الموضوع: يا جماعه ارحمونا يرحمكم الله

السلام عليكم ياعائلة الداتشيا

مش عارف والله الواحد يعمل ايه اللهم انى صائم بس تعمل ايه بس فى الناس

توجهت وانا احد الاعضاء المحترمين الى كان بيسأل عن سعر الداتشيا نوفا وازاى يعرفها علشان هوة مقبل على شراء داتشيا نوفا وبالفعل اتقابلنا وروحنا اول مرة للراجل الى كان ساكن فى اخر الدنيا مساكن شيراتون علشان نتفرج على العربية

اول مرة اعتذر علشان مش معاه العربية
تانى مرة لاقيناه والحمد لله والعربية موجودة انا اول مادخلت اشوف العربية وعايز اقولكم ان العربية وشها من قدام ملوش علاقة بالداتشيا نوفا اطلاقا العربية مشوها وكبوتها مخبوط ونازل على تحت والخبطة فى تقريبا حاولى 5 سم فى العربية من اول الحوض الكرتيرية اليمين والشمال وطبعا الفوانيس حدث ولا حرج مش فوانيس العربية اصلا فوانيس نص نقل ومركبها للعربية بطريقة تخليك تشوف العربية والماتور من برة
المهم المكنة خفيفة جد بس الشهاده لله الراجل غاسل المكنة ومنظفها على الاخر علشان الجوان بيجيب زيت اجرب المكنة خفيفة جدا يعتبر مفيش عزم بس هوة الراجل معلى المكنة علشان لاتسمع لها صوت ولاحاجة ببص على خرطوم الفايص مطلع دخانة بيضه زى الفل

الصالون بقى محتاج صالون كل الى عملة كسوة قطيفة وطبعا كمل انت الباقى بقى والزجاج مكسور ومفيش مكان للكاسيت لانه مكسور زراير التابلوة مش موجودة اما لما جيت افتح الكابوت ملقيتش كبوت لقيت حلقه مربوطة بسلك تشد والكبوت اتفتح ومركب اكصدام ورا اقسم بالله انا مش عارف الاكصدام ده بتاع انهى عربية والله مش عارفه

وفى الاخر لما قولت 12 الف قالى لا قليل قوى انا ايدى فى العربية الكلمة ديه اتكررت حوالى 12 مرة وفعلا انا مشفتش ايديه فيها ابدا وطبعا العضو الى كان معايا غمزنى كده وقالى يلا بينا ده حتى 12 كتيير عليها وفعلا مشينا

المهم طالب كام كان عايز 18 الف بس هو قال انها ممكن تمشى على 15 الف وده اخرى

فانا حبيت انشر الموضوع ده ان العربيات بتاعتنا بقى تبقى بكام يعنى عربية زى بتاع المهندس وائل العضو wma تبقى بكام ولا عربية حازم عواض ولا ايه ولا ايه ده الواحد يحط رجل على رجل ويقول 20 من غير ماينفصوا مليم واحد ده الواحد بيصرف صرف وبيقول يلا مش مشكلة بس بجد حرام لما الواحد يشوف حاجة ويبخسها سعرها وحرام برضة يشوف حاجة ويديها اكبر من سعرها بحكم قال ايه السوق

الموضوع للمناقشة والافادة

يا جماعه بين البايع والشارى يفتح الله