اول يوم دراسة وخناقة وحقد من الدكتور طيب ليية.........

[Pharaoh]

الغريب كمان انه دكتور فيزياء وداخل فى اول محاضرة يتكلم عن الصلاة
كلام جميل جدا
بس فى اول محاضرة فيزياء؟؟؟
وكمان واضح ان وقت كبير من المحاضرة بيضيع لانه كان بيحكى مثال عن الجماعه اصاحبنا هنا
خلط الاوراق والامور وتداخل كل شىء فى كل شىء هو اللى بيجينا ورا

[eng.octooo]

karaktar

شكرا لردك وعلى فكرة انا حاسس ان عندة عقدة نقص يعنى لما بيبص لاى طالب بيبصلة كدة باحساس الحرمان مش عارف لية

r0xer

شكرا ليك وعلى فكرة انا مكانش قصدى انى اعمل معاة مشكلة خالص دة لدرجة انة لما اتحسبن علينا الصبح انا مافكرتش ارد علية حتى قلت فى بالى يمكن والدى يعرفة ولا حاجة وبعد ما سالتة وعرفت انة مايعرفهوش قلت يبقى كان بيكلم نفسة

aymansaad

يارب ....ربنا يسترنا كلنا بس عموما انا مطمن لان العميد اكدلى انة هايتابعنى شخصيا فى المادة دى وقالى لو حسيت انك مظلوم تعالا وانا هاتصرف

ecybrarian

شكرا لردك ونصيحتك وانا قلتلة ("قلتة نفس دخل حضرتك فى موديل عربيتنا") كان قصدى بيها انى ارد على كلامة بنفس طريقة كلامة معايا

احب انك ماتكلمش الوالد إلا بعد أن تتأكد تماما من وصولك إلى طريق مسدود مع الإدارة

انا بجد ماكنتش ناوى اكلم والدى خالص بس وكيل المعهد قالى لو ينفع والدك يكون موجود علشان يشوف الدكتور ويتاكد من انة الى اتحسبن الصبح علشان مانظلمهوش فقلتلة حاضر وكلمتة
وشكرا لرد حضرتك


Pharaoh دة ياريت اتكلم عن الصلاة بس دة اتكلم عن الماتش بتاع يوم الثلاثاء (ماليش فى كورة ) وقعد يتكلم عن اشاعة فضيحة نور الشريف

وعن ظاهرة الاعلانات الى فى التلفزيون ووصلت للقنوات الدينية
هوة عموما لما دخل قال ان دى اول محاضرة وعاوز يعرفنا بنفسة ويقلنا خطتة للسنة الجديدة والشرح من المحاضرة الجاية
وشكرا على اهتمامك

[dr-mohamed]

هو دة التدين البلاستيك اللى كان بيتكلموا علية فى الجرايد من كام يوم
الاستاذ ناقد كل تعاليم الاسلام مع انة شيخ و بدقن ذى معظم الناس دلوقتى
اتحسبن على ناس مأذيتهوش فى حاجة
حقود
بيتكلم على ناس تانية غيبة
كدااب
ينشر البغض و الكراهية بين الزملاء لييييييية ممكن يكون واحد زميل صاحب الموضوع بسيط و متواضع كدة بسبب الدكتور دة نشر العداء الخفى بينة و بين صاحب الموضوع

لا حول ولا قوة الا بالله

يا اخي اتقي الله شوية في كلامك مرة سبيت كل اللى مربي دقنه وقلت ان معظمهم يتناقضون مع تالعليم الاسلام رغم انهم شيوخ وبدقن
ومرة تانية وصفت الدكتور بانه حقود وكداب هل تعرفه علشان توصفه بالاوصاف دي ؟
لمجرد موقف مع واحد وقال عليه وصفت الراجل بصفات اعتقد ان لو حد ميعفكش وصفك بيها لمجرد ان واحد اختلف معاك وقال قصة خلافه معاك هتزعل جدا

الدكتور دة نفس دكتور عندنا فى عين شمس ربنا يهديهو اسمة محمد جلال صالح بتاع محاسبة اللى كانوا فى عين شمس اكيد ها يعرفوة دة لازم يعرفوة المهم دة بئى مش حقد دة متكبر جدا بخش المحاضرة عشان يعمل حاجتين انو يلم الموبيلات من الطلاب وشتم فينا ويحسسنا اننا ولا حاجة والدنيا مفيهاش حد غيرة دا وصلت بية الجراءة انو شتم الجامعة كلها من كبيرها لصغيرها قال (اسئلو اى كلب ماشى فى الجامعة من كبيرها لصغيرها ها يئولك على مكتبى ) فاتوقع اى حاجة من دكاترة الجامعة

