(من إستطاع الباءة فليتزوج) حديث للنبي صلى الله عليه وسلم
يفيدنا أن علينا الأخذ بالأسباب
لكن النبي لم يقل (من يرى أنه يستطيع أن ينفق على طفل آخر فلينجبه) وحاشا للنبي صلى الله عليه وسلم أن يقول ذلك والله تعالى يقول (وَلاَ تَقْتُلُوا أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُمْ إِنَّ قَتْلَهُمْ كَانَ خِطْئاً كَبِيراً)
يعني ولادك هيجي معاهم رزقهم
وعقلنا نفكر به لأنفسنا وليس نفكر لله من أين سيرزق الأولاد بعد ولادتهم والحالة بؤس (أستغفر الله)

الأمم الأخرى تقدمت بالعقل لأنها شغلت نفسها بالتفكير في الأمور التي سمح الله لعقلنا بالتفكير فيها وهي أمور إعمار الأرض وتطوير العمار
فلنقلدهم في ذلك

لكن أن نشغل عقلنا في التفكير في أمور من خصائص الخالق سبحانه وتعالى كالخلق فهي مضيعة لعقولنا القاصرة عن إدراك تدبير الله لخلقه

وقول الله تعالى : (ربنا ولا تحملنا ما لا طاقة لنا به)
أرجوك يا أستاذي أن لا تفسر القرآن بهذا التساهل الذي لا يمت لحقيقة تفسيرها الصحيح بصلة لأن هذا لا يجوز شرعاً


وكل ما في الأمر أن علينا أن لا نجعل الزيادة السكانية شماعة لتعليق مشاكلنا التي جنيناها بسبب أخطائنا في الدين والدنيا


وصدقني إنه لن يأتي مخلوق إلى هذه الدنيا حتى لو كان من الحيوانات التي لا تعقل إلا وقد كفل له الله رزقه بكل مشتملاته حتى نهاية عمره


فإذا قلت على الناس أن يقللوا من نسلهم حتى يصبح عددهم قليل فيصبحوا أفضل حالا فإن كلامي هو إستعمال لعقلي ولكن إستعمالي لعقلي في هذه الحالة هو قمة ضياع العقل لأنه إعتقاد أن الخالق يخلق عشوائياً بدون حسابات وأنا بعقلي البشري الذي أحسب الحسابات للخلق (أستغفر الله)

يقول الله تعالى : ( وَمَا مِن دَابَّةٍ فِي الأَرْضِ إِلاَّ عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ )سورة هود
وكفى بكلام الله تعالى خير ختام

يا باشمهندس أحمد ......... الكلام بالعقل
الآية تتحدث عن قتل نفس موجودة
أما أن تمنع فأنت لم تقتل أحد .........
و بعدين أنا مش بتكلم على الرزق ....... الناس كلها بتأكل و تشرب
و لكن أنظر إلى حياتنا
زحام شديد .......... زيادة طلب على الغذاء الذي لا ننتجه !!!! .......... زيادة طلب على العقارات و السكن مما يرفع الأسعار ..........

أنا لم أعتقد و لن أعتقد أن الله يخلق عشوائي ...... بل أنا الإنسان الذي يعيش عشوائي
أنظر إلى الواقع العملي
مليار و بضعة ملايين من البشر في الهند
يأكلون ......... نعم .
يشربون ....... نعم .
يعيشون ........ نعم .
رزقهم الله كل ذلك .......... نعم .
و لكن أي حياة و أي عيشة يعيشوها ؟؟؟؟؟؟؟؟؟؟؟؟؟
الفقر المدقع !!!!!!!!!! بسبب الفكر العشوائي و عدم استخدام العقل الذي وهبه الله لهم

لو لم يستخدم الإنسان عقله لما كنا في كل ذلك التقدم الذي نحن فيه
هل أنجب 10 أطفال و لا أعلمهم و أتركهم للشارع يخلق منهم مجرمين يضرون المجتمع و يضرون أنفسهم ....... هل ساعتها سيتباهى بهم رسولنا الكريم ؟؟؟ أترك لك أن تجيب على هذا السؤال
أو أنجب طفلين أو ثلاثة و أعلمهم جيدا دينيا و دنيويا و أجعلهم فخر لأمتهم و رسولهم
موضوع الرزق هذا لا خلاف عليه و لو أراد الله أن يكون كل الناس أغنياء لكانوا و لو أراد الله إعطاء العرب حدائق و غابات بدلا من الصحراء و ندرة المياة لفعل و لكننا يجب أن نتكيف بما أعطانا الله
فأنا لا أرضى أن أنجب أكثر مما يتحمله دخلي و لا أرضى أن يخرج أولادي إلى الشوارع للإدمان و النوم على الأرصفة و الشحاتة
و خير دليل لنا هو الدول المتقدمة أو الدول التي في طور النمو و لا تعاني من أزمات سكانية
هل الأزمة السكانية هي بسبب الله ؟؟؟؟؟؟؟ بالطبع لا و ألف لا
الأزمة السكانية هي بسببنا نحن ........ الله أعطانا عقل و علم
طيب أنا هاقول لحضرتك على حاجة

