مش عارف اقرر اجيب اكسنت rb مانيوال عالزيرو ولا اجيب نيسان صني اتوماتيك 2011 عالزيرو

**rookapolo** · 24-01-2011 05:04 AM

صني و ومتوصلني وتوكل علي الله :d

**elgdawy2007** · 10-07-2011 08:21 AM

المشاركة الأصلية كتبت بواسطة Ahmod

شوف يا باشا انا مش هقدر اتكلم عن الاكسنت لاني مركبتهاش قبل كدة لكن اللى اقدر اتكلم عليها هي النيسان

النيسان كانت مع واحد صاحبي صني سوبر سالون مش متذكر موديل كام بالظبط بس تقريبا 2008

العربية ماشاء الله عليها جميلة وثابتة على السرعات العالية

بالنسبة للتسارع او الشد فهي فعلا ممكن تكون كسحب مش قد كدة ولكن لو هتجيب الاوتوماتك مع زر الاوفر درايف هتلاقي سحب مهول ! !

انا برضوا ماقدرش افيدك في موضوع السحب اوي لان العربية كانت مع زميل ليا وكانت سواقته هادية جدا جدا جدا !

التبلو من جوة نظيف وشكله شيك مش عارف ليه فيه ناس بتقول انه وش ! << لولا اختلاف الاذواق لبارت السلع

العربية مافيش فيها مشاكل فضلت مع زميلي حوالي تلت سنين بدون اي مشكلة ! قطع في التلت سنين دول حوالي 30 الف كيلو

الى ان توافاها الله (يقصد العربية) في حادثة مميتة على طريق اكتوبر !

وهنا هنحط 100 الف خط تحت كلمة الامان ! ! وان الامان في النيسان ممتاز

انا هنزل هنا صور الحدثة ربنا يكفيكم شر الحوادث ويبعدنا عنها

العربية للاسف نزلت مابين مقطورتين من قدام ومن ورا وهنا الصور

احب اوضح ان اللى التقط الصورتين دول هو الشخص اللى كان جالس في الكنبة اللى ورا ! !

كان راكب العربية تلت اشخاص والحمد لله التلاتة خرجوا من الحادثة بدون اي مشاكل عدا السائق خدوش بسيطة نتيجة تكسر الزجاج الجانبي ! !

ودي صورة للعربية بالكامل بعد ماتم نقلها من مكان الحادث

الغريب ! ! ان مع كل اللى انت شايفه ده الاير باج مافتحتش ! ! ! ! مع انها سوبر صالون والمفروض انها مزودة بالاير باج ! !

فلو هترجح الصني عشان الاير باج فنصيحة مني الاير باج بتعملها مع ناس كتير جدا جدا ! حوادث كتير اوي بتحصل وفي مركات عالمية والاير باج مش بتفتح ! !

عموما ربنا يكفينا شر الطريق

لكن انا من وجهة نظري النيسان عربية محترمة وفلوسك هتدفع في مكان امين

اكيد انت بتهزر صح!!!!انا شايف السياره متخرشمه وكمان من خلال المشاهده عمرى متخيل ان الثلاثه طلعوا سالمين الا اذا كانوا خرجوا طايرين من السياره بعد الحادث مباشره وبمجرد الاصطدام عموما لو كانوا فعلا خرجوا بدون خسائر يبقى الحمد لله فعلا لان من واقع الصور الموجوده مع كلامك بجد حاسس انك بتهزر