كمان دكتور اتشتم واتحدد هو مين وبالاسم والمكان يا ريت اللى يقول موقف ميحددش الاشخاص الا لو كان تحديدهم له فائدة في الموضوع اما سب الناس بدون ما يكون ادامهم فرصة يدافعوا عن نفسهم فمتهيالي مش مقبول
وانه يلم الموبايلات من الطلبة بدون سبب متهيالي مش هيحصل لانه مش هيدخل يلم موبايلات الفين طالب في المدرج هو اكيد بياخد موبايلات الطلبة اللى بترن في المحاضرة او اللى بيتكلموا فيها في المحاضرة وده حقه وممكن كمان يحولك لمجلس تاديب يا سيدي ايه رايك ولو مش مصدق روح اسئل موظف الشئون القانونية في كليتك وشوف هيقولك ايه
وانه يشتمكم فطبعا انا بعترض على الشتيمة وفي نفس الوقت لا يمكن هيشتم من غير سبب يعني تصرفه بيكون رد فعل لافعاال الطلبة
ويعني ايه يتوقع اي حاجة من دكاترة الجامعة مش هما دول اللى بيعلموك انت وهو دلوقت بقوا وحشين اوي وحقودين وكدابين ووووو باقي الشتايم اللى شتمتوهم بيها

ربنا يكتر من أمثال الشباب اللي زيك يامعلم واللي بيقول للأعور في وشه أنه اعور!

اما الدكتور فهو واحد من الملايين اللي انتشرت وبقى كل همها انتقاد الدين لمجرد انه ربى دقن واتحداه يقولي شروط الوضوء اصلا!

يعني ايه انتقاد الدين الناس قالت الجملة دي اكتر من مرة من غير ما يكون استخدامها مفهوم متهيلاي تقصدوا انتقاد غير المتدينين ولا انا غلطان ؟
وبعدين بتتحدي وكلك ثقة ان الدكتور صاحب الدقن مش عارف شروط الصلاة ما يمكن يكون افضل مني ومنه ومنك ومننا كلنا عند ربنا انت عرفت الراجل علشان تتحدي بالثقة دي

[بحري]

لو حضرتك مكنتش قلت اسم الدكتور كنا سنسلم بصحة الواقعة حيث أنك لا تتهم أحدا بعينه ، ولكن طالما حضرتك ذكرت اسمه ووصفه يبقى خلينا نقول الآتي
(بفرض صحة كلام حضرتك)
فإن الدكتور كده يبقى غلطان مائة في المائة لأن شراؤكم لسيارة جيب مثلا ربما كان لاحتياج معين كسفر مثلا أو استخدام شاق للسيارة فلا يكون الأمر تبذيرا
وسواء كان تبذيرا أم لا فلا يصح منه الاعتراض عليكم ونصيحتكم بهذه الطريقة
ثانيا كلمة (حسبنا الله ونعم الوكيل) كلمة عادية لو فكرت في معناها أو لو فكر هو في معناها، فلا يشغلك هذا الأمر، بعض الناس تظن أن هذه صيغة دعاء على الغير والأمر ليس كذلك، الناس تقولها بنبرة هجومية ولكن هذا أمر لا معنى له في الحقيقة
ثالثا هو تكلم بكلام غير صادق في المحاضرة بخصوص السيارة وبالتالي فهذا يعتبر كذبا لا يجوز سواء كان قائله ملتحيا أم لا ويزيد الأمر إثما إذا كان الفعل ممن يظن الناس به الصلاح وقد يفتنوا بفعله

أخيرا وهذه نصيحة مني لك أرجو أن تتقبلها بصدر رحب
بفرض أن الدكتور كذب في المحاضرة بخصوص سيارتكم وكمان قال إنكم كنتم حاطين معاكم تنين في العربية والتنين كان بيطلع نار من بقه
فهو في نهاية الأمر لم يقل للطلبة إن العربية دي كانت بتاعة فلان وراكبها فلان زميلكم، يعني هو حكى قصة عامة بدون تحديد أسماء، فإيه اللي يخليك إنت بقه تقوم تقول إن العربية دي بتاعتنا وكذا وكذا وبعد كده الموضوع يتحول لتوبيك في المنتدى
يعني كان ممكن تعديها طالما لم يتعرض لك شخصيا بإهانة وآهي حاجة من جملة الفشر اللي مالي المجتمع وكان ممكن تنصحه بينك وبينه بدل الشوشرة دي كلها ومشورة الوالد وسحب كارنيهات ودخول في تحديات ملهاش لازمة، ولو كانت كلمة حسبنا الله ونعم الوكيل ضايقتكم كنتم ممكن من الأول تندهوله ساعتها وتستفهموا منه إيه اللي تاعب نفساوياته
ولو فكرت شوية كان ممكن تقول إنه ممكن كان يقصد عربية تانية غير عربيتكم وشافها قبلها مثلا وهو داخل..يعني ممكن تكون الصورة كده

