إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • :K15:حلقه جميله مع واحد من اكثر الشخصيات المحبوبه فى المنتدى
    بس فعلا عندى شويه اسئله صغيره بس عاوز الاجابه بصراحه او اكتب لا تعليق مش عاوز ردود دبلوماسيه

    بما انك متزوج حديثا زى حالاتى(بقنع نفسى انى لسه جديد)
    لسه فاكر نفسك بتحلم وهتصحى من النوم تلاقى الحلم خلص
    :K15:
    36 سنه ومتجوز من 4 سنين مش حاسس انك استعجلت


    جربت السفر والعيشه فى بلد تانيه ومعجبكش الوضع
    طب كان نفسك تتولد تلاقى نفسك مصرى ولا جنسيتك ايه


    ندمان انك رجعت(اصل الموضوع ده تاعبنى قوى)
    :K14::K14::K14:

    بالنسبه لوظيفتك بتحس اوقات ان طموحك كان اكبر من كده


    ايه الوظيفه او العمل اللى بتحس انك كنت تنجح فيه جدا



    كفايه كده لحد ما ارجعلك بشويه اسأله تانيه
    ومشكور على اللقاء الجميل
    (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
    لمجرد أنك تحب الجبن الرومي !)

    Comment


    • المشاركة الأصلية كتبت بواسطة bee مشاهدة المشاركة
      يادي النور يا دي النور :D

      ندخل في المفيد

      *سبعاوي باشا .. لو قلت لحضرتك إيه أكتر سبع حاجات بتحبها في صفات البني آدم تقولي إيه ؟؟

      *مين كان مثلك الأعلى .. ومين مثلك الأعلى حالياً ؟؟ وحضرتك مثل مين الأعلى ؟؟

      *شايف مصر رايحه فين يا سبعاوي باشا ؟؟

      *لو حلمنا سوا وبقيت رئيس إدارة المرور بالقاهره الكبرى .. تفتكر هتعرف تغير حاجه ؟؟ وضح ..


      *أخبار الطبيخ والأكل معاك إيه ؟؟ بتعرف تطبخ ؟؟ بتحب تعمل أكله معينة عشان تظهر فيها المواهب الجامدة؟

      *إيه الي بيخلي خالد باشا يئن بداخله ولا يستطيع ان ينزل دمعة واحده ؟؟

      *ابتسامتك قريبة ؟؟ دمعتك إيه أخبارها ؟؟

      *لو شاب زيي سألك وقالك أسافر يا أستاذ خالد ولا أفضل في مصر أخبط تقوله إيه وتنصحه بإيه ؟؟

      *نايل موتورز لخالد أبو السباع يمثل إيه ؟؟

      *عرف كل من الكلمات الآتية :


      الحب :

      الأخوة :

      الشرف :

      السعادة :

      القناعة :

      حب التملك :

      الحنان :

      الشدة :

      كفاية كده عشان انا مقدر الظروف الي هتحصل لحضرتك النهارده هتلاقي شلالات من الأسئلة .. انا اتوقع زيادة عدد الاعضاء الجدد بالمنتدى النهارده



      سنعود بعد الفاصل ..

      *سبعاوي باشا .. لو قلت لحضرتك إيه أكتر سبع حاجات بتحبها في صفات البني آدم تقولي إيه ؟؟

      القناعة-الاخلاص-الصدق-طول البال-الكياسة-اللباقة-المثابرة

      *مين كان مثلك الأعلى .. ومين مثلك الأعلى حالياً ؟؟ وحضرتك مثل مين الأعلى ؟؟

      ابى كان ولا يزال مثلى الأعلى- ممكن اكون مثل اعلى لبعض صغار المهندسين ممن عملوا معى بس اتمنى اكون مثل اعلى لأبنائى

      *شايف مصر رايحه فين يا سبعاوي باشا ؟؟
      شكلها كدة مش رايحة اى حتة، هى بقالها سنين كتييييييير اوى واقفة، والعالم كله راح كل حتة واحنا لسة مطرحنا، نفسى فعلا تروح اى حتة بس تتحرك

      *لو حلمنا سوا وبقيت رئيس إدارة المرور بالقاهره الكبرى .. تفتكر هتعرف تغير حاجه ؟؟ وضح ..

