إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة MMamdouh مشاهدة المشاركة
    ربنا يستر

    MMamdouh
    لا متخافش .. الاسئلة متوقعة و مبتجيش خارج المنهج .
    ذاكر انت بس وخليها على الله .. :k38:

    Comment


    • اعزائي اعضاء نايل موتورز بعد انقطاع طويل عن حلقات حوار من القلب راجعين من جديد مع ضيف جديد
      صحيح ضيفنا لا اتذكر ان رأيت له موضوع بالقسم الاجتماعي لكن ده ميمنعش انه له شعبيية كبيرة بالمنتدى ومحبوب من الجميع
      رحبوا معي بضيفنا الجديد
      MMamdouh

      وزي ما قالك تريبل درش متقلقش الاسئلة كلها من المنهج وسهلة

      اسمح لي اقدم لك باقة ورد بالنيابة عن كل الاعضاء اللي رشحوك للحلقة

      في البداية استاذ محمد ممكن تعرفنا بنفسك اكتر

      مين عرفك على المنتدى ؟

      استاذ محمد بنظرة سريعه على ملفك الشخصي لقيت ان مشاركاتك على الاجتماعي نادرة ممكن نعرف ليه مقاطع الاجتماعي

      ايه اكثر قسم بتحبه في نايل موتورز وليه ؟ واكتر قسم بتكرهه و ليه

      صحيح ديما في مقابلات لاعضاء نايل موتورز واكيد اتعرفت على عدد كبير لكن اكيد في اعضاء لسه متعرفتش عليهم
      ممكن تقولنا 3 اسماء لاعضاء تتمنى تتعرف عليهم شخصيا
      وبالنسبة للاعضاء اللي اتعرفت عليهم قولنا 3 اسماء كنت سعيد فعلا بمعرفتك بيهم
      مع ملاحظة ان الردود الدبلوماسية مرفوضه ولازم تقول اسماء

      نايل متورز بيشغل كام في المية من اهتماماتك الحياتية اليومية

      لو لا قدر الله تم حظرك عن دخول المنتدى هتعمل ايه وايه شعورك وقتها

      ممكن توجه كلمة لكل ممن يأتي
      ادارة نايل متورز - كريم منير - سبعاوي

      كنت متابع لحلقاتنا السابقه من حوار من القلب للقلب ولا لأ ؟؟ لو ايون .. مين الضيف اللي كنت معجب بحلقته اكتر واحد

      فاصل صغير وسنعود بأذن الله

      اكرهك لانك مزقتي شرايين قلبي بجمودك

      اكرهك لانك ملكتي قلبي ولم استطع انتزاعه منك

      وخطفتي بصري ولم اعد ارى سواك

      اكرهك لانك تركتيني وحيداً

      بعد أن وهبت قلبي اليك

      فاصبح مجنونا بك

      واصبحت اراك في يقظتي واحلامي

      وشعرت بحلاوة ايامي

      ياترى ممكن الانسان يحب ويكره نفس الشخص في نفس الوقت؟؟
      انت بتهرب لاحلام اليقظة علشان تعيش حلم مش قادر تعيشه في الواقع؟؟
      ممكن تتغاضى عن عيوب في شخصية محبوبتك لان الحب اعمى؟
      لو بنت عاكستك في الشارع او الموبايل ردة فعلك ايه نفسيا وعمليا؟؟
      كنت مراهق عاقل ولا متهور؟
      لو اعجبت ببنت بتصرح لها بمشاعرك ولا بتفضل الاحتفاظ بمشاعرك لنفسك؟؟


      لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟

      ايه كتر حاجة بتحس انك مخنوق منها؟؟

      ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟

      جات عليك اوقات كنت تبكي وتضحك في نفس الوقت؟؟
      اوصف لنا نفسك بذكر 5 صفات حميدة و3 صفات سيئة


      بقول كفاية كدة واسيب فرصة لباقي الاعضاء

      Comment


      • موافق على هذه الفكرة

        Comment


        • انا متشكر جدا على استضافتكم ليا... بس واضح ان المنهج اساسا صعب... كل دى اسئلة يا جدعان؟؟


          في البداية استاذ محمد ممكن تعرفنا بنفسك اكتر

          انا اسمى محمد ممدوح بيومى مواليد مارس 1978 حاصل على بكالوريوس تجارة و متزوج و عندى يوسف

