If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
السلام عليكم ورحمة الله
نظرا لاهمية الموضوع خاصة بالنسبة للزملاء اللي ناويين يأمنوا اود ان اوضح من تجربتي اهمية اختيار شركة راقية في التعامل
واليكم تجربتي بالتفصيل
عربيتي كيا ريو هاي لين موديل 2013 تم تجديد الوثيقة مع شركة مصر للتأمين في تاريخ 13/1/2014 بقيمة 110 الف(تمم تقديرها من خلام مصر للتأمين) وتعرضت لحادث جسيم بعدها باقل من شهر (الحمد لله الذي نجاني منه) تم الابلاغ عن الحادث وعمل محضر ونقلت السيارة للتوكيل بالونش وتم عمل مقايسه للاصلاح السيارة ،وارسلت مصر للتأمين بعدها باسبوع !!! مهندس لمعاينة السيارة في التوكيل وكان تقريره كالتالي (نظرا لارتفاع تكلفة الاصلاح تعتبر السيارة هلاك كلي او يتم الاصلاح خارج التوكيل بحد اقصى 30% من قيمة التأمين) وانتظرت 9 ايام حتى ينتهي المهندس من انهاء التقرير وارساله للادارة وبالاتصال بالادارة لشركة مصر للتأمين ابلغوني انه تم تقييم السيارة هلاك كلي ب 95 الف (يعني في اقل من شهر حسبو نسبة اهلاك 15 الف ) وعليك الاتي:
نقل ملكية السيارة لمصر للتأمين (تقديرات اولية تقارب 1800 حنية)
نقل السيارة لمخازن الشركة بالمنيا (تقديرا 900 جنية)
نسبة تحمل 25% من اصلاح الايرباج (تقديرا ما يقارب اويذيد عن 3000 جينة)
يعني يصفي ما يقارب 89 الف جينة من اصل 110 الف مع العلم ان السيارة قيمتها السوقية الان تتعدى 125 الف نتيجة زيادة اسعار السيارات.
ونظرا لحجم الخسارة الكيبرة (21 الف جنية بالاضافة لزيادة السعر السوقي في ثمن السيارة ) طالبت باصلاح السيارة في التوكيل ولم تتم الموافقه الا في حدود 33 الف وعلى تحمل الباقي.
وكل هذه الاجراءات تتم في جو من التعنت والمماطله وتكشيرة الوش ولو مش عاجبك روح اشتكي في الرقابة على التأمين ...هذا كله رغم علمهم بصدقي ومكانتي وان لي الحق في التعويض المناسب لكن كله في الشركة منتظر اللي اعلى منه علشان ياخد قرار ، يعني من الاخر لازم توصل لرئيس مجلس الادارة علشان تعرف تاخد التعويض المناسب في الحوادث الكبيرة نظرا لانها تحتاج امضته للموافقه على التعويض وطبعا كل اللي تحته تلاقيهم اديهم بترتعش ومش قادرين ياخدو قرار ومستنيين اللي فوق يشير بالموافقه...وهذا سبب الروتين الممل بهذه الشركه.
ومازلت في معناه مع مصر للتأمين منذ شهرين ولم اتوصل لشئ حتى الان.
م.علي عمر
01000531996
They are the worst company ever!. here's my story
I have a BMW 316i 2008, since 2008 my insurance was with Misr insurance, i never had an accident until a month ago when i had one & the damages were " kaboot, 2 fanous, shabaka, eksedam, sedr". They insisted on fixing the car at 7erafeyeen! , and the engineer said it would cost 13,000 LE & i should get the spare parts & they pay me back after deducting 25% then it became 15%, after fixing the car they asked for the bill i got the parts with & it should be stamped & i did . Now they want to give me 7000 LE ONLY, and they are saying that " l sedr" seeny although i bought it from Bavarian auto! & the stamp on the bill is fake!!!
عربيتي نيسان نيو صني شراء يناير 2014 الشكل الجديد تكييف تاتش
علشان اريح ضميري بحثت عن تامين تكافلي ودلوني علي
بيت التأمين المصري السعودي - وده كان اسوء قرار (الحمد لله)
مختار تامين شامل في التوكيل - وده اللي مجننهم (عند اصدار الوثيقة شايلينك من علي الارض)
...