      اعتقد هقدر احل شوية حاجات:
      1- هكمل الطريق الدائرى رغم انف اليونسكو، مش هييجى حاة فى تماثيل بوذا اللى طالبان هدتها رغم انف العالم كله مش اليونسكو بس
      2-هحاول احرك مشروع لانشاء قطار سطحى على غرار مترو الانفاق بطول الجزيرة الوسطى بالطريق الدائرى
      3- همد مترو مصر الجديدة بتاع مصطفى النحاس لحد ما يقابل مشروع مترو الدائرى عند اكاديمية مبارك واغير عرباته بعربات حديثة
      4- هعمل امتداد لنفق الأزهر تحت شارع عبد الخالق ثروت بحيث ياخد العربيات اللى جاية من الجيزة ونازلة من كوبرى اكتوبر
      5- هخلى نفق الأزهر للخروج من وسط البلد فقط على ان يكون الدخول الى وسط البلد من شارع الأزهر ويتعمل اتجاه واحد ، والقانة التانية من النفق تتعمل مترو (لاحظ انه بيحتاج حارة واحدة بس رايح وحارة واحدة راجع) وبعدين المترو ده يطلع يمشى سطحى فى صلاح سالم ويدخل من السكة البيضا على الاتوستراد ويمشى فى الجزيرة الوسطى بتاعته وكل كام سنة نمد مرحلة لحد ما يوصل لمساكن شيراتون

      6- هعمل كبارى على طول الاوتوستراد لتحويله الى طريق حر

      7- هولع فى مدينة الجيزة من اول الهرم لحد امبابة لأن دى مالهاش حل


      *أخبار الطبيخ والأكل معاك إيه ؟؟ بتعرف تطبخ ؟؟ بتحب تعمل أكله معينة عشان تظهر فيها المواهب الجامدة؟

      فيه مثل بيقول لك: كتر النواح يعلم البكا، انا عشت 6 سنوات من حياتى بطولى، اتعلمت اعمل فيهم كل حاجة، وعندى كفاءة ااكل جيش، بس اكتر اكلات انا بحب اعلمها المكرونات والبيتزات والجمبرى، بعمل الحاجات دى بطرق كتير جدا

      *إيه الي بيخلي خالد باشا يئن بداخله ولا يستطيع ان ينزل دمعة واحده ؟؟

      الظلم

      *ابتسامتك قريبة ؟؟ دمعتك إيه أخبارها ؟؟

      مش ابعد من ابتسامتى

      *لو شاب زيي سألك وقالك أسافر يا أستاذ خالد ولا أفضل في مصر أخبط تقوله إيه وتنصحه بإيه ؟؟

      لو لقيتش عيشة كريمة فى مصر متسافرش، لو ملقيتش لم خلاجاتك وتوكل على الله، بس حتى لو هتسافر دور قدر الامكان على سفر كريم وياريت لو بلد بيكرم ضيوفه


      *نايل موتورز لخالد أبو السباع يمثل إيه ؟؟

      70% من حياتى الاجتماعية

      *عرف كل من الكلمات الآتية :


      الحب : راجع اجابة نفس السؤال فى مجموعة اسئلة نور القمر

      الأخوة : نوع راقى من انواع الحب،بيطلع منك فوق ما تتصور فى اوقات الشدة

      الشرف : محور الحياه كلها، سمعة بتربيها فى سنوات طويلة ولو خسرتها صعب جدا ترجع تانى

      السعادة :الصحة والستر

      القناعة :هى الفرق بين "الغنى" و"الشبعان" ، ياما ناس معاها اللى فى الدنيا كله وتموت على قرش صاغ، وياما ناس مستورة بالكاد وتحس انه اغنى اغنياء الدنيا لانه "شبعان"

      حب التملك : غريزة بشرية طبيعية ولازمة للبقاء، لكنه ككل الغرائز الأخرى، لابد ان يقنن ويوضح تحت التحكم علشان نفضل بنى ادمين ويفضل فيه فرق بيننا وبين الكائنات التانية