          مين عرفك على المنتدى ؟

          اللى عرفنى بالمنتدى كان سبعاوى ايام ما كنا سوا على كونتاكت

          استاذ محمد بنظرة سريعه على ملفك الشخصي لقيت ان مشاركاتك على الاجتماعي نادرة ممكن نعرف ليه مقاطع الاجتماعي
          انا اساسا الاجتماعيات عندى ضعيفة جدا... يعنى دى ملاحظة عامة من كل الناس اللى تعرفنى مش انتم بس... حتى فى الزيارات العائلية و خلافة ببقى دايما ساكت و متكلمش كتير لدرجة ان فى ناس بتفتكر انى مش مبسوط من القعدة معاهم مثلا بس دة مش صحيح... انا انسان قليل الكلام بطبيعتى و احب دايما اسمع اكتر ما اتكلم

          اما بالنسبة لنايل موتورز فا انا بعتبرة مصدر ليا لمعلومات السيارات و بالتالى الشق الاجتماعى فى نايل موتورز مش من اهتماماتى (اجابة غير دبلوماسية زى ما طلبتم)
          ايه اكثر قسم بتحبه في نايل موتورز وليه ؟ واكتر قسم بتكرهه و ليه
          اكتر قسم بحبة هو قسم الدايو... بحس ان معايا اصدقاء بيشاركونى نفس التجارب و بنتبادل خبرات من تجارب و مواقف سابقة... يعنى بحس انه المكان الافضل عشان افيد و استفيد

          اكتر قسم بكرهة هو الاجتماعى ( و معاه الاخبار المنقولة) لان ببساطة 99% من المشاكل بين الناس و المواضيع الجدلية بتبقى مرتبطة بالقسمين دول للاسف... معرفش ليه دة بيحصل... هل لاننا نفتقد ثقافة الحوار و تبادل وجهات النظر... مش عارف... المهم ان فيه حاجة غلط بتسبب المشاكل دى و انا بصراحة مبحبش المشاكل ولا احب اكون طرف فيها لا من قريب ولا من بعيد

          يضاف لكدة انى دخلت المنتدى عشان السيارات فقط و بالتالى المواضيع اللى برة العربيات متهمنيش
          صحيح ديما في مقابلات لاعضاء نايل موتورز واكيد اتعرفت على عدد كبير لكن اكيد في اعضاء لسه متعرفتش عليهم
          ممكن تقولنا 3 اسماء لاعضاء تتمنى تتعرف عليهم شخصيا

          انا معرفش (و معتقدش) انهم بيحضروا مقابلات المنتدى بس انا عايز اتعرف عليهم فعلا

          flyingpeugeot
          Mohamed_SlvrLan99
          ENG\AHMED (AKA NoNaMe)

          وبالنسبة للاعضاء اللي اتعرفت عليهم قولنا 3 اسماء كنت سعيد فعلا بمعرفتك بيهم
          مينفعش اقول اسماء 3 بس لان الناس اللى سعدت بمعرفتها كتير سواء اتعرفت عليهم فى المقابلات او خارج المقابلات... بجد دة مش رد دبلوماسى بس فعلا مينفعش اختار 3 فقط من وسط ناس كتير اوى



          مع ملاحظة ان الردود الدبلوماسية مرفوضه ولازم تقول اسماء

          نايل متورز بيشغل كام في المية من اهتماماتك الحياتية اليومية
          مش عارف النسبة كام بس هى كبيرة... و احيانا بتسبب مشاكل فى الشغل و البيت
          لو لا قدر الله تم حظرك عن دخول المنتدى هتعمل ايه وايه شعورك وقتها
          اكيد حبقى زعلان... و من ناحية حعمل ايه فا مش عارف لانى عمرى ما فكرت فى الموقف دة
          ممكن توجه كلمة لكل ممن يأتي
          ادارة نايل متورز - كريم منير - سبعاوي
          ادارة نايل موتورز:
          keep up the good work

          كريم منير
          سعدت جدا بمعرفتك و احييك على المجهود اللى عاملة فى المنتدى

          سبعاوى
          شقيقى و حبيبى... من زمان ملقتش حد بيحب العربيات كدة و فاهم اوى كدة و كتاباتة فنية اوى كدة


