اعتقد ان الحل الوحيد لكل الازمات فى مصر وليس المرور هو
الضمير والاخلاق وكلاهما له اكبر صلة بما يحدث فى مصر وما عدا ذلك لو جئتم بقوانين الارض جميعا لن ينصلح الحال !!!!!!!!!!!!!!!!!!!!!!!1111

مع احترامنا الكامل لكل اللى سجلوا أرائهم واقتراحتهم اللى ممكن تحل المشاكل من جذورها :
بس انا رأى ان الاحلام ممكن تساعد فى الحل

لان الحكومة مش هاتنفذ اى اقتراح للحل
ولا الشعب عاوز يكون فية نظام

حلم اول :-
لا ما نشغلش خدمة للراديو لايف تقول مثلا فى اختناق مرور فى ميدان كذا او شارع كذا بحيث اللى رايح مشور يتابع لو الطريق واقف فى حتة يمشى فى اتجاة تانى .

حلم ثانى:-
نعمل طيارات هليكوبترا تاكسي ونطلبها بالتليفون

حل ثالث :
نلغى ترخيص العربيات والناس كها تركب عجل والغنى يركب توك توك

اخى انت فى مصر مش فى بلد اوروبيه علشان تشغل راديو لايف عارف ايه اللى هيحصل ولا كأن السواقين سامعين حاجه

اما بخصوص الطياره التاكسى صعبه جدا انت عارف ثمنها كام ؟ ومين اللى هيقدر يركبها ؟ والناس الغلابه تروح فين

اما بخصوص تراخيص العجل ماشى الغلابه هيركبوا عجل لكن الباشاوت مش ممكن ابدا هيحصل ده

وماتنساش ان انت فى مصر

لازم كل المصالح الحكومية (تأمينات . معاشات . نيابات . مراكز تدريب . مناطق تجنيد . إلخ..) تخرج من القاهرة إلى المدن الجديدة
سواء مدن قريبة من القاهرة أو بعيدة زي العاشر وبدر و السادات
نقل التجمعات الصناعية لخارج القاهرة
نقل الورش بجميع أشكالها خارج القاهرة
النوادي والأسواق الكبرى تكون خارج القاهرة
نقل المحاكم الكبرى خارج القاهرة
نقل وحدات المرور بالكامل خارج القاهرة
بناء إستاد كرة كبير أكثر من واحد خارج القاهرة
نقل أرض المعارض خارج القاهرة
تجمعات الأسواق مثل السبتية والعتبة وشارع عبد العزيز وشارع الجمهورية وغيرهم تنقل إلى المدن الجديدة
محطات الأوتوبيسات تكون على حدود القاهرة الخارجية
نقل محطة مصر لخارج القاهرة وتتحول محطة مصر إلى متحف للسكة الحديد مثلا
تبديل سيارات التاكسي والأجرة والميكروباص والأوتوبيس القديم بجديدة وتقسيطها لأصحابها وشراء القديمة منهم وتخريدها
عمل عروض من الحكومة لإبدال السيارات الملاكي القديمة بجديدة مع تسهيلات كبيرة ومغرية في الأقساط
إلغاء ما يسمى النقل بمقطورة وإستبداله بالتريلا
منع دخول النقل الثقيل للقاهرة خلال ساعات النهار على أن يسمح بدخولها من منتصف الليل إلى الفجر
بناء إستراحات ومواقف كبيرة لسيارات النقل على حدود القاهرة
عدم التصريح ببناء الأبراج إلا لو تم التأكد من إحتوائها على جراج وموقف للسيارات أسفلها
وطبعا تدعيم المواصلات للمدن الجديدة
....
بس هما يعملو نص الكلام ده ويتفرجوا هيحصل إيه

لكن ياترى هل هناك نية صادقة منهم لحل تلك المشكلة ؟؟؟

يا جماعة الحل بسيط جدا
و هو إلقاء قنبلة نووية على القاهرة و بكدا نكون خلصنا على 85 % من مشكلة مصر
بس أبقوا قولولي على ميعاد رمي القنبلة علشان أهرب ;) :) ;) :)

