اللغه العربيه و اللغه الغريبه

[د-احمد عبد اللطيف]

قالها سعد زغلول و اكررها انا مفيييييييييييييش فايده

انا ارجو ان لا اعيش حتي ياتي اليوم الذي يطلب فيه ابني ترجمه لمعاني القران باللغه الاسكندرانيه لانه لم يعد يفهم القران المكتوب بالعربي المجعلص (كما قال الاخ). وا اسفاه
مع اطيب تحياتي :!: :!:

[meza]

أستاذ أحمد
مش معنى إن إحنى بنتكلم العامية يبقى ده هيأثر على قرائتنا للقرآن الكريم أو اللغة
القرأة ليها قواعد إحنا إتعلمناها فى المدرسة

حضرتك خايف من حاجة مستحيل تحصل فى المستقبل

و مش كل منتناقش فى موضوع اللغة المصرية تحولوا الموضوع للدين

أنا مش شايف أى علاقة حضرتك

و بانسبة حضرتك لسعد زغلول هوا قال "مفيييييييييش فايدة" مقالش "لا يوجد فائدة" :mrgreen:

[CryptonX]

أستاذ أحمد
مش معنى إن إحنى بنتكلم العامية يبقى ده هيأثر على قرائتنا للقرآن الكريم أو اللغة
القرأة ليها قواعد إحنا إتعلمناها فى المدرسة

حضرتك خايف من حاجة مستحيل تحصل فى المستقبل

و مش كل منتناقش فى موضوع اللغة المصرية تحولوا الموضوع للدين

أنا مش شايف أى علاقة حضرتك

و بانسبة حضرتك لسعد زغلول هوا قال "مفيييييييييش فايدة" مقالش "لا يوجد فائدة" :mrgreen:

+100000

kefayana ba2a !

[وائل عطية]

بص يا أستاذ meza
هاكلمك المرة دي بالعامية
أولاً الموضوع ماتحولش للدين ولا حاجة (وإن كنت لا أجد عيباً في هذا)
احنا بنتكلم على مبدأ اعتبار اللهجة المصرية على أنها لغة مستقلة، واحنا مابين مؤيد ومعارض في نقاش مهذب بالحجة وبالإقناع أو الاقتناع، مايمنعش بقى إن الحوارات دي يتم تدعيمها بالاستشهاد من هنا أو هناك
وكلنا بنسبة 100% بنتكلم العامية، بس اعتبارها لغة غير مقبول تماماً (بالنسبة لي) لأنها قاصرة وقد تتسبب في الإضرار باللغة العربية الأم

[meza]

أقول لحضراتكم حاجة

تعالوا نطبق حلم الأستاذ وائل عطية إن كل الناس تتعلم لغة عربية فصحى وتتعامل بيها

هنلاقى الأتى:
صعوبة فى التعامل بين الناس ( حضرتك هتقوللى عشان هما لسه متعلمنها و لسه جديده عليهم ) أرد على حضرتك اللغة العربية صعبة و قواعدها كتيير و تعتبر من أصعب اللغات حضرتك و حتى الناس مش هيستوعبوها بسهولة زى ما بيستوعبوا العامية بالتالى مش هينفع تبقى لغة تعامل بين الناس ....... و على فكرة اللغة العامية المصرية أسهل لغة عامية فى الوطن العربى فتلاقى معظم الناس فى الدول العربية تفهمها بسهولة ( ده طبعاً إلى جانب إنهم كانوا بيتعلموا من الأفلام و المسلسلات المصرية اللى هى سائدة فى الوطن العربى)

تانى حاجة طبيعى فى أى بشر إنهم يتجهوا للأسهل أو التسهيل ........ فبعد حضرتك متعلم جيل مصريين بحالة اللغة و قواعدها و إزاى يتكلموا بيها ...... هتلاقيهم تدريجيا بيغيروا فى اللغة و هيعملوا لغة جديدة إسمها اللغة العامية المصرية ......... و أظن ده مش من مصلحة الغة العربية .........
زى ما حصل مع اللغة العامية ... كل يوم بتتطور عشان تسهل التعامل بين الناس
يعنى مش واحد جه و عمل لغة عامية مصرية ... لأ ده كل المصريين شاركوا فى عملها و بالعكس طوروها عشان تناسب عصرهم و متفقوش إنهم يحافظوا عليها من أى تعديل أو تطوير ...
لكن اللغة العربية إحنا محتاجين نحافظ عليها زى ما هيا بدون تطوير و لا تعديل ولا تسهيل

