متابعة مباراة مصــر - زامبيا (تصفيات كاس العالم 2010)

[Abo_Lina]

مش مفروض نفرط في التفاؤل خصوصا بعد المستوى ده ..
فيه شغل كتير ناقص خصوصا من جانب حسن شحاتة ..و احنا كان ممكن نطلع الشوط الأول مغلوبين ٣ مثلا لولا ستر ربنا ..
الأنظار الآن على ماتش الجزائر خصوصا بعد ماتش النهاردة و هزيمة زامبيا و بكده تجدد الأمل الراوندي للتأهل لأنجولا ..

[waleedrahmy]

الحظ معنا النهاردة.................مالعبناش غير في الهجمتين ال جه منهم الجون وبقيو المتش بنظرية والله زمان يا سلاحي

[icehearted girl]

ماشاء الله شايفكوا متفائلين جدا هههههههههههههههههه ولا واحد قال هنكسب يا جماعه لسه فى امل احنا لو مطلعناش كاس العالم المره دى مش هنطلع خااااااااااالص
وبالنسبه للسيناريو بتاع iceheartedgirl
دا لو حصل هيجيلى سكته قلبيه هههههههههههه وانتى الى هتشيلى ذنبى

انا خلتهم يكسبوا بس عشان مشلش ذنبك



عشان بس تعرفوا طيبة قلبي

[asd7778]

عفوا يا جماعة عفوا
المحظوظ الاكبر هو مصر
كنا الاسوء تماما فى متش روندا وزمبيا وغلبنا
يا جماعة حد يقولى ايه الى ممكن نسميه فى ماتش زامبيا ده
هبل هطل لكن ليس لعب كوره
منتخب مهزوز
مفروض انه رايح وعارف ان الاجوان تفرق
ماتش روند معلش صيمين ونص الفريق غايب
النهارده ها بقى يقولك حر مش عارف هو لعيبة مصر ترعرعوا فى السويد ولا ايه ،والملعب وحش جدا كأن ملعبنا هى الى فله شمعة منوره
لعب زى الزفت حظنا كان فالسما ,الحضرى الوحيد الى كان بيلعب
المجموعة دى حينتج منها اضعف فريق من افريفيا فى تصفيات كاس العالم سواء الجزائر الى فرصتها 90% او مصر 10 %
الجزائر فريق عادى احسن من زامبا بشويه
بس مصر الاسوء لعبا وتكيتيكا وروحا
عموما الكره كانت فى رجلينا اننا نحسن فرق الاجوان الى هو فى اغلب الامر حيفرق بس طبعا بعادة المصرى الكسول الى بيرضى بقليله وان جون كفايه يس للاسف عفوا مش كفايه خلينا ندعى ربنا ان يدب الروح فى روندا خاصه فزنا النهارده على زامبيا خلى روندا عندها امل فى الوصول الى انجولا 2010
الفرص للاسف قليله لان فوز الجزائر 3 صفر حيخلى الجزائر +8 وخبيتها +3
يعنى لازم نجيب 3 صفر (اى نتيجه بفرق 3 جوان) صعب بالمستوى الهزلى البشع الى كنا فيه فى كل مباريات التصفيات بلا استثناء احتمال 10 % فقط
طبعا ربنا كريم ان الماتش الجزائر يخلص بفرق جون او 2 يس عشان يكون الجزائر +6 او +7 يعنى مصر لازم تكسب 2 صفر (اى نتيجه بفرق 2)
يعنى 50 50 ممكن
حظوظ روندا انها حتموت نفسها تتعادل تخد نقطه عشان متشها مع زامبيا فى روندا وتصعد للانجولا 2010
طبعا فى حالة خسارتها حيكون املها ضعيف عشان حتكون محتاجه تكسب زامبيا بفارق كبير قوى من الاهداف عشان تصعد عشان كدا يا تفور وده صعب يا اما تتعادل وده الى المفروض يموتوا نفسهم عليه
عموما الحسنه الى فى فزنا النهارده مش الثلاث نقاط فقط بس هى اننا ادينا امل لروندا عشان تلعب وتحاول تتعادل بأمل الصعود للانجولا
لاسف احنا دلوقى يا جماعه ندعوا لروندا ربنا يكرمها بعد فشل منخبنا فى المهمة معلش الفوز فقط لايكفى عشان يا حبيبى الاجوان هى الى حتخدنا مش النقط فقط
حد يقولى يا راجل حرام عليك انت قاسى قوى
معلش ده الواقع

[mcml_13]

مبرووووووووووووووووووك لمصر

مبروك للمنتخب الفوز على زامبيا و ان شاء الله نلعب فى جنوب افريقيا و نثبت للكل اننا احق بالتأهل للمونديال
يارب رواندا تعملها مع الجزائر و تريحنا من حسبة فرق الاهداف

[bassemali]

مبروك للمنتخب الفوز على زامبيا و ان شاء الله نلعب فى جنوب افريقيا و نثبت للكل اننا احق بالتأهل للمونديال
يارب رواندا تعملها مع الجزائر و تريحنا من حسبة فرق الاهداف

ياااااااااااااااااااااااااااااااااارب

[MoToRiZeR]

انا مش مصدق نفسي .. و كان هيجيلي شلل و انا بتفرج من التوتر بس الحمد لله .