- لابد من عمل محضر شرطة لاي حادث حتي لو ب50ج اي حادث لازم محضر شرطة
- وبياخدوا عند الاصلاح في التوكيل 10% من اجمالي التكاليف + 480ج عن كل حادث + نسبة اهلاك عند كل حادث
- النظام انه بعد مراجعة الشركة للاصلاحات واعتمادها اقوم بسداد اجمالي القيمة وبعد الاصلاح اسلم قطع الغيار التالفه للمخازن تبعهم واستلم شيك بعدها ب10 ايام .... وده مبيحصلش .... قول شهر ونص الا لو ليك حد او موظف او مندوب
- طبعا حاولوا يخلوني اصلح في اي مركز غير التوكيل تابع ليهم ولكن رفضت بشدة واصريت علي الاصلاح في اتو ايجيبت ... والمندوب قالي في مركز معتمد تبعنا وبرضه رفضت غير في الاماكن المعروفة مع انها اغلي ... لانها مش تبعهم ... والاماكن اللي بيقول عليها غير معروفه ... وليس لها سمعه
بداية المشكلة
- حادث علي المحور واحده فرملت مرة واحده حوالي 5 عربيات دخلت في بعض
اكصام امامي وخلفي وفوانيس وردود في شنطة السيارة والشكمان متني .... دخلنا في 13800
ده غير حاجات كتير رفضها مندوب الشركة عند المعاينة بالتوكيل مثال عضم تشبيك الاكصدام اصر علي استخدام القديم والفوم خلف الاكصدام ورفض استبدال الشكمان مع انه به اعوجاج وطلب تغيير الجوان فقط ؟؟؟؟؟ والمسامير والجوانات وضبط الزوايا بعد الحادث ......
تفابلت مع جميع المسئولين من اول مهندس المعاينة لمدير الادارة لمدير القطاع للعضو المنتدب ... كله بيقول احنا كده هنخسر ؟!!!
وغير هذا تم رفض دفع اجمالي القيمة بحجة ان المصنعيات مغالي فيها (وانا مالي معروف ات الصيانة في اي توكيل غالية .... طيب ليه الشركة وافقت من الاول علي تامين واصلاح بالتوكيل)
المهم العربية تركت حوالي شهر بدون اذن الاصلاح بسبب مبلغ 600 ج .... في الاخر بعد بهدلة المواصلات اتصرفت وحليت الموضوع مع التوكيل وحليت فرق ال600 ج
وقلت اخلص بالاجزاء الكبيرة في العربية وموضوع الشكمان يتحل علي مهله
صوت العربية كان شكمانها مخروم وعلي السرعات العالية بيصفر
فاكسات للعضو المنتدب وحتي رئيس مجلس الادارة ... ولا في حس ولا خبر ... هنشوف ونرد عليك .... ليا حوالي 7 شهور
..
بالمناسبة في الاول بيقولوا يتم دفع القيمة بشيك لو الاوراق سليمة بعد 10 ايام .... الكلام ده مبيحصلش الا بعد شهر ونص ومتابعة بنفسك .... الا لو ليك مندوب او معرفة
..
بعد 7 شهور من المماطلة قررت اللجوء لجهاز حماية المستهلك ... وهشوف يقدروا يعملوا ايه
...........
السؤال
هو المفروض ان اتدخل بين الشركة والتوكيل ام المفروض ان الشركة تنهي موضوع التفاوض مع التوكيل
طيب ايه العمل لما الشركة تكون باردة ويقولوا احنا عرضنا التكلفة اللي شايفينها صح ومفيش عندنا غير كده .. اما ان التوكيل يقبل او شوف حد تاني للاصلاح عنده ؟؟؟
....
بما ان الشركة تكاسلت في انهاء موضوع الاصلاح اول مرة وربطت سعر للاصلاح .... هل القضاء ينصفني واستطيع ان اطالب بتعويض .... ولا اقول حسبي الله ونعم الوكيل وانتهي الامر
...
اخيرا هل جهاز حماية المستهلك يستطيع الزام التأمين باصلاح الشكمان ... ان مصر علي الاستبدال في التوكيل ؟
افيدوني برايكم
رداً للسؤال عن المشرق العربي....أنا مأمن معهم بقالي 5 سنوات على تويوتا ياريس (بعتها) وجبت كورلا أمنت عليها معهم...
في حالة الحادث لاقدر الله...بتروح التوكيل تعمل مقايسة وتسيب العربية وتمشي وتبلغ مندوب التأمين في التوكيل.
بتنزل المعينة تاني يوم بظبط....ويبدأ الإصلاح.
لم بتخلص التوكيل بيكلمك تروح يكون جواب الإصلاح أعتمد من التأمين ومكتوب فيها تحملك قد إيه....غالباً بتكون 10% عشان التوكيل + 10% كمان على حسب موديل العربي (أهلاك)
لو عملت مطالبات كتير وصلت تقريباً نص القسط في التجديد بيحط عليك نسبة تحمل عند كل حادث 20%
هي شركة محترمة جداً وندفة في التعامل....وبتأمن بين ب-3.2% لو زيرو ولو معملتش مطالبة....معرفش دلوئتي بكام ...أنا حجدد كمان شهر وربنا يستر.
Comment