الله أيضا خلق المجاعات ........ و ندرة الأمطار ........ و خلق العقول لنتغلب على ما نحن فيه من مصائب و أزمات
فمثلا مرت بدول وادي النيل في الثمانينات أزمة مياه خطيرة و لكن مصر لم تشعر بها بسبب السد العالي
فلولا أن هدانا الله لبناءه ما كنا تجنبنا تلك الأزمة ....... مع أن كل الدول عانت منها
أنظر كيف يهدي الله الناس عندما يستخدمون عقولهم !!!!!!!! عجيب اليس كذلك !
و كل الآيات التي أرفقتها حضرتك لا تنطبق على ما نحن نتكلم عليه على الإطلاق
لأننا أولا لا نشكك في قدرة الله على الخلق و الرزق و لا نشكك في عقلانية الخالق المولى عز و جل و لا في حكمته
فأرجوا أن نتفهم ديننا جيدا قبل أن نربط كل شئ ( خطأ أو صح ) به و نجعل من أنفسنا أمة ضعيفة بسبب تمسكنا بأشياء ليست من الدين بشئ
و أمرنا الرسول أيضا بالتعقل في أمور دنيانا و التوكل على الله

و أنظر يا أخي إلى الدول المتقدمة و أسباب تقدمها ........ و أرجوك لا تذكر لي سلبياتها لأن سلبياتها نتجت عن ترك طاعة الله ....... أما نحن فلو أخذنا بالأسباب التي أخذوا بها بالإضافة إلى الإيمان و طاعة المولى لكنا في مصاف الأمم المتقدمة منذ زمن و لكننا تركنا أنفسنا للدروشة و الخزعبلات التي ليست من الدين في شئ

سيادتك تتكلم عن ما يسمى الأزمة السكانية
لكن ليس كل الناس متفق على أن هناك شيء إسمه مشكلة سكانية
قد يكون آخرون يسمونها مشكلة توظيف السكان والإستفادة الفعالة من القوى العاملة ومنع الفساد التوظيفي والإداري
ويبدو أن حضرتك تظن أن مسألة تحديد النسل هي من محدثات العصر التي لم تكن موجودة على عهد النبي صلى الله عليه وسلم وبالتالي فإن العقل ينادي بها لأنه حسب قولك فإن الإبتعاد عنها بإسم الدين دروشة وخزعبلات:
إن تحديد النسل كان البعض يعمل به على عهد الني صلى الله عليه وسلم وكان رأي النبي فيه كالآتي:
عَنْ اَبِي سَعِيدٍ الْخُدْرِيِّ، قَالَ شُعْبَةُ قُلْتُ لَهُ سَمِعْتَهُ مِنْ اَبِي سَعِيدٍ، قَالَ نَعَمْ عَنْ النَّبِيِّ صَلَّى اللَّهُ عَلَيْهِ وَسَلَّمَ فِي الْعَزْلِ قَالَ لا عَلَيْكُمْ اَنْ لا تَفْعَلُوا ذَلِكُمْ فَاِنَّمَا هُوَ الْقَدَرُ‏. قال الحسن إنه بقصد الزجر‏ رواه الإمام أحمد
عَنْ عَائِشَةَ، عَنْ جُدَامَةَ بِنْتِ وَهْبٍ الأسَدِيَّةِ، وَكَانَتْ، مِنْ الْمُهَاجِرَاتِ الأوَلِ قَالَتْ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ سُئِلَ عَنْ الْعَزْلِ فَقَالَ هُوَ الْوَاْدُ الْخَفِيُّ. رواه الإمام أحمد
عَنْ عَائِشَةَ، عَنْ جُدَامَةَ بِنْتِ وَهْبٍ، اُخْتِ عُكَّاشَةَ قَالَتْ حَضَرْتُ رَسُولَ اللَّهِ صلى الله عليه وسلم فِي اُنَاسٍ وَهُوَ يَقُولُ ‏"‏ لَقَدْ هَمَمْتُ اَنْ اَنْهَى عَنِ الْغِيلَةِ فَنَظَرْتُ فِي الرُّومِ وَفَارِسَ فَاِذَا هُمْ يُغِيلُونَ اَوْلاَدَهُمْ فَلاَ يَضُرُّ اَوْلاَدَهُمْ ذَلِكَ شَيْئًا ‏"‏ ‏.‏ ثُمَّ سَاَلُوهُ عَنِ الْعَزْلِ فَقَالَ رَسُولُ اللَّهِ صلى الله عليه وسلم ‏"‏ ذَلِكَ الْوَأدُ الْخَفِيُّ ‏"‏. رواه مسلم
أي أن محاولات تحديد النسل موجودة من القدم وكان رأي النبي صلى الله عليه وسلم فيها أنها وأد خفي ونهى عنها
أي أن هذا الحكم الشرعي ليس دروشة أو خزعبلات
قد يختلف فهم حضرتك عن فهمي
وليس من الضروري في النهاية أن يتوحد الرأي في أي موضوع خلافي
ولذلك حضرتك إطمئن إن أنا وغيري متفهمين دينا كويس ومش معنى إني مقتنع بوجهة نظر مخالفة لحضرتك إني غير متفهم لديني
كل ما في الأمر إن هناك وجهة نظر أخرى غير التي حضرتك تتحدث عنها