تقبل تحياتي

[dr-mohamed]

عين العقل يا بحاري
انت فين من زمان طمني عليك يا راجل

[ams]

الجميل : انك واثق من نفسك و بتدافع عن رايك و ليك وجهة نظر
الوحش: انك بتكلم استاذك تانى استاذك بندية ده شىء لا يصح ، و ان كان الرجل اخطأ فهو لا يزال اكتر منك علما و عملا و اكبر سنا

[maka]

فكرتنى برئيسة القسم بتااعى فى الكلية كانت ناوىة تشيلنى السنة غدر ,

بس طالما معاك الحق متخفش من حد

[eng.octooo]

الاخ والعضو cairo2005
انا عاوز اوضحلك كام نقطة
1-ان العضو ashouhdy اتكلم بناء على كلامى وان اى حد (الدكتور ) يعمل تصرف زى دة فيجوز وصفة باكتر من صفة سيئة لانة معلش مش هايكون كويس مع حد ووحش مع حد تانى

2- ان العضو mazd اتكلم عن الدكتور محمد جلال على اساس تصرفاتة وخصوصا انة شتم (مش لازم اكتبها) لو واحد قريب حضرتك فى كلية عين شمس والشتيمة دى حصلت قدامك انت ممكن تقول اية ؟؟؟؟؟ ولما كان بيتكلم عن دكاترة الجامعة انا متاكد ان قصدة الى معندهمش ضمير واكيد مش كلهم واى مهنة فيها الكويس و الوحش

3- ان العضو r0xer كان بيتكلم عن الناس الى عاملة الدقن دى شكل بس مش بتطبع تعاليم الدين وعندك حق ممكن يكون احسن منى ومنك عند ربنا سبحانة وتعالى وهوة بيقصد بمعنى انتقاد الدين انة فية ناس بتنتقد الحلال والحرام لابعد الحدود زى الى يقولك العربية والكمبيوتر بدعة دول الفئة الى هوة يقصدهم


انا على فكرة ماعرفش ashouhdy وmazd وr0xer معرفة شخصية علشان ادافع عنهم بس كلامهم واضح جدااا ومش محتاج معرفة

الاخ والعضو ba7ary

انا متقبل كلامك بس كنت عاوز اقول حضرتك حاجة
دلوقتى لما مايكونش فى الباركنج الساعة 7 ص غير 3 عربيات بسسسس وعربيتنا بس كانت جيب وييجى واحد ويقول حسبى الله ونعم الوكيل ويمشى عاوزنى انزل واعملة اية اضربة مثلا ؟؟؟؟ ولا اسيبة يمكن مايقصدنيش (لحد دلوقتى ) اما لما يدخل المحاضرة ويقول نوع العربية ويبتدى يسىء دة لازم يقف عند حدة واحب اشبة الموضوع ليك بمثل
لو انت عربيتك جيب وانت راكنها تحت البيت وقاعد فيها وسمعت ناس بتتكلم وتقول ان العربية الجيب الى كانت واقفة تحت بيتك دى كان فيها واحد بيدخن مخدرات و..... وانت متاكد انة تحت بيتك ماكانش فية غير عربيتك بالمواصفات دى هاتقدر تقبلها على نفسك؟؟؟ (انا عن نفسى مستحيل) والساعة كانت 7 ص والمعهد فى الحى ال3 فى اكتوبر يعنى المكان كان فاضى جدااااااا

وانا كتبت التوبيك دة علشان انا اعتبرت المنتدى دة اصحابى وكلنا بنساعد بعض ونتبادل الاخبار والمنتدى دة اسمة الاجتماعى يعنى لو لغينا المواضيع الاجتماعية الى زى دى يبقى مافيش اى لازمة علشان نخلى المنتدى الاجتماعى
يعنى لو حضرتك حصل معاك مشكلة فى الشغل مش هاتحكيها لاصحابك والمعارف فى وقت الفراغ معاكم .....ولا واحد منهم هايرد ويقولك واية لازمة انك تتكلم فى حاجة زى دى ...