أتمنى وجهة نظرى تكون وصلت 8)

[الصاوي]

sab3aawy

+99999999999999

[meza]

بص يا أستاذ meza
هاكلمك المرة دي بالعامية
أولاً الموضوع ماتحولش للدين ولا حاجة (وإن كنت لا أجد عيباً في هذا)
احنا بنتكلم على مبدأ اعتبار اللهجة المصرية على أنها لغة مستقلة، واحنا مابين مؤيد ومعارض في نقاش مهذب بالحجة وبالإقناع أو الاقتناع، مايمنعش بقى إن الحوارات دي يتم تدعيمها بالاستشهاد من هنا أو هناك
وكلنا بنسبة 100% بنتكلم العامية، بس اعتبارها لغة غير مقبول تماماً (بالنسبة لي) لأنها قاصرة وقد تتسبب في الإضرار باللغة العربية الأم

مشكلة إن الحوار يتحول للدين ....... إنه بيبقى حوار "جامد" أقصد يعنى صعب التحاور فيه
ده لأن مش كلنا بنفهم ميه ميه فى الدين غير كده ...... هتلاقى اللى يقولك حرام و لا تقل
وطبعاً التانى ميقدرش يرد عليه........ فمش هيبقى الحوار سهل

موضوع اللغة العربية و اللغة العامية
بص يا سيدى
أنا بصراحة شايف اللغة العامية كلغة صعب قوى ترتقى للغة العربية ..... و أكيد كلنا متفقين على كده

تسميتها كلهجة هيكون أحسن زى ال American English .... صحيح هوا مش عامى قوى زى العامية المصرية بس الناس معتبرتهوش لغة رسمية للتعامل مع مؤسسات الدولة فى أمريكا نفسها

ده ليه ؟ لأن ال American English بيحصلوا تطوير و تغيير كل يوم زى ما قلت قبل كده

بالنسبة إنى بقول اللغة العامية المصرية أول اللهجة العامية..... متهايألى إن مفهاش مشكلة...... اللى أقصده هيوصل

طبعا أنا وضحت إنها لا ترتقى إنها تكون لغة بمعنى الكلمة و ده بسبب التغييرات الشديدة اللى بتطرأ عليها كل يوم

[وائل عطية]

يا أستاذ meza
منين جبت الحلم بتاعي دا؟ ياراجل أنا قلت كده برده
أنا معاك طبعاً في إن العامية سهلة، ولكن العربية الفصحى أجمل
لا أستطيع أن أعبر لك عن مدى سعادتي وأنا أُترجم نصاً من لغة أجنبية إلى اللغة العربية، هى مُتعة حقيقية أن أجد نفسي مالكاً لأدواتي في التعبير باللغة العربية :فأُقدم وأُؤخر وأحذف وأقلب وأُحول الجملة الإسمية إلى خبرية وأرفع وأنصب وأُخفي وأُصرح ....ألخ، أفعل هذا لأنقل فكرة النص الأجنبي للقارئ العربي في قالب لغوي خفيف ورشيق
أنا لا أطلب أن نتعامل مستخدمين مفردات المعلقات أو ألفية بن مالك أو مفردات مقدمة بن خلدون
أُوضح فقط أنني معارض تماماً لاعتبار اللهجة المصرية على أنها لغة منفصلة

[الصاوي]

وبالتالى فانا اثق فى كود الأيزو اكثر من ثقتى فى عاطفتى التى كانت ترغب فى ان يكون الشرق الاوسط كله بالفعل يتحدث لغة واحدة،

و انا اثق فيه أكثر من هذا الجدل اللي مالوش معنى الصراحة

[meza]