والسلام عليكم ورحمة الله وبركاته

السلام عليكم ورحمة الله وبركاته،،،

الزحام الرهيب في القاهرة سببه الرئيسي هو المركزية الشديدة وتركز كل الخدمات والمشروعات وفرص العمل وأماكن الترفيه والسكن الراقي الآدمي في القاهرة، بينما جميع المحافظات باستثناء الإسكندرية تعاني النقص من كل ما سبق ذكره تقريباً.

وده هو السبب فإن كل الناس عاوزين يعيشوا أو يشتغلوا في القاهرة، وده السبب برضه إن مافيش حد عايش في القاهرة بيسيب القاهرة ويروح يعيش في مكان تاني.

إحنا عندنا القاهرة دية كل حاجة، ويمكن مصر من الدول القلائل اللي بتلاقي موضوه المدينة الواحدة ده واضح فيها بصورة مفجعه، ده حتى الدول الأقل مننا تحضراً بتلاقي في أكثر من مدينة مقاربين لبعض في المستوى وبتلاقي السكان متوزعين.

يا جماعة ده تلت مصر بيكونوا موجودين في القاهرة الصبح.

الوضع دلوقت عاوز قرارا وطني وجرئ بالبدء في إنشاء العاصمة الجديدة، والعاصمة الجديدة دية لازم تكون بعيدة عن القاهرة مسافة لا تقل عن 150 كيلو متر، عشان ما نجيش نلاقي المدينتين لحموا في بعض بعد كام سنة.

ده رأيي المتواضع

باشمهندس أحمد ......... أنا سعيد بالحوار مع حضرتك
و أختلاف الرأي لا يفسد للود قضية
و أنا لم أقصد حضرتك بالتحديد في كلامي لا من بعيد و لا من قريب
و لكني مقتنع تمام الأعتقاد بالأخذ بالأسباب التي خلقها مولانا عز و جل و لكل زمن و له متطلباته و الدين يسر و ليس عسر و هدفنا أن نعيش حياة أفضل في الدنيا و الآخرة
و شكرا مرة أخرى على هذا الحوار البناء
-----------------

