عيد حب سعيد للجميع

[ghazy12]

هو ايه اللى مرة رابعة يا غازى
ما احنا اخدنا 7 مرات
قصدك 8 بقا وال 4 متتالى
هابى فالنتين داى
بس انتوا مستعجلين ليه لسة يوم 14 نجيب الورد والدباديب والماجات
مش لاقية مج يعجبنى

انا فعلا كنت اقصد المره الرابعه (على التوالي), لكن سبتي الموضوع كله و مسكتي في دي...!!!

عديها لاخوكي يا بسكوته.....

لكن انا ملاحظ انك هتقومي بمهامك في الحزب النسائي و هتطالبي الرجاله (الغلابه)
اللي هو احنا, ان كل واحد فينا يشتري هديه لمراته أو خطيبته, لتشعر بالبهجت...

و طبعا كل واحد مجهز الهديه التمام لخطيبته او مراته من دلوقتي و هيقدمها بكل رومانسيه

و طبعا في المقابل هيكون الرد بردو بكل رومانسيه

في كده في الدنيا.... و الله احنا لينا الجنه

كلام حضرتك صح مليون الميه يابشمهندس محمد وانا متفق معاك في كل كلامك واحنا مصريين في الأول والآخر وياريت نبعد عن موضوع مسلم ومسيحي لأننا كلنا مصريين ووطنا وطن واحد نعيش كلنا علي ارضه وتحت سمائه بنفرح كلنا مع بعض ساعة الفرح واقربها حصولنا علي كاس الأمم الأفريقيه مكنش فيه فرق بين مسلم ومسيحي الكل فرحان ولما حصل الموقف المهين بتاع ام درمان اللي عمله المشجعين الجزائريين كلنا زعلنا وكلنا تفاعلنا مع الموقف كامصريين فقط ياجماعه بلاش نحط في كلامنا مسلم ومسيحي لأن في ناس مش من بلدنا بتحب تصطاد في الميه العكره وبتقوم الدنيا علينا ويفضلوا يقولوا ان المسيحيين مضطهدين في مصر لينشروا الفتنه بيننا وليحملوا النفوس بالكره والبغضاء بين ابناء وطنا وهذا الكلام ابعد عن الحقيقه وماهو الا أفتراء وكذب وانا عن نفسي اكثر اصدقائي وعملائي من الأخوه المسيحيين بل من اكثرهم حبا لقلبي ودائما نتبادل التهنئه في الأعياد والمناسبات ولافرق عندي بين مسلم ومسيحي ياجماعه مش عايزيين حد يفرق شملنا ووحدتنا استهدوا بالله ووسعوا صدوركم ربنا يبعد عنا الشياطين

شكراا يا أستاذ احمد على كلامك... و فعلا عندك حق

تقبل تحياتي يا باشا.....

[Samah AbdAllah]

انا فعلا كنت اقصد المره الرابعه (على التوالي), لكن سبتي الموضوع كله و مسكتي في دي...!!!

عديها لاخوكي يا بسكوته.....

لكن انا ملاحظ انك هتقومي بمهامك في الحزب النسائي و هتطالبي الرجاله (الغلابه)
اللي هو احنا, ان كل واحد فينا يشتري هديه لمراته أو خطيبته, لتشعر بالبهجت...

و طبعا كل واحد مجهز الهديه التمام لخطيبته او مراته من دلوقتي و هيقدمها بكل رومانسيه

و طبعا في المقابل هيكون الرد بردو بكل رومانسيه

في كده في الدنيا.... و الله احنا لينا الجنه



..

انا بس قولت اغير جو الموضوع
بس ما قولتليش الاقى مج حلو فين
هههههههههههههههههه
هو انا عادة اللى بشترى لنفسى فى الفالنتين ولا الحوجة لحد

[Karim_Mohy]

للاسف مفيش تعليييييييييق

علقت في الموضوع الاولاني وقلت ممكن مايتقفلش............بس للاسف هانفضل زي ما احنا.......كله شايف نفسه صح من غير ما يسمع ولا يعرف وجهة نظر غيره.........



واكييييييييد برضو هايتقفل الموضوع ده......................

