عيادة أسنان المنتدى (للاستشارة)

[medo2o1o]

ازيك يا دكتور انا 3 اسنان 6 اكتوبر و ممكن تعتبرني الصبي بتاعك

اهلا و سهلا و بالتوفيق فى دراستك
بس انتوا عندكم اعدادى و لا لغوه (miu لغوها)

[nourelbasher]

لا معندناش يا دكتور ادعيلنا عندي امتحان operative يوم الاثنين

[bishoy02010]

هوة التقويم بيحتاج وقت ادد إيه عشان يتعمل ؟ وفيه حاجة بتفضل راكبة فى السنان بس انا مش عارف اسمها بعد مبيتعمل ياترى ديه بتفضل قد إيه وتتشال ؟؟؟

[HANGMAN]

محدش يعرف دكتور اسنان كويس في المهندسين وتبع alico

[mohamedbook]

السلام عليكم ورحمة الله وبركاتة يادكتور احمد
الحمد لله اسناني كويسة انا بستعمل السواك وشبة ياكلة وافضل امضغ في الخشب بتاعة وبعدين امضمض فمي وجايب معايا ناتائج هائلة
مشكلتي
لما طلع درس العقل طلع واحد معووج شوية (يعني يجوار فكي او شبة ملتصق بالفك )مما يجعله يخزن ما بين منطقة الدرس والمنطقة الملاسقة للفك طعام بوافي طعام
اهملت في السواك فترة مما ترتب علية ان مؤخرة درس العقل مكان تخزين بواقي الطعام اسودت وبعدين حسييت بكهربة فيها مش قادر اكل عليها
المهم رحت مستعمل السواك ناحيتها لحد متكسرة الجزء المسود دة او جزء من الدرس بس مش كبير يعني طلع فتافيت المكان الي كان فية تسوس
المهم المنطقة دية منخورة من اسفل واكيد بيتكون فيها طعام اعمل اية عشان احافظ عليها وميتكونش فيها طعام
ولا من ارايك اشيل الدرس دة
وهل التسوس معدي لبقية الاسنان ولا التسوس بيحصل في المكان الي فية بقايا الطعام فقط
وجزاك الله خيرا

[medo2o1o]

هوة التقويم بيحتاج وقت ادد إيه عشان يتعمل ؟ وفيه حاجة بتفضل راكبة فى السنان بس انا مش عارف اسمها بعد مبيتعمل ياترى ديه بتفضل قد إيه وتتشال ؟؟؟

على حسب الحالة و الretainer اللى بعد التقويم بتبقى حولى 6 شهور

محدش يعرف دكتور اسنان كويس في المهندسين وتبع alico

للاسف الشديد مليش فى المهندسين خالص

السلام عليكم ورحمة الله وبركاتة يادكتور احمد
الحمد لله اسناني كويسة انا بستعمل السواك وشبة ياكلة وافضل امضغ في الخشب بتاعة وبعدين امضمض فمي وجايب معايا ناتائج هائلة
مشكلتي
لما طلع درس العقل طلع واحد معووج شوية (يعني يجوار فكي او شبة ملتصق بالفك )مما يجعله يخزن ما بين منطقة الدرس والمنطقة الملاسقة للفك طعام بوافي طعام
اهملت في السواك فترة مما ترتب علية ان مؤخرة درس العقل مكان تخزين بواقي الطعام اسودت وبعدين حسييت بكهربة فيها مش قادر اكل عليها
المهم رحت مستعمل السواك ناحيتها لحد متكسرة الجزء المسود دة او جزء من الدرس بس مش كبير يعني طلع فتافيت المكان الي كان فية تسوس
المهم المنطقة دية منخورة من اسفل واكيد بيتكون فيها طعام اعمل اية عشان احافظ عليها وميتكونش فيها طعام
ولا من ارايك اشيل الدرس دة
وهل التسوس معدي لبقية الاسنان ولا التسوس بيحصل في المكان الي فية بقايا الطعام فقط
وجزاك الله خيرا

هو شكل الدرس سوس و لازم تشيله روح لدكتور جراحة عشان يتشال
المشكلة ان ضرس العقل لما بيبقى طالع غلط ممكن يسبب تسوس للسنة اللى جنبها
او تاكل فى الجذر بيلع السنة اللى حنبها او التهابات فاول ما تلاقيه يدايقك لازم يتخلع
و عشان متتصدمش لما الدكتور يقولك الضرس ده هايتخلع بشق للثة

[medo2o1o]

لا معندناش يا دكتور ادعيلنا عندي امتحان operative يوم الاثنين

ربنا يوفقك ان شاء الله

[bishoy02010]

على حسب الحالة و الretainer اللى بعد التقويم بتبقى حولى 6 شهور

طيب الرينج بيكون من كام لكام عادتا

[mohamedbook]

على حسب الحالة و الretainer اللى بعد التقويم بتبقى حولى 6 شهور

للاسف الشديد مليش فى المهندسين خالص


هو شكل الدرس سوس و لازم تشيله روح لدكتور جراحة عشان يتشال
المشكلة ان ضرس العقل لما بيبقى طالع غلط ممكن يسبب تسوس للسنة اللى جنبها
او تاكل فى الجذر بيلع السنة اللى حنبها او التهابات فاول ما تلاقيه يدايقك لازم يتخلع
و عشان متتصدمش لما الدكتور يقولك الضرس ده هايتخلع بشق للثة

المشكلة يادكتور اني بخاف اروح عند دكتور اسنان عشان العدوي
هلي ممكن اشتري عدة خاصة بي فقط
هل هي غالية عشان اقدر اعمل حسابي
والا مش هروح عند دكتور اسنان مطلقا
انا حتي بحلق لنفسي في البيت ومبرحش لحلاق من حوالي 10 سنين لاني بخاف من تعدد ادوات الحلاقة من راس لراس
وربنا يستر

[medo2o1o]

طيب الرينج بيكون من كام لكام عادتا

اقل حالة شفتها كانت سنة و بتوصل لغاية اربعه بس فى الغالب بتخلص على سنتين

[أحمد كمال]

عندي التهاب ابن حرام في ال TMJ

و مش عايز اخد anti-inflammatory كتير باعتبار اني لسه خارج من حوار ال Liver enzymes اتضربت فيه بسبب كتر الادوية .....

