"عيادة طب الاطفال للإستشارة " الجزء التانى

[د.محمود صلاح]

دكتور محمود سؤال اخر بعد اذنك

بالنسبة للأكل الخاص بالأولاد هما عندههم 10 شهور حاليا والافطار اليومي بيبقى صفار بيضة مسلوقة مخلوط بالزبادي، سؤالي هل تناولهم لصفار البيض بشكل يومي ممكن يعملهم اجهاد وتعب للكبد في المرحلة العمرية الي هما فيها ولا مفيش منها قلق وخوف؟ لأني اعرف ان صفار البيض بيبقى مجهد للكبد في هضمه فهل ده ممكن يعملهم مشاكل بعد كدة؟

انا ملاحظ ان وزنهم ثابت من حوالي 3 شهور عند 10 كيلوجرام لكل واحد مفيش زيادة في الوزن ووديتهم عند التدكتور الي انا متابع معاه وكشف عليهم وقالي صحتهم العامة ممتازة والحمد لله ولكن مش عارف ايه سبب عدم زيادة وززنهم وثباته من فترة على 10 كيلوجرام، هما متعبين شوية في الاكل بشكل عام بس في النهاية بياكلو كل حاجة تقريبا دلوقتي ما عدا اللحوم فحضرتك تنصحني بايه من الناحية دي

السؤال التاني، انا عارف اهمية الاوميجا 3 في السن ده علشان تنمية المخ وذكاء الطفل ولكنهم مش قابلين طعم السمك باي شكل مهما حاولنا ننوع في طريقه عمله سواء مشوي او غيره فهل في ادوية تنفع للسن ده تحتوي على الاوميجا 3 عن طريق انها تكون جرعة يومية؟

شاكر لحضرتك على سعة صدرك

البيض مش منصوح به قبل سن سنة عشان مشاكل الحساسية .. الحليب الصناعي مثل الإس 26 جولد مزود بكل lcpufa بما فيهم اوميجا 3 كما ان الرضاعة الطبيعية فيها كل حاجة ..

الوزن في المرحلة يزيد دي حوالي 250 جرام كل شهر وليس مثل الأشهر الأولى ( حوالي 750 جرام كل شهر )

[Amr_MO]

شكرا جزيلا دكتور محمود على الافادة

بالنسبة لموضوع تناول البيض هو الحمد لله مفيش مشاكل حساسية حصلت منه فهل استمر عليه عادي ام تناول البيض بصفة يومية ممكن يعملهم مشاكل اجهاد الكبد ولا مفيش خطورة منه؟

بالنسبة لموضوع اوميجا 3 هل في بديل دوائي ليه بعيد عن اللبن الصناعي زي مثلا نقط الحديد vdrop للأطفال كدة ولا مش موجود منه غير في الحليب الصناعي بس؟

وياريت لو محضرتك تفيدني بملخص مختصر كدة عن انواع الاكلات المهمة الي حضرتك تنصح بيها في المرحلة العمرية الي هما فيها لحد ما يكلموا 12 شهر ان شاء الله، انا ناوي اجيبلهم تمر من السعودية فهل برضه فيه مشكلة لو اخدوه بصفة يومية او حتى كل يومين؟ لو هيكون كتير علسان السكريات الي فيه؟

وشكرا لحضرتك مرة اخرى

[د.محمود صلاح]

التمر والبيض والعسل بعد سن سنة .. اوميجا 3 مش فيتامينات ده من ضمن الأحماض الدهنية الهامة لعمليات التمثيل الغذائي .. بعد سن سنة اي اكل يمكن يأكله لعدد 3 وجبات رئيسية و2 سناك

[ام حبيبة]

ابنى اعانى معه من فرط الحركة و تشتت الانتباه
هو 9 سنوات
يعنى كثير الحركة
يتشتت اتباهه بسهولة جدا لو بدء حاجة يقلب لغيرها بسرعة
وديته مركز تعديل سلوك معروف انه كويس جدا
اخنا فترة تقريبا 4 شهور كل اسبوع جلسة
شخصوه adhd
قدرا قولت اعمله رسم مخ
طلع كهربا زايدة و بؤرة صرع صدق انا صدمت لان عائلتى الحمد لله لا يوجد بها مشاكل من هذا النوع و لكن عائلة والدهم بها اكثر من فرد اخرس و عمهم اخرس و كان عنده صرع و اتعالج مدة 20 سنة
و اصبح الان 60 سنة بصحة جيدة
و يعنى كان فى مشاكل كلام لكن اظبطوا
و بعدين اعمل معاه ايه
الغريب اللى بيحصله مع فرط الحركة و التشتت
انه بيجيله نوبات سرحان كده

وده من صغره من سنه يعنى 4 سنين
لكن مستواه الدراسى الى حد ما كويس اكيد بيتعبنى شوية عشان التشتت و قلة التركيز
و كان اختبار الذكاء بينيه 5 درجته 126
ماذا تنصحنى معه

[د.محمود صلاح]

نوبات السرحان دي ممكن تفسر على انها نوبات الصرع الأصغر ورسم المخ مرجح ذلك وطبعا ده له علاج دوائي لمدة من 6 اشهر لسنتين