أستاذ marsguy
جزء من كلام حضرتك صحيح و جزء يحتاج إلى النقاش
تركز الخدمات و المصانع و الأعمال في القاهرة شئ أصبح خطير لأنه يجذب من هم من غير سكان القاهرة للعيش بها حتى أصبح التنقل في طرق القاهرة من رابع المستحيلات و الفوضى تغرق الناس
على العموم الحل ليس في نقل الوزارات و إنشاء عاصمة جديدة
بل إعادة هيكلة النظام الحكومي المصري كاملا و حتى لو هناك مركزية و لكن بأن نطبق مثلا النظام الإنجليزي الذي يعتمد على المركزية و لكن هناك فرق شاسع بين مركزية النظام الإنجليزي و المصري
للأسف النظام المصري كان يعتمد على الأشتراكية ( التي أخرت مصر 100 سنة )
و الإشتراكية هي إعطاء الجميع وظائف .... أكان يحتاجها العمل أو لا ..... لا فرق المهم الكل يبقى شغال و قافل فمه بالإضافة طبعا للروتين الرهيب و العمالة الزائدة عن الحد
فكما قلت من قبل أن الدول المتقدمة لا تعتمد على هذا العدد الرهيب من موظفي الحكومة ( في مصر 6 مليون موظف حكومي )
فكل شئ يعتمد على البريد ...... أرسل كل خطابات و طلباتك إلى الجهة المختصة بالبريد و ينقضي مصلحتك و أنت في بيتك من غير ما تروح أي مكان و تضيع وقت و تطلع عينك و في نفس الوقت معملتش زحمة في مكان معين علشان تخلص مصلحة
يبقى برضة لو أقمت عاصمة جديدة بنفس النظام فهذا ليس حل بل نقل المشكلة من مكان إلى مكان آخر
يبقى المشكلة في النظام ......... يجب إعادة هيكلة النظام الحكومي المصري
بعمل الآتي :
تثبيت الموظفين الذين يحتاجون إليهم فقط و هذا لن يزيد عن نصف مليون موظف
و الباقي يتم توزيع أراضي في الصحراء عليهم مع بناء مدن و قرى نموذجية و إمدادها بكافة المرافق
شبكة كهرباء ...... تليفونات ....... انترنت ....... طرق ...... مجاري ........ مياه ...... الخ
و تكون كاملة متكاملة و بهذا تكون ضربت عدة عصافير بحجر واحد
أخرجت الزحام الشديد من القاهرة
توفير استهلاك الوقود الذي يتم حرقه في زحام القاهرة يوميا على الفاضي و الذي حددته الأمم المتحدة بقيمة مليار جنيه مصري و هذا في القاهرة فقط
خلق و إنشاء مجتمعات جديدة نظيفة البيئة
زيادة الإنتاج الزراعي و زيادة إنتاج البلد و يكون إضافة كبيرة للإقتصاد القومي
--------------
أنا شايف إن بناء كباري و أنفاق و كل هذا هو إهدار للأموال و الوقت و لا يحل أي مشكلة لأن حل المشكلة أساسا في خروج الناس من العاصمة و المدن الكبيرة المزدحمة بالسكان و الخروج إلى الصحراء و تعميرها و زيادة الإنتاج الزراعي و الصناعي للبلد
و يارب أشوف كدا قبل ما أموت ........ و يارب نسوق في مصر عرباتنا زي بتوع أوروبا و نبقى محترمين و نحترم بعض على الطريق و يارب يحصل ده قبل ما أموت و أشوفه بعيني و مايبقاش حلم في راسي فقط

انا نفسي اعرف يعني ربنا مدلنا ارض واسعه و فيها نيل و فيها معظم الثروات الطبيعيه
و سهل توفير الباقي و تحسين الزراعه ....و تحسين مستوي المعيشه.....
و احنا قاعدين في 3% من الارض و سيبين الباقي ....
طيب دا كلام يخش العقل برضوا...
يعني انا شايف ان اهم حاجه في تخفيف الزحام زي ما قال بعض الاخوه ان الناس تطلع بره القاهره المتكدسه ديه
الفكره ان الحكومه مستوليه علي معظم الاراضي الصحراويه ....و مش عايزه تبنيها و تعمل مدن جديده
و يوم ما تبنيها مش هيقل المتر في الشقق مثلا عن 700 جنيه و اعلي كمان
طيب ليه مايفكروش يعملوا مدن بهدف مساعده الشباب اللي عايز يجوز و في نفس الوقت هتطلع الناس بره القاهره
يعني تعمل تمن الشقه مثلا بحوالي ثمن التكلفه مع ممكن حساب شويه زياده علشان الدوله توفر بيها طرق كويسه و كهرباء و .....الخ
يعني الفكره سهله جداااااااا و تنفيذها اسهل....
بدل ما عمالين يبيعوا الاراضي لمستثمرين بالشيء الفولاني و يعمل فيلات و محدش يشتري حاجه ....و لا حتا لو باع ...بيبيع لي ناس معاها فلوس تعرف تروح في اي حته بفلوسها و مش محتاجه حد يساعدها.........
فا ديه نقطه ....