المشاركة الأصلية كتبت بواسطة tutankhamoun مشاهدة المشاركة

يا جماعة الحل بسيط جدا
و هو إلقاء قنبلة نووية على القاهرة و بكدا نكون خلصنا على 85 % من مشكلة مصر
بس أبقوا قولولي على ميعاد رمي القنبلة علشان أهرب ;) :) ;) :)

و إنت الصادق الحل هو نعدى على الجيزة كلها بطائرة من إللى بيرموا نابلم :D

لأن الجيزة هى السبب الأساسى لزحام القاهرة :) و للأسف مفيش منها أمل لسبب بسيط إن شوارعها أضيق من إن يعاد تخطيطها يعنى نولع فى الجيزة و نجيبها على الأرض و بعد كده باقى القاهرة ممكن يعاد تخطيطها :D

طبعا بهرج :)

أيه يا باشا ده ده أنت شايل في قلبك قوي من ناحية الجيزة !!!!!!!!!!!!
أنا قصدت القاهرة الكبرى يا باشا
بس مين اللي قالك إن شوارع الجيزة ضيقة !!!!!!!!!!!!!!
طيب عندي فكرة ......... أحنا نولع في القاهرة الكبرى .......... و مش هاستخصر أقولك على الميعاد ....... علشان نهرب سوى

بينى و بينك أنا بكره الجيزه كره العمى

بزمتك شوارع الدقى دى شوارع ؟

تسمى الهرم و فيصل إيه ؟

طبعا مش هانتكلم على الباقى لأن البقية ألعن و أضل سبيلا :)

أنت مش عاجبك شوارع الجيزة !!!!!!!!! و بتقول عليها ضيقة !!!!!!!!!
طيب تقول أيه على شوارع أنجلترا ؟؟؟؟؟؟
يا راجل ده الشوارع هناك حارة رايح و حارة جاي و مفيش زحمة خالص
الناس هناك محترمة بكل ما تحمله الكلمة من معاني
و الناس هنا عايزين الضرب بالنار في ميدان عام بسبب الزحمه اللي بيسببوها بسبب الهمجية و التخلف و الأنانية ......... كل واحد عايز يعدي الأول و مفيش حد عايز يخلي حد قدامه و غرز و قلة أدب و شتيمة ووقف في الممنوع و ميكروباصات و تاكسيات يوقفوا في مكان ما يعجبهم
يا راجل دي بقت حاجة تقرف

يا استاذ ابراهيم سعد انا اللى بختلف معاك فى الزيادة السكانية لان السبب الرئيسى والمنطقى والوحيد للزحام هى الزيادة السكانية ولولا الزيادة السكانية يبقى مكنش فى من الاساس مشكلة ولا زحام
التانى ليس هناك علاقة بين العدالة الاجتماعية ومشكلة الزحمة وكثير من البلدان الفقيرة اكثر منا تحضرا مثل الفلبين وبلدان اخرى مش فكرها دلوقتى
ثالثا العيب مش فى مدارس القيادة العيب فى انفسنا احنا اللى عملنا مشاكل المرور لان احنا اللى بنسوق وبنعمل الغلط وبنفكر ان كدة شاطرة
وحضرتك اتفقت معايا فى العمل باللامركزية فى الحكم ودى اللى فى النقطة 8 عند حضرتك

إنت كلامك سليم 100 100 مفيش كلام بس فى نفس الوقت إنت مساحة بلدك مش قد مساحة إنجلترا !!

يعنى محدش غصبك إنك تعمل الشوارع بالحجم الضيق ده

فى الوقت نفسه سايب الشركات تفتح فى المهندسيين و الدقى و تديهم تصاريح و الدنيا هيصه و الشركات دى بتجيب موظفيين و زائريين يقضوا مصالح و و و طب عملت ليهم جراجات !!!! عملت ليهم شبكة طرق و مواصلات !!!