وكل سنة واحنا طيبيين.........واكيد اكيد في موضوع قرب هايتقفل برضو اسمه ( هاتروح فين في شم النسيم )

ربنا يهدينا جميعا

[Samah AbdAllah]

طول ما احنا بنتحوار باسلوب راقى هيفضل الموضوع مفتوح
اذا طالبت بحرية استمرار الموضوع وحرية ابداءك لرأيك
اقبل حرية الآخر فى التعبير عن رأيه
ده كلام عام مش موجه لشخص محدد
الكلام للجميع وانا اولكم

[Karim_Mohy]

طول ما احنا بنتحوار باسلوب راقى هيفضل الموضوع مفتوح
اذا طالبت بحرية استمرار الموضوع وحرية ابداءك لرأيك
اقبل حرية الآخر فى التعبير عن رأيه
ده كلام عام مش موجه لشخص محدد
الكلام للجميع وانا اولكم

يا ريـــــــت

[elassar2010]

طول ما احنا بنتحوار باسلوب راقى هيفضل الموضوع مفتوح
اذا طالبت بحرية استمرار الموضوع وحرية ابداءك لرأيك
اقبل حرية الآخر فى التعبير عن رأيه
ده كلام عام مش موجه لشخص محدد
الكلام للجميع وانا اولكم

كلامك جميل جدااااااا نظريا
بس عمليا لالالالالالالالالا
عيد الحب حرام
عيد الام حرام
عيد تحرير سينا حرام
عيد شم النسيم حرام
مش عاجبك يبقى انتى وحشة وهتروحى النار
انما هما اصحاب فرض الراى داخلين الجنة حدف علشان بيكفرونا
والموضوع دة غالبا هيتقفل زى الموضيع الى قبلة وزى برضة موضوع السنة الى فاتت لما اعضاء قالوا للعضوة الى عملت الموضوع انتى كافرة!!!!!!!!!!!!!!!!

[أحمد كمال]

خسارة
حقيقي خسارة

فعلاً ...... خسارة كبيرة .......

[newhansol]

هوة دة مش كان موضوع مغلق
الادارة فكتة تانى ولا اية
وكان اخر رد بتاع الاخت بسكوتة

[nabaster]

هوة دة مش كان موضوع مغلق
الادارة فكتة تانى ولا اية
وكان اخر رد بتاع الاخت بسكوتة

فعلا والله وقلت خلاص ارتحنا

يارب بقي استرها

A.Yakout

[amrbakly]

و الله كويس أن الإدارة فتحت الموضوع تاني، لأني فعلا كنت مستغرب هو إتقفل لية

علي أي حال أعتقد أن الحوار الدائر هنا ميختلفش عن حوارات كتير بتدور في كل دول العالم

بس واضح إحنا لسة متأخرين قوي، لأن الناس برة بقت بتتكلم في شرعية الإستنساخ و الحق في الإجهاض و يقعدوا فقهاء قانونيين و دستوريين و علماء علم نفس و أطباء و فلاسفة يتناقشوا و يكتبوا كتب و احنا و الحمد لله لسة قابعين في بقايا التاريخ نحتفل بالفلانتين ولا لأ، و الست تشتغل ولا لأ، و المسلم و غير المسلم و السني و غير السني ........ إلخ

معارك فكرية عمرها 4000 سنة من أيام بني إسرائيل

أنا مش عايز أتكلم في الدين نهائي، و لكن بما أننا بعض الناس شدونا لحوارات دينية خلينا نقولهم أنة بما أن الإسلام بلا كهنوت (و هذا ليس إهانة أو تحقير لفكرة الكهنوت إطلاقا) إذن فرأيي الشخصي أن كل واحد حتي لو كان كبير علماء المسلمين لا يملك إلا حق النصيحة فقط لا غير، و ليس له حق تكفير أو تحقير من رأي الأخر، طالما أنة غير معلوم بالضرورة و لا فية نص قطعي الثبوت و قطعي الدلالة، إذن هو محل نقاش و جدال و إختلاف.

و احب أفكرهم بأية قرأنية دالة جدا في حوارنا اللطيف دة : فَذَكِّرْ إِنَّمَا أَنْتَ مُذَكِّرٌ لَسْتَ عَلَيْهِمْ بِمُسَيْطِرٍ

فإذا كان بقي الكلام دة للرسول، أمال بقي الإخوة المكفراتية جايبين الجبروت دة منين ؟

[Karim_Monir]

سلام عليكم ورحمه الله
انا بقيت اخاف ادخل الاجتماعي اخد طوبة في دماغي وانا شعري طويل وكتير وهاخد وقت عند الكوافير (اللي بقالي كتير مازورتهوش) على ما يشيلو شعري :-) ويخيطو دماغي
اللي عارفني طبعا عارف اني فلة :-) شمعة منورة


يا جماعة
احنا منتدى سيارات في قسم اجتماعي لاجتماعيات الاعضاء
واحد بيحتفل بعيد الحب ذنبه على جنبه
واحد بيجيب لمراته بصلة في شم الفسيخ وبيسال عن مكان بيع بصل اورجانيك نقوله :-)
واحد بيسال بانوراما حرب اكتوبر فين عشان اودي العيال يوم شم النسيم بلاش نقول 6 اكتوبر بدعة
الدين منهاج حياة وداخل في كل تفاصيل حياتنا
لكن وربي وما اعبد ده منتدى سيارات في قسم اجتماعي
مش منتدي اجتماعي فيه كلام عن العربيات