كدة يا جماعة انا شايف الحظوظ في المجموعة 50% .. 50%
بدون تشائم

دلوقت إحنا فاضلنا ماتش واحد .. الجزاير فاضلها ماتشين
رواندا عندها دافع تلعب كويس قدام الجزائر عشان فرصتها في التأهل لكأس الأمم زادت بعد هزيمة زامبيا إنهاردة فا هيلعبوا عالتعادل مع الجزائر و يهزموا زامبيا في رواندا .

إحنا .. عدينا ماتش صعب جداَ جداَ في ملعب من غابات السافانا (حد شاف النجيلة كانت طول إيه!!!؟) .. فرق الأهداف مش بشع .. الماتش الأخير علي أرضنا في أستاد الرعـــــــب .. و انا متأكد إن ستاد القاهرة في ماتش الجزائر مش هيكون فيه مكان لمسمارلأنه نقطة فاصلة في مشوار الجيل ده بالكامل .. و الجزائر أولاَ و أخراَ مش فريق حلو .. إحنا فريقنا بحالات .. هو وحش دلوقت بس محدش ينسي ماتشاتنا العالمية في 2008 و كأس القارات .. يعني هو أصلاَ مش فريق وحش .. هو فريق بيعدي بفترة من التخبط و هبوط المستوي لأن لعيبة كتير من قوام المنتخب الأساسي مستوي أنديتهم في النازل .

رواندا مش هتبقي رايحة تتغلب و لسة عندها أمل .. و الجزائر مش فريق مرعب
و حتي لو كسبوهم و بسكور عالي .. لسة فيه كلمة هتتقال في ستاد القاهرة .

و أخيراَ .. تحية جامدة أوي لعصام الحضري إنهاردة .. دائماَ رجل المواقف الصعبة مع المنتخب

[MoToRiZeR]

يا جماعه حتي لو كسبنا هنعمل ايه في ماتش الجزائر الي هي تعتبر عقده كبيرة هنقدر نفكها هنكسبها كام يعني احنا بكتيره بصعوبه ممكن نتعادل معاها او نكسبها واحد صفر ودا بالعافية اذن فيه فرق اهداف يخلي الجزائر تروح كاس العالم وبعدين هنقعد نتكلم ونقول ان شاء الله 2014 نعوض ويكون حسن شحاته مات وراج في الرجلين واللعيبه اتسرحو وجم اشخاص جداد وربنا يعوض في فلوس العشب

الجزائر عمرها ما كانت عقدة مصر !
هما كانوا بيقولوا كدة علي المغرب و تونس ساعات
إنما الجزائر هي اللي عقدتها مصر .. من ساعة ما طلعناهم من كاس عالم 90 و بنغلبهم كتير و مننساش ماتش 5\2 العالمي .. مصر اللي عقدة الجزائر و الجميع كان متوقع مصر تطحن الجزائر في الماتش اللي فات بس الظروف .

[MoToRiZeR]

14 نوفمبر .. الجزائر بلد المليون و ( 11 ) شهيد .

[M.Mosaad]

يا خوفي !!!!!!!!!!!!

[mcml_13]

بغض النظر عن نتيجة ماتش الجزائر و رواندا .... احنا مستنيين هنا فى القاهرة عشان نكسبكوا سكور كمان و مش بعيدة على فريق كسب ساحل العاج و الكاميرون 4 و كسب ابطال العالم ايطاليا و احرج ملوك الكورة البرازيليين انه يحط فى شباك الجزائريين زى مايحب اجوال

[Sharky]

الحمد لله على الفوز الغير مستحق
بس بصراحة المنتخب كان سئ جدا و لا يستحق حتى التعادل

أكيد الفوز دا مخلى الجزائرين تحت ضغط لإنهم كان عندهم أمل كبير ان مصر تتغلب او تتعادل و فى نفس الوقت انهم لازم يغلبوا رواندا بفارق 3 أهداف على الأقل علشان يبقوا مش قلقانين قوى فى القاهرة و دى ممكن تكون ميزة لينا لإنهم نازلين عندهم ضغط انهم مش يكسبوا فقط لا لازم يجيبوا أكتر من 3 اهداف

دا غير ان فوز مصر على زامبيا أدى أمل كبير جدا لرواندا انها ممكن تصعد لبطولة أفريقيا لو كسبت الجزائر او حتى تعادلت معاه
يعنى المفروض رواندا حتلعب و هى عندها حافز قوى

ربنا يسهل لأول مرة حاسس ان الامل بقى كبير
وان شاء الله بكره نسمع خبر حلو

[mr_sameh]

الحمد الله

[Ahmed Anwer]

يا جماعة هوا احنا البرازيل عشان ندور علي أداء ؟
هوا حقق هدفه و خلاص علي أد إمكانياته
و في الأول توفيق ربنا ،
حسن شحاته ، الجوهري,الناس دي هيا اللي بتعرف تعمل انجازات ،
بس منقولشي حلو و وحش
المهم النتيجة
و ربنا يكرم مع الجزائر

[mr_sameh]

الاداء سئ جدا بس كسبنا الحمدالله