و النقطه التانيه هي الزراعه .....حد يعرف الزراعه في مصر وصلت لي ايه
دي حاجه والله تحزن.....ده لما الواحد يروح بلد ارياف كانت كلها زراعه تلاقي دلوقتي عمارات اتبنيت و ما بقتش ارياف
و الناس اللي في الارياف ديه بتطلع ليه تشتغل في القاهره....
علشان الارض الزراعيه مابقتش ليها لازمه او مابقتش هي الاساس في توفير احتياجاته.....

حد سمع حاجه عن مشروع توشكي ده......زمان الواحد كان عمال يسمع كل شويه عن المشروع و عن الانجازات المفروض هيوفرها
و استصلاح اراضي .....
يعني انا بصراحه دلوقتي معرفش هو عمل حاجه بجد المشروع ده ولا اي كلام.....
يعني لو استصلحوا الاراضي الصحراويه ديه......و بنوا جنبيها مدن .....مش هتلاقي ناس تروح هناك يلاقي اكلهم و شربهم
و شقق و اراضي باسعار رخيصه و اماكن اهدي من القاهره.....
بس طبعا دا كله ماينفعش من غير ما يكون فيه مصالح حكوميه توفر ليهم احتياجتهم .....مش نظام ينزل القاهره علشان يخلص مصلحه يعني

و طبعا في حاجات كتير ناقصه بس انا بقول الاساس........غير طبعا الكلام الحلو اللي كتبوا بقيه الاعضاء قبل كلامي

و اخر حاجه .....اهم السبل لعمل مدن جديده و هي
تكون الاراضي و الشقق باسعار رخيصه
توفير شوارع مرصوفه بنظافه و توفير الكهرباء و المياه من اول بدايه المشروع......
عند شراء الشقه او الارض عمل بعض الضمانات المهمه جدا :
و هي عدم جواز البيع لمده محدده
و عدم جواز عمل توكيلات
تحديد مده محدده للسكن بالشقه او بناء الارض.....

و كل ده علشان محدش يستغل الموقف و يعملها استثمار ....

كل اللى قلتوه جميل
لكن ما حدش فى المرور المبجل رد علينا
ال يعنى هما مش بيشوفوا الحجات اللى بنكتبها دى
ما حدش فيهم اختشى على دمه واعلن انة هيستقيل لانه فشل فى عمله
ابدا كله متبت وبياكل فلوس الشعب سحت فى كرشة وهو فى مكتبة او فى عربيتة الفخمة او فوق موتوسيكله الفخم الضخم بيشخط وينطر ويضرب فى خلق الله كانهم عبيد عنده
محدش من المرور عنده دم ورد علينا كلنا ولا قال كلمة ولو وعد زائف
ده ليه معنى واحد بس
ازا لم تستحى فافعل ما شئت

فأحسن حل هو أنه لا يوجد حل ......... لأن نظام مصر أنه لا يوجد نظام و هذا هو النظام المعمول به في مصر ( انعدام النظام هو نظام مصر )
هو دة من الاخر

100x100

يا جماعة الحل ان سلوك الناس في القيادة يتغير
وثاني حاجة ان الطرق في مصر تتخطط ثاني وتظبط وتوسع شوية

و اللة انت لميت كل المشاكل و لو طبقو نص رسالتك بس المشكلة اكيد هتتحل

انا مش هعترض انا هتخانق
ازاى نركب النقل الجماعى انا امبارح كنت نازل وسط البلد قولت بلاش عربيه على شان الزحمه وخليها مواصلات احسن وكان يوم اولا مفيش اتوبيس فاضى الناس على الباب وقفه قولت بلاش اركب الى بعده المهم ركبت اتوبيس بعد ساعه على المحطه ونزلت المحطه الى بعدها وركبت العربيه برده على شان احترم نفسى ليه؟
اولا مفيش مكان للجلوس حتى الناس الكبيره وقفه والعيال الصغيره هى الى واخده الكراسى .
ثانيا روائح عمرى ما شمتها قبل كده غير احيانا بالصدفه لما يكون حد ماشى ورائحه العرق بتفوح منه كالعطر مع الكتمه بتعمل شوغل حلو اوى.
ثالثا لا يمكن ان يصدر قانون كده لئن باختصار شديد مصر مفيش فيها مواصلات تكفى شعبها والاهم من كده مفيش مواصلات اداميه تصلح ان شخص يركبها وربنا مع الناس الى مجبره على الاتوبس.
رابعا ازاى ادخل كل منطقه بالبدج الى ليه لون ده يعنى مثلا انا شوغلى فى المطار وانا فى الطريق بمر على كذا منطقه اعلق بدج لكل منطقه الكلام ده بيتعمل مع المكروباص مش مع الملاكى.
خامسا واخيرا لو البنزين وصل اللتر بى 5 جنيه مش مهم اكرملى من انى اركب اتوبيس غير ادمى زى الى انا ركبته ده وحتى لو هدفع 20 جنيه فى اللتر.
واسف على الكلام الكتير

