الموضوع: للمتزوجين فقط...الشجعان فقط..لو رجع بيك الزمان؟

الزواج شر لابد منه
طبعا لأ الزواج ده نعمة كبيرة من ربنا ولو كان الزمن يرجع بيا كنت بردو هقعد ادعى ربنا انى اتجوز .
بس هيا المشكلة فى تحمل المسؤولية فى ناس بتتجوز بس عقلها مبيكونش نضج بالكامل فدول بيعانو من الزواج لأن اختيار الوقت مكنش مناسب ومكنش صح بس أرجع وأقول الصبر وتقوى الله فى النسانة الى انت عايش معاها وتقوى الله فى نفسك وأفعالك ده كفيل ان يخلى حياتك جنة وأهم حاجة قبل اجواز انك تبعد عن الحسابات بالورقة والقلم عشان متتعقدش وربنا يهدى سر كل المتزوجين ويرزقهم بالذرية الصالحة لأن فعلا اللأولاد هما زينة الحياة الدنيا وعمرك مهتوصلهم من غير جواز.

المشاركة الأصلية كتبت بواسطة mohamed_kta

البيوت اللى فيها ربنا دايماً عمار

السلام عليكم

انا مش متزوج من زمان أوى بس من كام سنه فاتو طبعاً القيود زادت و الأسئلة زادت الله يمسيكى بالاف خير يا أمى !!
لكن بجد لكل من لم يتزوج نصيحة خلى ربنا يجوزك أدعى كتيييييييييييييير بالزوج الصالح ليك أو ليكى ( قصدى اللى تصلحلك دين و دنيا ) و خاف ربنا فى بنات التاس مش بس منصاحبش بس كمان فى الشغل و الجامعه و النادى منجبش سيرة حد وحش .

اللى متجوز و مش سعيد و الله و الله و عن تجربة لو فيه ربنا بينك و بين زوجتك يااااااااه سعاده هتجيلك منين ماتعرفش انا اللى شجعنى على الزواج واحد اعرفه متجوز من 18 سنه و بيحب زوجته اكنهم فى الجامعه و الحب داه منقول لى أولاده بيبان على الاسرة كلها.
صلوا ركعتين لله مع بعض كل اسبوع ، ادعوا لأصحابكم و الاقارب و الجيران و المعارف مع بعض كل اسبوع ، زوروا دار مسنين ايتام لقطاء ، صلة ارحام مع بعض الخير كتير بس تعملوا مع بعض دى اهم حاجه انشاء .

و ادعى لزوجتك كل لما يحصل بنكم مشكلة ان ربنا يهديها ليك و يهديك ليها .

اسف للأطالة و دعواتكم.

أحلى كلام.. بارك الله لك :)

والله يا جماعة رائي في الجواز انو اكيد عفه و طهارة و راحة بال و سنه ربنا في الحياة

بس المشكله في الدنيا و في مصر حاليا هي عدم وجود الزوجه الصالحة او ندرتها

يعين انا كنت خاطب واحدة مش قادر اقولكلو متدينه قد ايه و طيبه قد ايه
و هاتك يا شروط و طلبات كاني عندي مطبعة فلوس
المهم اني حاضر و طيب و نعم
و في الاخر جيت بقولها مش هقدر اعمل حاجة ( تتكلف حسبة 2000 لحلوووح )
مش لاني مش اقدر لا اقدر الحمد لله بس كنت خايف وحاسس انها مش بتقدر الظروف
قامت فشكلت الجوازه :)

و سبحان الله كل الناس كانوا بيشكروا فيها جدا زميلانا في الشغل و كل دفعتها في الجامعة
يقولك ادب و دين و اخلاق و جمال و حسب و نسب
و للامانة كل كلامهم صح

بس
عدم القناعة و عدم الرضا !!!

السلام عليكم و رحمة الله

معلش أنا ليا تعليق على التصويت بانه مش صحيح, علشان إن في أحداث الإنسان ملوش دخل فيهم : ميعاد الولاده - أسمه - ميعاد وفاته - و زوجته .

علشان كده كل إلى تزوج حتى لو الزمن رجع بيه لورا برده هيتزوج من نفس الزوجه و في نفس الميعاد حتى لو كان ندمان على الإختيار ودي حكمة ربنا سبحانه و تعالى في إن عباده تتودد إليه بالدعاء سائلين الزواج الصالح و الذرية المباركة و لو قدر الله تعالي بزوج او زوجه ناشذ فإنه يجزي الصابرين بجنان و حور عين

لكل الي لسه ماتزوجوش اتجهوا إلى الله بالدعاء سائلين الزواج الصالح

و لكل متزوج و متزوجه اتجهوا إلى الله بالحمد و الشكر على كل حال

اللهم لك الشكر و لك الحمد حمدا كثيرا طيبا مباركا فيه ملئ السموات و ملئ الارض و ملئ مابينهما حتى ترضى كما ينبغي لجلال و جهك و عظيم سلطانك