تجارب الاعضاء مع شركات التأمين ؟ ( هام للغاية )

[A.Saad]

السلام عليكم
انا محمد مصطفي انا يا اخوانا اشتريت نيو اكسنت شهر 6 /2010 وعملت بيها حادثة بعدها بخمس شهور العربية اتكهنت كلها والحمد لله اني طلعت منها اخدت هلاك كلي وانا مامن في شركة ما يعلم بيها الا ربنا شركة مصر للتامين وكانو واخدين مني حوالي 4% من قيمة العربية تقريبا المهم انا بقالي اكتر من خمس شهور ولسة لحد النهاردة ما عملوش خطاب لرفع حذر البيع دة غير بقة اني لسة بدفع الاقساط لحد النهاردة بسبب تاخيرهم والله شوفت معاهم اسوء معاملة وذل مفيش بعد كدة اسوء اسوء شركة تامين في مصر وتحس ان الموظفين فيها ماشية بروتين غريب عاملين شبة موظفين المصالح الحكومية (فوت علينا بكرة يا سيد)والله زهقوني في العيشة ومش عارف اتصرف معاهم ازاي وكل ما تيجي تكلم حد عن التاخير يقولك مش ذنبي . حاجة تطهق.

حمدالله على سلامتك اولا
شركة مصر للتأمينن بتكون متقسمة مناطق وادارات
تشوف العامل بتاع البوفيه فى الفرع اللى انت فيه
وتسأله على مكتب المدير العام بتاعهم فين
وتدخل له
وتحكى
شد الموظفين واتلموا ........ ماشى
مفيش ,,,,,,,,,,,, يبقى الاذى ليهم طعام
وبحر الاذى واسع
تروح على الدقى وتشوف فين مكتب
رئيس مجلس الادارة
المراجعة الداخلية او التفتيش
وتقدم شكوى مكتوبة ومعاك صورة ليها يمضوا بالاستلام عليها
بس قبل كدة
ممكن الموظفين يقرفوك فى التعويض
تحاول تاخد منهم حسبة التعويض ودى ان شاء الله على ورقة نتيجة
علشان نبقى عارفين حساباتنا
انت مامن فى اى فرع

[Amro_ON]

انا يا جماعه مأمن في شركة المصريه للتأمين التكافلي وبعد مشتريت العربيه حكيت و خبطت الجنب اليمين للعربيه في باب البيت :(
ده يغطيه التأمين ولا لأ ؟

ياريت لو حد عنده خبره في الموضوع ده يرد عليا

[A.Saad]

ياريت لو حد عنده خبره في الموضوع ده يرد عليا

يغطيها طبعا

[dedo2612009]

السلام عليكم
اخوكم محمد من اسكندرية
احب اشارك برايي بس في الاول عاوز اعرف مصر للتامين اخدت العشرة بوينت دول علي اي اساس هل اللي صوت لها جرب التعامل معاها في الحوادث لاقدر الله ولا اية
انا يا جماعة في اخر ذل مع الشركة اللي ينتقم منهم دول عملت حادثة من ستة اشهر ولسة دايخ معاهم لحد دلوقتي دي المفروض يسموها شركة عبدة روتين للتامين اللي من غير تامين والسلام عليكم

[hero_xp10]

معق حق شكرا للتوضيح ورجاء الانتباه للحكم الشرعى قبل اتحاذ اى اجراء

[ahmed_halim197]

يعنى الجمعية المصرية للتامين احسن حاجة

[A.Saad]

يعنى الجمعية المصرية للتامين احسن حاجة

لا طبعا
ابعد عنها
واصلا هيا ممنوع تاخد عمليات جديدة

[eman2011]

يا جماعة انا بشتغل فى مصر للتأمين و مستغربة جدا من الكلام اللى بيتقال عن سوء المعاملة
ممكن اللى عندة اى مشكلة فى الشركة يوضحها و ان شاء اللة اقدر اساعدة فى حلها
بس يا ريت اللى عندة اى مشكلة يكتب هو تبع فرع اية لان فى منطقتين و ان شاء اللة اقدر افيد الاشخاص اللى تبع منطقة ( القاهرة شمالية )

[ahmed_halim197]

يا جماعة انا بشتغل فى مصر للتأمين و مستغربة جدا من الكلام اللى بيتقال عن سوء المعاملة

ممكن اللى عندة اى مشكلة فى الشركة يوضحها و ان شاء الله اقدر اساعدة فى حلها
بس يا ريت اللى عندة اى مشكلة يكتب هو تبع فرع اية لان فى منطقتين و ان شاء الله اقدر افيد الاشخاص اللى تبع منطقة ( القاهرة شمالية )

يعنى منطقة شبرا فى المنطقة بتاعتك
و انا كنت عايز اعمل تامين على عربية جديدة حاستلمها الاسبوع الجاى فممكن اعرف التفاصيل يعنى نسبة التامين كام من غير تحمل و هل فية خصم فى على كل سنة تامين تالية و كل المعلومات الممكنة؟
و شكرا

[A.Saad]

يا جماعة انا بشتغل فى مصر للتأمين و مستغربة جدا من الكلام اللى بيتقال عن سوء المعاملة
ممكن اللى عندة اى مشكلة فى الشركة يوضحها و ان شاء الله اقدر اساعدة فى حلها
بس يا ريت اللى عندة اى مشكلة يكتب هو تبع فرع اية لان فى منطقتين و ان شاء الله اقدر افيد الاشخاص اللى تبع منطقة ( القاهرة شمالية )

منورة المنتدى

[moudy4moudy]

موضوع أكثر من رائع

[hawary2]

السلام عليكم
كنت عايز اعرف شركة التامين بيت المصرى السعودى كويسة ولا مش كويسة
وايه مميزاتها و عيوبها
شكراااااااااااا

[Donzi]

السلام عليكم
كنت عايز اعرف شركة التامين بيت المصرى السعودى كويسة ولا مش كويسة
وايه مميزاتها و عيوبها
شكراااااااااااا

الشركة كويسة اوي في حدود تجربتي معاهم

انا مأمنة معاهم من السنة اللي فاتت و الحمد لله معاملتهم كويسة جدا و محترمين في التعامل و كمان انا شايفة ان النسبة معاهم معقولة جدا يعني السنة اللي فاتت كانت تقريبا 3.25% و السنة دي كنت سمعت ان النسبة زادت ولا قيتهم حاسبنهالي على 3.5% يعني مازدتش كتير زي شركات تانية

و ممكن تشوف تجربتي معاهم بالتفصيل السنة دي في الموضوع دا و قد ايه هما محترمين
http://www.nilemotors.net/Nile/264482-a.html

[hawary2]

شكراااااااااااا

[hawary2]

بسامع ان بتدفعى 500 جنيه على اى خبطة فى العربية + 10 % من القيمة الاجمالية