إعـــــــلان

Collapse

.

,
See more
See less

اول يوم دراسة وخناقة وحقد من الدكتور طيب ليية.........

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #1

    اول يوم دراسة وخناقة وحقد من الدكتور طيب ليية.........

    انا اول يوم دراسة كان يوم الاربع الى فات بعد ما قرار المعادلة وصل والمهم هاحكيلكم الى حصل

    الصبح والدى كان بيوصلنى بالعربية وفضلت انا وهوة قدام باب المعهد فى العربية نتكلم شوية قبل ما انزل والعربية كانت شغالة لان والدى كان ماشى علطول المهم واحنا بنتكلم لقينا واحد محترم (شيخ وبدقن كبيرة بس مش دى المشكلة ) بيبص لوالدى وبيقول حسبى الله ونعم الوكيل ومشى وبصيت لبابا وباقولة تعرفة ؟؟؟ قالى انا اول مرة اشوفة وخلصنا كلام ودخلت المعهد
    وكان عندى اخر محاضرة فيزياء ودخلت والكارثة (لقيت الدكتور هوة نفس الراجل الشيخ) المهم قعدت وهوة كان بيقول مقدمة عن اول الدراسة والاهتمام بالصلاة وكلام حلو وفجأة قلب على المبذرين وقالنا انا هاحكيلكم فصة حصلتلى الصبح
    قال وانا داخل لقيت واحد ومعاة ناس فى عربية جيب (الى هما احنا ) وبيتكلموا فى العربية والعربية شغالة ومشغلين اغانى ودول ربنا هايحاسبهم حساب عسير لانهم راكبين عربية بتصرف بنزين بمرتب اسرة كاملة (لان العربية 6 سلندر) و....
    وبحركة لا ارادية
    لقيت نفسى وقفت وقلتة دكتور محمد
    قالى نعم قلتلة انا ووالدى الى كنا الصبح فى العربية الى حضرتك اتحسبنت فى وشهم النهاردة الصبح ولعلمك العربية اصلا مافيهاش كاسيت علشان نشغل اغانى زى ما حضرتك بتقول..
    قالى انت هاتكدبنى انا سامع الصوت الى جايب لاخر الشارع..ولسة هايكمل
    قلتلة حضرتك دى عربيتى من 5 سنين وعارفها زى ما انا عارف ان حضرتك الدكتور الى بتشرحلى ومتاكد ان العربية مافيهاش كاسيت بس متاكد انك بتتكلم على عربيتنا مش واحدة شبهها
    وفجأة قطع الموضوع و
    قالى طيب سيبك من دى تقدر تقولى اية الى هايحصل لو اشتريتوا عربية موفرة فى البنزين دة حتى المبذرين كانوا اخوان الشياطين ؟؟؟
    قلتة هوة حضرتك العربية مضايقاك فى حاجة زى ماحضرتك معاك تليفون i mate تمنة بتمن مقدم شقة وربنا يباركلك فية احنا كمان عندنا العربية دى وربنا يباركلنا فيها
    قالى وانت اية دخلك فى التليفون بتاعى انت هاتبصلى فية
    قلتة نفس دخل حضرتك فى موديل عربيتنا
    قالى طيب هات الكارنية بتاعك (اديتلة البطاقة) وقالى استنانى فى مكتب الوكيل

    وكلمت والدى ووجالى فى المعهد وقعدت معاة وقلتة على الى حصل ودخلنا للعميد وحكينالة الموضوع وجاب الدكتور وقالة انة هوة الى غلطان والمفروض يدخل يشرح مش ينتقد الناس
    والدكتور قالة هوة مين الى هايعلمنى شغلى
    فالعميد رد علية وقالة ضميرك الى هايعلمك
    والعميد اعتزر وقال انا هاتابع بنفسى الحضور والغياب والدرجات بتاعتى علشان الامانة والراجل كان محترم جدااا وقال انة لسة دكتور جديد وكدة ومفيش مشاكل ورحت المحاضرة بتاعتى والدكتور كان نفسة يموتنى .....
    وعلى فكرة انا فى معهد العاشر فرع اكتوبر والدكتور اسمة محمد السيد بيدى فيزياء وميكانيكا تقريبا هوة جديد لسة السنة دى

