عملية تصحيح النظر بالليزر

**bassem.naguib** · 13-06-2010 12:27 AM

المشاركة الأصلية كتبت بواسطة nomercy22

ياباشا ماتفكرش كده لا فكر ان ان شاء الله تبقي زي الفل وهتمارس حياتك عادي وهتحس بفرق رهيب في حياتك اسألك سوال كام مره ما خرجتش من بيتك علشان النظاره اتكسرت ولا كام مره اتعرضت لموقف محرج بسبب الموضوع ده انا عارف وحاسس بيك بجد بس بعد ما تعملها هتقول انا ازاي كنت عايش كده بجد والله ما مبالغه وخد بالاسباب وتوكل علي الله انا مستعد اجي معاك لو عايز اتمنالك الصحه والتوفيق يارب ان شاء الله والعمليه مدتها 10 او 15 دقيقه وكذا واحد قريبي كانوا خايفين برضه و انا شجعتهم لما لقوني بقيت كويس الحمدالله اصل عندنا النظر وراثه والحمدالله كلهم كويسين عايز اقولك 90 % من اقاربي عملنها وانا اول واحد فيهم اتشجعت وعملتها

طبعاً بدون شك المغريات لعمل العملية دي ملهاش حدود .. الواحد يعمل استخارة الأول ويتكل على الله .. واللي فيه الخير حيكتبه لينا ربنا .

شاكر سعة صدرك وردك على الاستفسارات .

**AmatoALLAH** · 13-06-2010 04:38 PM

المشاركة الأصلية كتبت بواسطة noha.m

بس بجد مش عايزة اقولك و انت طالع من العملية و لسه البنج شغال فمش حاسس بأى وجع بتحس اة الدنيا مزغللة طبعا بس فرق شاااااااااااااسع

انا كنت قاعدة بستريح شوية و لابسة طبعا النضارة الشمس بتاعتي و استغليت الموقف و قلت لمامتي عاوزاها channel !!

و بجد ببص على الساعة اللى فى اخر الاوضة و شايفاهاا !! و مستغربة نفسي مووووووووووت

هههههههه نفس شعوري اول ما عملت العمليه

انا عملت العمليه من حوالي 7 او 8 سنين و الحمد لله و بفضله العمليه كويسه جدا

و انصحك بها لو تفنع لك بعد ما الدكتور يقرر

و اي سؤال او استسفار اسال و انا اجواب :)

**minazaher7** · 04-07-2010 06:04 PM

أنا قريت كل الكلام الجميل اللى قالوه الأعضاء من الاول لكن فيه دلوقتى تكنولوجيا جديدة دخلت على العمليات دى (بدل الميكروكيراتوم ) وبقت عملية فتح القرنية بتتم عن طريق الفمتوليزيك من غير السلاح اللى كان بيقطع ويعمل أخطاء.
وبعد البحث لقيت فيه نوعين الأول اسمه LDV z-lazik وهو اختراع سويسرى و الثانى امريكى اسمه intralase femtolasik or i-lasik و النوع الأخير اقرته البحرية الامريكية لضباطها ووكالة ناسا كمان (شوف الرابط ده)Blade-Free LASIK Colorado | IntraLase Colorado Springs
فهل حد جرب النوع الجديد ده وهل بكدة اضرار الليزيك ممكن تقل؟؟؟ يا ريت لو حد عنده معلومات او جرب الليزر فى عمل شريحة القرنية ياريت يفيدنا

**bassem.naguib** · 05-07-2010 03:10 PM

المشاركة الأصلية كتبت بواسطة minazaher7

أنا قريت كل الكلام الجميل اللى قالوه الأعضاء من الاول لكن فيه دلوقتى تكنولوجيا جديدة دخلت على العمليات دى (بدل الميكروكيراتوم ) وبقت عملية فتح القرنية بتتم عن طريق الفمتوليزيك من غير السلاح اللى كان بيقطع ويعمل أخطاء.
وبعد البحث لقيت فيه نوعين الأول اسمه ldv z-lazik وهو اختراع سويسرى و الثانى امريكى اسمه intralase femtolasik or i-lasik و النوع الأخير اقرته البحرية الامريكية لضباطها ووكالة ناسا كمان (شوف الرابط ده)blade-free lasik colorado | intralase colorado springs
فهل حد جرب النوع الجديد ده وهل بكدة اضرار الليزيك ممكن تقل؟؟؟ يا ريت لو حد عنده معلومات او جرب الليزر فى عمل شريحة القرنية ياريت يفيدنا

