الموضوع: أسوء طريق من المندرة إلى أبو قير , أرحمونا يرحمكم الله

ربنا يكون في عونك
انا كنت بلاقي الكلام ده و انا مصيف لغايه مربنا رحمني و بعت شقه المندره

انتى ما شوفتيش شارع جمال عبد الناصر كان عامل ازاى زى ما يكون فيه مذنب وقع عليه من السما
الايام دى بقى ربنا كرمهم وسافلتوه .. بس ايه حاجة كدة زى ما يكون بعد ما سافلتوه جابوا الجماعة الزومبى
وفضلوا يعضعضوا فى الارض لحد ما الاسفلت بقى شكله يفجع لأ والجميل انهم مش هاين عليهم يعملوا خط فاصل بين الاتجاهين
......................
الحتة اللى حضرتك بتتكلمى عليها دى قصة تانية خالص بالذات الحتة اللى جنب سور حدائق المنتزة .. الحتة دى حتجننى
الحتة دى بتلاقى فيها جميع انواع السلبيات اللى ممكن الانسان يعملها
1- زحمة فظيعة 24 ساعة
2- اليوتيرن اللى قبل ما تحصل الكوبرى شغال اتجاهين وهو اتجاه واحد
3- سواقين المشاريع زى ما يكون شايفين الطريق على يمينهم وشمالهم فاضى حتى لو فى عربية جنبهم عادى خالص تلاقى المشروع بيرمى عليك بدون ادنى مراعاة لاى شيئ فى الدنيا
4- البهوات بتوع الشرطة اختاروا مكان عبقرى علشان يعملوا فيه لجنة و بيقفوا عند اول يوتيرن من دخلة البحر المتجه ناحية المندرة
ليفاجأ العربيات زى ما يكون فى حادثة مفاجاة حصلت وتسمع صوت احلى فرامل دة غير اليوتيرن دة الناس بتاخده عكسى
يعنى اللى جاى بسرعته من المندرة متجه للبحر يلاقى البيه بيعرض بعربيته علشان يلف للبحر علشان ما يمشيش فى الزحمة ..
وانت مطلوب منك تميل لليمين علشان تعطيله مساحة يلف بيها تلاقى مشروع واقف على اليمين بيحمل حاجة جميلة يعنى وهو اصلا ملف 90 درجة مش مستحمل العك دة كله
5- لو سمعت صوت ماتور عالى او ديفل جنبك اعرف ان فى واحد بيتسابق معاك والموضوع بالنسباله حياه او موت ما تعرفش بقى دة
ارضاء غرور .. او عايز يثبت لنفسه حاجة الله اعلم بس هو عايز يطلع الاول فى السباق علشان يكسب جايزة الفورمولا
6- اطفال الشوارع هناك مختلفين خالص عن اى اطفال تانيين .. و يا سلام بقى لو انت فاتح الازاز حتلاقى الواد اتشعلق فى الازاز ويحلف ماهو سايبو غير لما ياخد حاجة
...................
بجد الله يكون فى عوننا .. ولو اسكندرية ما اتعدلتش سريعا حتحصل كارثة مرورية فى الصيف لاحظوا اننا بنتكلم عن فصل الشتاء اللى مافيهوش مصيفين تخيلوا بقى فى الصيف ايه اللى حيحصل
وربنا يصلح حالنا وحال بلدنا .. قولوا آمين
..................

المشاركة الأصلية كتبت بواسطة Eng.M Mahran

ده دلوقتى اتعدل كمان ده من بعد الثورة اتعملت كمية مطبات هلامية لدرجة ان بين كل مطب و مطب مطبين علشان تهدى و انت داخل على المطب الى بعد المطب الاولانى

+1
دة غير بقى في شوية عربيات نقل بتمشى هناك ما تعرفش تعديه غير عند المطب علشان يتهد ويهدى

غير الأكشاك اللى اتبنت على الرصيف و البياعين اللى بيفرشوا فى نص الشارع و سارقين الكهرباء من عواميد النور

بس كل ده هيتصلح بعد الانتخابات
عشان هيبقى فى حفلة تخرج الكلية البحرية و كلية الدفاع الجوى و مستحيل الرئيس الجديد ييجى و المنظر كده

ابتسم انت ف عنوس البحر الابيض المتوسط
انا عامل خريطه للشوارع اللى ينفع امشى بيها بالعربيه وباقى المشاوير بالموتوسيكل