مقارنة بين الكيا سبورتنج 1.6 والنيسان قشقاى 1.6

**yassal** · 07-08-2011 12:48 AM

المشاركة الأصلية كتبت بواسطة y2y1500

مش قادر افهم ليه كل واحد له رأى بيحب يفرضه ع الاخرين
وعلى رأى المثل كل واحد ينام ع الجنب اللى يريحه ولولا اختلاف الاذواق لبارت السلع
يعنى لا القاشقاى ولا السبورتج هاتقف على واحد ولا على 10 اشتروا او ما اشتروش
الاهم تكون مقتنع بالعربية اللى عاوز تشتريها
وكل واحد بيحسبها بعقله وقلبه يعنى بيشوف مميزاتها وعيوبها ويتكيف معاها
وفى الاخر عمر ما العربية بتتقاس بس بالورقة والقلم
فيه عربية حلوة اوى نظرى ولما تقعد فيها ولا تركبها تقلب فكرتك عنها 180 درجة والعكس صحيح
عشان كده مطلوب من اى عضو يجرب الاتنين ويشوفهم ع الحقيقة ويقرر اختياره فى الاخر بدون ان ينال من اختيار الاخرين

+1111111111

**Abo-Islam** · 07-08-2011 03:47 AM

علي فكرة لما حبيت أشتري عربيةكانت القشقاي هي إختياري النهائي بس اللي خلاني صرفت نظر عنها إنه حرام أدفع 160000 جنية في عربية مانيوال في حين إن المبلغ دة ممكن يجيب لي حاجات كتييييييييييييييييييييييي يير أوتوماتيك و ما تقولش مايفرقش لأن الأتوماتيك في مصر راحة ما بعدها راحة و يخليك تحب السواقة مش تنزل من العربية كأنك كنت جاي الطريق كلة ماشي على رجليك,,,,,, و برضه إستخير ربنا أولا و أخيرا.

**yassal** · 07-08-2011 12:54 PM

المشاركة الأصلية كتبت بواسطة lonely_2409

علي فكرة لما حبيت أشتري عربيةكانت القشقاي هي إختياري النهائي بس اللي خلاني صرفت نظر عنها إنه حرام أدفع 160000 جنية في عربية مانيوال في حين إن المبلغ دة ممكن يجيب لي حاجات كتييييييييييييييييييييييي يير أوتوماتيك و ما تقولش مايفرقش لأن الأتوماتيك في مصر راحة ما بعدها راحة و يخليك تحب السواقة مش تنزل من العربية كأنك كنت جاي الطريق كلة ماشي على رجليك,,,,,, و برضه إستخير ربنا أولا و أخيرا.

كلامك صحيح - كتير من الناس يعتبر ان موضوع المنيوال ده مشكله فالعربية دى - بس انت كان عندك حلين اما انك تستنى نزول الأوتوماتيك منها وأعتقد أنه هينزل قريب بس الله أعلم هيبقى بكام؟ أو فعلا تصرف نظر عنها وتجيب حاجة تانية مناسبة ولو انى سامع من اللى جربوها ان نقلاتها فى منتهى السلاسة والسهولة

**SonaSteel** · 07-08-2011 01:30 PM

بالظبط ........ المانيوال بتاع القشقاي ميتوصفش
من نعومة الدبرياج وقصر مشوار الفتيس ...... يعني مش اكتر من تكة وانت ماشي .... وياجدعان ناس بتحب المانيوال مش حرام يعني
حتي لو ساكن في القاهرة زي ........ انا مش بحب الاوتو مأجرمتش يعني
صاحب الموضوع نفسه معندوش مشكلة من المانيوال ....... ولصاحب الموضوع والله انا لو معايا ال160000 ولا 170000 ما احطهم في عربية كوري ولو حتي بمواصفات عالمية.
ده رأي علشان مش هاشتري عربية كل سنه وادفع المبلغ ده كله ؟؟؟
ولما عربية زي ديه بتطلع من المصنع كل يوم 1200 عربية ......... كل يوم وكمان بالحجز
اكيييييييد في حاجة والناس اللي هناك (الاوروبين) اللي عندهم اعلي مواصفات عربيات مش فاهمين هما بيشتروا ايه؟؟

