متابعة مباراة مصــر - زامبيا (تصفيات كاس العالم 2010)

[amrico]

متنسوش برضه ان رواندا دولة افريقية شقيقة ولازم نتمنالها كل خير
بعيد عن الهزار انا ليا اصدقاء كتير جزائريين في الشغل
المواصفات العامة ناس عاطفيين جدا وانفعاليين جدا وطيبين جدا وسلوكهم الإنساني (بعيد عن كرة القدم) في منتهى الطيبة ويمكن يصل الى درجة الغلب
وفي الآخر اكيد هانشجعهم لو لاقدر الله وصلوا المونديال مكان مصر وعشان كدا هانرجع تاني نتمنى النصر لرواندا لتعميق العلاقات المصرية الرواندية

[KSA2011]

مذبحه فى تعليقات الخبر فى مصراوى بين المصررين والجزائريين
حاجه تزعل بجد
دى كوره يا جدعان
المنتخب المصري يفوز على نظيره الزامبى ويبقى على أماله فى الوصول للمونديال

[dr-mohamed]

طبعا يا ابو مريم
مافيش حد فينا يتمنى غير الخير للمسلمين اجمعين و للبشريه عموما
يا جماعه فى ايه؟!!
انتوا هتشمتوا و تتمنوا الشر للجزائر

ادعوا معايا يا رب وفق المسلمين
و يا رب وحد العرب فى كل مكان
يا رب رواندا تكسب الجزائر


مش قادر يا ابو مريم ادعى لهم يكسبوا اعمل ايه -- ربنا يسامحنا :)

حديد قلبي :ob_mak1[1]:
طبعا انا كمان اتمنى ان مصر هي اللي تدخل كاس العالم في الاول بس مش عايز الناس تبقى قلبها اسود على الجزايؤ اوي كدا هما ان شاء الله هيشيلوا في القاهرة 5 زي بتوع زمان بس من غير ولا غل ولا حقد واحنا مبتسمين واخوات ومفيش اي مشاكل :oc_sun1[1]:

متنسوش برضه ان رواندا دولة افريقية شقيقة ولازم نتمنالها كل خير
بعيد عن الهزار انا ليا اصدقاء كتير جزائريين في الشغل
المواصفات العامة ناس عاطفيين جدا وانفعاليين جدا وطيبين جدا وسلوكهم الإنساني (بعيد عن كرة القدم) في منتهى الطيبة ويمكن يصل الى درجة الغلب
وفي الآخر اكيد هانشجعهم لو لاقدر الله وصلوا المونديال مكان مصر وعشان كدا هانرجع تاني نتمنى النصر لرواندا لتعميق العلاقات المصرية الرواندية

هههههههههههههههههههههههههههههههههههههههههههههههههه هههه
والله ما قادر امسك نفسي من الضحك من كلامكم
ادعوا معايا بقة شوية دعوات لاخواننا الجزائريين بكرة
اللهم شتت دفاعهم
اللهم اجعل بين شباكهم ومهاجمي رواندا علاقة صداقة
اللهم اجعل وسطهم اسهل من وسط البلد في يوم مظاهرات مغرقة البلد (فاضييييييييييي)
اللهم اجعل هجومهم لا يفرق بين مرماهم ومرمي راوندا
اللهم ارزقهم من الكروت الصفراء والحمراء ما لا تحصيه الجماهير من كثرتها

[totaa]

اعذروني يمكن الموضوع يخص الشباب أكتر لكن فى الآخر بقى ده يخصنا كلنا
بنات وأولاد ..أنا فرحت جدا بالجون اللى جه فى شباك زامبيا والاستماتة بتاعة
الحضري وصراحة هو بطل بجد والاهلى خسره
أما أخواننا الجزايرين ....طبعا احنا عرب ومسلمين بس يعنى معلشي
مصر الاول وإن شاء الله هندعي من قلبنا بكل خير إن تسيب مفاصيلكم
ويصبح عندكم اسهال والجوووول يجيلوا حول مزمن
والعبرة بالنهاااااااااااااااااااااية

[Dr Zezo]

