عيد حب سعيد للجميع

[Eng.Sameh]

النهاردة نزرع الحب و ننشر الحب و نتكلّم حب و نقول الحب و نحب الحب

كل عيد حب و إحنا في حب

يا عم يا عم يا بتاع الحب .. بكام حبة الحب النهارده !

ايه لطشة الحب اللي انت واخدها دي .. يديني العمر يا ضنايا لحد مشوفك متجوز ومعاك عيل مطلع عينك هو وامه ...

[rms1986]

عارفين مين الى فى الصورة ده


ها عرفتوه ؟

ده القديس فلانتين أوسانت فلانتين زى ما بيقولوا



عارفين ده مين طبعا شكله واضح جدا

ده الى بسببه أنا بحتفل فى يوم الفلانتين

مش مشكلة سبب الاحتفال

المهم انى بحتفل بالى فى الصورة ده

ومين أنا.. أنا المسلم الموحد بالله وبحب الله ورسوله

وبقول لهم فى ...عيد ناقصنى فى دينى فأنا كاملته من دين تانى

بعد ما الرسول قال لنا

اليوم أكملت لكم دينكم وأتممت عليكم نعمتي ورضيت لكم الاسلام دينا

يعنى أيه الكلام ده يا رسول الله

يعنى يا مسلمين دينا خلاص أكتمل



يعنى ما ينفعش بعد ما الرسول ما يقول فى الحديث ده كده



قَدِمَ رَسُولُ اللَّهِ صَلَّى اللَّهُ عَلَيْهِ

وَسَلَّمَ الْمَدِينَةَ

وَلَهُمْ يَوْمَانِ يَلْعَبُونَ فِيهِمَا ،
فَقَالَ : مَا هَذَانِ الْيَوْمَانِ ؟ قَالُوا كُنَّا نَلْعَبُ فِيهِمَا فِي الْجَاهِلِيَّةِ. فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا : يَوْمَ الأَضْحَى ، وَيَوْمَ الْفِطْرِ )
والحديث صححه


نقول بعد كده مافيهاش حاجة هو الحب حرام

وماينفعش بعد ما ربنا يقول لنا

(لكل جعلنا منكم شرعة ومنهاجا)وقال(لكل أمة جعلنا منسكا هم ناسكوه)


نقول بعد كده دى فرحة بنفرح بيها الناس الى حوالينا هو أحنا كده كفرنا


طبعا فى ناس حاسة ان احنا حرمنا كل حاجة فى الدنيا حتى الحب

يا جماعة دينا الى علم

يا جماعة دينا الى علم العالم معنى الحب

يا جماعة دينا ده دين جميل

الحب فيه مش يوم واحد فى السنة.. الحب فيه كل يوم فى السنة


علشان كده لازم لما تقول مسلم ترفع راسك لفوق

كلمة أخيرة من القلب

الحب مش حب بنت لولد وولد لبنت

الحب معنى كبيييييييير قوى

حبك لأهلك لأ صحابك لجيرانك حبك لجوزك.. وحبك لمراتك

بس صدقونى مش هتلاقوا زى حبه

هو......حنين قوى...... وجميل قوى .....وبيحبك قوى أكتر من اى حد

أكيد عرفتم قصدى مين

وصدقونى أى حب ممكن يموت إلا حبه

بحبكم فى الله

[elassar2010]

هوا مفيش حد في هذا المنتدى بيعمل حاجة غلط

كلكم ماشاء الله متدينين وماشيين على الصراط المستقيم
كلكم بتحترمو المرور وضد البهايم اللي ماليين الشارع
كلكم ضد التفاهات بتاع شباب اليومين دول
كلكم حتى الشباب منكم ضد السرعة والتهور
كلكم حتى الشباب منكم مستاء من تصرفات الشباب المصري المستهترة وعلاقات الحب وعيد مش عارف إيه !

كلكم من المدينة الفاضلة ولا إيه

مفيش حد من مصر هنا أتكلم معاه

أُمّال اللي أنا بشوفهم في الشوارع كل يوم دول إيه

مش مصريين زي كل أعضاء المنتدى ولا فصيلة تانية


دي بقت حاجة تحرق الدم بصراحة

100 مشاركة تهزيء واستنكار وشجب وخناقات وتعصب ديني وو وو علشان واحد دخَل قال عيد حب سعيد !

