الموضوع: أنا مش هصلى ورا أخوان أو داعيين للأنتخابات فى العيد

المشاركة الأصلية كتبت بواسطة احمد المصرى

انا متفق معاكى بشكل كبير جدااااااااااااااااااااااا اااااااااااااا


بس حضرتك فهمه معنى كلمه انا علمانيه ايه ممكن تقولى انا مش اخوان ولا منتميه لاى تيار اسلامى بس قبل ما نقول علمانيه لابد من فهم الكلمه صح


كل عام وحضرتك بخير



على فكره انا ولا اخوانى ولا علمانى ولكى سنى على سنه حبيبنا المصطفى ( عليه افضل الصلاه والسلام )

كل عام وحضرتك بخير

و أنت بالصحة و السلامة و إن شاء الله يكون عيد سعيد عليك و على الجميع

نرجع بالنسبه لمصطلح العلمانية أنا بالفعل عارفة معناها كويس جدا
لكن للأسف عندنا فى مصر كلمة (علمانية) تم تشويهها للسيطرة على الدولة بحكم دينى
و بالتالى يدخل الدين فى السياسة و السياسة فى الدين و دة طبعا شيء مش كويس نهائيا
و بالتالى الناس بتتكسف تقول دلوقتى أنها علمانية
دا غير طبعا الفتنه إلى بتحصل و أكيد كل واحد دينه عزيز عليه إذا هتبقى فيه مصيبة طائفيه


و دة معنى العلمانية بتفسير مبسط أوى
علمانية - ويكيبيديا، الموسوعة الحرة


و ركزوا على بعض النقاط مثل

لا تعتبر العلمانيّة شيءًا جامدًا بل هي قابلة للتحديث والتكييف حسب ظروف الدول التي تتبناها، وتختلف حدة تطبيقها ودعمها من قبل الأحزاب أو الجمعيات الداعمة لها بين مختلف مناطق العالم ((((بمعنى أصح هتفرض ثقافة دولتك فى العلمانية - إذا أنت حر ما لم تضر أى شخص سواء باللفظ أو التجريح أو الأعتناق أو حتى النظر))))
كما لا تعتبر العلمانية ذاتها ضد الدين بل تقف على الحياد منه، في الولايات المتحدة مثلاً وُجد أن العلمانية خدمت الدين من تدخل الدولة والحكومة وليس العكس

و على فكرة العلمانية ليست ضد الدين الإسلامى فى أى شيء بل بالعكس وجود الدين الإسلامى فى الدولة الدينيه و دخولة فى السياسة بيعتبر إنك بتاخد الدين الإسلامى درع ليك يتحمل الصدمات و المفترض أنك تكون الدرع للدين الإسلامى و تتحمل عنه الصدمات و دة إلى بيحصل فى العلمانية

عمتا الليلة طويلة كدة ومحتاجة قراءة من مصادر صحيحة و ليست مصادر قطبيه



و كل عام و انتم بخير

العلماينة نفسها ليست ضد الدين .

و الأسلمة السياسة نفسها زي ما فيها ناس مش كويسين و بيبرروا أفعالهم بأسم الدينو دي مصيبة .
زي ما فيه علمانيين مازودنها شوية و بيسيئوا لمفهوم العلمانية .

يعني لما واحد علماني يشجع البنات تلبس بيكيني على سبيل المثال ... ده غبي و ملوش علاقة بالحريات .
و لما واحد بيشجع البنات أنهم يستخبوا في البيت أكنهم عيب .... ده برضه متطرف في رأيه و لا علاقة له بالدين الأسلامي.

و اللي بيحصل في بعض المساجد زي ما أختنا مانولا بتتكلم .......... ده كارثة و انا المسجد اللي هالاقي عليه كلام من ده مش هاعتبه .
يقعدوا بقى يناحروا في بعض ........ وأنا هادخل مسجد بيتكلم في الدين بس و بيقولي ازاي امارس عباداتي مش ازاي امارس حياتي السياسية طبقا لما هو شايفه صح .

الناس دي بتخلي غيرها ينفر منها .

المشاركة الأصلية كتبت بواسطة zalabany

يبقى عليكي وعلى جوامع الصوفية هما اللي فاضلين لا سلفيين ولا اخوان فاضل الصوفيين ربنا يوفقك

الصوفيين كمان أحوالهم مش بتعجبني .

بس الفمروض أن المساجد لله عز و جل و ما يبقاش فيه حاجة أسمها مسجد أخواني و مسجد صوفي و مسجد سلفي

حسبي الله و نعم الوكيل في اللي بيفرقونا .

تقبل الله

منا و منكم ... بس هو حضرتك بتتريأ ؟؟؟؟


و كل سنة و أنت طيب و عيد سعيد على كل المسلمين .......... و البشر جميعا على وجه الكرة الأرضية و يارب يهدينا جميعا من شرق الأرض لغربها .

‫قول الشيخ الشعراوى فى العلمانية‬‎ - YouTube