اول يوم دراسة وخناقة وحقد من الدكتور طيب ليية.........

[nabaster]

انا بصراحه بحييك يا eng.octooo علي شجعاتك وتصرفك في موقف زي ده الي للاسف انا افتقدها في موقف من المواقف وبلوم نفسي لحد دلوقت اني مأخدتش حقي

استاذ cairo2005 انا متابع لمشاركاتك وبجد من القلائل الي بحترم ارائهم لاني اصراحه بحسها في مكانها
بس بلوم عليك تحيذك في الموقف ده للدكاترة الجامعه عموما

حضرتك انا هحكيلك موقف حصل معايا شخصيا والموقف ده انا دفعت فيه سنتين من عمري دلوقت ويا عالم ايه الي لسا هيحصل

انا طالب تجاره انجليش جامعة اسيوط

من سنتين (تحديدا في ديسمبر 2007) الشهر ده شهر امتحانات التيرم في معظم الجامعات كان اول امتحان عندنا امتحان محاسبه

انا انتساب علي فكره علشان محدش يقولي حضورك وغيابك والكلام ده

ومليش مشاكل ولا خصومات مع اي حد

انا بصراحه مكنتش بحضر ومكنتش بنزل الجامعه الا نادرا , نظامنا في الكليه كله بيعتمد علي الكورسات والدكتور بتاع المحاسبه ده مش في دماغه موضوع الغيابوالحضور عموما

المهم الكورس بيبقي عباره عن كلام الدكتور في المحاضره وركز علي ايه وساب ايه ونحل مع بعض من الكتاب الماستر

الدكتور في المحاضره الاخيره حدد مسأله معينه وقال يا جماعه دي جايه في الامتحان وعليها 8 درجات من 20 الدرجه الكليه (تحديدا اسمها liquidition الي في تجاره هيعرف هيا ايه)

المسأله دي ممكن تاخد معاك متوسط حل تلات صفحات كامله وساعتين حل بدون مبالغه وده سبب ان الدكتور قال جايه علشان تعمل حسابك في وقت الامتحان

انا مسكت المسأله دي فرمتها ليلة الامتحان وظبطها وتمام التمام

دخلت الامتحان لاقيت المسأله فعلا موجوده بس كانت تعتبر رابع سؤال(اخر سؤال)

بصراحه انا قلت ابدا بيها سبت قد خمس ست ورقات كده ومسكت القلم الرصاص وقلت علشان يبقي سهل مع اي غلط اظبط الدنيا وميبقاش في شخبطه كتير

حليت المسأله وتمام التمام وقت ارجع لباقي الاسئله يادوب حليت اول سؤال وتاني سؤال والتالت حليت نقطه من تلاته والوقت اصراحه مأسعفنيش

سلمت الورقه وانا علي يقييييييييييييين اني مش هاخد اقل من جيد جدا في ماده زي دي

تظهر النتيجه بقي الاقيها اييييييييييييييه؟؟؟؟

بلا فخر ضعييييييييييييييييييييييف جداااااااااا

انا متهيالي لو كنت كتبت اسمي بس مكنتش جبت ضعيف جدا دي

انا بقي عايز اعرف ايه الي حصل

كلمت دكتور معرفه كلم الدكتور ده بصفه وديه رد عليه بانه اسف وهوا مش بيبص لورقة اي طالب مهما كان مين اكتر من مره واحده

كده الحل الودي منفعش يبقي نشوف بقي الامور الرسميه

قدمت تظلم رسمي لشئون الطلبه واتحددت لجنه وميعاد للنظر في الورقه بتاعتي (اللجنه وظيفتها فقط جمع الدرجات مره تانيه يعني مش هتصحح تاني وظيفتها بس اعادة جمع الدرجات)

راي اللجنه ان الدكتور يراجع الورقه مره تانيه لان السؤال الاخير مش محطوط عليه اي درجه (الليكوديشن)

كان وقتها الترم التاني بدأ الاستاذ الدكتور دخل المحاضره(طبعا انا الكلام بيوصلني لاني مش بنزل اساسا) قال البييييييييه (الي هوا انا) الي مقدم التظلم يطمن خالص انا بصيت في ورقته واديته صفر في المسأله الي حليلهالي بالرصااااااس ويبقي يوريني بقي ويعدي السنه دي ان شاء الله (بيدينا مادتين في الترم التاني)

انا قلت حسب الله ونعم الوكيل لان خلاص مفيش اي فرصه ليا ولا عميد عارف يتكلم معاه ولا دكتور ولا اي حاجه