          كنت متابع لحلقاتنا السابقه من حوار من القلب للقلب ولا لأ ؟؟ لو ايون .. مين الضيف اللي كنت معجب بحلقته اكتر واحد
          للاسف مكنتش متابع... و اتخضيت اصلا لما لقيت الموضوع معدى 150 صفحة
          فاصل صغير وسنعود بأذن الله

          اكرهك لانك مزقتي شرايين قلبي بجمودك

          اكرهك لانك ملكتي قلبي ولم استطع انتزاعه منك

          وخطفتي بصري ولم اعد ارى سواك

          اكرهك لانك تركتيني وحيداً

          بعد أن وهبت قلبي اليك

          فاصبح مجنونا بك

          واصبحت اراك في يقظتي واحلامي

          وشعرت بحلاوة ايامي

          ياترى ممكن الانسان يحب ويكره نفس الشخص في نفس الوقت؟؟
          مينفعش انسان يحس احساسين متضاربين فى نفس الوقت

          انت بتهرب لاحلام اليقظة علشان تعيش حلم مش قادر تعيشه في الواقع؟؟
          بيحصل كتير
          ممكن تتغاضى عن عيوب في شخصية محبوبتك لان الحب اعمى؟
          مفيش انسان كامل... و لو كل اللى بنبص عليه هو عيوب غيرنا حتبقى الحياه سودة... مع الاخذ فى الاعتبار اننا برضة عندنا عيوب زى باقى الناس
          لو بنت عاكستك في الشارع او الموبايل ردة فعلك ايه نفسيا وعمليا؟؟
          الاجابة تعتمد هل مراتى معايا ولا لا

          الموضوع حصل بالفعل بس انا بنفض للقصص دى... لان فى الاخر انا عارف ان الموضوع غلط من الاول و مهما حاولت اخفية او حطة فى صورة مقبولة اجتماعيا حيفضل بردة غلط... يبقى ليه ابذل مجهود و اضيع وقت فى حاجة مش حتجيب الا المشاكل؟؟؟

          كنت مراهق عاقل ولا متهور؟
          نسبيا مقارنة باصدقائى كنت عاقل بس احيانا بتبقى فيه فلتات بتبقى تهور من الاخر
          لو اعجبت ببنت بتصرح لها بمشاعرك ولا بتفضل الاحتفاظ بمشاعرك لنفسك؟؟
          كنت الاول بحتفظ بالموضوع لنفسى و مكنش بينوبنى غير وجع القلب فا قررت انى اصرح بالموضوع لان مفيش جدوى من كبت المشاعر

          لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟
          الحادثة اللى عملتها
          ايه كتر حاجة بتحس انك مخنوق منها؟؟
          الهمجية و الهرجة و الفهلوة اللى فى البلد
          ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟
          تعتمد على طبيعة السر... و فيه حاجات مينفعش تطلع لحد... لكن بشكل عام لو فيه حاجة حتطلع لحد فا بتطلع لاقر اقرب الاصدقاء فقط
          جات عليك اوقات كنت تبكي وتضحك في نفس الوقت؟؟
          مينفعش تحس بمشاعر عكس بعض فى نفس الوقت

          اوصف لنا نفسك بذكر 5 صفات حميدة و3 صفات سيئة

          طيب
          خدوم
          ذكى
          منظم
          امين

          عصبى
          حاد
          متسرع

          بقول كفاية كدة واسيب فرصة لباقي الاعضاء
          [/QUOTE]

          هو لسة فى تانى



          MMamdouh
          [CENTER]What is the difference between ignorance and apathy?...I don't know & I don't care[/CENTER]

          [CENTER][SIGPIC][/SIGPIC][/CENTER]


          [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

          [marq="Error"]what goes around... comes around[/marq]


          [CENTER][URL="http://www.cardomain.com/ride/567267"]MMamdouh's Lanos on CarDomain
          [/URL][/CENTER]

          [URL="http://www.nilemotors.net/Nile/showthread.php?t=85421"]
          [/URL]

          Comment


          • ايه ده هي الاسئلة خلصت بسرعه كدة
            ياريتني كنت كترتها شوية
            اجاباتك جميلة بجد
            وقدرنا من خلالها نتعرف على جزء من شخصيتك
            في انتظار اشتراك باقي الاعضاء ووضع اسئلتهم
            من فضلكم خليكم كرما واتوصوا شويتين
            سعدت فعلا باستضافتك استاذ محمد

