عيد حب سعيد للجميع

[Eng. Rafy Samy]

حصل خير يا باشمهندس

و
happy valantine day
غصب عن اي حد
:10D5C8~1107:

اخي الفاضل ابو صلاح
كل التحية والتقدير والاحترام لحضرتك واحمد ربنا ان لسه في ناس متفتحة زي حضرتك
تقبل خالص تحياتي

[الغزالى]

انا مش شايف ان دا المكان المناسب لمناظره مع دين اخر

وانا لم أشير ان النصارى كفار , ولكن اجزمت انه لا يجوز الاحتفال باعيادهم ..

هل تقومومن بالاحتفال باعياد المسلمين كعيد الفطر وعيد الاضحى !!! ويوم الجمعه ؟

يا عزيزي
قال الله تعالى "لكم دينكم ولي دين " .. حضرتك انا اسف مش هتناقش معاك في امور تخص ديني


انا عارف ان اخرة الموضوع دا ممكن يكون فيها ايقاف ليا .. لكن ديننا امرنا بالامر بالمعروف والنهي عن المنكر ودي نقاشات بين مسلمين اعتذر ان مفيش مجال لغير المسلمين بالدخول فيها

لا تعليق ياباشا بس انت كدة بدل ما بتهدى الامور بتتشعلهها
ارجوك خليك اهدى من كدة شوية
اخوك محمد

[ghazy12]

يا باشمهندس رفيق, و يا أستاذ ميدو.... بعد اذنكم اسمحولي اطلب منكم رحابة الصدر...

احنا اخوات و زملاء في منتدى واحد و الموضوع عمره ما هيكون مسلم و قبطي... لأن الدين لله وحده

احنا ممكن نتقبل كلام بعض بصدر رحب و نتناقش لكن بعيدا عن مسلم و قبطي...

بعد اذنكم اهدوا لأن الموضوع فعلا مش مستاهل أبدا كل العصبيه و الحده دي...

تقبلوا تحياتي و احنا في الأول و الآخر مصريين و اخوات... ولا نكسب الكأس مره رابعه علشان تفتكروا :)))

[plzzz]

حصل خير يا باشمهندس

و
happy valentine day
غصب عن اي حد
:10D5C8~1107:

فعلا

و مهما إمتلأت قلوب بعض البشر بالكراهية سيظل happy valentine day

عيد حب سعيد على الجميع

[Eng. Rafy Samy]

يا باشمهندس رفيق, و يا أستاذ ميدو.... بعد اذنكم اسمحولي اطلب منكم رحابة الصدر...
احنا اخوات و زملاء في منتدى واحد و الموضوع عمره ما هيكون مسلم و قبطي... لأن الدين لله وحده
احنا ممكن نتقبل كلام بعض بصدر رحب و نتناقش لكن بعيدا عن مسلم و قبطي...
بعد اذنكم اهدوا لأن الموضوع فعلا مش مستاهل أبدا كل العصبيه و الحده دي...
تقبلوا تحياتي و احنا في الأول و الآخر مصريين و اخوات... ولا نكسب الكأس مره رابعه علشان تفتكروا :)))

بشمهندس محمد انا متفق معاك 100%..
صدقني انا عمري ما اتكلمت على الدين في حياتي لأني عمري ما احتجت لده (عمري) لان كل اللي عرفهم ناس محترمة متفتحة عاقلة زي حضرتك وزي اعضاء كتير هنا في المنتدى يتميزوا بالاعدال والثقافة.
كل الشكر والتقدير والاحترام لحضرتك
تقبل تحياتي

[أبو صلاح]

الحمد لله
نجحنا في افساد الموضوع
هل من مزيد؟

[wesam_salom]

الحمد لله
نجحنا في افساد الموضوع
هل من مزيد؟

بس برده معرفناش هنقضى عيد الحب فين

[م.احمد زكريا]

يا اخوانا انتو محسسسني ان الموض

[pro_samir]

موتني من الضحك يا باشمهندس سمير على توقيعك بتاع اللمبي
اضحك الله سنك

الله يسعدك

بس مش انا اللي عاملها دي طلعتلي فى السيرش

هي جامدة الصراحة بس المهم متعملوش بيها احنا اعضاء غلابة برضو

[أبو صلاح]

