الموضوع: مقارنة بين الكيا سبورتنج 1.6 والنيسان قشقاى 1.6

المشاركة الأصلية كتبت بواسطة sadan

انا اشتريت العربيه من اوتو ايجيبت مصر من 10 ايام و هى بصراحه اكتر من اللى متوقع من كذا ناحيه

1- بالنسبه لموضوع الفيتيس المانيوال اللى شاغلنا كلنا و كان شاغلنى انا شخصيا قبل ما اشتريها و استخرت ربنا اكتر من 20 مره لانى دفعت 170 الف باكسسوار العربيه كلها

الفيتيس اكثر من رائع و خاصه انى من محبى الاوتوماتيك و لكن انا بالفعل راكب اوتوماتيك مش مانيوال خالص , الشوط صغير جدا و الفتيس خفيف و حساسيه الموتور معاك على الاول عاليه جدا و العربيه ماتنتش منك و انت بتدوس الاول بالعكس انا باحس ان الاول معاك من سرعه (5 كم الى 25 كم) و ممكن تحت الخمسه و العربيه شغاله و متقطعش و التانى معاك من (10 كم الى 50 كم) و صوت العربيعه مايعلاش منك
يعنى من الاخر فى الاشارات مابتتعبش اوى فى الغيارات (هى مره او اتنين)

المشاركة الأصلية كتبت بواسطة sadan

الموتور ناعم جدا و صوته مايعلاش خالص و مش هاكتر على المواتير اليابانى

و التكييف عجيب جدا و قوى جدا و بيحفظ درجه الحراره زى ما انتا عايزها وى ثوانى و فى عز الحر

و بصراحه العربيه فخمه جدا جدا و ارخص من تمنها لانى حاسس انى راكب عربيه موتور و تكييف يابانى و ثبات و فخامه اوروبى

المشاركة الأصلية كتبت بواسطة sadan

و الدركسيون خفيف جدا و كل ما السرعه تزيد يزداد ثقلا بدرجه حساسيه كبيره

ياباشا ربنا يباركلك فيها باذن الله وتتمتع بيها
وكل كلامك ده اى حد جربها وساقها حس بيه وشافه بعينه وكلامك خير دليل على تعليقاتنا عنها اللى بقالها شهر تقريبا
بس الكلام ده ما ينفعناش بالتنقيط كده
ولو مش فاضى او مش عارف تنسق موضوع كامل وتقرير شافى وافى ياريت تستعين بصديق من المنتدى عشان يكون مرجع لكل اللى عاوز او بيفكر او لسه ما حسمش موقفه ناحية القاشقاى وطبعا الصور مطلوبة عالاقل نشوف الاكسسوارات ام 10 الاف زيادة دى شكلها ايه