رساله الموت


من الشعب المصري ملك الملوك شرقا وغربا الي رابح سعدان ليعلم اننا جند الله في ارضه خلقنا من سخطه وسلطنا علي من حل به غضبه فلكم بجميع البلاد معتبر وعن عزمنا مذدجر فاتعظوا بغيركم قبل ان ينكشف الغطاء ويعود عليكم الخطا.وقد علمتم اننا فتحنا البلاد وهزمنا كل العباد.فالحصون لدينا لاتنفع ولاعبيتكم لدينا لاتنفع ودوعائكم علينا لا يسمع .فعزيزكم عندنا ذليل وكبيركم لدينا صغير.فاستسلموا قبل ان تضرب الحرب نارها

أحد التعليقات في مصراوي

[MoToRiZeR]

وفى خبر حلو كمان شحاته اعفى عن زيدان خلاص وهيلعب ماتش الجزائر

خبر جميل جداَ .. أكيد ؟
إن شاء الله المنتخب قدام الجزائر fully loaded

[Nile_Storm]

خبر جميل جداَ .. أكيد ؟
إن شاء الله المنتخب قدام الجزائر fully loaded

ياعم هو انت فاكرها اي 30

[Terrible_DaRsH]

مصر دى فقر فى كل حاجة :(

دائما الحظ بيعاند البلد دى , كل تصفيات لازم تحصل حاجة غريبة جدا .

يعنى سبحان الله نلاعب رواندا و احنا صايمين فى عز الظهر و الحمد لله ك كسبنا 1 - 0 و بعدها نلاعب زامبيا الساعة 2 الظهر فى عز الشمس فى زامبيا و ملعب زبالة و لاعيبة اعصابها بايظة و لكن الحمد لله كسبنا برده 1 - 0 ..

مباراة الجزائر عايزة برووود جدا و تكتيك عالى و ادارة للماتش من حسن شحاتة بذكاء شديد لان هما هاييجوا يلعبوا على اعصابنا ..

يا رب بكره رواندا يطلعوا رجالة بقي :) .

رواندا رواندا رواندا , بالروح بالدم :)

[dr-mohamed]

اعذروني يمكن الموضوع يخص الشباب أكتر لكن فى الآخر بقى ده يخصنا كلنا
بنات وأولاد ..أنا فرحت جدا بالجون اللى جه فى شباك زامبيا والاستماتة بتاعة
الحضري وصراحة هو بطل بجد والاهلى خسره

كدة اثبتي فعلا ان الموضوع يخص الشباب
الاهلى مخسرش حد
ولامليون واحد زي الهارب يفرقوا مع الاهلي
بيه اخدنا بطولات وخسرنا بطولات ومن غيره بردو اخدنا بطولات وخسرنا بطولات
وبلاش حد يقول الاهلى خسره لان هو اللى هرب مش الاهلى اللى طرده
وسيبونا نشجعه وهو بيلعب من المنتخب ولا عايزينا تطهقونا منه لدرجة منشجعهوش مع المنتخب كمان
صحيح اللى مالهمش فيها بيشجعوا مصر

[Terrible_DaRsH]

خلونا فى الماتش احسن :)

صرح التشيكي برانكو توتشاك المدير الفني لمنتخب رواندا ان فريقه لم يذهب للجزائر من اجل النزهة، ولكنه سافر من العودة بتحقيق نتيجة ايجابية تعطي له الأفضلية للمنافسة علي الصعود لأمم إفريقيا بانجولا.

ونقل موقع "اوول افريكا" الإخباري تصريحات برانكو التي حذر من خلالها منتخب الخضر في المواجهة التي ستقام مساء الأحد علي ملعب مصطفي تشاكر بولاية البليدة الجزائرية، حيث قال "علي الجزائريين الاستعداد لمواجهة صعبة".

وتستضيف الجزائر (10 نقاط) منتخب رواندا (نقطة واحدة) في الجولة قبل الأخيرة للتصفيات الإفريقية المؤهلة لكأسي العالم وإفريقيا 2010، وتأتي صعوبة المباراة كونها جاءت عقب فوز مصر علي زامبيا بهدف دون رد في الجولة ذاتها.

