حكايتى مع الفيرنا ومتورها وغبور ..........

**IAbdou** · 09-02-2008 12:15 AM

أنا بالى كتير مش بدخل على المنتدى علشان أنا فعلنا" أتخنأت من العربيات وكل حاجة تتعلق بيها
دة لأنى عانيت مع عربيتى كتير وكانت الأمور مشية
بس ألى حصل فى الأخلر دة مظنش ان حد ممكن يطيئو
عربيتى فيرنا 1500 وكنت كتبت أبل كدة كتير عن مشكلة الزوايا والكوتش ألى أتاكل والجنط المصرى
غيرت الكوتش والجنط على حسابى وألت مفيش مشكلة
بعد كدة غيرو مسعدين ورا على حسبهم
وانا غيرت خرطيم الرديتييير على حسابى لان معندهمش ألا المصرى ألى ملحأش يعد وشقق
دة غير عيوب تنية كتير
وكانت بداية الصدمة أن العربية بتاكل زيت جامد فغيرولى طقم شنبر والعربية لسة عملة 19 ألف بس
كل دة عدى عادى وبحاول أحسس نفسى أنو عادى ومفيش مشاكل
برغم أنى بحافظ عللى العربية وكنت محسوك أوى

والصدمة الكبرى كانت من أسبوعين نزلت الصبح أدور لأئيت صوت المتور عالى ومش طبيعى خالص وفى رجة
طفبت ودورت تانى وبردة صوتو عالى بصيت على الزيت مفيش ولا نقطة زيت والغريبة أن اللمبة منورتش (هى بتنور أمتى مش عارف)
ركنتها كام يوم وبعد كدة أطرتها للتوكيل علشان كنت عايز أوديها على حلتها كدة
وصلت وجابو زيت وحطو ودخلوها الورشة ودخلونى على مكتب مدير الورشة على طول بس مكنش موجود علشان هو أجازة البت
فألولى أن العربية حتبات وحيكشفو وحيعملو الازم
وبعد يومين كلمونى والولى عيزين صورة الرخصة
فرحت أدتهم الصورة (أخت المشوار دة رايح جى فى 6 من مدينة نصر لأبو رواش)
المهم ألولى أنهم حيغيرو نص موتور لإالتلو لة مش كامل ألى انو النصة ده هو البلك بالبساتم بكلة يعنى ماعدا وش السلندر والصبابات وكرتيرة الزيت ورقم المتور حيتغير طبعا" ولسة مستنى الأفراج كمان 3 أسابيع كدة
جيت أستلمها وبرضة بحسس نفسى أنو عادى لأيتهم نأرنلى الأزاز الأمامى ورحت ألتلهم دة منأور ألولى يمكن أتنأر منك ونتى مش واخد بالك فقلتلهم مش واخد بالى أزاى دى أدام مكان السواء على طول فين وفين قررو يغيرو على حسبهم وألولى أبليها أنى وأمن ولا لاء ألتلهم لأ علشان كل واحد يشيل غلتو
المهم غيرو بس فى 4ساعات ونص
وروحت ونا مخنوء
ولما وصلت البيت بعد 3 ساعات فى الطريق علشان المتش
وركنت وخلاص لأيت الباب ألى ورا مش بيفتح لا من جوة ولا برة والسنتر سليم والباب التانى مش بيفتح من جوة حتى لو لغيت قفل الأمان
ورحت أجيب المفك من الشنطة لأتهم حطنلى مفك معضعض وبايظ خالص وبتاعى كان جديد

الخلاصة أن غبور عندة كميت أهمال كبيرة وعدم متبعة فى كل حتى فية لأنى أبل كدة كنت بغير رفرف أمامى ورشوة لو ن أغمء من لون العربية ورجعو رشو تانى دة غير أن مرة لأيت الدهان مبقع كدة فى يوم وليلة ورحت ومعرفش عملو أة بالظبط كلة كروتة فى كروتة ومفيش حاجة بتتعمل صح وسبحان من مصبرنى عليهم

أسف على الأطالة لأنى ألت كل ألى عندى وأظن أن ددى حتكون أخر مرة أكتب نظرنا" لأنى أتخنأت من العربيات

**SEATLOVER** · 09-02-2008 12:42 AM

معلش يا استاذ ابراهيم كل واحد معرض لمشاكل فى عربيتة حتى لو جديدة ..اصبر و خلى عندك طولة بال شوية و حاول تحل المشاكل دى واحدة و احدة و بهدوء ..على العموم
لو بقالك فترة مادخلتش على المنتدى فى الفترة الاخيرة و حديثاً جداً استطاع
الاخ كريم منير مع ادارة المنتدى مشكورين و بمجهود رائع انهم يوصلوا صوت المنتدى الى ادارة غبور (خدمة العملاء م.عاطف عبد السميع ) و بقى ليهم قسم هنا لمساعدة الاعضاء اللى بيقابلوا مشاكل مع سيارات هيونداى ..ودة اللينك اللى كان فية الموضوع و هتلاقى فى اول مشاركة اللينك الخاص باستقبال الشكاوى مباشرة
http://www.nilemotors.net/Nile/showthread.php?t=14777

و يارب يقدروا يساعدوك و تتحل مشاكلك مع العربية بسرعة .

**thatha** · 09-02-2008 01:20 AM

حضرتك موديل الفيرنا بتاعك 2008 ولا قبل كدة؟

**Karim_Monir** · 09-02-2008 02:44 AM

معلش يا هيما روق اعصابك كدة وهدي حاللك
وكلم استاذ عاطف مدير خدمة العملاء
ولو موصلتش لحل يا ريت تقوللي
فعلا كتير قوي اللي حصل ده
ربنا يعينك
مستني ردك اوك

**أبو عبدالله** · 10-02-2008 12:02 AM

لا حول ولا قوة الا بالله

عربيه عامله 19 الف تعمل عمره ده انا أموت فيها
والله ابيعها ومركبش اي موديل منها تاني

ده تخلف وهبل اللي احنا فيه ده عربيه بدفع فيها 70 الف جنيه علشان بعد 19 اف كيلو واحد يقولي هفك وش السلندر

ايه حرقة الدم دي

ربنا معاك بجد

**Chicco** · 10-02-2008 12:11 AM

قدر الله و ما شاء فعل ....هون عليك يا أخي و إسمع كلام الأخوة و قم بالاتصال بخدمة العملاء ....و ربنا يقدم اللي فيه الخير

**mohamed ibiza** · 10-02-2008 12:14 AM

ربنب معاااااااااااااااااك بجد انا مستغرب جداااااااااااااااااااا ازاي الكلام ده يحصل !!!!!!!!!!!!!!!!!!!! مش قادر انطق بصراحة

Ibiiiiiiiiiiiiiiiiiiiiiiiiiiiiiiiiiiiiiiiiizzzzzzz zzzzzzzzzzzzzzzzaaaaaaaaaaaaaaaaaaaaaa For Ever