    انا كتبت الموضوع دة علشان اقولكم الى حصل معايا لانة بجد موقف بايييخ اوى من واحد فى مركزة دة بس فى الاخر حسيت انى عرفت اتكلم مع واحد عندة عقدة النقص
    [CENTER][B] :penguin4: [/B][B][SIZE=4]
    [/SIZE][/B][/CENTER]
    الكلمات الدلالية (Tags): 20, 2007, 2008, 2009, 40, 405, 50, font, tires, أجيب, احنا, الاخر, البنزين, الجديدة, الدكتور, الفئة, الي, ام, انا, انى, اول, بجد, بدون, بس, بنزين, بين, حل, خاص, دايو, دراسة, دول, دى, سير, شار, شرح, صوت, طريقة, طيب, عربية, عرض, على, عن, عندى, في, فيات, قطع, قلب, كاسيت, كل, لانسر, ما, مرتب, مركز, مشاكل, مشكلة, مصر, مصمم, مع, من, موديل, موضوع, مين, نار, نوبيرا, نور, هو, وانت, وحقد, وخناقة, وكيل, يا
  • #2
    ممكن بس تحذف اسم الدكتور واسم المعهد لان ده يعتبر اساءة ليه وهو لا يستطيع الرد عليك
    خلي موضوعك معمم بحيث ينطبق على اي شخص لا يعرف قيمة مكانته وبلاش حقد من الدكتور دي
    اولا ممكن يكون كان فيه عربية تانية مشغلة الاغانى وهو افتكرها عربيتكم
    صانيا المفروض انت وبابا كنتم تخلصوا كلامكم قبل ما توصلوا المعهد وحتي لو فيه كلام مكانش صح انكم تقفوا بالعربية امام باب المعهد يعني كان ممكن بعد الباب بشوية او قبله بشوية مش في مدخل المعهد لان ده ايذاء للاخرين
    [SIGPIC][/SIGPIC]

    Comment

    • #3
      hahahaha....what a hypocrite...he has an imate and makes fun of you because you have a Jeep....

      his cellphone is worth 4 month or so salary for the average person

      dont get too mad.....

      a lot of people like to show off and make problems from nothing

      and he is talking about religion and all....but in islam it tells you to not talk about people and not make stories about them.....

      and how we should say hamdullah and not give them an eye (3een el hasad)

      the guy probably is me3akad...lol....

      Comment

      • #4
        هههههههههههههه
        هما دول دكاتره معهد العاشر
        انا فى معهد العاشر اللى فى العاشر و فى دكاتره تمااااااااااااااام
        و لو احتجت اى حاجه انا فى الخدمه
        انا دفعه 2006
        [CENTER][SIZE=7][B][COLOR=Blue]على رأى أبو مروى
        ان لم تكن ذئبا أكلتك الذئاب[/COLOR][/B][/SIZE]
        [LEFT][COLOR=Magenta][B][SIZE=4]Eng/ Muhammad Hamdy
        [/SIZE][SIZE=4]civil engineer[/SIZE][/B][/COLOR]
        [CENTER]
        [/CENTER]
        [/LEFT]
        [/CENTER]

        Comment

        • #5
          مين الرجل ده :) :) ..

          امال لو شاف s 500 هيروح يفجرها ولا ايه !!

          انا حصل لى موقف شبيه فى سنة اولى و مكنتش اعرف بقي الدكتور و شتمته انا وواحد صاحبي قدام 1000 طالب :) :) ..

          Comment

          • #6
            ياريت تشيل اسمه فعلا
            وكمان حاول متشدش مع الدكاترة علشان دول محدش بيقدر عليهم جوا التعليم وبيحابو لبعض
            [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
            [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
            [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
            [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

            [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

            Comment

            • #7
              cairo2005
              حضرتك انا كتبت اسم المعهد واسم الدكتور علشان يبقى كلامى صريح ومش مجرد كلام
              وغر كدة انا ووالدى كنا واقفين قبل الباب بحوالى 50 متر وفى الباركنج وهوة كان راكن جنبنا يعنى مش قدام المعهد بالمعنى يعنى انى قدام الباب مباشرة
              وماكانش فية غير 3 عربيات واقفة احنا وعربيتة لانسر وعربية دايو نوبيرا مافيهاش حد فى الباركنج وهوة اكيد يقصدنا لانة اتحسبن فى وشنا الصبح واحنا اساسا ما نعرفهوش
              وشكرا ليك


              egyptianmafia
              thx to you


              eng/muhamad
              شكرا ليك وربنا يخليك ولو احتجت اى حاجة ان شاء اله هاقولك

              Terrible_DaRsH
              ههههه دة حتى عربيتنا موديل 97 ومخبوطة من قدام ههههههه

              ahmed4000
              شكرا ليك بس انا زى ماوضحت انى كتبت اسمة علشان كلامى يكون اكيد مش مجرد قصة وبس وربنا مايجيبش مشاكل معاهم بس هوة الى افترى علينا وقال اننا كنا مشغلين اغانى وبصوت عالى (دة كل الى كانوا موجودين 3 عربيات ومفيهمش حد)
              [CENTER][B] :penguin4: [/B][B][SIZE=4]
              [/SIZE][/B][/CENTER]

              Comment

              • #8
                معقول في ناس معقدة بالطريقة دي
                ياريتك كنت رديت علية قلتلة انت راكب لانسر ليه مكنت تركب عربية فيات قديمة و خلاص
                [CENTER][SIZE="2"][B][FONT="Comic Sans MS"]عضو 6 ابريل و افتخر !

