الموضوع: مش عارف اقرر اجيب اكسنت rb مانيوال عالزيرو ولا اجيب نيسان صني اتوماتيك 2011 عالزيرو

المشاركة الأصلية كتبت بواسطة basemsaeed

اولا:لو حضرتك حتتكلم عن هيوانداى فيرنا,,انا معايا فيرنا و حتكلم مع حضرتك نقطة نقطة
اولا بالنسبة لاستهلاك البزين,,انا افيرنا بتعمل معايا 180 او اقل فى الصفيحة ده طبعا داخل المدينة و من غير تكييف كمان,,يعنى استهلاكها عالى و يعادل الصنى او الصنى دلوقتى ممكن تكون احسن منها بحساس الاوكسجين اللى عملوه جديد
ثانيا بالنسبة للتصميم الداخلى,,انا شايف ان الفيرنا عادية و الصنى ممكن يكون التابلوه قديم شوية بس بش وحش و خامته حلوة احسن من خامة الفيرنا,,,اما عن الشكل الخارجى فديه اذواق بتختلف من شخص لشخص
ثالثا بالنسبة للتسارع الفيرنا تكسب لانها عربية خفيفة اصلا و الموتور كبير على حجمها فبالتالى بش حتاخد وقت عشان تجيب السرعة اللى انت عاوزها,انما الصنى جسم تقيل و صاجها اقوى من الفيرنا
رابعا بالنسبة للوسع الدخلى,,عذرا يعنى الصنى اوسع,,جرب كده رجع الكرسى للاخر فى الاتنين و اقعد وراء,,حترتاح فى الصنى احسن,وانما وسع الكنبة تقريبا الاتنين واحد
اما بالنسبة للامان و التوكيل و الثبات فده لصالح الصنى طبعا
انا والله بش منحاز للصنى ولا حاجة
لكن انا ركبت العربيتين و سوقتهم
بالنسبة لنصيحة حضرتك انا بش معاها,,دلوقتى و المفروض اساسا ان وسائل الامان دى تبقى اساس كل عربية,,ده فى بلاد بره بياخدوا باختبارات تصادم عشان يتأكدوا ان العربية حطلع الناس اللى جواها سلام,,و طبعا محدش عارف قدره فين و ربنا يكفينا كلنا شر الحوادث

اما بالنسبة لنقطة حضرتك ان الالنترا باعت كتير,فده بش عشان عيون الالنترا,,بس عشان ثقافة السوق المصرى للاسف,,اللى خلت نقطة اعادة بيع الهيونداى سهلة و لعلمك الصنى بدات فعلا فى الانتشار و بقيت بشوفها كتير

معلومة لحضرتك,,استاذ غبور نفسه مكنش راكب عربية هيونداى,,كان راكب مرسيدس و لما عرفوا الناس هناك فى كوريا انو راكب عربية غير هيواندى,,جم ليه و قالولو انت صاحب توكيل هيونداى و راكب مرسيدس,اقولهم مفيش عربية بستوردها ينفع انى اركبها,,دى حتى السوناتا اللى بنقول عليها فخمة رفض يركبها,,و عملولو عربية مخصوص ذات رفاهية جامدة جدا فى كل شىء, و الكلام ده من مصدر موثوق جدا جدا
و انا اسف انى طولت على حضرتك و انا حضرتك بش مضايق منك ولا حاجة,,لان حضرتك زى اخويا بالضبط و كلنا هنا اخوات و يهمنا المصلحة العامة
و نصيحة للى حيشترى العربية,,وسائل الامان ضرورية و طبعا فى النهاية الراحة النفسية فعلا عامل مهم

انا كنت بقارن بين الصنى ex الاكسنت الجديدة وليست الفيرنا حضرتك اركب نيسان صنى سنه مش سنتين وبعدين قرر ايهم افضل لان النيسان الاتوماتيك استهلاكها فى البنزين عالى جدا مقارنتا بالالنترا والاكسنت الجديدة
الوسع الداخلى الاكسنت الجديدة اوسع
الشكل الاكسنت الجديدة افضل
راحه الركوب الاكسنت الجديدة لان النيسان كراسيها اكثر عيب فيها
اعاده البيع انا بيعت عربيتى بعد سنتين فابريقة بره وجوه وكانت عاملة 40 الف كم فى سنتين بالعافية ب 78500 جم وانا كنت شاريها ب 103 والموديل ال EX كان بيتباع ب 93 زيرو ومستعمل موديل 2008 ب 72500 الى 74000 حسب الحالة