**sadan** · 07-08-2011 06:38 PM

السلام عليكم
انا لسه مشترى عربيه نيسان قشقاى من حوالى 10 ايام

و تحت امركم فى اى سؤال بالنسبه للقشقاى

**ahmedhawas** · 07-08-2011 06:46 PM

المشاركة الأصلية كتبت بواسطة yassal

الله ينور عليك يا سحس - فينك ياعم من زمان - شكلك كدة بتقل فى الفطااااار - مش لازم ياعم المحشى والبط والوز خليها حاجة خفيفة عشان نشوفك :c_laugh[1]: - كلامك صحيح مية فالمية - وسونة أجدع نااااااااااس - وكل سنة وانت طيب

هههههه - ياسر بيه !! إيه الكلام اللي انت بتقوله على سوناستيل ده !!
يا باشا اللي انتا قولته ده كله محصللشي مسحة زور .
دانا شوفتله مشاركة مش قادر انساها حتى الان (اه بجد .. أثرت فيا أوي - ههههههه)

المشاركة الأصلية كتبت بواسطة sonasteel

وده فطار مش اي حاجة
نقول بسم الله .... ولا وراك حاجة
المهم انت بس عليك امدادات ادوية الحموضة ... الاقراص والشرب حتي الكبسووول
هانبدأ الاول بالمقبلات ... الحاجت الخفيفة ديه اللي بتبقي علي الفطار
1- طبق محشي بتنجان + محشي كرنب + كوسة او فلفل حسب الطلب .
2- حلة لسان عصفور بالخلطة ومقطع عليه شرائح الكبدة الذيذة والغنية بفيتامين تييييت.
نخش بقي علي الفطار
1- فخدة ضاني مشويه بصوص الكراميل مشققة وواخده بتاع 30 غرزة محطوطة علي طشت رز بسمتي بالمكسرات الزبيب واللوز.
2- فرختين مشويتين متقطعين شرايح ومخليين من العضم.
3- طااااجن مكرونة بالبشاميل قطره بتاع 50 سم.
4- حلل خضار بقي واطباق سلطة للدلع والكلام ده
وهاتحلي طبعا :
1- 4 كيلو بسبوسة .... وحتة قشطة قد كده هو :))))))))

وطبعا الدفع مقدما بشيكات او نقدي
وفي اوبشن جديد انك ممكن ترهن عربيتك واحنا هانبيعها ونديك تمن التاكسي اللي تروح بيه .... وانت في عين شمس ممكن اروحك معايا :)))
اقعد بالعافية

**ahmedhawas** · 07-08-2011 06:50 PM

المشاركة الأصلية كتبت بواسطة sadan

السلام عليكم
انا لسه مشترى عربيه نيسان قشقاى من حوالى 10 ايام

و تحت امركم فى اى سؤال بالنسبه للقشقاى

أهلا بيك معانا في المنتدى ، ومبروك يا فندم.
وياريت تقولنا رأيك في العربية بشكل عام (مزايا وعيوب) من وجهة نظرك الشخصية- وحاجزها من امتى ؟؟ واستلمتها من عند مين؟؟
وربنا يبارك فيها وفيك ويرزقك خيرها ويكفيك شرها.

**mohamed_hamdi** · 07-08-2011 07:20 PM

السلام عليكم

في نقطة هامة جدا في حوار المقارنة بين الكيا سبورتاج و القاشقاي و مش فاهم ازاي مافيش حد تنبه ليه ياجماعة. الكيا سبورتيج 2000 سي سي و سعرها 335000 جم في حين القاشقاي 1600 سي سي مانيوال ب 170000 جم. طبعا فرق الجمرك من 1600-2000 سي سي هو السبب بس كده المقارنة في فئة سعرية مختلفة خالص و لازم صاحب الموضوع يحدد هل يقدر يزود الفرق و يجيب الكيا ولا المسألة كلها انه بيقارن فقط.
كل سنة و انتم طيبيبن و خالص احترامي للجميع

ماتنسوش تدعوا لمصر ساعة الفطار و وقت صلاة الفجر

محمد حمدي

**ahmedhawas** · 07-08-2011 07:33 PM

يا راجل يا طيب !! ده كلام برضو ..
المقارنة هنا بين قشقاي 1600 وسبورتاج 1600 اللي هيتم الإعلان عن نزولها في مصر قريبا جدا (أقل من اسبوعين) ان شاء الله
وهينزل منها 3 فئات ان شاء الله (من 160 ألف الى 200 ألف)

وبعدين أنا أول مرة أسمع ان القاشقاي بقت ب 170 ألف ... حضرتك واثق من المعلومة دي ؟؟