بس برده معرفناش هنقضى عيد الحب فين

بص عن تجارب ناس صحابي متجوزين (عقبالي يارب)
افضل شيء ممكن يتعمل هو تطفيش الاولاد إذا كانو موجودين
والزوج وهو راجع البيت يجيب الشموع والتورته والذي منه والزوجة تظبط الدنيا في البيت عشاء ومعطرات وموسيقى هادية وأنوار هادية ويعيشوا احلى لحظات الحب

يارب اوعدنا بقى

ده في رأي افضل من الخروج في اليوم ده

[م.احمد زكريا]

اسف على الخطا في المشاركة السابقة

يا اخوانا انتو محسسني ان الموضوع عيد بجد وليه طقوس وكده يعني

ده كله لعب عيال وهجص وفضى وفراغ

على كدة شم النسيم ده بقى لازم نولع في البلد كلها مسلمين ومسيحيين عشان عيد فراعنة وثنيين (رنجة وفسيخ وخروجات)

يا ريت ما نديش الموضوع اكبر من حجمه

وفي ملحوظة تقبلوها مني
موضع اقحام الدين والفتاوى في كل حاجة والاشارة للاخوة النصارى فيها مالهوش لازمة بالذات في الوقت الحالي المصر بتواجه فيه فتن من كل ناحية سواء مع عرب ومسلمين خارجها او بين المصريين وبعض مسلمين واقباط داخلها يا اخي ده في ناس بتحاول تعمل فتن بين مسلمين ازهريين وسلف وناس تانية بتعمل فتن بين الطوائف المسيحية في مصر .... عايزنا عراق ولا لبنان!!!!
(بلدنا تختلف عن البلدان الاخرى)
ربنا ارفع عنا الغلاء والباء والربا والزنا والزلازل والمحن والفتن ماظهر منها وما بطن ........ امين

وشكرا

[م.احمد زكريا]

بص عن تجارب ناس صحابي متجوزين (عقبالي يارب)
افضل شيء ممكن يتعمل هو تطفيش الاولاد إذا كانو موجودين
والزوج وهو راجع البيت يجيب الشموع والتورته والذي منه والزوجة تظبط الدنيا في البيت عشاء ومعطرات وموسيقى هادية وأنوار هادية ويعيشوا احلى لحظات الحب

يارب اوعدنا بقى

ده في رأي افضل من الخروج في اليوم ده

أنت متأكد أن القالولك دة دول اصحابك اوي
في حد متجوز لأ وكمان مخلف ممكن يعمل كده :10D5C8~1107:

يا رب تتجوز وتعمل زيهم يا سيدي

على فكرة انا باهزر معاك بس كلامك ده فعلا نادر الحدوث

[أبو صلاح]

أنت متأكد أن القالولك دة دول اصحابك اوي
في حد متجوز لأ وكمان مخلف ممكن يعمل كده :10D5C8~1107:

يا رب تتجوز وتعمل زيهم يا سيدي

على فكرة انا باهزر معاك بس كلامك ده فعلا نادر الحدوث

هو انا بصراحة مش عارف ده نادر الحدوث ولا ايه
بس عايز اقوك ان كل اصحابي اكبر عيل عندهم ميعديش السنتين
يعني لسه برضه في بداية الطريق الى ........... (كل واحد يكمل بمزاجه )

[migo9898]

معلش اصل فى ناس بتحرم كل شىء عيد الام حرام 6 اكتوبر حرام دة حتى شم النسيم بقا كخة وبرده هانحتفل بعيد الحب كل مادخل المنتدى والاقى موضوع عادى الاقى كم عضو عمال يغلط فى دينى للاسف لو لقيوا حد وقفهم عند حدهم مكنش يحصل كدة مع انى لكن كل الاحترام للمسلمين

[أبو صلاح]

معلش اصل فى ناس بتحرم كل شىء عيد الام حرام 6 اكتوبر حرام دة حتى شم النسيم بقا كخة وبرده هانحتفل بعيد الحب كل مادخل المنتدى والاقى موضوع عادى الاقى كم عضو عمال يغلط فى دينى للاسف لو لقيوا حد وقفهم عند حدهم مكنش يحصل كدة مع انى لكن كل الاحترام للمسلمين

عادي بقى عديها
والتوبيك باين من عنوانه انه يخص الفلنتين داي اللي عجبه اهلا وسهلا اللي مشعجبه برضه اهلا وسهلا لكن بدون اي تعليقات