                6 Of April Member & Proud ! [/FONT][/B][/SIZE][/CENTER]

                Comment

                • #9
                  اوعى تخاف منه ودايما صده وخليك واثق فى نفسك وولا يقدر يعملك اى حاجه
                  ومعلش قول حسبى الله ونعم الوكيل

                  Comment

                  • #10
                    Ezzat-fayek

                    انا مش هاقولة العربية لانسر ولا حاجة لانها عادى مش صعبة اوى ما هوة التليفون بتاعة i mate (اللهم لاحسد ولا حقد انا مش قصدى حاجة ) بس الاولى انة كان يبدا بنفسة قبل ماينتقد الموديل بتاع العربية

                    KSA2011

                    شكرا ليك انا مطمن جدا لان العميد قالى انا ووالدى انة هايتابعنى بنفسة علشان الدكتور مايعملش معايا حاجة فى الدرجات وقالى انة هايتاكد من حضورى وتصحيح الورق بتاعى بجد راجل محترم لو كل الناس كدة زية التعليم فى مصر هايكون حاجة حلوة اوى
                    [CENTER][B] :penguin4: [/B][B][SIZE=4]
                    [/SIZE][/B][/CENTER]

                    Comment

                    • #11
                      هو دة التدين البلاستيك اللى كان بيتكلموا علية فى الجرايد من كام يوم
                      الاستاذ ناقد كل تعاليم الاسلام مع انة شيخ و بدقن ذى معظم الناس دلوقتى
                      اتحسبن على ناس مأذيتهوش فى حاجة
                      * * * * *
                      بيتكلم على ناس تانية غيبة
                      * * * * *
                      ينشر البغض و الكراهية بين الزملاء لييييييية ممكن يكون واحد زميل صاحب الموضوع بسيط و متواضع كدة بسبب الدكتور دة نشر العداء الخفى بينة و بين صاحب الموضوع

                      لا حول ولا قوة الا بالله
                      تم حذف الإساءات المباشرة
                      مشرف عام .4
                      اللى حيضيع بلدنا : الفهلوة و كلمة باشا و معلش و أصل


                      [SIGPIC][/SIGPIC]

                      Comment

                      • #12
                        معلش ممكن اعرف اسم العميد بتاع فرع اكتوبر
                        [CENTER][SIZE=7][B][COLOR=Blue]على رأى أبو مروى
                        ان لم تكن ذئبا أكلتك الذئاب[/COLOR][/B][/SIZE]
                        [LEFT][COLOR=Magenta][B][SIZE=4]Eng/ Muhammad Hamdy
                        [/SIZE][SIZE=4]civil engineer[/SIZE][/B][/COLOR]
                        [CENTER]
                        [/CENTER]
                        [/LEFT]
                        [/CENTER]

                        Comment

                        • #13
                          حط نفسه بنفسه في موقف وحش و صغير قوي..
                          أنت سيبك منه و دايما إبتسم إبتسامة ثقة لما تشوفه ..
                          هاتلاقيه بيصاب بحالة من التقلص و الشرنقة و يرجع لعقله ..
                          Tyler_durden سابقا
                          المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                          Comment

                          • #14
                            رأيي الشخصي انك تتفوق في المادة دي وتركز عليها في المذاكرة وتحضر محاضراتك ولما تشوف الدكتور او تقابله عامله بطريقة محترمة ولا كأن حصل حاجة , لأنك مش من مصلحتك انك تعادي الراجل وهتلاقيه مع الوقت هيتعامل معاك كويس ..
                            ودايما اتعامل بمنطق ان من أرضى الله بسخط الناس رضي الله عنه وارضى عنه الناس .
                            [CENTER][SIGPIC] [/SIGPIC][/CENTER]

                            Comment

                            • #15
                              ashouhdy
                              مفيش كلام بعد كلام حضرتك


                              eng/muhamad
                              اسمة شهير تقريبا

                              Tyler_Durden
                              كفاية ان الطلبة حاطة فى دماغها انة كداب وهو السبب
                              [CENTER][B] :penguin4: [/B][B][SIZE=4]
                              [/SIZE][/B][/CENTER]

                              Comment

                              السابق 1 2 3 4 5 template التالي
                              Working...
                              X