      الحنان : لولاه لصارت الدنيا غابة

      الشدة : مطلوبة احيانا لضبط الأمور مع من لا يقنعه المنطق
      [SIZE=5][COLOR=navy]سبعاوى[/COLOR][/SIZE]
      _______________________________________________

      Comment


      • المشاركة الأصلية كتبت بواسطة mobitek مشاهدة المشاركة
        :K15:حلقه جميله مع واحد من اكثر الشخصيات المحبوبه فى المنتدى
        بس فعلا عندى شويه اسئله صغيره بس عاوز الاجابه بصراحه او اكتب لا تعليق مش عاوز ردود دبلوماسيه

        بما انك متزوج حديثا زى حالاتى(بقنع نفسى انى لسه جديد)
        لسه فاكر نفسك بتحلم وهتصحى من النوم تلاقى الحلم خلص
        :K15:
        36 سنه ومتجوز من 4 سنين مش حاسس انك استعجلت


        جربت السفر والعيشه فى بلد تانيه ومعجبكش الوضع
        طب كان نفسك تتولد تلاقى نفسك مصرى ولا جنسيتك ايه


        ندمان انك رجعت(اصل الموضوع ده تاعبنى قوى)
        :K14::K14::K14:

        بالنسبه لوظيفتك بتحس اوقات ان طموحك كان اكبر من كده


        ايه الوظيفه او العمل اللى بتحس انك كنت تنجح فيه جدا



        كفايه كده لحد ما ارجعلك بشويه اسأله تانيه
        ومشكور على اللقاء الجميل

        بما انك متزوج حديثا زى حالاتى(بقنع نفسى انى لسه جديد)
        لسه فاكر نفسك بتحلم وهتصحى من النوم تلاقى الحلم خلص
        :K15:

        لحد ديلوقتى بحس بالعكس، يعنى لما زوجتى بتغيب خارج المنزل لعدة ايام فى زيارات عائلية بيجيلى اكتئاب من الوحدة وبيكون نفسى اصحى الاقى الحلم خلص ورجعت، مع ان عادى يعنى زى كل بيت فيه مشاكل وفيه خلافات ،لكن انا حاسس انى كدة افضل

        36 سنه ومتجوز من 4 سنين مش حاسس انك استعجلت

        اومال لو عرفت انا حاولت اتجوز كام مرة قبل كدة وفشلت هتقول ايه؟ :)


        جربت السفر والعيشه فى بلد تانيه ومعجبكش الوضع
        طب كان نفسك تتولد تلاقى نفسك مصرى ولا جنسيتك ايه


        لو كان الحال احسن شوية عمرى ما كنت احلم انى اكون مولود فى مكان تانى ، بس لو كان لى الاختيار كنت اتمنى الاقى نفسى من اهل جزيرة سيشل، ناس طيبة كدة وعيشتها سهلااااااااااااااا ومعندهاش مشاكل، عايشين على تصدير الشاى والسياحة والفلوس اللى بتجيلهم اكتر من حاجتهم ومش عايزين حاجة من الدنيا

        ندمان انك رجعت(اصل الموضوع ده تاعبنى قوى)
        :K14::K14::K14:

        خسرت حاجات وخدت مكانها حاجات تانية، خدت وضع اجتماعى افضل قصاد حياه بطبيعتها اصعب

        بالنسبه لوظيفتك بتحس اوقات ان طموحك كان اكبر من كده
        اه


        ايه الوظيفه او العمل اللى بتحس انك كنت تنجح فيه جدا
        كان نفسى اشتغل فى مجال السيارات
        [SIZE=5][COLOR=navy]سبعاوى[/COLOR][/SIZE]
        _______________________________________________

        Comment


        • مشكور استاذ سبعاوى على الاجابات الجميله واللقاء الممتع
          واسف لو كانت اسئلتى رخمه شويه
          بس فعلا تشرفت بمعرفتك
          وفى انتظار باقى الاعضاء يعرفونا عليك اكتر
          (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
          لمجرد أنك تحب الجبن الرومي !)