مطلوب تعقيب د. شريف على الكلام ده

**Dr.SherifMansy** · 06-07-2010 02:49 PM

المشاركة الأصلية كتبت بواسطة minazaher7

أنا قريت كل الكلام الجميل اللى قالوه الأعضاء من الاول لكن فيه دلوقتى تكنولوجيا جديدة دخلت على العمليات دى (بدل الميكروكيراتوم ) وبقت عملية فتح القرنية بتتم عن طريق الفمتوليزيك من غير السلاح اللى كان بيقطع ويعمل أخطاء.
وبعد البحث لقيت فيه نوعين الأول اسمه LDV z-lazik وهو اختراع سويسرى و الثانى امريكى اسمه intralase femtolasik or i-lasik و النوع الأخير اقرته البحرية الامريكية لضباطها ووكالة ناسا كمان (شوف الرابط ده)Blade-Free LASIK Colorado | IntraLase Colorado Springs
فهل حد جرب النوع الجديد ده وهل بكدة اضرار الليزيك ممكن تقل؟؟؟ يا ريت لو حد عنده معلومات او جرب الليزر فى عمل شريحة القرنية ياريت يفيدنا

المشاركة الأصلية كتبت بواسطة ziabassem

مطلوب تعقيب د. شريف على الكلام ده

شكرا ليكم يا أخوانى على طلبكم رأيى فى الموضوع ده ، و دى ثقة غالية جدا اعتز بيها و اقدرها ، و ارجوانى اكون عند حسن ظنكم بى.

سامحونى يمكن المشاركة المرة دى تكون طويلة شوية و لكن انا عايز اوضح الموضوع ده لأنه فيه لبس و اخفاء حقيقة كتير جدا.

بصراحة انا كنت قررت ما اتكلمش فى المشاركات عن الليزك تانى بسبب الهجوم الفظيع اللى كنت باواجهه من بعض الأعضاء و خصوصا اتهامات البعض لى بالجهل و عدم الخبرة و عدم المعرفة و الدراية و وصلت فى بعض الأحيان للتشكيك فى و الإهانة الواضحة لى ، و ده كله برغم انى مش بادعو لحاجة فنقول انى ممكن اكسب من وراها ، الغريب ان الأتهامات دى كانت لأنى باطلب ان اللى عايز يعمل ليزك يعرف حقيقته أولا و بعدين هو حر فى قراره. هو الحق بيزعل دلوقت ؟؟

بدون الدخول فى كلام اتقال قبل كده اسمحوا لى ارد على الموضوع الحالى و هو ال Intralase Lasik أو ال iLasik زى ما بيسموه. أولا ده مش جديد ... ده موجود من 2008 تقريبا ، و فكرته انه باضرب الليزر على بعد سمك معين من القرنية فالليزر بيعمل فقاعة هواء ، و عن طريق اطلاق الليزر بشكل متجاور و منظم الفقاقيع المتجاورة بتفصل طبقة من القرنية، و ده فيديو بيشرح الحكاية دى بتتم ازاى

[youtube]http://www.youtube.com/watch?v=l3zXrvrfuOg&feature=related[/youtube]

اما ده ففيديو حى للعملية

[youtube]http://www.youtube.com/watch?v=YI6VwNy9cYQ&NR=1[/youtube]

و طبيعى انه هو كمان له مشاكل و مش العلاج السحرى ، و آدى تجميعه لمشاكله

IntraLase Complications, Risks, Side Effects

ده بالنسبة للسؤال ده.

و اسمحوا لى اعمل مشاركة تانية علشان اوضح كام نقطة مهمة.

و تحياتى

**Dr.SherifMansy** · 06-07-2010 03:03 PM

سامحونى على التطويل و لكن اللى انا عايز اقوله ان الليزك مش هو العلاج السحرى اللى بيخلى الواحد يقلع النظارة و يعيش و ينتعش ، للأسف العملية فيها مخاطرة كبيرة و لها مشاكل كتيرة ، و اكبر مشكلة ان اللى بيعملها نادرا ان حد بيقول له على الحاجات دى قبلها ، لأن فيه نسبة كبيرة من الناس اللى عايزين يعملوها لو عرفوا اللى ممكن يحصل اكيد هايعيدوا النظر و التفكير فى العملية ، و ده طبعا فيه خسارة للى هايعملها و يكسب من وراها و لأن العملية دى من اكثر العمليات المربحة ، مش على مستوى الجراحين فقط ، و لكن على مستوى المراكز الطبية اللى وراها ، فبالتالى بنجد ان الحملة الأعلامية شرسة و قوية و بتحاول اخفاء الحقائق بشدة.

و اسمحوا لى ابعد نفسى شوية و اعرض لكم مجموعة من الفيديوهات من على اليوتيوب و فيها آراء ناس عملتها فعلا ، و حاولت انقى فيديوهات من اماكن موثقة زى ABC News , Fox News, Good Morning America و غيرهم ، علشان ماحدش يقول ان ده رأيي الشخصى و مالوش أدلة ، تعالوا نشوف و نسمع سوا.

