تجارب الاعضاء مع شركات التأمين ؟ ( هام للغاية )

[A.Saad]

كونتاكت ، أليانز ، مصر للتأمين ، قناة السويس للتأمين ، المجموعة العربية المصرية للتأمين ، بيت التأمين المصري السعودي ، وثاق

أنا عايز اعمل تأمين عالعربية و محتار يا جماعة عالآخر، حد يقدر يفيدني إيه الشركات الأحسن في وقتنا الحالي؟ أنا جبت العربية و مش راضي ارخصها و واقف على موضوع التأمين، شكرا

http://www.nilemotors.net/Nile/74440-a.html

انت ممكن ترخص بس كدة مش مامن لسه لو حصل حاجة بتكون مسئول عنها وتصلحها قبل معاينة التامين
الفرق فى التامين قبل وبعد الترخيص
ان لو امنت بعد الترخيص بتعمل معاينة على العربية وانت بتقدم الورق لشركة التامين
لو لسه مرخصتش
بيكتفوا انهم يشوفوا اصل الورق اللى هترخص بيه

[zegazi]

المناقشة طويلة

ومفيش مميزات محددة

أو شروط إختيار واضحة

[miXo]

http://www.nilemotors.net/nile/74440-a.html

انت ممكن ترخص بس كدة مش مامن لسه لو حصل حاجة بتكون مسئول عنها وتصلحها قبل معاينة التامين
الفرق فى التامين قبل وبعد الترخيص
ان لو امنت بعد الترخيص بتعمل معاينة على العربية وانت بتقدم الورق لشركة التامين
لو لسه مرخصتش
بيكتفوا انهم يشوفوا اصل الورق اللى هترخص بيه

كده بقى ححاول أرخص السبت الجاي إن شاء الله، و بردو لسه عندي نفس الحيرة في شركة التأمين

[A.Saad]

انت حدد انت عايز ايه
حد يحاسب ولا انت اللى ممكن تحاسب
اسلامى ولا تجارى

[miXo]

انت حدد انت عايز ايه
حد يحاسب ولا انت اللى ممكن تحاسب
اسلامى ولا تجارى

أنا عايز الشركة تكون محترمة في التعامل أول حاجة سواء هي إللي حتحاسب أو أنا إللي ححاسب ماتدوخنيش لو لقدر الله حصل حاجة،،

إسلامي أو تجاري مش فارقة بردو معايا، عشان أنا شايف الإختلاف بس في المسمى فقط لكن مفيش حد بيطبقه صح.

[A.Saad]

أنا عايز الشركة تكون محترمة في التعامل أول حاجة سواء هي إللي حتحاسب أو أنا إللي ححاسب ماتدوخنيش لو لقدر الله حصل حاجة،،

إسلامي أو تجاري مش فارقة بردو معايا، عشان أنا شايف الإختلاف بس في المسمى فقط لكن مفيش حد بيطبقه صح.

اليانز او مصر للتامين بس مصر عندهم شوية روتين
وممكن رويال بس مفيش حد جربها اعرفه بس سمعت انهم كويسن
لو هتروح رويال قللى لان افيه عضو معانا شغال هناك ممكن يساعدك

[miXo]

اليانز او مصر للتامين بس مصر عندهم شوية روتين
وممكن رويال بس مفيش حد جربها اعرفه بس سمعت انهم كويسن
لو هتروح رويال قللى لان افيه عضو معانا شغال هناك ممكن يساعدك

أنا سألت في أليانز و مصر للتأمين، أليانز مريحين أكتر، مصر للتامين تحسهم كده فيهم روتين رخم.

و سألت كمان النهاردة في غبور عشان عربيتي أكسنت، لقيت عندهم تأمين نسبته 4.5، و بيعملوا خصم في الصيانات 5% على قطع الغيار و 10 % عالمصنعية، و مفيش تكلفة إخطار، و تحمل مفيش، و أي عدد مطالبات خلال السنة، و مفيش محضر لحد 4000 ، بس ماهمش دعوة بالمسؤلية المدنية ، و ونش داخل القاهرة مجانا و خارج القاهرة عالعميل، قريبين من كونتاكت و أليانز بس الفرق قيمة المحضر في غبور أقل من أليانز، و كونتاكت مفيش محضر غير في السطو و الحريق و الهلاك الكلي، و التحمل موجود في أليانز و كونتاكت و مفيش في غبور، و في تكلفة للإخطار في أليانز ، و مش فاكر في تكلفة في كونتاكت و لا لأ، غبور مفيش تكلفة للإخطار، و الميزة الزيادة في غبور موضوع الخصم في الصيانات ،،، غالبا إ ن شاء الله حأمن في غبور

و شكرا يا باشا على إهتمامك :) رمضان كريم

[eltohame]

يا جماعه انا قريت ال 18 صفحه ومحتار جدا
المهم انا عاوز اعمل تامين اسلامى فمش لاقى كده غير بيت التامين المصرى السعودى
اعمل معاه واتكل على الله ولا فى حد عندو راى تانى
ورمضان كريم

[ahmad82]

يا جماعه انا قريت ال 18 صفحه ومحتار جدا
المهم انا عاوز اعمل تامين اسلامى فمش لاقى كده غير بيت التامين المصرى السعودى
اعمل معاه واتكل على الله ولا فى حد عندو راى تانى
ورمضان كريم

ممكن تشوف المقارنه دى

http://www.nilemotors.net/Nile/177433-a.html

[aliabutaleb]

غريبة.. أمال أنا ليه لما سألت هناك من سنة تقريبا، الموظف اللي هناك قاللي إن النسبة 5%؟

لو رجعتي للاقتباس يا علا هاتلاقي إن moudyman بيقول إن ده عرض موظفين في شركته
فأكيد النسبة هاتكون مختلفة.