            Comment


            • انا اللى سعدت باستضافتك ليا

              MMamdouh
              [CENTER]What is the difference between ignorance and apathy?...I don't know & I don't care[/CENTER]

              [CENTER][SIGPIC][/SIGPIC][/CENTER]


              [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

              [marq="Error"]what goes around... comes around[/marq]


              [CENTER][URL="http://www.cardomain.com/ride/567267"]MMamdouh's Lanos on CarDomain
              [/URL][/CENTER]

              [URL="http://www.nilemotors.net/Nile/showthread.php?t=85421"]
              [/URL]

              Comment


              • شكرا يا نور علي الضيف الجميل ده

                و شكرا لك يا أستاذ/ محمد علي أهتمامك بالحضور و الرد

                و أسمح لي أسألك كام سؤال كده علي الماشي

                1- بالرغم من أنك خريج كلية التجارة ألا أنك تفوقت علي الكثيرين من خريجي الهندسة في تخصص ميكانيكا السيارات بشهادة الجميع و هذا شئ أحييك عليه و أنحني لك أمامه , فما هو السر في ذلك التفوق ؟

                2- بأعتبار أنك من مالكي الدايو , مارأيك الشخصي في اللانوس و ماهي توقعاتك للنسخة الجديدة منها تحت مسمي شيفورليه ؟

                3- السؤال الذي سألته من قبل لزميل عمرك "سبعاوي" و هو :
                ماهو رأيك في مشاكل المرور المزمنة التي نعيشها ؟ و كيفية حلها من وجهة نظرك ؟

                4- ماهو رأيك في حملة "خلوها تصدي و موديلها يعدي" ؟ و هل سيكتب لها النجاح ؟ و هل أنت معها ؟

                و شكرا لك مقدما علي ردك , و في أنتظار مقابلتك شخصيا و التعرف عليك أن شاء الله في مقابلة المنتدي القادمة
                [SIGPIC][/SIGPIC]

                Comment


                • المشاركة الأصلية كتبت بواسطة SE_coralsea مشاهدة المشاركة
                  شكرا يا نور علي الضيف الجميل ده

                  و شكرا لك يا أستاذ/ محمد علي أهتمامك بالحضور و الرد


                  الله يخليك


                  1- بالرغم من أنك خريج كلية التجارة ألا أنك تفوقت علي الكثيرين من خريجي الهندسة في تخصص ميكانيكا السيارات بشهادة الجميع و هذا شئ أحييك عليه و أنحني لك أمامه , فما هو السر في ذلك التفوق ؟
                  اولا حب المجال... انا مبحبش حاجة فى الدنيا اكتر من العربيات... و كانت كل الالعاب بتاعتى و انا صغير عربيات... حتى الافلام لو مكنش فيها مطاردات عربيات

                  بعد كدة بدات اروح للميكانيكى مع والدى و اتفرج عية و هو شغال... و شوية بشوية بقيت اشتغل معاه و اسالة دى بتعمل ايه و دى لزمتها ايه و فى اعدادى تقريبا بدات اقراء كتب عن الميكانيكا عشان افهم كل حاجة فى العربية و اتذكر ان فى الفترة دى قريت كتاب كان بيتدرس لطلبة دبلوم الصنايع و كان اخر فصل بيشرح كيفية عمل عمرة موتور

                  و بدات انا اشغل فى عربيتى بنفسى لعمل الصيانات البسيطة و بدات معاها خبرتى العملية تزيد و بدات اكون عدة مناسبة للاعمال دى

                  بعد كدة بقى المصدر الرئيسى لمعلوماتى هو الانترنت من خلال المنتديات بتاعت السيارات و دى كان فيها كل جديد فى مجالات الميكانيكا و التكنولوجيا الجديدة و التعديلات

                  2- بأعتبار أنك من مالكي الدايو , مارأيك الشخصي في اللانوس و ماهي توقعاتك للنسخة الجديدة منها تحت مسمي شيفورليه ؟
                  العربية هى هى انما الوكيل هو للى اتغير... العربية احنا عارفينها كويس من 10 سنين فى مصر بالتالى مفيش جديد اقدر اضيفة للعربية

                  الوكيل انا لمست انه مكلف عن توكيلات الدايو ودة ممكن يخللى ناس كتير تلجاء لعمل صياناتها برة التوكيل... و اكيد حيجيبوا قطع الغيار من السوق... عموما دة مش حيفرق فى شعبية العربية نفسها