انا قربت اغير اسم الاجتماعي الى قسم ال

إقـــــــــــتمــــــــــــاعــــــــــــــــــي

[amrbakly]

سلام عليكم ورحمه الله
انا بقيت اخاف ادخل الاجتماعي اخد طوبة في دماغي وانا شعري طويل وكتير وهاخد وقت عند الكوافير (اللي بقالي كتير مازورتهوش) على ما يشيلو شعري :-) ويخيطو دماغي
اللي عارفني طبعا عارف اني فلة :-) شمعة منورة


يا جماعة
احنا منتدى سيارات في قسم اجتماعي لاجتماعيات الاعضاء
واحد بيحتفل بعيد الحب ذنبه على جنبه
واحد بيجيب لمراته بصلة في شم الفسيخ وبيسال عن مكان بيع بصل اورجانيك نقوله :-)
واحد بيسال بانوراما حرب اكتوبر فين عشان اودي العيال يوم شم النسيم بلاش نقول 6 اكتوبر بدعة
الدين منهاج حياة وداخل في كل تفاصيل حياتنا
لكن وربي وما اعبد ده منتدى سيارات في قسم اجتماعي
مش منتدي اجتماعي فيه كلام عن العربيات

انا قربت اغير اسم الاجتماعي الى قسم ال

إقـــــــــــتمــــــــــــاعــــــــــــــــــي

هههههههههههههههههههههههههههههههههههههههههههه

انا عايز اقولك ان الناس قاعدة تتفرج عليا في الكافية و أنا بضحك من تعليقك الفظيييييييييييييييييع

و حلوة موووووووووووت كلمة إقتماعي دية ............ دة أنت عفريت جبتها منين الكلمة دية !!!!!!!!!

المهم مقولتش نجيب منين البصلة الأورجانيك في شم النسيم ؟؟؟؟؟؟؟؟

[SHNORY]

سلام عليكم ورحمه الله
انا بقيت اخاف ادخل الاجتماعي اخد طوبة في دماغي وانا شعري طويل وكتير وهاخد وقت عند الكوافير (اللي بقالي كتير مازورتهوش) على ما يشيلو شعري :-) ويخيطو دماغي
اللي عارفني طبعا عارف اني فلة :-) شمعة منورة


يا جماعة
احنا منتدى سيارات في قسم اجتماعي لاجتماعيات الاعضاء
واحد بيحتفل بعيد الحب ذنبه على جنبه
واحد بيجيب لمراته بصلة في شم الفسيخ وبيسال عن مكان بيع بصل اورجانيك نقوله :-)
واحد بيسال بانوراما حرب اكتوبر فين عشان اودي العيال يوم شم النسيم بلاش نقول 6 اكتوبر بدعة
الدين منهاج حياة وداخل في كل تفاصيل حياتنا
لكن وربي وما اعبد ده منتدى سيارات في قسم اجتماعي
مش منتدي اجتماعي فيه كلام عن العربيات

انا قربت اغير اسم الاجتماعي الى قسم ال

إقـــــــــــتمــــــــــــاعــــــــــــــــــي

كيمو
انا جيبتلك هديه عيد الحب
علبه جيل امريكاني
وشامبوا فرنساوي
علشان عارفك مش بتستعمل غيرهم زيي
هههههههههههههههههههههههه

[Samah AbdAllah]

هو ليه كل ما الموضوع يهدى ويمشى كويس بحوار هادئ يدخل عضو يشعلله ويغير مساره تانى لنفس الطريق المغلق
هكررها تانى
من لا يقبل حرية الرأى لا يطالب بها

[أحمد كمال]

و الله كويس أن الإدارة فتحت الموضوع تاني، لأني فعلا كنت مستغرب هو إتقفل لية

علي أي حال أعتقد أن الحوار الدائر هنا ميختلفش عن حوارات كتير بتدور في كل دول العالم

بس واضح إحنا لسة متأخرين قوي، لأن الناس برة بقت بتتكلم في شرعية الإستنساخ و الحق في الإجهاض و يقعدوا فقهاء قانونيين و دستوريين و علماء علم نفس و أطباء و فلاسفة يتناقشوا و يكتبوا كتب و احنا و الحمد لله لسة قابعين في بقايا التاريخ نحتفل بالفلانتين ولا لأ، و الست تشتغل ولا لأ، و المسلم و غير المسلم و السني و غير السني ........ إلخ

معارك فكرية عمرها 4000 سنة من أيام بني إسرائيل

مش شايف اي تأخر بسبب الموضوع ده ..... خلاص محدش فينا سايب الابحاث الذرية و قاعد يجادل .... و دي مش بقايا تاريخ على فكرة ..... مفيش حاجة بتبقى حرام و بعد 2000 سنة هتبقى حلال .....