متابعة مباراة مصــر - زامبيا (تصفيات كاس العالم 2010)

[medo_2060]

النهارده اللحظه الحاسمه يا رجاله كله ياخد مكانه فى موقع العمليات قدام التلفزيون ويشيل سلاحه قصدى ريموته وربنا يستر فى الماتش الى هيحدد مصيرنا تفتكروا ايه النتيجه وهل هناخد صدمه تانيه ولا المنتخب الكبير هيشرفنا ويكسب لحد ما الجزائريين يجيولنا هنا
ربنا يستر لو خسرنا يبقى خبطتين فى الراس توجع دعواتكم المنتخب دا مابيكسبش الا بالدعوات اصلا

[kareemhisham]

مش متفائل .. و خلاص بقيت متوقع اى حاجة من الفريق دة

[mr_sameh]

هناخسر

[NaderNabil]

يا جماعة إحنا مش بلد كورة!!!!
حتى لو كسبنا...مصيرنا محتوم محتوم...

و نفسي اعرف ليه الملايين دي كلها بتتصرف على كرة القدم اللي إحنا ملناش فيها...رغم ان إحنا متفوقين عالمياً في رياضات تانية كتير...و اللعيبة مش لاقيين دعم ولا لاقيين يكلوا حتى!

[icehearted girl]

هنخسر فيه بكرة بضربة جزاء مشكوك في صحتها يحسبها الحكم الظالم المجامل المرتشي في الدقيقة الأخيرة من الشوط التاني

[cheetos_892005]

اهو رابط دماغي من دلوقتي اهو ومستني
علي قد ما البلد ديه بتضايق الواحد كل يوم
علي قد ما بتيجي مناسبه زي ديه بيحس انه بيعشقها

[SeiffoZ]

هنخسر فيه بكرة بضربة جزاء مشكوك في صحتها يحسبها الحكم الظالم المجامل المرتشي في الدقيقة الأخيرة من الشوط التاني

بالضبط .. بعد ما هيحرقوا دمنا طول الماتش ...
توقع فى الجول الصراحة يا أيس ..

الحمد لله أنا مش بحب الكورة و مش بتفرق معايا خالص لا مصر و لا غيرها ..

[mahfouz1983]

يا جماعه حتي لو كسبنا هنعمل ايه في ماتش الجزائر الي هي تعتبر عقده كبيرة هنقدر نفكها هنكسبها كام يعني احنا بكتيره بصعوبه ممكن نتعادل معاها او نكسبها واحد صفر ودا بالعافية اذن فيه فرق اهداف يخلي الجزائر تروح كاس العالم وبعدين هنقعد نتكلم ونقول ان شاء الله 2014 نعوض ويكون حسن شحاته مات وراج في الرجلين واللعيبه اتسرحو وجم اشخاص جداد وربنا يعوض في فلوس العشب

[cheetos_892005]

ايه الردود اللي تجيب لورا دي بقيييييييييييييييييييييييييييي
بصوا لابو تريكه و تفائلوا يا جماعه

[medo_2060]

ماشاء الله شايفكوا متفائلين جدا هههههههههههههههههه ولا واحد قال هنكسب يا جماعه لسه فى امل احنا لو مطلعناش كاس العالم المره دى مش هنطلع خااااااااااالص
وبالنسبه للسيناريو بتاع iceheartedgirl
دا لو حصل هيجيلى سكته قلبيه هههههههههههه وانتى الى هتشيلى ذنبى

[karim fathy]

مش متفااااااااااااااااااااااااااااااااااااااااااااااا ائل

[eng.octooo]

انا مالييييييييييييش فى الكورة خالص بس بحب المصريين
بس يارب نفوز

[zaza_lanos]

مش فارقة معايا اصلا
مع انها بتدخل من ضمن انجازات الحكومة
عينى عليكى يا بلد اولوياتك مختلة

[dr-mohamed]

هنخسر فيه بكرة بضربة جزاء مشكوك في صحتها يحسبها الحكم الظالم المجامل المرتشي في الدقيقة الأخيرة من الشوط التاني

وبالنسبه للسيناريو بتاع iceheartedgirl
دا لو حصل هيجيلى سكته قلبيه هههههههههههه وانتى الى هتشيلى ذنبى

بلاش توقع iceheartedgirl اللى هيجيب لك السكتة واحنا نرضاها لك يا راجل
خد عندك التوقع ده
هانكسب زامبيا والجزائر تكسب رواندا ويبقي فرق الاهداف نقول جونين
وتيجي الجزاير تلعب هنا وامام 100 الف في استدا القاهرة فوق السعة الرسمية للاستاد منتخبنا يجيب جونين في اول ربع ساعة ونفضل مقطعينهم طول الماتش بنلعب في منطقة الجزاء بتاعتهم وكل اللعيبة تضيع فرص ونجهز نفسنا لحسبة برما او ضربات جزاء الله اعلم وفي الدقيقة 93 يعني التالتة من الوقت بدل الضايع كورة طايشة يدخلها لاعب جزائري في مرمي مصر ونطلع من التصفيات


هو ده التوقع الصح اللى يمشي مع اللعيبة التحفة والمدرب الانتيكة اللى عندنا
مينفعش يقضوا على املنا بدري بدري علشان يريحونا
لازم يخلوا امالك تصعد للقمة
واذ فجأتن تن تن تاااااااااااااااااااااان
ننزل على جدور رقبتنا لسابع ارض

[medo_2060]

بلاش توقع iceheartedgirl اللى هيجيب لك السكتة واحنا نرضاها لك يا راجل
خد عندك التوقع ده
هانكسب زامبيا والجزائر تكسب رواندا ويبقي فرق الاهداف نقول جونين
وتيجي الجزاير تلعب هنا وامام 100 الف في استدا القاهرة فوق السعة الرسمية للاستاد منتخبنا يجيب جونين في اول ربع ساعة ونفضل مقطعينهم طول الماتش بنلعب في منطقة الجزاء بتاعتهم وكل اللعيبة تضيع فرص ونجهز نفسنا لحسبة برما او ضربات جزاء الله اعلم وفي الدقيقة 93 يعني التالتة من الوقت بدل الضايع كورة طايشة يدخلها لاعب جزائري في مرمي مصر ونطلع من التصفيات


هو ده التوقع الصح اللى يمشي مع اللعيبة التحفة والمدرب الانتيكة اللى عندنا
مينفعش يقضوا على املنا بدري بدري علشان يريحونا
لازم يخلوا امالك تصعد للقمة
واذ فجأتن تن تن تاااااااااااااااااااااان
ننزل على جدور رقبتنا لسابع ارض

هههههههههههههههههههههههه
يا راجل دا انت متفائل زياده عن الزوم
عموما دا لو حصل انا هطلع فى التلفزيون واقولهم انك ساحر وعملت المخطط دا واذيع عنوانك على الهواء وابقى اقابلك بقى فى الحياه الاخرى