ارجو مراجعة دكتور امراض نفسيه وعصبية ( باطني او اطفال ) والمتابعه معه

[roland_yamaha]

متابع

[rosebox]

سلام عليكم يا دكتور محمود

ابنى و هو عنده 6 شهور و 10 ايام عملتله تحليل hemoglobin electrophoresis
لأن عندنا فى العيله الانيميا دى فحبينا نطمئن
و النتيجه
result ATT

alkaline hemoglobin electrophorsis

helena cellulose acete electrophoresis

HBA 97.7%
hba2 2.3


comment normal pattern

فكنت عايزه اخد رأى حضرتك

و شكرا مقدما

[د.محمود صلاح]

كما هو مكتوب طبيعب

[rosebox]

كما هو مكتوب طبيعب

جزاك الله خيرا

[rosebox]

سلام عليكم يا دكتور محمود
ابنى دلوقتى عنده 8 شهور و عنده امساك من يومين بيعمل حاجه صغننه كده و ناشفه

مزاجه وحش جدا جدا جدددددددددا و على طول نايم و مالوش نفس ياكل خالص و مالوش نفس لأى حاجه.

من 10 ايام كده كان جاله امساك يوم واحد انما نزل دم نزلته فى مايه دافيه بملح كام مره ورا بعض و الموضوع مشى تمام. وريته للدكتور بعديها على طول و قاللى مافيهوش حاجه و من ساعتها و انا بديله نشويات على خفيف قوى اصلا خليت كل اكله جنب اللبن زبادى مانجا و عصير برتقال و ساعات جبنه نستو.
الدكتور قاللى اديله دوا اسمه نيو دايجيستين معلقه 3 مرات يوميا
اديته لحد دلوقتى مرتين و مفيش لسه حاجه.
انا قلقانه عليه قوى قوى.

ممكن حضرتك تقولى اتصرف ازاى دلوقتى و بعدين امشى اكله ازاى بعد كده؟

نسيت اقول لحضرتك من اقل من شهر كان وزنه داخل على 8 كيلو دلوقتى هو 7 و نص.

[د.محمود صلاح]

نيو دايجستين فيه انزيمات مهضمه وغير موصوف في طب الاطفال ..

الأمساك كل كام يوم ؟؟ ممكن كل 3 ايام طبيعي خصوصا في مرحلة التحول من الرضاعة للأكل ..

ركزي على السوائل والرضاعة ..

كل 3 ايام استخدمي لبوس جليسرين اطفال للمساعدة في تليين البراز وخروجه ..

لا داعي لأي ادوية بخلاف الجليسرين ..

[rosebox]

نيو دايجستين فيه انزيمات مهضمه وغير موصوف في طب الاطفال ..

الأمساك كل كام يوم ؟؟ ممكن كل 3 ايام طبيعي خصوصا في مرحلة التحول من الرضاعة للأكل ..

ركزي على السوائل والرضاعة ..

كل 3 ايام استخدمي لبوس جليسرين اطفال للمساعدة في تليين البراز وخروجه ..

لا داعي لأي ادوية بخلاف الجليسرين ..

متشكرة يا دكتور على ردك عليا اما بصراحه قلبى وجعنى هو ما توقفش عن الاخراج يوميا بيخرج انما بيطلع حاجات صغيره كده و ناشفه و دايما بيعيط و دايما بيحزأ بقاله 3 ايام
انهارده وريته للدكتور زوددلى قاللى القولون بتاعه مليان فادانى لبوي جليسرين انهارده و استمر على النيوديجيستين 3 مرات يوميا و معا برضه دولفاك 3 مرات يوميا
بعد ما اديتله اللبوس طلع حاجه برضه ناشفه بس كبيرا شويه
وزنه نزل ل7 و 400 جرام انهارده

مالوش نفس ياخد لبن خالص انما بتصرف و بحطه مع المانجا

يعنى ما اكلوش كوسه؟

[ام حبيبة]

ده تحليل لابنى و بنتى
الولد انس 9 سنين
البنت مريم 6 سنوات
استاذن حضرتك
قولى نتيجة التحاليل و العلاج اللازم
جزاك الله خير
المرفقات_2013826

[ام حبيبة]

ده تحليل لابنى و بنتى
الولد انس 9 سنين
البنت مريم 6 سنوات
استاذن حضرتك
قولى نتيجة التحاليل و العلاج اللازم
جزاك الله خير
المرفقات_2013826

[roland_yamaha]

ده تحليل لابنى و بنتى
الولد انس 9 سنين
البنت مريم 6 سنوات
استاذن حضرتك
قولى نتيجة التحاليل و العلاج اللازم
جزاك الله خير
المرفقات_2013826

بالنسبة لأنس البراز بتاعه يعتبر كويس شوية عسر هضم بسيطة
أما مريم في شوية إنتاميبا وبعض الديدان بسيطة
بالنسبة للعلاج الدكتور هيفيدك فيه بس غالبا هتحتاج مطهر معوي زي فلاجيل شرب