                  3- السؤال الذي سألته من قبل لزميل عمرك "سبعاوي" و هو :
                  ماهو رأيك في مشاكل المرور المزمنة التي نعيشها ؟ و كيفية حلها من وجهة نظرك ؟
                  انا وجهة نظرى غريبة شوية... انا شايف ان مشكلة المرور عاملة زى الويندوز لما تخرب و يبقى ملهاش حل غير واحد format محترم و تبنى كل حاجة من جديد على نضافة

                  لو حد يعرف يعمل كدة فى كل شوارع مصر يبقى هايل... و محدش يعرف يعمل كدة يبقى حنفضل كدة و بنمشى من سىء لاسوأ

                  4- ماهو رأيك في حملة "خلوها تصدي و موديلها يعدي" ؟ و هل سيكتب لها النجاح ؟ و هل أنت معها ؟
                  بداية كويسة لمحاولة وضع الامور فى نصابها الصحيح

                  لا يعلم الغيب الا الله لكن طبعا انا بتمنى انها تنجح و تحقق اهدافها

                  انا مع كل ما يهدف الى اعادة التوازن الى السوق المصرية

                  و شكرا لك مقدما علي ردك , و في أنتظار مقابلتك شخصيا و التعرف عليك أن شاء الله في مقابلة المنتدي القادمة
                  الشكر ليك يا باشا و انا فى انتظار مقابلتك للتعرف على شخص محترم زى حضرتك

                  MMamdouh
                  [CENTER]What is the difference between ignorance and apathy?...I don't know & I don't care[/CENTER]

                  [CENTER][SIGPIC][/SIGPIC][/CENTER]


                  [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                  [marq="Error"]what goes around... comes around[/marq]


                  [CENTER][URL="http://www.cardomain.com/ride/567267"]MMamdouh's Lanos on CarDomain
                  [/URL][/CENTER]

                  [URL="http://www.nilemotors.net/Nile/showthread.php?t=85421"]
                  [/URL]

                  Comment


                  • ما شاء الله 154 صفحه
                    احييكي يا نور القمر علي الموضوع ده
                    انا شفته من فتره بس اول مره اتابعه
                    بس حتابع بعد كده علطول وعقبال 500 صفحه منورين بنور القمر
                    [CENTER]

                    [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                    [/CENTER]

                    [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                    ---------------------------------
                    [/SIZE][/B][CENTER]
                    [/CENTER]

                    Comment


                    • الشكر ليك يا باشا و انا فى انتظار مقابلتك للتعرف على شخص محترم زى حضرتك
                      أنا اللي مش عارف أشكرك أزاي أو علي أيه و لا أيه , فعلا أنت أنسان محترم و تستحق كل تقدير

                      ربنا يجازيك عنا كل خير و يجعل ما تقدمه لنا من عون و مساعدة في ميزان حسناتك
                      [SIGPIC][/SIGPIC]

                      Comment


                      • دووووووووح حبيب قلبي ...

                        تقريبا دي اول مشاركة ليا في الاجتماعي ... ولولا انك ممدوح مكنتش حشارك ...انت فاهم طبعا اية موقفي انا وانت وشاركي من الاجتماعي !!!
                        المهم يا معلم ...

                        سؤالي ليك ...طبعا لازم يكون في اختصاصنا ....

                        اية اول حاجة بتلفت انتباهك في اي عربية مطظبتة صح الصح...؟؟؟
                        [CENTER][B]عليها السلام[/B]
                        [/CENTER]

                        Comment


                        • لى رجاء للمشرفين، هو انه لو ممكن عمل تصنيف لهذا الموضوع بحسب الضيوف مع وضع لينكات لكل حوار مع احد الضيوف لان هذا ال Mega Topic الذى تعدت صفحاته ال 150، يحتاج الى ذلك للتسهيل على الافراد الجدد بالمنتدى، مثلى.