وبفوز مصر، أصبحت متساوية مع الجزائر صاحبة الصدارة بفارق الأهداف، فيما أعطت نتيجة مصر وزامبيا الأمل لرواندا من اجل الظهور في أمم إفريقيا إذا ما حققت التعادل او الفوز علي الجزائر حيث يتبقي لها مباراة علي أرضها أمام زامبيا.

وقال برانكو "فقدت رواندا العديد من النقاط بسبب سوء الحظ الذي لازم نهايات بعض المباريات التي كان التعادل خلالها هو النتيجة العادلة ومنها مباراة مصر الماضية، ولكن مازال الأمل باق لذا سنلعب بكل قوتنا وسنظهر الوجه الحقيقي للكرة الرواندية".

[MoToRiZeR]

الله يا درش ..إن شاء الله رواندا نحسها يفك بكرة
و لو مفكش .. برضه هنولع فيهم في ستاد القاهرة

[pro_samir]

يا بركة دعا الوالدين

مبروك لمصر

[medo_2060]

ايوه كدا يا جماعه عايزين شويه ادعيه على دفاع الجزائر بكره هههههههههههههه
وبالنسبه للفريقين عموما انا عندى كام خبر كدا هقولهم واتمنى ميكونوش متكررين
1- بالنسبه لزيدان فهو اكيد هيلعب
2- الوحش بقى (الفرحه ما بتكملش) بعد المستوى الجميل الى قدمه وائل جمعه النهارده مش هيلعب ماتش الجزائر لانه اخد انذار وواخد انذار قبل كدا فهيتوقف ودا برضه اكيد من الفيفا
3- فى نقطه مهمه جدا نص لاعيبه الجزائر والمحترفين اخدوا كروت صفرا قبل كدا فلو حد فيهم خد كارت قدام رواندا بكره هيتوقف فى ماتشنا مع الجزائر ودا كويس جداااااا ومن اللاعيبه دول كريم زيانى والجون الاحتياطى وكام لاعب تانى هجوم ودفاع
4-الى عايز يتابع ماتش الجزائر ورواندا هيجى بكره 8.15 على الجزيره الرياضيه2 العاديه مش المشفره يعنى موجوده عالنايل سات
5- نحذير بقى للبنات كل المنتديات الرياضيه النهارده بعد الفوز اتفقوا انهم مش عايزين يشوفوا بنات خالص فى ماتش الجزائر لانهم هيهدوا الملعب وناوين على مشاكل ههههههههههههههههههههههه وبجد اى بنت تدخل تقول هاجى الماتش فى المنتديات دى تلاقى مليون واحد رد عليها مش ناقيصينكم خليكوا فى البيت المره دى ابقى بصى لنفسك فى المرايه الى جاى يترسم بحبيبته يقعد على كافيه والكلام داهههههههههه عموما دا مش كلامى بس انا حبيت انقل الصوره

وكل التوفيق لروااااااااااااااندا

[MoToRiZeR]

هو مش كريم زياني مصاب ؟

[abdelaziz-waleed]

هو مش كريم زياني مصاب ؟

لا يا موتو اللي مصاب هو المهاجم رفيق صايفي لاعب الخور القطري عنده اصابة في ضهره بس هو ممكن يكون احتياطي او يلعب بس مش الماتش كله
رفيق جبور اللي انا بعتبره اخطرهم واسرعهم عنده مشاكل مع النادي بتاعه في اليونان من فترة ومابيلعبشي خالص
الانذارات فعلا هي اللي عمللهم كابوس. عندهم 15 لاعب مهدد بالايقاف بسبب الانذار الثاني وهم
عبد القادر غزال (مهاجم)
عنتر يحيى (مدافع ايسر)
نذير بلحاج (خط وسط)
رفيق جبور (مهاجم)
كريم مطمور (مهاجم)
لموشية (مدافع)
عبد الكريم منصوري
عبد الكريم زياني الخطير جدا (لاعب وسط)
الوناس جواوي (حارس مرمى)
مجيد بوقرة (مدافع ايمن)
رفيق صايفي (مهاجم)
سليمان رحو
بزاز، بوعزة، عبد السلام
الضغط حاليا رهييييييييب جدا هنا في الجزائر ومتخوفين جدا من مفاجئات روندا لأنهم شافو روندا صمدت قد ايه امام مصر دا غير الدافع القوي بعد هزيمة زامبيا