          Comment


          • أ/سبعاوي....

            ربنا يعينك انا هسأل سؤالين كدا صغيرين

            *ايه رأيك ف حال الشباب دلوقتي
            شايف الاغلبيه منهم عاملين ازاي والقلة عاملين ازاي؟

            *ايه رأيك ف الجمارك اللي بتتفرض على الواردات لحماية الصناعة الوطنيه ؟؟؟

            *لو كنت مسؤل كبير ف المرور اقترح خطة مختصرة لحل الازمة المرورية المتفجرة ف القاهرة ؟xxx دا خلاص ملمحتوش من اسئلة bee


            *لو كنت رئيس الوزراء و قالولك ليك 3 وزراء و مسموحلك انك تعفيهم من مناصبهم هتشيل مين ؟


            *حلمت قبل كدا بحاجة كنت تتمنا انك توصلها ووصلتلها ؟
            و
            *حلمت قبل كدا بحاجة كنت تتمنا انك توصلها ولسه موصلتلهاش؟


            *ايه هوا اكتر دعاء بتردده كتير وبتتمنا انه يستجاب ؟


            *لو معاك تذكرة سفر كسياحه وقالولك تختار تروح بيها فين هتروح فين؟


            *مين اكتر عضو هنا حسيت معاه بتوافق ف الافكار ؟



            كفاية كدا:biggrinjester::biggrinjester:
            [COLOR="Purple"][FONT="Comic Sans MS"][SIZE="4"]ERROR[/SIZE][/FONT][/COLOR]

            Comment


            • أ. سبعاوي باشا ..طبعا غني عن التعريف بس اللقاء اكتشفنا فيه كثير من جوانب حياتك
              عندي سؤال لحضرتك

              طبعا معروف ان كل أب يحب إن إبنه يطلع أحسن منه .... نفسك ابنك يطلع ايه ؟؟

              كمان سؤال

              لو حبيت تقيم نفسك .. تدي نفسك نسبة مئوية تساوي كام في الآتي

              وطنيتك
              اسرتك
              علاقتك بالناس
              علاقتك بنفسك
              مهنتك
              علاقتك بالله
              ثقافتك
              عقلك
              قراراتك

              وفي انتظار الاجابات الجميلة من حضرتك ..
              [CENTER][SIGPIC] [/SIGPIC][/CENTER]

              Comment


              • المشاركة الأصلية كتبت بواسطة 2hmed_7osam مشاهدة المشاركة
                أ/سبعاوي....

                ربنا يعينك انا هسأل سؤالين كدا صغيرين

                *ايه رأيك ف حال الشباب دلوقتي
                شايف الاغلبيه منهم عاملين ازاي والقلة عاملين ازاي؟

                *ايه رأيك ف الجمارك اللي بتتفرض على الواردات لحماية الصناعة الوطنيه ؟؟؟

                *لو كنت مسؤل كبير ف المرور اقترح خطة مختصرة لحل الازمة المرورية المتفجرة ف القاهرة ؟


                *لو كنت رئيس الوزراء و قالولك ليك 3 وزراء و مسموحلك انك تعفيهم من مناصبهم هتشيل مين ؟


                *حلمت قبل كدا بحاجة كنت تتمنا انك توصلها ووصلتلها ؟
                و
                *حلمت قبل كدا بحاجة كنت تتمنا انك توصلها ولسه موصلتلهاش؟


                *ايه هوا اكتر دعاء بتردده كتير وبتتمنا انه يستجاب ؟


                *لو معاك تذكرة سفر كسياحه وقالولك تختار تروح بيها فين هتروح فين؟


                *مين اكتر عضو هنا حسيت معاه بتوافق ف الافكار ؟



                كفاية كدا:biggrinjester::biggrinjester:

                *ايه رأيك ف حال الشباب دلوقتي
                شايف الاغلبيه منهم عاملين ازاي والقلة عاملين ازاي؟