وبصراحه الراجل كان عند كلمته وشيلني مادتين الترم التاني تمااااام التماااااااام ونزلني السنه

موقف زي ده كان اي حد مكاني هيعمل ايه؟؟؟؟

طبعا دبلرت وحالتي وقتها كانت زفت وطين ومش عارف اعمل ايه

بدات السنه الي بعد كده ويجي برضه في اخر محاضراته وينبه علي نفس المسئله

يجي الامتحان (ديسمبر 2008) وتخيلوو انهااا تبقي نفس المسأله بارقاامهاااااااااا والله يا ناااس بارقامها

بدات حل المره دي بالترتيب وكملت حل المسأله الاخير (بالقلم الازرق)

ويشاااااااء بقي القدر انه يجي الدكتور ده ويقف قدامي (انا كنت اول اللجنه و هوا ميعرفنيش شكلا)

مسك ورقتي بص فيها وقلب من اول سؤال لاخر وكنت لسا بكمل اخر مسأله فاضلي فيها يجي خطوتين

وقالي تمام خالص يابني انتا ممتاز (والله يا جماعه باللفظ)

انا قلت بقي انا كده ميه ميه ومفيش زي

ويوم النتيجه اشووووووووف النتيجه ضعييييييييييييييييييييف جدااااااااااااااا

قولولي انتو يا جماعه اعمل ايه طيب في الشخص ده؟؟؟

قلت مش مشكله اهيه ماده وربنا يسهل واعدي بيها تالته ومفيش مشاكل

وركزت علي المادتين بتوع الترم التاني ودخلت امتحانهم وامتحانهم الحمد لله كان سهل وحليت في المادتين زي الفل

يوم نتيجة الترم التاني بصراحه معرفتش اعمل ايه وكان يوم ما يعلم بيه الا ربنا عليا

البيه الدكتور نزلني السنه التانيه برضه

انا يا جماعه مش عارف اعمل ايه ومليش تحويل لاي جامعه لاني في نظر الجميع رااااااااااااااااااااااسب

زمايلي حاليا الي في سني ربنا يكرمهم ويديهم اتخرجو وفي منهم الي فعلا استلم شغل بسم الله ما شاء الله في اماكن نضيفه

وانا لساااااااااا يادوووووووب داخل سنه تانيه حد يقولي لو في مكاني يعمل ايه

حبيت احكيلك الموقف ده يا استاذ cairo2005 علشان اوريك عقد الدكاتره والي بسببه ضيع سنتين من عمري والله اعلم ايه الي هيحصل بعد كده خصوصا ان دي اخر فرصه ليا في تانيه وممكن اتفصل

انا كرهت الجامعه ومبقتش عايز اسمع سيرتها ولا عايز اعدي من قدامها حتي

معلش طولت عليكم بس انا زي الي مصدق ودي اول مره اتكلم في حاجه تخصني في مكان عام

حرام عليك يا eng.octooo ليه بس فكرتني

A.Yakout

[Mohamed.Ramah]

حسبى الله ونعم الوكيل فى كل مفترى وظالم

[dr-mohamed]

نابستر والله ما عارف اقولك ايه
اولا واضح ان الراجل ميعرفكش بدليل انه قال ان الورقة تانى سنة ممتازة طيب مقدمتش فيها التماس ليه يمكن ربنا كان كرمك وعديت فيها
والله يا نابستر اللى اقدر اقوله انك منحوس بشكل مش طبيعي وفعلا لو مكانك هتضايق جدا
ولو كان الدكتور ده متعمد يسقطك يبقي ربنا لا يسامحه
ولو مش متعمد يبقي ربنا يهديه ويقرا ورق الطلبة بذمة شوية

[nabaster]

نابستر والله ما عارف اقولك ايه
اولا واضح ان الراجل ميعرفكش بدليل انه قال ان الورقة تانى سنة ممتازة طيب مقدمتش فيها التماس ليه يمكن ربنا كان كرمك وعديت فيها
والله يا نابستر اللى اقدر اقوله انك منحوس بشكل مش طبيعي وفعلا لو مكانك هتضايق جدا
ولو كان الدكتور ده متعمد يسقطك يبقي ربنا لا يسامحه
ولو مش متعمد يبقي ربنا يهديه ويقرا ورق الطلبة بذمة شوية