[islam_mhamed]

طيب يا جماعه انا معايا لانسر 2007 و مش متأمن عليها و انا لسا شاريها مستعملة فا لو عايز أأمن عليها فأى شركة تأمين هيتحسب قيمة التأمين على أساس ايه هل هما اللى هيتمنوا العربية ولا على اساس السعر اللى انا شارى بيه و بعدين ياريت حد يفيدنى بأفضل شرك’ تأمين ممكن اتعامل معاها و ايه شروطها الحالية لأن الشروط اللى موجوده فأول صفحة من سنتين و ياريت حد يفيدنى عن تجربته مع شركة محترمه

[pooooop25]

السلام عليكم يا ريت يا جماعه يتوشو موضوعي بشي من الجديه وارجو الرد
انا احمد جلال اشتريت عربيه كيا كارينز 2011 كامله اوتوماتيك وبعد ما اشتريت وامنت من مصر للتامين تامين شامل ودفعت 3750 جنيه قسط تامين لمده سنه روحت بالعربيه مشوار طويل وحصل ان الفريون هرب من العربيه مره واحده فروحت التامين فقالي روح صلح في التوكيل وهات فاتوره روحت صلحت فلقي فيه ثقب في السربنتينه وخدت القديمه وروحت التامين صور وسلمت الفاتوره وكله تمام اكتشفت ان خبير التامين محمد شعبان المعيان كاتب في التقرير ان فيه ثقب وده نتيجه عيب صناعه ويلزم الضمان وغير مغطاه تامينيا لحد وجود اي اثر لزلط او طوبه او كسر في الاكصدام الامامي وانا بقالي 3 شهور معاه في جدال ومصرفتش فلوسي لحد ديالواقتي بصراحه اسوء شركة تامين بجد وتعنت وكل واحد هناك يحدفك للتاني اذا كان مجدي الرفاعي مدير تامينات السيارات ولا ابراهيم خبير التامين ولا عصام مدير القطاع لا انصح حد يامن في مصر للتامين اطلاقا اسوء شركه تامين في مصر

[OldVic]

السلام عليكم يا ريت يا جماعه يتوشو موضوعي بشي من الجديه وارجو الرد
انا احمد جلال اشتريت عربيه كيا كارينز 2011 كامله اوتوماتيك وبعد ما اشتريت وامنت من مصر للتامين تامين شامل ودفعت 3750 جنيه قسط تامين لمده سنه روحت بالعربيه مشوار طويل وحصل ان الفريون هرب من العربيه مره واحده فروحت التامين فقالي روح صلح في التوكيل وهات فاتوره روحت صلحت فلقي فيه ثقب في السربنتينه وخدت القديمه وروحت التامين صور وسلمت الفاتوره وكله تمام اكتشفت ان خبير التامين محمد شعبان المعيان كاتب في التقرير ان فيه ثقب وده نتيجه عيب صناعه ويلزم الضمان وغير مغطاه تامينيا لحد وجود اي اثر لزلط او طوبه او كسر في الاكصدام الامامي وانا بقالي 3 شهور معاه في جدال ومصرفتش فلوسي لحد ديالواقتي بصراحه اسوء شركة تامين بجد وتعنت وكل واحد هناك يحدفك للتاني اذا كان مجدي الرفاعي مدير تامينات السيارات ولا ابراهيم خبير التامين ولا عصام مدير القطاع لا انصح حد يامن في مصر للتامين اطلاقا اسوء شركه تامين في مصر

معلش يا أستاذى، هل حضرتك عارف الفارق بيت التأمين و الضمان؟

الضمان: ضمان السلعة- السيارة و مكوناتها فى هذه الحالة- ضد عيوم الصناعة و المواد المصنع منها السيارة، أى defects in materials and workmanship

التأمين: التأمين ضد حدوث خطر من الاخطار كالحريق و المصادمة و السرقة.

السؤال دلوقتى، هل حضرتك خبطت فى رصيف أو ما شابه ذلك، فى الحالة دى التأمين يغطى. أما اذا كانت المشكلة هروب مفاجىء للفريون بسبب ثقب لم يحدث بسبب مصادمة مثلا فهذه يغطيها الضمان و ليس التأمين.

سؤال على الماشى، عربيتك ضمان ولا خليجى؟ تذكر، التأمين لا يغنى عن الضمان و العكس كذلك.

[Amro_ON]

انا يا جماعه مأمن في شركة المصريه للتأمين التكافلي وبعد مشتريت العربيه حكيت م خبطت الجنب اليمين للعربيه في باب البيت :(
ده يغطيه التأمين ولا لأ ؟

[dedo2612009]

السلام عليكم
انا محمد مصطفي انا يا اخوانا اشتريت نيو اكسنت شهر 6 /2010 وعملت بيها حادثة بعدها بخمس شهور العربية اتكهنت كلها والحمد لله اني طلعت منها اخدت هلاك كلي وانا مامن في شركة ما يعلم بيها الا ربنا شركة مصر للتامين وكانو واخدين مني حوالي 4% من قيمة العربية تقريبا المهم انا بقالي اكتر من خمس شهور ولسة لحد النهاردة ما عملوش خطاب لرفع حذر البيع دة غير بقة اني لسة بدفع الاقساط لحد النهاردة بسبب تاخيرهم والله شوفت معاهم اسوء معاملة وذل مفيش بعد كدة اسوء اسوء شركة تامين في مصر وتحس ان الموظفين فيها ماشية بروتين غريب عاملين شبة موظفين المصالح الحكومية (فوت علينا بكرة يا سيد)والله زهقوني في العيشة ومش عارف اتصرف معاهم ازاي وكل ما تيجي تكلم حد عن التاخير يقولك مش ذنبي . حاجة تطهق.