راى شخصى ولايعبر عن راى كل الاعضاء ان الاكسنت الجديدة افضل

استاذ farfora20082008

توقيعك رهيب

ههههههههه

المشاركة الأصلية كتبت بواسطة amrsabet

انا كنت بقارن بين الصنى ex الاكسنت الجديدة وليست الفيرنا حضرتك اركب نيسان صنى سنه مش سنتين وبعدين قرر ايهم افضل لان النيسان الاتوماتيك استهلاكها فى البنزين عالى جدا مقارنتا بالالنترا والاكسنت الجديدة
الوسع الداخلى الاكسنت الجديدة اوسع
الشكل الاكسنت الجديدة افضل
راحه الركوب الاكسنت الجديدة لان النيسان كراسيها اكثر عيب فيها
اعاده البيع انا بيعت عربيتى بعد سنتين فابريقة بره وجوه وكانت عاملة 40 الف كم فى سنتين بالعافية ب 78500 جم وانا كنت شاريها ب 103 والموديل ال EX كان بيتباع ب 93 زيرو ومستعمل موديل 2008 ب 72500 الى 74000 حسب الحالة

راى شخصى ولايعبر عن راى كل الاعضاء ان الاكسنت الجديدة افضل

استاذ عمرو,,,اولا:كيف حالك؟؟؟يا رب تكون بخير
ثانيا:عاوز اقول لحضرتك حاجة,,انا واخد صاحبى معاه النترا ,بتعمل معاه 180 او 170 ك فى الصفيحة و الاستهلاك ده فى وسط البلد,,و ده قريب,لان الصنى بتعمل 170 ك برده فى الصفيحة,,و بعدين الصنى عربية تقيلة بش خفيفة زى الالنترا و الاكسنت,,و بالنسبة لحكاية البنزين,,فيعنبر اتحلت لانهم زودوا السيارات الجديدة من نيسان صنى بسينسور اوكسجين و ده بيساعد كويس فى خفض استهلاك العربية للبنزين
و تقريبا كل استهلاك مواتير ال 1600 c.c واحدة و بتفرق فرق بسيط من عربية لعربية و طبعا تويوتا كورولا فى المقدمة من حيث استهلاك الوقود الاقل,,و عاوز اقول لحضرتك على حاجة,,دوسة حضرتك على البنزين سواء تقيلة ولا خفيفة هى اللى بتحدد برده استهلاك البنزين عالى ولا واطى و ضغط هواء الاطارات برده عامل من عوامل نقص او ارتفاع استهلاك البنزين,,طبعا غير بقية العوامل من مقاومة جسم العربية للهواء و غيره.......الخ
انا شايف ان استهلاك ال 1600 c.c كله قريب من بعده و لو فرق حيفرق 10 ك او 15 بالكتير و حسب استخدام حضرتك للعربية
بالنسبة لوسع الاكسنت الجديدة انا رجعت الكرسى لوراء و معرفتش اقعد و ده كان فى المعرض
اما بالنسبة للصنى فعرفت اقعد الصراحة
موافق حضرتك ان شكل النيو اكسنت حلو و عصرى,,بس فيه ناس تانية ممكن تشوفه انو وحش,,و الكلام ده كله طبعا اذواق بتفرق من شخص لاخر
حضرتك ايه العيب اللى فى الكراسى فى الصنى؟؟؟و كمان حضرتك متقدرش تحكم على النيو اكسنت لان حضرتك العربية لسه جديدة ولا حتى حضرتك جربتها و مشيت بيها عشان تعرف مدى راحة حضرتك على الكراسى فيها مع طول المشوار
بالنسبة لاعادة البيع,,انا شرحت لحضرتك فى ردى السابق,,ليه الهيونداى بتبيع اكتر,,لان ده راجع لثقافة السوق اللى للاسف بتجرى وراء حاجة واحدة من غير ما تفكر,,مع ان هناك بدائل افضل بكتير
و دلوقتى حضرتك,,سعر بيع الصنى زاد عليها,,لان الطلب زاد,,حضرتك كانت فيه ناس حاجزة صنى و استلمتها بعد شهر و فيه ناس استلمت بعد شهر و نص و ده راجع لضغط الطلب اللى كان على العربية,,و بالتالى زيادة الطلب يؤدى الى زيادة سعر اعادة بيعها و انتشار كماليتها كلها و حاجتها كلها و بسعر مناسب كمان و ده اللى حصل فعلا و ما زال بيحصل اكتر
حضرتك حساب ثمن العربية بيرجع لعدة عوامل برده ,,لو حنتكلم على الصنى,,اولا الشكل اتغير و غيروا كذا حاجة فى العربية و كمان حضرتك حساب سنتين استخدام,يبقى كده موديلها قدم لان موديل السنة نزل و كذا عامل برده حضرتك بيقلل سعر العربية
عموما ربنا يعوضك خير ان شاء الله يا استاذ عمرو و اشوفك راكب bmw كده ان شاء الله
و انا سعيد بكلامى مع حضرتك و حضرتك انسان محترم و ذوق
و تقبل مرورى

بعد مركبتها وشوفتها فى المعرض النهارده
طبعا اكسنت الجديده
دى ملهاش حل ماشاء الله
بص انت اركب النيسان وبعدين اركب الاكسنت وان مخلصتش فى الاكسنت فى ساعتها يبقالك الكلام
دا كفايه فتحت الباب - ماشاء الله العربيه رائعة بكل المقاييس
دى هتمسح اليارس باستيكه - بس هيا عايزه جنوط واتفرج