع الكلام دا على كل شركات النت فى مصر و القرار من الشركة المصرية للإتصالات
انا عن نفسى حلغى الإشتراك و احول فودافون او اتصالات أحسن بلا قرف

قرار جهاز تنظيم مرفق الاتصالات ...... مش المصرية للاتصالات

و برضه فودافون و اتصالات فيهم استخدام عادل

وعلى فكره عروض شركات الموبايلات الجامده دية ومستوى خدماتها الجيد ده عشان هم لسه ما عندهمش عدد كبير من المستخدمين وعشان هم كمان عاوزين يلموا زباين، لكن كلها كام شهر وهايقعوا في نفس المطب. وعلى فكره سعة الإنترنت الدوليه في أكبر شركة موبايل عمرها ما هاتيجي نصف شركة إنترنت عاديه. وده بالإضافه إلى إن الشركات دية لسه مش موجوده في معظم السنترالات

باشا .... شركات الموبايل اللي عاملة دي إس إل مش بتبتدي من الصفر و لا حاجة

فودافون اشترت راية تليكوم

و اتصالات اشترت إيجي نت و نايل اونلاين و في الطريق انترنت ايجيبت كمان

[marsguy]

باشا .... شركات الموبايل اللي عاملة دي إس إل مش بتبتدي من الصفر و لا حاجة

فودافون اشترت راية تليكوم

و اتصالات اشترت إيجي نت و نايل اونلاين و في الطريق انترنت ايجيبت كمان

فعلاُ مش بيبتدوا من الصفر أه، بس كل شركات الإنترنت الي حضرتك ذكرتهم دول سعة الإنترنت عندهم مجتمعه ما تجيش نصف السعه الي موجوده عند تي إي داتا مثلاً.

[أحمد كمال]

فعلاُ مش بيبتدوا من الصفر أه، بس كل شركات الإنترنت الي حضرتك ذكرتهم دول سعة الإنترنت عندهم مجتمعه ما تجيش نصف السعه الي موجوده عند تي إي داتا مثلاً.

الكلام ده مش صحيح

و استنى اما اتصالات تنتهي من دمج البنية التحتية بتاعة التلات شركات اللي اشترتهم

[amrnader]

سياسة الاستخدام الرشيد مستخدمة برا مصر مش من دماغ الشركات دي ومحدش بيوصل لانه يكسر25 جيجا ابدا وهو سرعته 512

والموضوع ده موجه اصلا عشان مصلحة الناس ...ازاي؟ لان الموضوع ده هيخلي الناس اللي واخدين خط 512 مثلا و موصلين عليه بتاع 40 وصلة و بستحبوا 8 ميجا بدل ال 512 الناس دي هتتوقف عند حدها ولما الشبكات المنزلية دي تختفي السرعة اللي واصلالي وواصلالك هتبقى مظبوطة ومش هيبقى في مشكلة باندويدث بعد كدا

ازاى يعنى حد يقدر يحمل بسرعة 8 ميجابت من خط 512 كيلوبت؟! الكلام ده غير صحيح بالمرة. لو اتنطط و عمل قرد حتى مش حيقدر يزود سنتوفة على ال 512 كيلوبت.

[medo55]

فعلاُ مش بيبتدوا من الصفر أه، بس كل شركات الإنترنت الي حضرتك ذكرتهم دول سعة الإنترنت عندهم مجتمعه ما تجيش نصف السعه الي موجوده عند تي إي داتا مثلاً.

تي اي داتا عندها سعة انترنت كبيره فعلا بس هي مش بتقدمها لل adsl ,, عندها عملاء كتير مستخدمين leased line وعندهم البنوك والشركات وعندهم حاجات تانيه كتير اهم من انهم يقدمو adsl للشعب , لان اقل خدمه منهم مثلا في ال leased line بتدخلهم في 2 ميجا الفين جنيه في الشهر ,

دا طبعا بخلاف مركز المعلومات بخلاف ماكينات ال ATM بخلاف حاجات كتير بتكسبهم اكتر من ال adsl وهي اصلا الي مساعدها على كدا انها الدراع اليمين للمصريه للاتصالات ,, محتكرة الكابلات الارضيه الوحيده في مصر ( واهلا بيك في المصريه للاتتصالات ,, شبكه واحده بتلم فلوسنا كلنا

[TIMODAX]

سؤال طب يعني اتصالات ادفع 99 جنيه و بعد ما أنزل 100 جيجا بسرعة 1 ميجا أبدء اشتغل كأنيى 256
صح كده
و هل سعر اتصالات 99 جنيه بس زي ما مكتوب هنا..........

[ehab]

النت ال Unlimited خلوه limited

شركات النت عملت حاجة جديدة اسمها سياسة الاستخدام العادل حيث ان لكل مشترك سرعة 512 له 25 جيجا شهريا
طبعا الكلام دا بيلغي كلمة limited
ايه رأيكم
انا عن نفسي معجبنيش الموضوع دا و بعت شكوي للينك ان انا معترض .

[Terrible_DaRsH]

لو يزودوا سعة التحميل شوية يبقي كده العملية زى الفل , لان انا لوحدى بنزل مش اقل من 15 جيجا شهريا و بعمل شير للجيران بكل جديد .

كده لا فى شير ولا يحزنون .

[Ahmed Nouh]

حسبى الله ونعم الوكيل , حسبى الله ونعم الوكيل , حسبى الله ونعم الوكيل

يعنى انا بدفع 140 ملطوش كل شهر علشان يقولى 40 جيجا ليمت كل شهر !!! طيب وايه لزمته بقا يقولو عليه غير محدد لما يشتغلونا ويلفو من الناحيه التانيه يقولو سياسه استخدام عادل

بقينا عاملين زى حلق حوش وكل ده علشان مفيش حد يحمى المستهلك من الشركات والدنيا بقت كلها نصب فى نصب

شويه الحراميه اللى مسميين نفسهم تى اى داتا طبقو نفس النظام والمشتركين يخبطو دماغهم فى الحيط

وخراب يا مصر