                لما بشوف النماذج المفرحة اللى بتيجى تشتغل عندنا بقول البلد دى هتبقى حجاة عظيمة جدا فى 5 سنوات، ولما بشوف النماذج العجيبة الموجودة المقاهى والملاهى بقول عليه العوضو ومنه العوض، الحسبة ببساطة انى شايف ان نسبة الشاب الكويسة الى الشباب اللى مش كويسة هى نفس نسبة الأسر الكويسة اللى بتربى ولاده كويس الى نسبه الأسر اللى بتسيب الشارع او التليفزيون او الدولار والبيبى سيتر هم اللى يربوا

                *ايه رأيك ف الجمارك اللي بتتفرض على الواردات لحماية الصناعة الوطنيه ؟؟؟
                هو معادش فيه جمارك على حاجة ديلوقتى غير العربيات وبعض البنود فى صناعات النسيج، ومع كدة الصناعات اللى اتشالت من عليها الجمارك زى الأجهزة المنزلية واقفة على رجليها وناجحة، فحجة حماية الصناعة دى انا شايف ان كفاية عليها بأه

                *لو كنت مسؤل كبير ف المرور اقترح خطة مختصرة لحل الازمة المرورية المتفجرة ف القاهرة ؟

                راجع اجابة نفس السؤال فى موضوع اخونا Bee


                *لو كنت رئيس الوزراء و قالولك ليك 3 وزراء و مسموحلك انك تعفيهم من مناصبهم هتشيل مين ؟

                وزير الصحة والتعليم والتالت يجعل كلامنا خفيف عليه


                *حلمت قبل كدا بحاجة كنت تتمنا انك توصلها ووصلتلها ؟
                طول عمرى وانا صغير وانا مجنون عربيات، فكنت بتمنى انى تتاح لى الفرصة انى اركب واجرب واصلح واعمل فيها اللى انا عايزه
                و
                *حلمت قبل كدا بحاجة كنت تتمنا انك توصلها ولسه موصلتلهاش؟
                كنت بحلم ان يكون عندى عمل خاص بى


                *ايه هوا اكتر دعاء بتردده كتير وبتتمنا انه يستجاب ؟
                يارب ديم علينا نعمة الصحة والستر


                *لو معاك تذكرة سفر كسياحه وقالولك تختار تروح بيها فين هتروح فين؟
                انجلترا- مع انى رحتها قبل كدة فى رحله عمل بس اثرت فيا جدا


                *مين اكتر عضو هنا حسيت معاه بتوافق ف الافكار ؟

                د.احمد سمير
                [SIZE=5][COLOR=navy]سبعاوى[/COLOR][/SIZE]
                _______________________________________________

                Comment


                • المشاركة الأصلية كتبت بواسطة Mohammed_Adel_Amin مشاهدة المشاركة
                  أ. سبعاوي باشا ..طبعا غني عن التعريف بس اللقاء اكتشفنا فيه كثير من جوانب حياتك
                  عندي سؤال لحضرتك

                  طبعا معروف ان كل أب يحب إن إبنه يطلع أحسن منه .... نفسك ابنك يطلع ايه ؟؟

                  كمان سؤال

                  لو حبيت تقيم نفسك .. تدي نفسك نسبة مئوية تساوي كام في الآتي

                  وطنيتك
                  اسرتك
                  علاقتك بالناس
                  علاقتك بنفسك
                  مهنتك
                  علاقتك بالله
                  ثقافتك
                  عقلك
                  قراراتك

                  وفي انتظار الاجابات الجميلة من حضرتك ..

                  طبعا معروف ان كل أب يحب إن إبنه يطلع أحسن منه .... نفسك ابنك يطلع ايه ؟؟

                  انسان مثقف ومتعلم ويمتهن مهنة تدر عليه دخل معقول ووضع اجتماعى كويس، مش هتفرق كتير لو كان طبيب امراض دم او طيار تجارى او مهندس سيارات، المهم ان يتعلم ويشق طريقه بما يكفل له حياه محترمة

                  كمان سؤال

                  لو حبيت تقيم نفسك .. تدي نفسك نسبة مئوية تساوي كام في الآتي

                  وطنيتك 85%
                  اسرتك 85%
                  علاقتك بالناس 50%
                  علاقتك بنفسك 85%
                  مهنتك 90%
                  علاقتك بالله 85%
                  ثقافتك50%
                  عقلك62.6%
                  قراراتك 70%
                  [SIZE=5][COLOR=navy]سبعاوى[/COLOR][/SIZE]
                  _______________________________________________

                  Comment


                  • سبعاوي باشا عندنا .... يا مرحبا يا مرحبا

                    حلقة مميزة جدا جدا وضيف مميز جدا جدا
                    انا سعيد جدا بحاجتين .....