أستاذى وائل

اللغة العربية لغة جميلة جداً
مش عشان هما كانوا بيقولولنا فى المدرسة لغتنا الجميلة

لأ دى لغة رائعة و راقية جداً

قواعدها هيا اللى محلياها
و صعوبتها ...... بتعمل جو عجيب من التنافس بين اللى بيكتبوا بيها
كل ما تتعلمها أكتر تلاقى نفسك بطلع أساليب جديدة و جميلة و تستخدم كلمات أحلى ......... عمرك ما هتشبع منها

لو قارنت بين اللغة العربية و اللغة الإنجليزية مثلاً . بدوووون تعصب

هتلاقى كمية المترادفات و الأساليب رهيبة فى اللغة العربية
فى حين الإنجليزية بصعوبة تلاقى تلات مترادفات لنفس الكلمة

اللغة العربية دى فن و اللى يتعلمها فنان ........ممكن يرسم بيها لوحة جميلة بشوية كلمات و أساليب متناسقة ..

[meza]

الرد على إعتبارها لغة أو لهجة موجود فى الكلام ده من موقع ويكيبيديا

"Language" vs. "dialect"

As the status of Egyptian Arabic vis-à-vis Classical Arabic (the language of the Qur'an) has political and religious implications in Egypt, many Egyptians consider Egyptian Arabic "only" a dialect. But even though Egyptian Arabic is descended from the Arabic language of the early Islamic Empire, some students of Arabic and linguists may find Egyptian Arabic sufficiently different to be considered an independent language (see Dialect: "Dialect" or "language" and Ethnologue's language identifiers). In general, however, Egyptian Arabic is considered to be one of the many lects which, despite possibly being languages on abstand grounds, are united in a single language by a common dachsprache (Modern Standard Arabic).

To be sure, Classical/Standard Arabic tends to be more conservative in its vocabulary and grammar, while Egyptian Arabic has been more open to influence by other languages, including Egyptian/Coptic (in the main), Greek, Turkish, Persian, Italian and French. There are, however, words peculiar to the Egyptian dialect, as opposed to other varieties of Arabic, that are still ultimately derived from Arabic.

Examples of loanwords:

* Egyptian/Coptic: ادي /iddi/ "give"
* Italian: جمبري /gamˈbari/ "shrimp" (IT gamberi)
* Greek: برتقان /burtuˈʔaːn/ "orange" (GK πορτοκαλί)
* Turkish: أوضة /ˈʔoːdˤɑ/ "room" (TK oda)
* French: چیبة /ˈʒiːba/ "skirt" (FR jupe)
* English: يفاول - فاول /ˈfawwil/ - /jiˈfawwil/ "to foul (in football/soccer)"



-------------------------------------------------------------

"لهجة" أم "لغة"؟

يعتبر العديد من المصريين العربية المصرية لهجة من لهجات اللغة العربية، و ليس لغة مستقلة بذاتها. ولكن يرى بعض طلاب اللغة العربية وعلماء اللغة أن العربية المصرية إنما هي منحدرة من اللغة العربية و مختلفة عنها بما يكفي لاعتبارها لغة مستقلة. و إلى جانب العربية، فقد تأثرت اللهجة المصرية أيضًا بلغات أخرى منها القبطية ، اليونانية ، التركية ، الفارسية ، الإيطالية و الفرنسية ، مثل:

* القبطية:
o إدّي/يـِدّي (= إعطي/يعطي)
o بسة (= قطة)
* الإيطالية:
o جمبري (= روبيان) -- Gamberi
* التركية:
o أوضة (= غرفة) -- oda
* الفارسية:
o أستاذ
* الفرنسية:
o چيبة (= تنورة) -- jupe
* الإنجليزية:
o فاول \ يفاول (= ركلة خاطئة (كرة قدم)) -- to foul

[وائل عطية]

أستاذى وائل

اللغة العربية لغة جميلة جداً
مش عشان هما كانوا بيقولولنا فى المدرسة لغتنا الجميلة