ده مصر كلها هتقلب أحمر وبمبي بكرة بسبب اليوم ده

تشيييرز

فعلا هنا كلة عايش فى المدينة الفاضلة والكل مستاء من اليوم الوحش دة
بس لما حد اختة تجيلها هدية من خطيبها عاااااااااادى ياعم
لما خطيب بنتة يجيب هدية لبنتة فى اليوم دة عااااااااااااااادى ياعم وانا هقولة متجبش !!!!
انا عمرى فى حياتى ماشفت ولا سمعت عن حد قال لخطيب بنتة يوم الفلنتين حرام ومن فضلك ماتجبش هدية؟؟؟؟لان انا عايش فى مصر مش فى المدينة الفاضلة

[MoToRiZeR]

طب هو يا جماعة عيد مسيحي و برضه هحتفل بيه هي غتاتة
أصل مفيش فايدة من المناقشة كل شوية نعود لنقطة الصفر

[أحمد علاء]

طب هو يا جماعة عيد مسيحي و برضه هحتفل بيه هي غتاتة
أصل مفيش فايدة من المناقشة كل شوية نعود لنقطة الصفر

وايه الي احنا استفادناه من تعريفك لنا انك هتحتفل وغتاتة!
بالعكس انت بتثبت كأنك بتقول بصوت عالي انا لا اقبل النصحية وهاعمل الغلط واديني بأقولكم انا هاعمل الغلط !
وانت لست اهل لهذا لأنك انسان محترم واحسبك كذلك .

الشباب نصحوا ,الي مش هياخذ بالنصيحة بلاش يتريق ويستفز الناس بلا هدف.
وربنا قال : كل امرئ بما كسب رهين

محدش بيجبرك متحتفلش لكن الناس هنا بتنصح وده واجب , لكن عندما ينصحك شخص بترك معصية فلا تظهر بشكل المجاهر بها.
وربنا يهدينا جميعا

[plzzz]

طب هو يا جماعة عيد مسيحي و برضه هحتفل بيه هي غتاتة
أصل مفيش فايدة من المناقشة كل شوية نعود لنقطة الصفر

و انا كمان برضه بس مش غتاتة

[Hany.ElBaathy]

[QUOTE=amrbakly;3872359265][QUOTE=medo55;3872358489]يا اخي الكريم

اعلموك كثيرا انه لا يجوز الاحتفال باعياد اليهود والنصارى

فالمسلمون لهم عيدين فقط ( عيد الفطر وعيد الأضحى )

والرسول صلى الله عليه وسلم لم يحتفل باي عيد عدا العيدين فقط

واتفق كثير من اهل العلم انه من يقوم بالاحتفال باعياد غير المسلمين فهو يوافقهم على ما هم فيه ...........

.............

واسال الله لي ولك بالهدايه



أعتقد أن عيد الحب لا لة علاقة لا بيهود ولا بنصاري
و بعدين مش شايف ان لهجة الكلام طائفية شوية ولا اية ؟

و بعدين ما السعودية بتحتفل بالعيد الوطني و بتاخدة أجازة مسمعناش حد من شيوخ السعودية قالهم دة كفر يعني

متفق معاك تماما أنه تعليق طائفي و عنصري لأقصى حد مع أنى مسلم و الحمد لله

بس دا موقع سيارات للمصريين مش للمصرين المسلمين بس.

مش هقول الذوق و الأصول يخلونا نعمل حساب إخواننا المسيحيين فى الموقع بس هقول الإسلام هو الى بيخلينا نعمل حساب أحاسيس الناس عموما

و ربنا يسترها على بلدنا طول ما فيه ناس بتفكر فى مسلمين و نصارى

و لصاحب الموضوع عيد حب سعيد و يجعل كل حياتنا حب و سلام لأنك لم تتعدى أي حدود للياقة مع عدم إقتناعى بهذا العيد

[MoToRiZeR]

وايه الي احنا استفادناه من تعريفك لنا انك هتحتفل وغتاتة!
بالعكس انت بتثبت كأنك بتقول بصوت عالي انا لا اقبل النصحية وهاعمل الغلط واديني بأقولكم انا هاعمل الغلط !
وانت لست اهل لهذا لأنك انسان محترم واحسبك كذلك .