                    اولا : خبر اقتراب تشريف ولي العهد .... ربنا يوصله بالسلامة و يجعله خلف صالح وقرة عين لوالدية
                    ثانيا : الوسام اللي اهديته لي .... ده شرف ليا

                    ندخل في الوضوع :

                    س - تم اختيار سبعاوي لتشكيل الوزارة ..... وعندك حرية اختيار الوزراء .... شكللنا الوزارة ... بس من نايل موتورز .... مين وزير ايه

                    س - سبعاوي بقي رئيس الجمهورية ..... لكن مالوش فرصة غير 3 قرارات بس ... ايه هما بالترتيب

                    تخيل لو انك ما كنتش مهندس ( هو طبعا صعب جدا ما تكونش مهندس لكن تخيل ) ممكن كنت تنجح بنسبة كام % في الوظائف دي

                    - موظف فرونت اوفيس في فندق 5 نجوم
                    - ظابط جيش
                    - ظابط شرطة
                    - موظف في الشهر العقاري
                    - محامي
                    - لاعب كرة قدم
                    - امام وخطيب مسجد
                    - دكتور اسنان
                    ........
                    كفاية كدة عشان ندي فرصة لباقي الاسئلة من الزملاء
                    [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                    [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                    [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                    Comment


                    • المشاركة الأصلية كتبت بواسطة aif مشاهدة المشاركة
                      سبعاوي باشا عندنا .... يا مرحبا يا مرحبا

                      حلقة مميزة جدا جدا وضيف مميز جدا جدا
                      انا سعيد جدا بحاجتين .....

                      اولا : خبر اقتراب تشريف ولي العهد .... ربنا يوصله بالسلامة و يجعله خلف صالح وقرة عين لوالدية
                      ثانيا : الوسام اللي اهديته لي .... ده شرف ليا

                      ندخل في الوضوع :

                      س - تم اختيار سبعاوي لتشكيل الوزارة ..... وعندك حرية اختيار الوزراء .... شكللنا الوزارة ... بس من نايل موتورز .... مين وزير ايه

                      س - سبعاوي بقي رئيس الجمهورية ..... لكن مالوش فرصة غير 3 قرارات بس ... ايه هما بالترتيب

                      تخيل لو انك ما كنتش مهندس ( هو طبعا صعب جدا ما تكونش مهندس لكن تخيل ) ممكن كنت تنجح بنسبة كام % في الوظائف دي

                      - موظف فرونت اوفيس في فندق 5 نجوم
                      - ظابط جيش
                      - ظابط شرطة
                      - موظف في الشهر العقاري
                      - محامي
                      - لاعب كرة قدم
                      - امام وخطيب مسجد
                      - دكتور اسنان
                      ........
                      كفاية كدة عشان ندي فرصة لباقي الاسئلة من الزملاء

                      ندخل في الوضوع :

                      س - تم اختيار سبعاوي لتشكيل الوزارة ..... وعندك حرية اختيار الوزراء .... شكللنا الوزارة ... بس من نايل موتورز .... مين وزير ايه

                      شوف يا سيدى:

                      احمد عبد الغنى: وزير الصحة
                      حسام حسن: وزير الدفاع
                      احمد سمير: وزير الاعلام
                      علا عثمان : وزيرة القوى العاملة
                      توت عنخ امون:وزيرالخارجية
                      نهى:وزيرة السياحة
                      كريم منير: وزير التجارة والصناعه
                      شيكو: وزير الثقافة
                      محمد ابراهيم: وزير العدل
                      فادى: وزير البترول والتعدين
                      مينا(vw-driver):وزير النقل والمواصلات