لأ دى لغة رائعة و راقية جداً

قواعدها هيا اللى محلياها
و صعوبتها ...... بتعمل جو عجيب من التنافس بين اللى بيكتبوا بيها
كل ما تتعلمها أكتر تلاقى نفسك بطلع أساليب جديدة و جميلة و تستخدم كلمات أحلى ......... عمرك ما هتشبع منها

لو قارنت بين اللغة العربية و اللغة الإنجليزية مثلاً . بدوووون تعصب

هتلاقى كمية المترادفات و الأساليب رهيبة فى اللغة العربية
فى حين الإنجليزية بصعوبة تلاقى تلات مترادفات لنفس الكلمة

اللغة العربية دى فن و اللى يتعلمها فنان ........ممكن يرسم بيها لوحة جميلة بشوية كلمات و أساليب متناسقة ..

أوافقك تماماً
وبحكم دراستي للفرنسية والإنجليزية أجد أن العربية تفوقهم ثراءً
هو بس الواحد كان عايز إننا نعمل اللي علينا لتحجيم العامية وتهذيبها من غريب المفردات وما أكثرها
سعدت بحواري معك

[meza]

http://ar.wikipedia.org/wiki/%D9%84%D9%87%D8%AC%D8%A9_%D9%85%D8%B5%D8%B1%D9%8A%D8%A9

موقع ويكيبيديا باللغة العربية ممكن يوضح الأمور أكتر


فيه حاجة كمان
الموقع مقالش اللغة المصرية قال اللهجة العامية أو المصرية
أنا مش عارف حضراتكم جبتوا موضوع اللغة المصرية ده منين

بالنسبة لكود الأيزو
ما فى كود أيزو للهجة الجزائرية الخليجية و المغربية ........ بس دول مش لغات . كلهم لهجات مشتقة من لغة واحده

[PRO-DRIVE]

يعني بعد كداا نقدم الطلبات الرسميه كدا

البشمهندس اللي حيقرا كلامي

سلامو عليكم صبح يا عم

كان في موضوع كدا عاوزك تأشرلي عليه ان الواد اخد مني مفتاح العربيه و انا في الدور الساتت و ابن الايه جري و مرجعهاش
يادي النيله شوف بقي دلوقتي انا عاوزك تكتبلي ورقه اظبط بيها مع الاسم ( القسم ) عشان يظبطولي محضر


^^^^^ الكلام مش من عندي دا واحد صاحبي مصري هو اللي كاتبه PDT_038 PDT_038 PDT_038 PDT_038

و برضه محدش قالي ايه الفايده من اننا نصبح لغه مصريه

و بلنسبه لاستاذ سبعاوي موضوع البحرين و التأشيرات و كدا
دا ناتج لفروقات سياسيه كبيره لكن شوف كل مواطنين دول مجلس التعاون لا يحتاجون اي تأشيره لدخول اي دوله خليجيه او عربيه :mrgreen: :mrgreen:

;) ;) ;)

[meza]

كالعادة فإن الغربيين قد سبقونا حتى فى هذا فتعريفهم للغات اوسع وادق من تعريفنا لها، فكود التخاطب بالنسبة لنا يصنف الى لغة ولجهة ، اما فى المراجع العلمية الغربية فهم ينصفون اكواد التخاطب الى لغة ضامة macrolanguage ولغة مشتقة sub-language ولهجة dialect K واللغة العربية تعتبر لغة ضامة ينحدر تحتها العديد من اللغات المشتقة منها الفصحى المعاصرة standard arabic ومنها المغاربية ومنها لغة نجد ومنها المصرية

أنا عاوز أسأل حضرتك يا أستاذ سبعاوى بما إن حضرتك عارف الموضوع أحسن منى

فى موقع ويكيبيديا لقيتهم كاتبين لهجة مش لغة
و بناء على كده أنا قلت المصرية مش لغة

فهل حضرتك نعتبر العامية المصرية sublanguage ولا dialect ؟

لأن حضرتك مش هينفع تبقى لغة .... صعب قوى

أنا مستنى رأى حضرتك :-)