يا استاذ cairo2005 واضح ان حضرتك مقرتش البوست بتاعي بتركيز شويه

المشكله كلها حضرتك بسبب التظلم او الالتماس الي قدمته في الاول

وفعلا الدكتور ميعرفنيش شكلا لاني مش بنزل اصلا الجامعه وكل المعارف الي راحوله وكلموه انا مكنتش معاهم

وكل رده علي اي حد يروحله ده احمد ده زي ابني متعولوش هم والموضوع خلاص خلص (وادي وش الضيف)

ايه رايك بقي؟؟

A.Yakout

[dr-mohamed]

قريته والله وبتركيز شديد جدا يا نابستر علشان اشوف هو هيعمل ايه
بس واضح انه مش مستقصدك انت كشخص بس فيه حاجة مش مظبوطة خصوصا ان الرقم السري بتاعك بيتغير يعني لو عرفك اول ترم مش هيعرفك تانى ترم
طب بص يا نابستر ليك عندي فكرة
حاول تغير طريقتك في الاجابة
يعني لو كنت كل مرة بتخلي السؤال بتاع المسئلة الى عليها 8 درجات اخر سؤال خليه اول سؤال
غير الوان الاقلام اللي بتكتب بيها انت مسموح لك تكتب بالازرق والاسود
غير شكل كراسة الاجابة التسطير والعناوين
المهم ان ورقة الاجاب ةالمرة دي متكونش شبه الكراسة في المرات اللى فاتت في اي حاجة
وسيبك من الوسايط لانها مش هتجيب نتيجة معاه ولما بيقول لحد ده ابني ومن عينيا مجرد انهاء للموقف مش اكتر
وربنا يوفقك السنة دي يا رب وتخلص

[nabaster]

قريته والله وبتركيز شديد جدا يا نابستر علشان اشوف هو هيعمل ايه
بس واضح انه مش مستقصدك انت كشخص بس فيه حاجة مش مظبوطة خصوصا ان الرقم السري بتاعك بيتغير يعني لو عرفك اول ترم مش هيعرفك تانى ترم
طب بص يا نابستر ليك عندي فكرة
حاول تغير طريقتك في الاجابة
يعني لو كنت كل مرة بتخلي السؤال بتاع المسئلة الى عليها 8 درجات اخر سؤال خليه اول سؤال
غير الوان الاقلام اللي بتكتب بيها انت مسموح لك تكتب بالازرق والاسود
غير شكل كراسة الاجابة التسطير والعناوين
المهم ان ورقة الاجاب ةالمرة دي متكونش شبه الكراسة في المرات اللى فاتت في اي حاجة
وسيبك من الوسايط لانها مش هتجيب نتيجة معاه ولما بيقول لحد ده ابني ومن عينيا مجرد انهاء للموقف مش اكتر
وربنا يوفقك السنة دي يا رب وتخلص

مش عارف بس اقول لحضرتك ايه بس فعلا المحترم محترم والله وانا عارف اني بدوشك وبصدعك انا عموما مش بحب احكي كتير في خصوصياتي بس لما لاقيت في ناس محترمين زي سيادتك عرضت مشكلتي

اسمحلي ارد علي حضرتك نقطه نقطه

حضرتك ورقنا مش بياخد رقم سري(ده مش كلامي ده كلام استاف الجامعه كله والدكاتره نفسهم الي بيصححو) احنا ورقة الغلاف بظبط زي ما هوصفلك

ورقة الغلاف متقسمه تلات تلتات

التلت الاولني ده بيبقي فيه الاسم ورقم الجلوس بس علي اقصي اليمين(احنا انجليزي فبلتالي اكنك بتقرا كتاب انجليزي هتفتح الورقه بايديك الشمال)

بقول حضرتك الاسم علي اقصي اليمين وبيكون مكتوب بطريقه مايله بحيس لو تنيت سن الورقه الي هوا اعلي اليمين هيختفي الاسم ورقم الجلوس (يارب اكون عرفت اوصل لحضرتك الوصف بظبط)

التلت التاني ده لبيانات الماده والترم والسنه

التلت التالت جدول لدرجات كل سؤال

يعني حضرتك الورقه بتروح للدكتور بالاسم (ما عليه الا انه يفك التانيه دي بتاعة الورقه ويكون كل شيء واضح قدامه)

حضرتك الدكتور اول سنه اتلكك اني حليت بالرصاص فما بالك بقي لو لونتله في الورقه وكتبتله باسود كمان

بعدين حضرتك بتقولي اني ابدل وضع اجاباتي طيب يعني هوا لما احل بترتيب الاسئله الي قدامي ده غلط؟؟

ما ممكن اصلا يتلغبط من طريقة الحل دي

بالنسبه للمعارف انا عارف الي بيحصل وواثق من ان كل الكلام بيبقي نظام فض مجالس وفي الاخر بيعمل الي في دماغه

وفي الاخر بشكر حضرتك علي انصاتك لمشكلتي الي مش عارف شكلها مش باين ليها بيان

A.Yakout

[SeiffoZ]

بس كويس إنك وقفتله!