بس من حين لاخر بقالي كام يوم اما الالتهاب زاد باضرب بروفين 600 كل يوم او يومين مرة

الالتهاب مسبب لي الم في المفصل على الناحيتين بيزيد مع فتح الفم .... و الالم بيبقى في اغلب الاحيان مش موجود مع عدم تحريك الفك (بس النهاردة صحيت الصبح بألم فظيع و راح لوحده بعد ساعة) .....

اعمل ايه بقى؟

[medo2o1o]

المشكلة يادكتور اني بخاف اروح عند دكتور اسنان عشان العدوي
هلي ممكن اشتري عدة خاصة بي فقط
هل هي غالية عشان اقدر اعمل حسابي
والا مش هروح عند دكتور اسنان مطلقا
انا حتي بحلق لنفسي في البيت ومبرحش لحلاق من حوالي 10 سنين لاني بخاف من تعدد ادوات الحلاقة من راس لراس
وربنا يستر

بص احنا بنعقم الادوات بتاعتنا كويس جدا و بنستخدم حجات كتير disposable
و الحاجة اللى بنستخدمها لازم تتعقم قبل ما بتستخدم تانى (مش ديتول زى الحلاقين)ده جهاز تعقيم تمنه لا يقل عن 20000 جنيه
عايز تجيب حاجتك انت حر فى حاجات سهل انك تجيبها و فى حاجات غالية جدا
و دكتور السنان بيتعرف اذا كان نضيف ولا لا من شكل عيادته و هيئته
اقولك حاجة روح اشترى diagnostic set من اى محل مستلزمات اسنان عشان الدكتور يكشف بيها عليك
و اساله هيحتاج ايه و اساله عن اسعارهم لو تقدر تجيبهم خير و بركة

[medo2o1o]

عندي التهاب ابن حرام في ال tmj

و مش عايز اخد anti-inflammatory كتير باعتبار اني لسه خارج من حوار ال liver enzymes اتضربت فيه بسبب كتر الادوية .....

بس من حين لاخر بقالي كام يوم اما الالتهاب زاد باضرب بروفين 600 كل يوم او يومين مرة

الالتهاب مسبب لي الم في المفصل على الناحيتين بيزيد مع فتح الفم .... و الالم بيبقى في اغلب الاحيان مش موجود مع عدم تحريك الفك (بس النهاردة صحيت الصبح بألم فظيع و راح لوحده بعد ساعة) .....

اعمل ايه بقى؟

بص انت تعمل اشعة tmj tomograph و انا هاحولك لدكتور تخصصه ال tmj و بسم الله ما شاء الله ايديه نضيفة قوى
لو عايز اكلمهولك و اسالك عن عنوان عيادته فين

[أحمد كمال]

المشكلة يادكتور اني بخاف اروح عند دكتور اسنان عشان العدوي
هلي ممكن اشتري عدة خاصة بي فقط
هل هي غالية عشان اقدر اعمل حسابي
والا مش هروح عند دكتور اسنان مطلقا
انا حتي بحلق لنفسي في البيت ومبرحش لحلاق من حوالي 10 سنين لاني بخاف من تعدد ادوات الحلاقة من راس لراس
وربنا يستر

مع الحفاظ على سير الموضوع الرئيسي .... ممكن تشتري عدة حلاقة كاملة (مقص + مشط + فرشة راس + فرشة حلاقة دقن + سلاح الحلاقة + فرشة تنضيف الشعر + مريلة + ماكينة كهرباء + استيكة و طبق حلاقة الدقن + شنطة صغيرة شيك تلم الليلة دي كلها) بحوالي 300 او 400 جنيه و تخليها معاك و تحلق عند الحلاق ..... و ممكن برضه تاخد تطعيم الالتهاب الكبدي الوبائي ب (Hepatitis B) و ده 3 حقن (حقنة في اي وقت + التانية بعد شهر من الاولى + التالتة بعد 6 شهور من الاولى) و فعاليته عالية في الحماية لمدة 10 سنين ..... لان Hepatitis B اسهل في الانتقال بكتييييييير (ممكن بنقطة ميكروسكوبية من الدم) من C اللي محتاج دم كتير جدا عشان يتنقل ...... و ممكن اصلا B يتنقل لك من غير حلاق و لا دكتور سنان أصلا !!!

[أحمد كمال]

بص انت تعمل اشعة tmj tomograph و انا هاحولك لدكتور تخصصه ال tmj و بسم الله ما شاء الله ايديه نضيفة قوى
لو عايز اكلمهولك و اسالك عن عنوان عيادته فين

و ماله :) اعملها .... بجملت ال radiation اللي عمال اخده :)

و يا ريت تكلمه تساله عن عنوان العيادة ..... بس هو بيرضى يدي فواتير و لا لأ (عشان اقدر استرد قيمة الكشف و اي procedure من شركة التامين) .....