يبقى ماتقوليش شوارع إنجلترا ضيقة و هناك الناس محترمة الناس هنا بلطجية و بس لأ مفيش أى نظام

البلطجة موجودة و الهمجية موجودة بس إللى مش موجود هو النظام إللى يقومها

أنا مستعد أدخل معاك فى تحدى على إن لو روحنا إنجلترا و شيلنا كل المسئولين عن المرور و الطرق و المواصلات و إستبدلناهم جميعا بمن يحلون محلهم من النظام القائم فى مصر :)

و نشوف الشعب الإنجليزى المتحضر فى خلال 3 سنوات هايفضل متحضر ولا هايتحول لشعل همجى و أكثر همجية من الشعب المصرى بل سترى من يوقفون سياراتهم من أجل الخناق بل سيكون حوادث قتل و عاهات فى تلك الخناقات و يمكن فى أقل من 3 سنوات هههههههههههه

يعنى العيب فى المسؤولين عن النظام ككل ثم يأتى من بعدهم الشارع مش الشارع ثم المسؤول

المشاركة الأصلية كتبت بواسطة seka مشاهدة المشاركة

يا استاذ ابراهيم سعد انا اللى بختلف معاك فى الزيادة السكانية لان السبب الرئيسى والمنطقى والوحيد للزحام هى الزيادة السكانية ولولا الزيادة السكانية يبقى مكنش فى من الاساس مشكلة ولا زحام
التانى ليس هناك علاقة بين العدالة الاجتماعية ومشكلة الزحمة وكثير من البلدان الفقيرة اكثر منا تحضرا مثل الفلبين وبلدان اخرى مش فكرها دلوقتى
ثالثا العيب مش فى مدارس القيادة العيب فى انفسنا احنا اللى عملنا مشاكل المرور لان احنا اللى بنسوق وبنعمل الغلط وبنفكر ان كدة شاطرة
وحضرتك اتفقت معايا فى العمل باللامركزية فى الحكم ودى اللى فى النقطة 8 عند حضرتك

يا عم سيكا الله يهديك خلينا ساكتين لأن الناس دى ماكنتش كده فى يوم من الأيام

شوف مين ربى الناس دى و حولهم للهمجية دى خلينى ساكت إحترام لقواعد المنتدى من فضلك :)

+100000000000000000000000000
الزيادة السكانية هي مشكلة مصر رقم واحد و رقم أثنين و رقم ثلاثة و رقم أربعة
و رقم خمسة يأتي الأداء الحكومي الضعيف المبني على مشاكل الزيادة السكانية
مع أحترامي لكل الآراء التي أقترحت فهي لن تحل المشكلة مادام جذور المشكلة موجودة و تكبر و تكبر و تكبر مع نمو الشجرة
الدول المتقدمة ( أوروبا الغربية .... اليابان ..... امريكا الشمالية ..... ) ليس لديهم مشكلة سكانية و لديهم تقدم رهيب و المشاكل الناجمة عن الزحام في مصر غير موجودة عندهم
العمالة الحكومية في مصر غير منتجة
طيب أنا و أنا في انجلترا و فرنسا لما أعوز أعمل أي مصلحة حكومية كنت بأستعمل البريد فقط و لا أذهب إلى أي مكان
يعني مثلا لو دخلت مكتب بريد ....... تلاقي فيه عاملين 2 فقط بيعملوا كل حاجة
هنا في مصر تلاقي مش أقل من 15 واحد ما بيعملوش حاجة !!!!!!!!
يبقى أنت عندك عمالة كثيرة ملهاش لازمة ( عمالة معطلة ) و دي ناتجة عن الزيادة السكانية التي لا تستطيع الدولة ملاحقتها بالإنتاج و هذا طبيعي
عدد الموظفيين الحكوميين في دولة مثل الولايات المتحدة الأمريكية و التي تصل مساحتها إلى تسعة مليون كيلو متر مربع و عدد سكانها حوالي 270 مليون مواطن
موظفي الولايات المتحدة لا يزيد عن 750 ألف موظف حكومي يخدمون 270 مليون مواطن
في مصر 6 مليون موظف حكومي يخدمون 80 مليون فقط لا غير
يا راجل روح أي مصلحة حكومية ......... يطلعوا عينك ...... يقولك روح الشباك ده و أرجعلي تاني و بعد كدا تروح مش عارف فين و بعدين تروح فين و الآخر يقولك تعالى بكرة علشان الموظف الفلاني غايب
و كل هذا بسبب الزيادة السكانية و طبعا مرتبات زي الزفت ( هي الحكومة هاتكفي مين و لا مين )
تخيل أنت لو مليون موظف بيأخدوا مرتبات 6 مليون
يبقى كان أزاي الحال سيكون ؟؟؟؟؟؟؟؟؟؟
يجب حل أساس المشكلة و بعدين ندور على حلول للمشكلة الموجودة ..... و ليس مسكنات للمشكلة
يا راجل ده نادرا لما تلاقي كوبري في فرنسا و لا أنجلترا و لا حتى ألمانيا
و تتركز الكباري في العاصمة فقط و بعدد قليل