ياريت حضرتك تتقبل كلامى

وانا اسف لو كلامى دة جرح حد وانا ماقصدش بس انا كتبت الى حصل معايا وحددت اسم الدكتور علشان محدش ييجى ويقولى انت بتالف قصة اما كدة اى حد فى المعهد او يعرف حد فى المعهد ممكن يأكد كلامى وانا بجد اسف لو قلقت حد بكلامي

[eng.octooo]

ams

شكرا لكلامك بس انا مقدرتش استحمل كلامة دة والمفروض انة كمان كان يحترمنى علشان احترمة

maka

شكرا ليك وصحيح طول ما الحق معاك متخافش

[Eng.Sameh]

للأسف الشديد .. الحقد والحسد اصبح ظاهرة شديدة الأنتشار في الفترة دي .. والغريبة انه موجود عند ناس في كل الفئات ، يعني مش بس الفقراء ، كنا نقول ماشي ، لكن ده انت دلوقتي بتلاقي كتير قوي ناس معاهم وربنا ديهم يمكن اكتر من اللي عندك ولكن تجد منهم الحقد الذي ربما لا يستطيعون حتى اخفائه وكذلك الحسد الذي انتشر بشكل خلى الواحد بقه خايف يمشي بعربيته وخايف يفتح اللاب قدام حد وخايف يلبس شيك وخايف حتى يحلق دقنه ، حاجة بقت تقرف والله

[dr-mohamed]

مرة تانية يا اخي المنتدي الاجتماعي فعلا علشان نفضي فيه همومنا بس في نفس الوقت لو قلت اللى حصل من غير ما تقول اسم الدكتور والمكان محدش كان هيقولك انت كداب ومحصلش لان الصدق مفترض في الجميع الى ان يثبت العكس
ثانيا انت كدة حددت الراجل من غير ما يقدر يدافع عن نفسه ويا ريت اي موضوع فيه موقف يبقي من غير زكر اسماء الاشخاص الا لو كانت ضرورية زي ما قلت
ثالثا زي ما بحاري قال لو كنت سكت متهيالي محدش كان هيجي بعد المحاضرة ويشاور عليك ويقول ده اللى كان راكب العربية
رابعا انت روايتك للاحداث غير دقيقة لانك في الاول قلت انك انت ووالدك كنتم قاعدين في العربية امام باب المعهد ولما قلت لك انكم غلطانين قلت انكم كنتم في الباركينج بعيد عن باب المعهد ب50 متر يبقي طبيعي انى افترض ان فيه حاجات تانية انت مقولتهاش او موضجتهاش بشكل جيد
والعضو اللى حدد اسم دكتور التجارة قال واقعة وحدد الاسم والمكان بالتفصيل وقلنا بردو يا ريت بلاش تحديد الاسماء لان كدة الموضوع بيتحول لنقد لشخص بعينه بدل ما يكون نقد لتصرف او سلوك
وانا وضحت اني برفض تماما ان دكتور الجامعة يتعامل مع طلبته بالشتيمة او اي اسلوب يقلل من كرامتهم
وان الدكتور اي كلب معدي عارف مكتبي فين ممكن يكون يقصد بيها اشخاص معينين لهم عيون في المحاضرة فيه حاجات كتيرة جدا انت متعرفهاش عن الجامعة من الداخل بعيدا عن المحاضرات وممكن الدكتور يكون قاصد اشخاص معينين انا شايف انهم يستحقوا الوصف ده فعلا
تحب اقولك مين ؟
الامن والطلبة اللى بيشتغلوا مع الامن اللى كل شغلتهم يقعدوا وسط المحاضرة وينقلوا كل كلمة بيقولها الدكاترة وبيسجلوا لهم كمان ودي حاجة تخنق بجد الدكتور رايح يدي علم مش رايح يتراقب
بقولكم ايه متقلبوش المواجع ورجاء مرة تانية تحذف اسم الدكتور والمعهد والاخ بتاع تجارة كمان يحذف اسم الدكتور

[بحري]

أخي الفاضل eng.octooo
الموضوع بسيط إن شاء الله
وإحنا هنا في الاجتماعي عشان نسمع من بعض ونحكي مع بعض وبرضه ننصح بعض ونفيد بعض وكله بعض بعض بعض، وأنا مش معترض إنك تتكلم هنا على موضوع حصلك ولكن أنا شايف إنك كبرت الموضوع شوية وكان ممكن يعدي أسهل من كده بكتير

اللي أنا قلته ببساطة إنه لو صحت روايتك للأحداث وكانت دقيقة فالأمر كالتالي

١- الدكتور غلطان بكل المقاييس
٢- كان ممكن تكلمه ساعة ما قال حسبنا الله ونعم الوكيل طالما الكلمة والتصرف ضايقوك وأنا مقولتش إنك تنزل تضربه
٣- طالما الناس اللي قاعدة مش فاهمة إن حضرتك اللي مقصود بالكلام كان الأفضل إنك تعدي بحكمة وتكلمه بينك وبينه بدل المشاكل