[نور القمر]

انا بصراحة مع اكتو في ردة فعله
حتى ان كان الدكتور مذكرش شخص بعينه في كلامه
لكن اكتو كان لازم يكون له ردة فعل مش عشان هو غلط فيهم ولازم يوقفه عند حده .. لا
عشان الدكتور يتكسف على دمه ويحس بغلطه على الاقل بينه وبين نفسه
يعني مش مجرد انه بيحكي واقعه حصلت لا كمان بيزود فيها ويألف حاجات جديدة عشان تدعم موقفه في الموضوع
وبالنسبة للندية بين اكتو والدكتور بصراحة الكبير كبير بافعاله واخلاقه مش بالسن ولا بالعلم وهو اللي صغر نفسه قدام طالب عنده وقدام كل الطلبة لما اكتو كشفه قدامهم وقدام العميد

[eng.octooo]

ice_wolf
هههههههه ان شاء الله يوم السبت هاتكلم معاة واقولة انى ماكانش قصدى بس الموقف وكدة واهزر معاة شوية بس برضة هاكدلة انى متمسك بموقفى

nabaster
ربنا معاك انت بس شد حيلك وحاول تتكلم معاة تانى وربنا يسهل

ice_wolf
شكرا لمرورك

Relentless_mayhem

شكرا لردك وبجد كان لازم اعمل كدة

نور القمر

شكرا لردك يانور وبجد انا ما قصدش حاجة وكل اصحابى عارفين عنى انى هادى جدااا ومش متعصب ابداا بس فى الموقف دة ماقدرتش امسك نفسى والى دايق الدكتور اكتر انى كنت باتكلم معاة بصوت هادى وبدون ضحك او اى حاجة فاحساسى وصلة بالظبط زى ما كنت عاوز... مع انة حاول يقلب الموضوع هزار بس معرفش لان الطلبة كلهم كانوا ساكتيين وانا مكنتش بابتسم خالص (كنت شبة عمود النور ههههه) فكان الحل الوحيد انة يقولى هات الكارنية ...المهم
وربنا معانا كلنا وشكرا ليكى على الرد

[sarah5]

انا شايفة ان انت طالما رديت عليه ومسكتش لما اتكلم عليك قدام كل الطلبه فانت كده خلاص احرجته قدامهم كلهم وشافوا حقيقته يعني انت الكسبان في النهايه ونصحيتي ليك حاول تهدي اللعب معاه لان صدقني مهما خدت من العميد وعود انت متضمنش هو ممكن يعمل ايه عشان السنه دي تعدي علي خير يعني حاول في الفترة الجاية متحتكش معاه ولما تروح تتكلم معاه لازم تحاول توازن يعني لا تطلع نفسك غلطان ولا تطلعه غلطان وانشاء الله خير

[maka]

للأسف الشديد .. الحقد والحسد اصبح ظاهرة شديدة الأنتشار في الفترة دي .. والغريبة انه موجود عند ناس في كل الفئات ، يعني مش بس الفقراء ، كنا نقول ماشي ، لكن ده انت دلوقتي بتلاقي كتير قوي ناس معاهم وربنا ديهم يمكن اكتر من اللي عندك ولكن تجد منهم الحقد الذي ربما لا يستطيعون حتى اخفائه وكذلك الحسد الذي انتشر بشكل خلى الواحد بقه خايف يمشي بعربيته وخايف يفتح اللاب قدام حد وخايف يلبس شيك وخايف حتى يحلق دقنه ، حاجة بقت تقرف والله

الحسد بقى فى كل الاوساط تقريبا و مش فلوس وبس

شوفت بعينى واحد زميل مرتاح ماديا جدا جدا بيحسد بغيظ زميل تانى معدم علشان بينجح كل سنة صافى ومن غير دروس

[د.أحمد سمير]

بص يا أكتو
وبصوا يا جماعة الخير كلكم
كل مكان فيه الكويس وفيه الوحش .. تمام
يبقى الكويس ده المفروض إنه ميغلطش
ولو غلط ممكن تكلمه وتراجعه وأخلاقه هتمنعه إنه يؤذيك .. تمام
لكن الوحش .. حاول ألا تحتك بيه
لأنك لو راجعته هايضطهدك ويبهدلك
وقتها الكلمتين اللي قلتهم دول هيجيبوك أسفل سافلين ..
ونصيحة متلومش نفسك على سكوتك على خطأ صدر من واحد جاهل أو بني آدم سيء
خصوصاً إنك دائماً في الطرف الأضعف ..