الشباب نصحوا ,الي مش هياخذ بالنصيحة بلاش يتريق ويستفز الناس بلا هدف.
وربنا قال : كل امرئ بما كسب رهين

محدش بيجبرك متحتفلش لكن الناس هنا بتنصح وده واجب , لكن عندما ينصحك شخص بترك معصية فلا تظهر بشكل المجاهر بها.
وربنا يهدينا جميعا

ميرسي ليك .. حضرتك ليه شبه متأكد إن انا مسلم؟
مع العلم إن ده غير مذكور في بياناتي الشخصية أو إسمي أو توقيعي أو شئ

[plzzz]

ميرسي ليك .. حضرتك ليه شبه متأكد إن انا مسلم؟
مع العلم إن ده غير مذكور في بياناتي الشخصية أو إسمي أو توقيعي أو شئ

+1111111111111111111111111111111111111111111111111

[Hany.ElBaathy]

كفاية بقى انا زهقت....
الظاهر ان مافيش فايدة في مجموعة ناس حتفضل كده وحتموت كده التعصب والعمى والجهل هما حياتهم وإدعاء التدين هو حجتهم والله والاسلام بريء منهم

ربنا يرحمنا ويرحمهم

أستاذ/ رفيق

و لا يهمك من حد و أنا مسلم و ما ليش في أعياد الغرب الى مالهاش علاقة أصلا باي دين
و أن الإسم العيد مرتبط بقديس دا قديس يستاهل التكريم لأنو كان بيطبق الى ربنا عايزو مش الى الحكام عايزينوا

و عيد حب سعيد بالعند فى أي حد عايز يفرق بينا و فاليموتوا غيظا أدعياء الفتنة و الطائفية و التعصب الجاهلي

[Evo]

هو يا جماعة يا اللي مصممين تدخلو الموضوع وتقلبوه حلقة نقاش ديني مش الاعمال بالنيات ولا إيه
ولكلل امريء مانوى ولا إيه ؟

يعني أنا لو في يوم زي ده على اساس إنه مناسبة عالمية استغلها فرصة و اجدد علاقاتي مع اصدقائي بكلمتين حلوين
وقلت لاهلي كلمتين حلوين
وخطيبتي مثلا أو مثلا مثلا اللي محتملة تكون كلمتين حلوين !

مش هاشتري بقى هدوم جديدة وأنزل اعيد وألف على الناس طالما أنا مش في نيتي إن ده عيد ديني
دي فرصة أعيد بيها صلات الود مع الناس !

صحيح هو في ناس بتآخدها سكر وسهر زي راس السنة وغيرها من المناسبات لكن مقلناش نعمل كده !
وبرده مقلناش نزني في يوم زي ده زي ماناس بتقول !زي ماهوعيد العشاق عند مفهوم بعد الناس و العياذ بالله مش عيد للحب !
وأصلا أفضل يتقال على المناسبة دي يوم الحب زي اليوم الوطني كده

وبيني وبينكم كده كام واحد فيكم صاحب في حياته وحب في التليفون وخرج وقضاها كافيهات وكام واحد فيكم جاب دباديب وهدايا وكام واحد فيكم اتشقلب واتنطط حوالين بنت علشان يجيب رقمها علشان عاجباه و بيحبها من أول نظرة

في ناس بتبقى نيتها خير لانه عايز يتجوز أو يخطب وفي ناس بتبقى نيتها شر في الحوارات دي

كلامي صح ولا أنا بخرف ولا إيه ؟

وبردو

تشيييرززز

[أحمد علاء]

ميرسي ليك .. حضرتك ليه شبه متأكد إن انا مسلم؟
مع العلم إن ده غير مذكور في بياناتي الشخصية أو إسمي أو توقيعي أو شئ

اعتقد ممكن يكون ردي مفيد لأكثر من واحد حتى لو مش هيفيدك
النصيحة ممكن تكون موجهة لشخص وتفيد اخر
وانا قلت انك انسان محترم مهما كان دينك والمجاهرة بأي معصية مذمومة في كل الأحوال
وربنا يهدينا جميعا

[plzzz]

تشيييرززز

Yeah man ........... All night tonight

[mhoss]

Yeah man ........... All night tonight

ممكن بقه حضرتك تبطل استفزاز...مش ممكن كده...و ياريت باقى الأعضاء يتجنبوا الاستفزاز و لا ينساقوا وراء هذا العضو و ياريت الإدارة تتدخل.....

[MoToRiZeR]

اعتقد ممكن يكون ردي مفيد لأكثر من واحد حتى لو مش هيفيدك
النصيحة ممكن تكون موجهة لشخص وتفيد اخر
وانا قلت انك انسان محترم مهما كان دينك والمجاهرة بأي معصية مذمومة في كل الأحوال
وربنا يهدينا جميعا

طب ماهو لو انا مسيحي و ده عيد مسيحي يبقي فين المعصية !؟