                      س - سبعاوي بقي رئيس الجمهورية ..... لكن مالوش فرصة غير 3 قرارات بس ... ايه هما بالترتيب

                      1-نقل العاصمة الادارية الى مدينة يتم انشاءها فى الصحراء الغربية تبعد عن القاهرة بما لا يقل عن 100 كيلومتر

                      2- تسليم 10 من شركات البناء الكبرى فى مصر اراضى صحراوية على حواف المدن يتم بناء مدن سكنية ذات وحدات سكنية فوق المتوسطة فيها مخططة جيدا على حساب هذة الشركات ، تستغل هذة الوحدات لنقل ساكنى جميع المناطق العشوائية فى المدن الكبرى على مراحل حتى تمام تفريغ المدن العشوائية، وتحصل الشركات مقابل هذا على اراضى ما كان مدننا عشوائية وهى اراضى ستكون باهظة الثمن لقربها من وسط المدينة وتستغلها لانشاء مشورعات سكنية او ادارية فاخرة بهدف الربح على ان يكون موافق على تخطيطها وتسعيرها مسبقا ويدخل هذا فى اطار مشروع قومى للقضاء بشكل نهائى على العشوائيات

                      4-مجموعة من الاجراءات الصارمة مدعومة بكوادر مختاره من رجال الامن المتميزين لتفعيل جميع القوانين وتنفيذ الاحكام وواعادة هيبة العدالة واحترام القانون لكل مصر

                      تخيل لو انك ما كنتش مهندس ( هو طبعا صعب جدا ما تكونش مهندس لكن تخيل ) ممكن كنت تنجح بنسبة كام % في الوظائف دي

                      - موظف فرونت اوفيس في فندق 5 نجوم -70%
                      - ظابط جيش-20%
                      - ظابط شرطة -0%
                      - موظف في الشهر العقاري-50%
                      - محامي -0%
                      - لاعب كرة قدم-0%
                      - امام وخطيب مسجد-90%-
                      - دكتور اسنان 100%
                      [SIZE=5][COLOR=navy]سبعاوى[/COLOR][/SIZE]
                      _______________________________________________

                      Comment


                      • الحلقة دسمة قوي ...خايف أخش بالسؤالين اللي حلتي أبوظها ..... حاستعير جملة حسن باشا خليل " متابع بانسجام " :)

                        سبعاوي باشا .... ألف ألف مبروك على التمنياوي باشا و إن شاء الله ربنا يجعله أو يجعلها ذرية صالحة و يقوم المدام بالسلامة باذن الرحمن

                        عندي سؤال على الماشي باعتباري وزير الثقافة بقى ;): إيه أخر كتاب قراه سبعاوي ... و إيه الكتاب اللي ناوي يشتريه إن شاء الله ... و إيه الكتاب اللي تحب تقراه تاني
                        [CENTER] [/CENTER]

                        Comment


                        • مكنش العشم كدة تستثنيني من الوزارة
                          محروم من الغدا اخر الحلقة

                          Comment


                          • المشاركة الأصلية كتبت بواسطة Chicco مشاهدة المشاركة
                            الحلقة دسمة قوي ...خايف أخش بالسؤالين اللي حلتي أبوظها ..... حاستعير جملة حسن باشا خليل " متابع بانسجام " :)

                            سبعاوي باشا .... ألف ألف مبروك على التمنياوي باشا و إن شاء الله ربنا يجعله أو يجعلها ذرية صالحة و يقوم المدام بالسلامة باذن الرحمن

                            عندي سؤال على الماشي باعتباري وزير الثقافة بقى ;): إيه أخر كتاب قراه سبعاوي ... و إيه الكتاب اللي ناوي يشتريه إن شاء الله ... و إيه الكتاب اللي تحب تقراه تاني
                            اخر كتاب قريتة هو :صانع الساعات الأعمى ، لريتشارد دواكينز(طبعا مش معنى انى قريتة انى متفق معاه، لكن برضه مش معنى انى مش متفق معاه انى مقراهوش)
                            الكتاب اللى بحاول اشتريه، قصة الحضارة، وول ديورانت