وبعدين فكر معايا كدة
لو العميد مكنش وقف جنبك !!!
لو الدكتور بعد كلام العميد كان هددك على انفراد !!!!
لو الراجل هدي معاك وبعدين لقيت نفسك ساقط في مادته !!!!

لا تدخل معركة قبل أن تعرف مستوى قوتك ومستوى قوة خصمك ..
واعرف إن هذا الدكتور لو عاملك عادي بعد كدة فده من حسن أخلاقه وشيء يشكر عليه

الخلاصة :
اعرف أستاذك الأول
ولو لقيته محترم وحقاني ابقى ناقشه وخد حقك منه لو غلط معاك بالأدب
ولو لقيته مش محترم تجنبه واستحمل قرفه لحد ما أيامك تعدي

بعد 5 سنين مش هاتفكر إن فيه موقف كنت فيه شجاع
لأ هاتفكر كام سنة ضاعت من عمرك علشان حاجة ممكن تفوتها وتعديها ..

وربنا يجنبك ويجنبنا شر ظلم الناس
ربنا يوفقكم جميعاً
ويهدي النفوس

[dr-mohamed]

خلاصة الكلام والعقل يا دكتور احمد سمير كالعادة
اكتو متفرحش بان فيه حد بيايدك او يقولك راجل انت وقفته عند حده
انت اللى هتخسر في النهاية بعد سنتين لا قدر الله لما تلاقي نفسك اتفصلت لاستنفاذ مرات الرسوب
وموضوع انك تروح له وتهزر معاه بس تاكد له انك مصمم على موقفك معلش كدة يبقي انت بتجر شكله فعلا ولو عملتها وبهدلك العميد نفسه مش هيقف جنبك
لم الدور وخليك في محاضراتك ومتحتكش بالدكتور تاني

[SAMER_ENGINES]

بصراحة يعني أنا لو منك معرفش كنت هعمل في ايه بجد بحسدك علي ضبط نفسك و الكلام بالصورة دي في موقف مستفز جدا زي ده و ربنا يبارك لكم في العربية و تجيبوا اللي احسن منها كمان.

غريبة جدا الحقد اللي عند بعض الناس و عقدة النقص مع اني واثق أنه علي قلبه اد كدة و الدكاترة معروفين ما شاء الله و محدش يزعل مني لو كان معانا دكاترة جامعة بس بصراحة الكلام اللي قاله الدكتور ده ميطلعش من دكتور مثقف و قارئ و فاهم ابداً.

[dr-mohamed]

بصراحة يعني أنا لو منك معرفش كنت هعمل في ايه بجد بحسدك علي ضبط نفسك و الكلام بالصورة دي في موقف مستفز جدا زي ده و ربنا يبارك لكم في العربية و تجيبوا اللي احسن منها كمان.

غريبة جدا الحقد اللي عند بعض الناس و عقدة النقص مع اني واثق أنه علي قلبه اد كدة و الدكاترة معروفين ما شاء الله و محدش يزعل مني لو كان معانا دكاترة جامعة بس بصراحة الكلام اللي قاله الدكتور ده ميطلعش من دكتور مثقف و قارئ و فاهم ابداً.

مش كل دكاترة الجامعة زي مانت فاهم دول بتوع الكليات الشهيرة زي تجارة وحقوق وطب وهندسة وزي دكاترة الجامعة بتوع المسلسلات اللى الواحد منهم عايش في فيلا وراكب عربية احدث موديل
فيه دكاترة الكليات الشهيدة زي اللعبات الشهيدة كدة دكاترة اداب وعلوم واثار وغيرها من الكليات الشهيدة اللى مالهمش غير مرتب الجامعة وما ادراك ما مرتب الجامعة دكاترة الجامعة اللى هنا بردو عارفين
وكلام الدكتور طبعا انا معترض عليه لكن في نفس الوقت مش مع اكتو في انه صعد الموقف للدرجة دي