الموضوع: للمتزوجين فقط...الشجعان فقط..لو رجع بيك الزمان؟

:) :)
مش عارف ليه يا باشمهندس سبعاوى لما قريت الموضوع دة و الردود اللى عليه قفزت الى ذهنى مباشرةً و بقوة أغنية قديمة لسيلين ديون اسمها I hate you then I love you رغم انى بقالى أكتر من 8 سنين مسمعتهاش و لا بأسمع أى أغانى منذ أن انتقلت من عالم راكبى المواصلات إلى عالم قائدى السيارات :) و كلمات الأغنية دى بتلخص معظم الكلام اللى اتقال:
http://www.romantic-lyrics.com/li12.shtml

لو حد سألنى انت اخترت ايه حأقوله ان سبعاوى مشترط الشجاعة فيمن يجيب على الاستطلاع ... و لذلك قررت أمشى جنب الحيط و أمتنع عن التصويت ;)

عن عبد الله بن عمر رضي الله عنهما أن رسول الله صلى الله عليه وسلم قال: ((الدنيا متاع وخير متاع الدنيا المرأة الصالحة)).
نعم ودعائنا بين الحجرين فى الكعبة المشرفة ( اللهم اتنا فى الدنيا حسنة وفى الاخرة حسنة ) فحسنة الدنيا هنا يقال انها الزوجة الصالحة التى تتقى الله فى زوجها وكما قيل الزوجة الصالحة لاتكذب ابدا ، فإن قالت صدقت 00 صمتها حكمة وقولها حجة ورأيها معمول به
فأذا رجع بى الزمان مرة اخرى لاخترت نفس الاختيار لان بها ما ذكرتة والحمد لله

لو رجع بيه الزمن هتجوزها برضه........كل ما اتعب او اتزنق بجري في حضن ام عمر و اشتكيلها من الدنيا .....بشتكيلها قبل ما اشتكي لامي او ابويا........لو ربنا راضي عن اي بني ادم هيرزقه بام عمر بتاعته

كل حاجة ليها مميزات وعيوب
هو باكيدج المهم ايه اللى طاغى على ايه

الجواز خنقة اى نعم لكن هل الحل عدم الجواز - أبدا
موضوع الإختيار ده بقى توفيق من ربنا