لا أتفق معك يا توت فى إن السبب هو الزيادة السكانية نهائى ......

ليه ؟؟

الصين و ما أدراك ما الصين أعتقد إن الصين دى ممكن نقول عليها قارة مش دولة و الزيادة السكانية عندهم لا تقارن بينا و الهند نفس الشئ .......

تقدر تقولى همه ليه أحسن مننا ؟

الزيادة السكانية سلاح ذو حدين

الحد السئ هو ما ذكرته أنت

أما الحد الرائع فيه :
----
1- أيدى عاملة بتكلفه بسيطة (إذا وجدت التوجيه و التدريب)
2- ثروة من الثروات التى تقاس بها ثروات الدول لأن لو عندك 1000 بنى آدم ممكن تخرج منهم عبقرى واحد بس و 4 مهندسين 2 علماء فقط و 20 مدرس و 4 أطباء على سبيل المثال لكن لو عندك 100000 هاتلاقى عندك 100 عبقرى (فى مجالات مختلفة) و 400 مهندس و .........


إنت تعرف إن الطفل المصرى لحد أكبر معدل ذكاء فى العالم لحد سن دخول المدرسة ؟؟

مين بيحوله من أذكى طفل إلى كائن مثله مثل الكرسى متلقن ؟؟

أستاذ حفناوي ....... لا أتفق معك نهائيا في هذا الرأي
الصين و الهند ضروفهم مختلفة تماما عن مصر
أراضي شاسعة و زراعية ( أراضيهم الصحراوية قليلة جدا ) .... غابات و أنهار و مياة متوفرة
بعكس مصر التي تعاني التصحر و ندرة المياه ماعدا منطقة نهر النيل و التي تمثل 4 % فقط من مساحة مصر و البقية صحراء جرداء لا زره بها و لا ماء
الصين 9.5 مليون كيلومتر مربع أغلبهم مناطق زراعية و غابات
الهند 3.4 كيلومتر مربع
الهند تعاني فقر شديد ( الشعب الهندي )
الصين حددوا النسل و من يخالف ذلك إلى السجن مباشرة و الغرامة

لما تقارن مصر قارنها بدولة شبيهة في الظروف و المساحة مثل تركيا ..... أسبانيا ..... إيطاليا .....
و بعدين عندك السويد و فنلندا و النرويج
دول صغيرة المساحة و السكان و لديهم عباقرة و مهندسين و دكاترة و كل من اللي قلبك يحبه
العدد في الليمون يا باشا
بص على الولايات المتحدة الأمريكية ......... 270 مليون فقط يحكمون العالم
بص على اليابان 100 مليون و شوف العظمة اللي عايشين فيها
ألمانيا ....... 80 مليون ......... فرنسا ....... 55 مليون ....... المملكة البريطانية 65 مليون

يعني مش بالعدد
و لو قارنت حياة هؤلاء الشعوب بشعب الصين و الهند ( لا وجه للمقارنة طبعا )
في الصين و الهند شعوب أفقر ....... أتعس ....... زحام شديد ........
في دول أوروبا الغربية
حياة أفضل ......... تعليم أفضل ......... لا يوجد زحام مثل مصر و الهند و الصين ........ لا يوجد فقر .......
و لو تكلمنا عن العدد تجد أن المسلمون في بداية الإسلام كان عددهم قليل و حكموا العالم و حاربوا الإمبراطورية الرومانية و الفارسية و هزموهم و من بعد ذلك هزموا الصليبيين بعددهم القليل و التتار .........
العدد في الليمون كما قلت