The Dangers of LASIK - Diane Sawyer ABC
[youtube]http://www.youtube.com/watch?v=xlRrvyPZuHM&NR=1[/youtube]

Don't get lasik

LASIK Nightmare

هنا ده تمثيل للى ممكن المريض يشوفى فى واحدة من المضاعفات

LASIK Starbursts - Warning!

10 اسباب لتجنب الليزك

TOP 10 REASONS NOT TO HAVE LASIK

هل الليزك آمن فعلا ؟

Is LASIK Surgery Safe?

دول دلوقت و نكمل الباقيين فى المشاركة التالية ان شاء الله

معلهش استحملونى شوية كمان

**Dr.SherifMansy** · 06-07-2010 03:54 PM

فى الفيديو الأخير د/ميركولا بيوضح نقطة مهمة ان الليزك مش بيعالج سبب ضعف النظر و علشان كده لما السن بيتقدم التغير فى النظر وارد الحدوث ، و لأن الليزك بيتعمل مرة واحدة فى الأغلب يبقى العيان ماعادش عنده حل غير النظارة أو العدسات ، اللى هو عمل الليزك اساسا علشان يخلص منها ، و رجع لها تانى ... يبقى عملنا ايه ؟؟؟

نكمل باقى الفيديوهات مع بعض :

جداول نسب مشاكل و مضاعفات الليزك
The Video that LASIK Doctors Don't Want You To See

الفيديو ده برغم انه من احد مراكز الليزك بيعمل فيه دعاية ، الا انه ذكر المشاكل و المضاعفات بوضوح ، و ان كانوا حاولوا يقللوا منها
LASIK Risks and Potential Laser Eye Surgery Complications

جلسة استماع فى ال FDA لأحد المرضى بمشاكل من الليزك و فيها بيقول بوضوح ان فيه اخفاء للحقائق و تقليل و تلاعب فى نسب المضاعفات و المشاكل
Duke Eye Center patient with LASIK complications at FDA hearing

ممكن نتفرج سوا على اللى بيحصل للشريحة بتاعة القرنية (بعد مدة) لو حاولنا نرفعها علشان نصلح احد مشاكل الليزك
LASIK Flap Disintegrates Upon Lifting for Enhancement

دى بقى صور حقيقة لبعض مشاكل الليزك ، و احكموا هل هى بسيطة فعلا زى ما الدعاية بتقول ؟؟
Lasik Damaged Eyes

تقرير حديث بتاريخ 25/2/2010 من Good Morning America
LASIK report on ABC Good Morning America 2/25/2010

دىمقابلة مع دكتور امريكى بيعمل ليزك و فيها المحطة بعثت مريضة لا تصلح لليزك للدكتور ده فى عيادته (طبعا مايعرفش المقلب انها تبع محطة الأنباء) و وافق فورا على انه يعملها ليزك ، و لما استضافوه و سألوه عن مقاساتها اجاب ان الليزك لها فيه مخاطرة كبيرة ، و لما واجهوه بالتسجيل مع المريضة غير كلامه و بعدين رجع و قال ان مادام المريض عرف المخاطرة يبقى الدكتور مالوش ذنب ، مع ان التسجيل واضح و لم يرد فيه اى تحذير من المخاطرة
CBS interview with Lasik Surgeon about risks of surgery

آدى مثال واضح لتزييف و اخفاء الحقيقة فى سبيل الكسب ، و اسمحوا لى اسأل :اذا كان ده بيحصل فى امريكا اللى القوانين الصحية عندهم صارمة و صحة الفرد غالية جدا ، امال هنا الوضع ازاى ؟؟؟

ممكن حد من الأخوة اللى عملوا العملية (الحمد لله على سلامتهم و ربنا يديم عليهم صحتهم و يفضلوا بأحسن حال يا رب) يقول لنا هل الجراح قال له بالأحتمالات دى و لا لأ ؟؟ هل حد نبههم للمشاكل اللى ممكن تحصل بأمانة ولا عملوا لهم البحر طحينة ؟؟

انا كل اللى باطلبه ان المريض يعرف الحقيقة كاملة ، يعرف المشاكل و المضاعفات مهما كانت بسيطة او نادرة ، مادام ممكن تحصل ، و بعد كده هو حر فى قراره.

ده رأيي الشخصى و سامحونى على الأطالة

و الله الموفق

و تحياتى

-

-

الموضوع: عملية تصحيح النظر بالليزر

LinkBack

أدوات الموضوع

عرض

-

-

-

-

-

المواضيع المتشابهه

عملية تصحيح الابصار ( الليزك)

استفسار بخصوص عملية الليزك (تصحيح النظر)

استشاره عاجله فى عمليه تصحيح النظر بالليزر

كل ما تريد معرفته عن تصحيح البصر بالليزر

الكلمات الدلالية لهذا الموضوع

المفضلات

المفضلات

ضوابط المشاركة