                          Comment


                          • ممدوح باشا ربنا يباركلك على الكلمتين الحلوين وصدقني ده مش مجهودي ولا حاجة ده مجهود كل واحد فينا حب المكان وحب يخدم الناس حتى لو بكلمة تشجيع
                            لا تتخيل مدى سعادتي لما لقيت زميلتنا علا عثمان بتدي راي في العربيات
                            عرفت ان المنتدى حقق جزء كبير من اهدافة في نشر الوعي الثقافي السياراتي في مصر
                            واخترت علا بالذات كمثال لان معظم مشاركاتها بتتركز في الاجتماعي
                            ------
                            نرجع لموضوعنا بعد شكرك على اسهامتك القيمة في نايل موتورز
                            بما اننا بنشتغل في مجال قريب قوي من بعض (information technology) وانا مش بحب الميكانيكا اطلاقا وانت بتحبها جدا
                            انت تقدر تستفيد من ال IT في العربيات بسهولة باستخدامك لطرق البحث
                            لكن ازاي تخلي الميكانيكا تخدم ال IT

                            جروب ورشة نايل موتورز علي الفيس بوك


                            صفحة ورشة نايل موتورز على الفيس بوك

                            Comment


                            • المشاركة الأصلية كتبت بواسطة momo10000 مشاهدة المشاركة
                              دووووووووح حبيب قلبي ...

                              تقريبا دي اول مشاركة ليا في الاجتماعي ... ولولا انك ممدوح مكنتش حشارك ...انت فاهم طبعا اية موقفي انا وانت وشاركي من الاجتماعي !!!
                              المهم يا معلم ...

                              سؤالي ليك ...طبعا لازم يكون في اختصاصنا ....

                              اية اول حاجة بتلفت انتباهك في اي عربية مطظبتة صح الصح...؟؟؟
                              مومو باشا... واحشنى موت و بقالى كتير مبشوفكش (بهرج طبعا... انت فى خلقتى كل يوم )

                              بص هى مبتبقاش حاجة معينة انما ستايل العربية ككل

                              انت عارف طبعا انى مليش فى الاكسسوارات و الشخليل و كدة فا دايما ببص على عناصر الاداء فى العربية... يعنى بلاحظ لو العربية فيها عفشة رياضية ولا لا... هل فيها طنابير رياضية ولا لا... بسمع صوت المكنة و اعرف هل راكبلها فلتر او شكمان ولا لا

                              و لو العربية ماشية على الطريق و انا سايق بشوف رد فعل العفشة مع الملفات و تسارع العربية و كفائة فراملها... باختصار العربية المعدلة منظومة كاملة بتشدك من اولها لاخرها

                              و ان كنت بتدور على عنصر معين بيشد انتباهى فهو 99% بيبقى صوت المكنة... يعنى صوت الBMW E34 بتاعت مصطفى بالمكنة ال V8 يلفت انتباه اى حد فى الدنيا و بالنسبة لى دى احلى موسيقى فى الدنيا

                              MMamdouh
                              [CENTER]What is the difference between ignorance and apathy?...I don't know & I don't care[/CENTER]

                              [CENTER][SIGPIC][/SIGPIC][/CENTER]


                              [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                              [marq="Error"]what goes around... comes around[/marq]


                              [CENTER][URL="http://www.cardomain.com/ride/567267"]MMamdouh's Lanos on CarDomain
                              [/URL][/CENTER]

                              [URL="http://www.nilemotors.net/Nile/showthread.php?t=85421"]
                              [/URL]

                              Comment


                              • المشاركة الأصلية كتبت بواسطة karim_monir مشاهدة المشاركة
                                ممدوح باشا ربنا يباركلك على الكلمتين الحلوين وصدقني ده مش مجهودي ولا حاجة ده مجهود كل واحد فينا حب المكان وحب يخدم الناس حتى لو بكلمة تشجيع
                                لا تتخيل مدى سعادتي لما لقيت زميلتنا علا عثمان بتدي راي في العربيات
                                عرفت ان المنتدى حقق جزء كبير من اهدافة في نشر الوعي الثقافي السياراتي في مصر
                                واخترت علا بالذات كمثال لان معظم مشاركاتها بتتركز في الاجتماعي
                                ------
                                نرجع لموضوعنا بعد شكرك على اسهامتك القيمة في نايل موتورز
                                بما اننا بنشتغل في مجال قريب قوي من بعض (information technology) وانا مش بحب الميكانيكا اطلاقا وانت بتحبها جدا
                                انت تقدر تستفيد من ال IT في العربيات بسهولة باستخدامك لطرق البحث
                                لكن ازاي تخلي الميكانيكا تخدم ال IT
                                it all comes down to dependence and and synchronization abilities

                                الميكانيكا منظومة ديناميكية مترابطة... و كل عنصر فيها يبتفاعل بشكل مباشر او غير مباشر مع كل العناصر الاخرى... كلام مجعلص و كبير جدا... صح؟؟

