ماكفيرسون امامي, و مالتي لينك خلفي

**ehab_mansour** · 16-06-2010 02:56 PM

المشاركة الأصلية كتبت بواسطة John_Samy_1

هي الIbiza 2010 مش ملتي لينك خلفي. هي حاجة اسمها Semi-Rigid independent. يعني على اتنين زراع منفصلين لكل عجلة (كل عجلة 2 زراع ملوش دعوة بالتاني). مع وجود جهاز امتصاص صدمات هايدروليكي. وده نظام مطور من التعليق الرياضي بس اقل تعقيد من الMulti-Link و مريح أكتر بس ثباته اقل من الMultiLink (ممكن يوصل ل5 ازرع) في العربيات الرياضية (سرعة فوق 220). عشان كده ده (semi-rigid) مناسب للعربية اللي مشيها الطبيعي لحد 190 (محدش بياخد غرز عنيفة على 200), ثابت وفي نفس الوقت مريح وتكلفته أقل. النظام الخلفي بيكون معقد كده عاش يمنع التعويم والحدفة اللي بتكون من مؤخرة العربية. وعشان العربية تلم نفسها مع السرعة العالية والغرز المفاجأة.
الماكفرسن ده نظام امتصاص صدمات بيبقى محطوط جوه سوستة المساعد وبيستخدم غالبا في المساعدين الامامية.
Suspension Basics I: Shake, Rattle and Roll

المشاركة الأصلية كتبت بواسطة John_Samy_1

اعتقد صعب عشان العفشه بتعتمد على تصميم الشاسيه. يعني لازم يكون فيه مكان عشان العفشه الMulti-link بتاخد حيز معيب وبتكون متواصلة بجزء معينة في الشاسيه. ولو هتغير شاسيه كامل يبقى احسنلك تجيب عربية

وكمان الMultilink معقدة جدا عشان بتعتمد على ازرع بيتم توزيعها بزوايا محسوبة بدقة. أي غلطة فيها ممكن يجيب نتيجة عكسية. ال Multi-link مش مساعد ديه العفشه كلها.
بس فيه عربية الشاسيه بتاعها بيسمح بتركيب Multilink أنا قريت قبل كده عن واحد معاه Mercedes قديمة و نفس الشاسيه بيركب عليه عفشه Multilink في الموديلات الجديدة فـقدر ينفذ التعديل ده.

الله ينور استاذ جون

هو ده الشغل عايزين الناس تنشط وتعمل مشاركات مفيدة

**John_Samy_1** · 17-06-2010 11:23 AM

المشاركة الأصلية كتبت بواسطة shouk_1987

طاب مافيش صور لأنواع التعليق المختلفة عشان الواحد يبقى فاهم كويس بس

معلش أنا اليومين دول مزنوق حبتين في الشغل وفي اقرب فرصة في الأجازة هحاول اجيبهم

**John_Samy_1** · 19-06-2010 01:10 PM

ماكفيرسون الامامي

مستخدم في معظم العربيات الجديدة عشان مفيش تعديل جامد في الشاسيه. مجرد جهاز هايدروليك لامتصاص الصدمات.

ماكفيرسون بتاع الNissan Tida

Torsion Beam

مميزاته: حجم صغير, وزن اقل, مريح, عيوبه معروفة وغير معقد.
عيوبه: ثبات قليل عند المناورة في السرعات العالية.

Independent Suspension (زي بتاع الIbiza ) بس بتاع الIbiza مطور عن كده شوية عشان يكون اشبه بالMultilink ال3 زراع

مميزاته: أحسن في الثابات ومناورة, مريح إلى حد ما
عيوبه: اقل تطور من الMultilink ومكلف, اقل راحة من الTorsion Beam

Multi link Suspension

مميزاته: لو تم تصميمه صح هيدي أعلى ثبات وأحسن مناورة
عيوبه معقد, غالي, الغلطة فيه بجون, اقل راحة

BMW 1 series coupe

Mercedes E class

اوضاع الMultilink المشهورة

Multi Link اللي ب5 ازرع

مصادر
AutoZine Technical School - Suspension
Car Bibles : The Car Suspension Bible page 1 of 4
ENGINES
مصادر متنوعة

**Khaled_Nowaihy** · 19-06-2010 01:18 PM

مجهود جميل وعرض رائع يا جون .... أنا كنت لسه باسأل عن موضوع التعليق الأمامى والخلفى فى الكيا كارينز والسيراتو
http://www.nilemotors.net/Nile/158113-a.html
شـــــــــــــــــــــكرا ً

**mando_07** · 19-06-2010 01:41 PM

ألف شكر على المعلومات يا باشا بس اعتقد ترتيب الراحة هيبقى لصالح ال multi link وبعد كده Independent Suspension واقلهم في الراحة torsion beam

**shouk_1987** · 19-06-2010 02:32 PM

مجهود مميز يا جون

**John_Samy_1** · 20-06-2010 11:25 PM

المشاركة الأصلية كتبت بواسطة Gabrial

مجهود متميز يا أستاذ جون ،تسلم ايدك,شكراً وتحياتي.

تحياتي لحضرتك و ألف شكر

المشاركة الأصلية كتبت بواسطة mando_07

ألف شكر على المعلومات يا باشا بس اعتقد ترتيب الراحة هيبقى لصالح ال multi link وبعد كده Independent Suspension واقلهم في الراحة torsion beam

متشكر جدا
و حضرتك صح واللي بيأثر اكتر في الراحة هو درجة نشوفية العفشه. كل ماالعافشه تكون منفصلة كل ماالتأثير على باقي العجل يكون أقل فعلا

Live axle - Wikipedia, the free encyclopedia

المشاركة الأصلية كتبت بواسطة shouk_1987

مجهود مميز يا جون

متشكر جدا.

**John_Samy_1** · 20-06-2010 11:29 PM

المشاركة الأصلية كتبت بواسطة khaled_nowaihy

مجهود جميل وعرض رائع يا جون .... أنا كنت لسه باسأل عن موضوع التعليق الأمامى والخلفى فى الكيا كارينز والسيراتو
http://www.nilemotors.net/nile/158113-a.html
شـــــــــــــــــــــكرا ً

متشكر جدا وارجو إني أكون قدرت أوضح شيء لأن المنتدي هنا وأعضائه المحترمين ليهم فضل كبير علي. بكرر شكري لحضرتك.

-

الموضوع: ماكفيرسون امامي, و مالتي لينك خلفي

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عفشة مالتي لينك

وحده رفع لفيرنا امامي و خلفي

ايه الي في البي ام دفع خلفي و ايه الي دفع امامي

ولو تكرمتم التريوس سحب امامي ولا دفع خلفي ؟

تريوس2*4 جر خلفي ام دفع امامي

الكلمات الدلالية لهذا الموضوع

المفضلات

المفضلات

ضوابط المشاركة