مصر للتأمين و لوجان 20111

**nour_nrc** · 02-08-2011 07:09 AM

السلام عليكم اخواني الاعزاء
كل عام وانتم طيبيبن
رمضااااااااااااااان كريم

ليا سؤال :
واحد خبط العربية من ورا ناحية الشمال

الخسائر :
الرفرف الخلفي خدوش وتطبيق جامد
الفانوس الخلفي الشمال اتكسر الوش بتاعه
باب الشنطة اتطبق من ناحية الشمال وكسر طرف النيكل الفضي اللي علي الشنطة
الاكصدام الخلفي خدوش بدون شروخ و اتخلع من مكانه
الحمد لله وقدر الله وماشاء فعل ........... وانا خلاص سامحت اللي عمل كدا

المهم الحمد لله مأمن تامين شامل علي العربية تبع مصر للتأمين ومكتوب في الـوثيقة لصالح الشركة المصرية العالمية
عملت محضر في القسم
ان شاء الله هودي العربية فرع المقطم علشان يصلحوها

السؤال بقي :
هو ايه اللي بيتم بالظبط مع شركة التأمين وهل انا بدفع وبعد كدا بحاسب ولا ايه بالظبط؟

وتصليح الحاجات دي بياخد وقت اد ايه (الحمد لله انا شايف اني اي سمكري شاطر مش هتاخد في ايه اكتر من يوم )

واخيرا
دعواتكم معايا ان يخلصوها في التوكيل بسرعة علشان اخوكم مش بقدر استغني عن العربية خالص علشان ظروف شغلي بس الحمد لله اللي يجي في العربية بعيدا عني وعن اهل بيتي اهون بكتييييييييييير

**MOUSTAFA_SAAD** · 02-08-2011 10:59 AM

حمد لله على سلامتك الاول والحمد لله انها جت على كده

بعد المحضر بتروح الشركه تعمل اخطار ومعاك رقم المحضر او صورته

وبعدين مندوب الشركه بيعمل معاينه ويطلب منط تجيبله مقايسه بالحاجات اللى حتتعمل
انا شايف نك توديها سمكرى محترم تعملها عنده لان التوكيل حيركن العربيه فتره

بتدفع الاول وبعدين الشركه تحاسبك ولو فى التوكيل بيحملوك نسبة 10% ولو بره هما بيتحملوا المبلغ كله

**wassim_nasser** · 02-08-2011 01:55 PM

بص يا دكتور نور .. اول حاجه تعملها انك تبلغ شركه التأمين باللي حصل .. تانى حاجه مادمت مأمن عليها يستحسن تعملها ف التوكيل .. ع الاقل يبقى شغل كويس .. حبيت تعملها بره براحتك بس اهم حاجه الفواتير ثم الفواتير ثم الفواتير .. لأن انت بتدفع تصليحها للسمكري او التوكيل وبتاخد الفواتير للتأمين يطلعولك بقيمتها شيك وطبعا بيحملوك 10% من تمن التصليح .. وماتزعلش علي حاجه فداك ستين عربية

**ayman1204** · 02-08-2011 10:24 PM

تقريبا التوكيل مش بيصلح ويرد
بيغير على طول لو تبع التامين

**wassim_nasser** · 03-08-2011 02:48 AM

هو ده التوكيل .. مابيفكرش غير ف اكل العيش .. خليك معاهم وامرك لله ومادامت التكلفه عشر تلاف جنيه يبقى انت هاتتحمل حاجات بسيطه خالص .. بس مفروض يطلع من التأمين مهندس يفاصل مع بتاع التوكيل عشان يخفض المقايسه شوية .. بس كده كده انت مش خسران حاجه غير حبه تعب ف العشر تيام دول

**cheetos_892005** · 03-08-2011 06:13 AM

يعني بص انا والدتي شغاله في مصر للتامين

شوف مركز سمكرة و دوكو عنده سجل تجاري و شريبي عشان الفواتير

احسنلك و اوفرلك و اسرعلك و اتفاهم مع الشركه لو المبلغ قل عن التوكيل احتمال يشيلو التكلفه كلها
موضوع ال 10 % بيغتتوا فيه عليك لو هتعملها في التوكيل بزات

اجيك بتقول 10000 جنيه اهه ...و بالمره روح اسال معاينين الشركه كده بيبقوا عارفين مراكز كويسه و سهلة التعامل معاهم

**Xlance2010** · 03-08-2011 04:05 PM

اولا الف مبروك للمنحة يادكتور
ثانيا فداك العربية ومية عربية كمان زيها المهم انت بخير
ثالثا امرك لله طالما دخلت فى دوامة التوكيل لازم تستحمل لان فعلا اى شغل فى التوكيل بياخد وقت اطول من اللازم جدااااااااااااااااااااا
رابعا ابقى طمنا لما تخلص وقول لنا العربية لما خلصت بقى شكلها ايه ووصلت لآيه فى موضوع شركة التأمين هل حملوك 10% ام تحملوا التكلفة كاملة

ودمتم بود
اسمى اسفل مشاركتى

**hobby10** · 03-08-2011 10:58 PM

ربنا يوفقك ان شاء الله وتخلص على خير وابقى طمنا ياريت

-

-

الموضوع: مصر للتأمين و لوجان 20111

LinkBack

أدوات الموضوع

عرض

مصر للتأمين و لوجان 20111 - انشر الموضوع فى :

-

-

-

-

-

المواضيع المتشابهه

لوجان 2011 ومصر للتأمين

حد تعامل مع مصر للتأمين؟

حد تعامل مع مصر للتأمين؟

اسكان للتأمين

الأهلية للتأمين

الكلمات الدلالية لهذا الموضوع

المفضلات

المفضلات

ضوابط المشاركة