والمثال اللي حضرتك ضربته بعيد شوية لأن التهمة اللي الراجل اتهمك بيها مختلفة، هو قال إنكم مبذرين ودي مسألة نسبية، وقال إنكم معليين الكاسيت ودي لا تعتبر جريمة زي المخدرات فالموضوع مختلف شوية

تقبل تحياتي
أخوك
أحمد بحري

عين العقل يا بحاري
انت فين من زمان طمني عليك يا راجل

ربنا يكرمك يا أخي الفاضل، أنا والحمد لله بخير ونعمة، يارب تكون بخير وبرضه الأمورتين الحلوين يكونوا في أحسن وأسعد حال

[eng.octooo]

justs

شكرا لردك وبجد الواحد بقا خايف من اقرب الناس لية


cairo2005

انا احترم كلامك بس لو حضرتك شفت المعهد هاتلاقى ان جنب المعهد فية مكان صحراء كدة ودة قصاد الباب المخصص للدكاترة والمكان الصحراء دة الناس عاملاة باركينج يعنى لو انت راكن فى مكاننا هاتلاقى ان باب المعهد قصادك على طول بس بيبعد حوالى 50 متر (عرض الشارع+الباركينج+الجنينة)
ولو حضرتك شفت المكان هاتعرف قصدى
وانا لو كنت عاوز ادارى حاجة ماكنتش كتبت الموضوع اصلا

وحتى لو دكتور التجارة كان يقصد حد معين باقى الناس الى اتشتمت مالهاش اى ذنب انها تتهان حتى ولو بمعنى مختلف وشكرا لاهتمامك

[eng.octooo]

أخي الفاضل eng.octooo
الموضوع بسيط إن شاء الله
وإحنا هنا في الاجتماعي عشان نسمع من بعض ونحكي مع بعض وبرضه ننصح بعض ونفيد بعض وكله بعض بعض بعض، وأنا مش معترض إنك تتكلم هنا على موضوع حصلك ولكن أنا شايف إنك كبرت الموضوع شوية وكان ممكن يعدي أسهل من كده بكتير

اللي أنا قلته ببساطة إنه لو صحت روايتك للأحداث وكانت دقيقة فالأمر كالتالي

١- الدكتور غلطان بكل المقاييس
٢- كان ممكن تكلمه ساعة ما قال حسبنا الله ونعم الوكيل طالما الكلمة والتصرف ضايقوك وأنا مقولتش إنك تنزل تضربة
انا كنت فاكرة يعرف والدى ولا حاجة او كان بيكلم نفسة فمكانش ينفع انزل اكلمة قبل ما اسال والدى
٣- طالما الناس اللي قاعدة مش فاهمة إن حضرتك اللي مقصود بالكلام كان الأفضل إنك تعدي بحكمة وتكلمه بينك وبينه بدل المشاكل
بس زى ماهو اتكلم قدام الناس وكدب بين الناس لازم كل الناس تعرف انة كان بيكدب عليهم ولو انا اتكلمت بينى وبينة كان ممكن يعملى مشكلة ومحدش كان هايقدر يثبت كلامى اما كدة المدرج كلة شاهد على الكلام الى قلتة لية
والمثال اللي حضرتك ضربته بعيد شوية لأن التهمة اللي الراجل اتهمك بيها مختلفة، هو قال إنكم مبذرين ودي مسألة نسبية، وقال إنكم معليين الكاسيت ودي لا تعتبر جريمة زي المخدرات فالموضوع مختلف شوية
انا مش قصدى نوع التهمة انا قصدى نوع الموقف وحتى لو كان بيكدب فى اى حاجة مهما كانت تافهه انا مش ممكن اقبل انة يتكلم عليا كدب حتى ولو فى تسريحة شعرى والكدب والافتراء مافيهوش مقاييس نسبية وهوة مالهوش الحق انة يحسبلى انا باصرف كام على البنزين او غيرة
وانا اسف لو انفعلت شوية
تقبل تحياتي
أخوك
أحمد بحري
انا اخوك الصغير محمد

[Mohamed.Ramah]

ممكن يعملها ويلبس حزام ناسف وياخد عربيتكم بالحض هو كدة باين انوا نفسة يركب جيب انت ممكن كنت تقولة بعد المحاضر ممكن تجربها حضرتك وتلاغية حيتبسط وحيروح منجحك فى مادتة ربنا يعينك الامثال دة كتير