                                ببساطة اكتر لو لاحظت مثلا موتور العربية حتلاقى انة عبارة عن بلوك و وش سلندر... كرنك و بيلات و بساتم.... صبابات و عمدان كامة... و انظمة مكملة زى التغذية و الاشعال و العادم

                                كل عنصر من العناصر دى له شغلة لازم يعملها بشكل معين و فى توقيت معين ولا المنظومة تبوظ... و كل عنصر له طريقتة الى بينظم بيها عملة و يضبط توقيتة مع باقى المنظومة

                                برضة كلام كبير و حلو بس ايه علاقتة بالIT؟؟؟؟

                                الIT برضة نظام متكامل... فيه عناصر كتير متداخلة و لازم يبقى فيه تنسيق بينها و بين بعضها عشان تشتغل صح... و عشان ترسم و تخطط لنظام عمل او اجراءات و خطوات لتفعيل نظام معين يبقى لازم تبقى عندك ملكة فهم كيفيه عمل النظام و اعتماد كل جزء فيه على الاخر... زى ما اجزاء محرك العربية معتمدة على بعضها لاتمام عملها

                                مثال لكدة مشروع لسة شغال فيه حاليا عشان يبقى فيه توثيق لكل تغيير بيتم فى الsystem بتاع الشركة و نبقى عارفين مين غير ايه و امتى و ليه و التغيير دة حيائر على ايه

                                لو انت معندكش القدرة انك تستوعب كيفية عمل نظام متكامل متعدد العناصر و ازاى كل خطوة بيعملها نظام معين بتاثر على الانظمة التانية و معتمدة فى الاصل على انظمة سابقة ليها يبقى صعب جدا تقدر تخطط لنظام زى كدة فى الIT

                                انا معاك ان الIT اصعب لان احنا بنتكلم فى نظام غير ملموس و موزع بين اشخاص او ادارات او حتى فروع مختلفة لكن فى النهاية المنظومة لازم ترسمها فى دماغك و تبقى شايفها من اولها لاخرها عشان تقدر تخطط و تنظم صح

                                انا عارف الموضوع ملعبك بس هى جت معايا كدة... استوعبت ازاى 15 عنصر بيشتغلوا مع بعض و فين كل عنصر بيبداء و فين بينهى عملة فا قدرت بعد كدة اتبق نفس المفهوم على كل حاجة فى الحياة مش الIT بس

                                الجزء الاخر من الموضوع دة له علاقة بالكتابة و التحليل

                                جزء الكتابة جة من خلال انى قريت مواضيع كتيرة بتشرح عمليات صيانة او عمليات فك و تركيب اجزاء معينة... دى ساعدتنى انى اعرف الطريقة اللى اشرح بيها اى عملية وتحديد خطوات العمل من البداية الى النهاية بحيث ان اى حد يقراء الخطوات دى يوصل للهدف المطلوب بدون ما يوصل لنقطة يلاقى نفسة فى الظلام...دة افادتى فى عمل operations manual لادارات الشركة المختلفة عندنا و دى اللى الشركة حاليا بتعتمد عليها لتدريب العمالة الجديدة على الشغلها من خلال ال manuals دى

                                اما جزء التحليل فا جة من خلال تحليل مشاكل و اعطال السيارات... اتعلمت اشوف العرض اللى موجود... ابحث عن الانظمة المسببة للعرض دة و طرق التاكد من كفائة عمل الانظمة اللى ليها علاقة بالعرض للوصول الى المشكلة... نفس المبدأ بيتطبق فى مجال الIT لما بتبقى فيه مشكلة و محتاجة حل... الفرق ان بعد ما تحل المشكلة مش حتلاقى ايدك متعاصة زيت

                                MMamdouh
                                [CENTER]What is the difference between ignorance and apathy?...I don't know & I don't care[/CENTER]

                                [CENTER][SIGPIC][/SIGPIC][/CENTER]


                                [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                                [marq="Error"]what goes around... comes around[/marq]


                                [CENTER][URL="http://www.cardomain.com/ride/567267"]MMamdouh's Lanos on CarDomain
                                [/URL][/CENTER]

                                [URL="http://www.nilemotors.net/Nile/showthread.php?t=85421"]
                                [/URL]

                                Comment

                                Working...
                                X