                            اما الكتاب اللى احب اقراه تانى (الصراحة مببطلش قرايته بقالى 25 سنة) هو الفيزياء المسلية بتاع ياكوف بيرلمان
                            [SIZE=5][COLOR=navy]سبعاوى[/COLOR][/SIZE]
                            _______________________________________________

                            Comment


                            • المشاركة الأصلية كتبت بواسطة نور القمر مشاهدة المشاركة
                              مكنش العشم كدة تستثنيني من الوزارة
                              محروم من الغدا اخر الحلقة
                              مهو مفيش وزراة على مقاسك نعمل ايه طيب، بس انا حاجزلك منصب جامد جدا: رئيس المجلس الاعلى للصحافة، ايه رأيك ، مش افخم من الوزرات والكلام ده كله
                              [SIZE=5][COLOR=navy]سبعاوى[/COLOR][/SIZE]
                              _______________________________________________

                              Comment


                              • متى و كيف :
                                شعرت بالظلم ؟
                                شعرت بالبعد عن كل من حولك ؟
                                ابتسمت فى رضا وقلت "يا لى من عبقرى" ؟
                                قلت ساخطا " ما اغبانى" ؟
                                اتخذت قرارا مصيريا او لم تتخذه ندمت عليه بشده ؟ او- ان كان ليس من طبعك الندم- اثر عليك بالسلب ؟
                                تقربت الى ربك جدا و متى بعدت ؟
                                ضربت بعرض الحائط القوانين ؟
                                ابتلعت اهانه بدون رد فعل ؟
                                شعرت بالامان ؟


                                -عدما كادت ان تطيح بك تلك المقطوره ، ما التغير الذى حدث لك داخليا و خارجيا ؟
                                -قولك انك من "يسار الوسط" فهل انك ممارس للسياسه على ارض الواقع ؟ هل لك نشاط حزبى مثلا ؟ و هل تدلى بصوتك فى الانتخابات التى نعرف-دائما- نتائجها مسبقا ؟
                                -ماذا تنصح شابا فى مقتبل العمر ان يقرا ؟ ولماذا ؟
                                - كلمنا عن رحلة بحثك عن الزواج ؟ و كيف انتهت بمعنى كيف استقررت على زوجتك ؟
                                -"الرجال من المريخ والنساء من الزهرة " ماذا تفعل عندما تسمع المراه تتكلم وتتكلم ولا تنفك ان تتكلم فى اى شىء و فى كل شىىىىىىىىىىىىىىىء ؟
                                -كانت لنا كلنا ايام الصبا اسرار او معتقدات نحميها بكل ما نستطيع من قوة و لكن عندما نكبر و ننظر لها مرة اخرى ندرك كم هى طريفة . اذكر لنا واحده او اكثر
                                - فى كلمات كيف تصف الدكتور احمد سمير ؟
                                - لو قلت لك ان سيارتك النيسان سيئه و قيمتها لا تساوى حتى او تقترب من سعرها . ماذا ستكون ردة فعلك
                                -اكتر بيتزا بتحبها نوعها ايه ؟ واحسن الاماكن اللى بتقدمها ؟:k31:اصلى بحبها قوى:p


                                و اخيرا .. شكرا لسعة صدرك
                                و لولا انى اراك ذو عقل راجح ما تكلفت عناء كتابة تلك الكلمات و انتظار ردك عليها
                                و تقبل خالص مودتى:)

                                و زى ما بيكتبو عندنا فى الامتحانات attempt all questions
                                [RIGHT][COLOR=darkgreen]أحمد محمد صبرى[/COLOR][/RIGHT]
                                [CENTER][COLOR=darkgreen][SIGPIC][/SIGPIC][/COLOR][/CENTER]
                                [CENTER][COLOR=darkgreen][B]يا رب تفهم يا تتح[/B][/COLOR][/CENTER]
                                [CENTER][SIZE=3][COLOR=#000000][B]ماشى فى نور الله بدعى و اقول .... يا رب[/B][/COLOR][/SIZE][/CENTER]

                                Comment

                                Working...
                                X