يا جماعه الحل الوحيد هو:

1- انشاء طرق جديده وتقسيم الطرق يعنى مثلا التريلات ممنوع دخولها المدينه ويكون فيه بديل داخل المدن زى مثلا السوزوكى الى هى الربع نقل مثلا بحيث ان التريلات دى تنقل لمدخل المدينه فقط ويكون ليهم محطات وكمان ليهم طرق خاصه على سبيل المثال مثلا تتمنع من دخول الطرق الصحراويه والطرق دى تكون للسيارات الخفيفه الى هى زى الملاكى والحجات دى.
والاتوبيسات نفس الكلام تتعوض داخل المدن بوسائل اخره زى المترو لازم المترو يغطى مصر كلها مش بس القاهره ومش شرط انه يكون مترو انفاق يعنى ممكن يكون زى الترام القديم كده انا شوفته فى تركيا عامل زى الترام الى كان عندنا برده بالكهرباء بس شكله زى المترو ومكيف وجميل جدا وسريع لازم نغير شويه ولا ايه.

2-لابد انه يكون فيه دراسه عمليه للمناطق يعنى كل منطقه فيها عدد معين من السيارات لازم يتوافر لكل سياره مكان انتظار فى المنطقه دى السيارات الخارجيه اوى الى مش من المنطقه دى يتم انشاء جراج او ساحه انتظار ليهم فى كل منطقه .

3-لابد من ابعاد المكروباص الى من ساعه ما انتشر سلوكيات الناس انتشر فيها الفوضى هى كمان يعنى ممكن يكون الى سايق المكروباص ده شخص متعلم على الاقل على شان يكون مهزب شويه عن كده يعنى ممكن نلزم الاجره كلها سواء كانت تاكسى او مكروباص او حتى نقل عام بقائد متعلم زى مشروع تاكسى العاصمه كده او شركات السياحه والناس القديمه دى تشوف ليها شوغله تانيه توفرها ليهم الدوله بدراسه.

4-لازم العربيات القديمه كلها تتكهن مش بالموديل لا كل واحد عنده عربيه وعاوز يغيرها بعربيه جديده بدل ما تتباع تتكهن زى ما قال احد الاعضاء فى احد الردود ممكن يكون التعويض عن التكهين اعفاء من الجمارك يعنى تشترى عربيه جديده مثلا بى 35000 وكده يبقى حلينا موضوع العربيات القديمه وكمان كده كل واحد لازم يكون معاه عربيه وحده ولو مش عاوز يكهن القديمه يبقى لازم يلغى ترخيصها بمنعنى يكون لكل مواطن الحق فى ترخيص سياره واحده فقط.

5-وضع خطه من مهندسين متخصصين فى الطرق فى تحسين الطرق ووضع رادارات بكاميرات فى الطرق والاستغناء عن الردارات الى بيتم التبليغ بيها عن طريق الاسلكى والكلام ده وتطوير جهاز المرور بالكامل ولازم يكون فيه تصوير فى الاشارات .

وبكده نكون حلينا شويه ازمه المرور

السلام عليكم,
الموضوع عاجبني اوي وكمان اراء الاعضاء كلها محترمة وشكرا لصاحب الموضوع لاثارته هذا الموضوع .
ببساطة كدة يا اخوانا انا شايف ان المصالح الحكومية كلها والشركات الكبيرة اللي موجودة في الجيزة والقاهرة تتوزع بنسب معينة في المدن الجديدة بعيد عن القاهرة ونتيجة للتوزيع ده المواصلات هتتوزع هي كمان والزحام في القاهرة والجيزة هيقل صحيح ممكن ده يبقى عبء على الناس اللي شغالين في الحتت دي بس ممكن برضه يتعملهم مواصلات مخصوصة وده هيقلل من العربيات الملاكي او المواصلات اللي بتوديهم اوبيروحو بيها شغلهم.