الموضوع: أنا مش هصلى ورا أخوان أو داعيين للأنتخابات فى العيد

المشاركة الأصلية كتبت بواسطة MaNoLa

بمناسبة أن العيد خلاص قرب كلها كام ساعة و يدخل
قررت أننا مكررش نفس غلطة السنه إلى فاتت و أننا أصلى فى مكان فيه أخوان و سلفيين أو بمعنى أصح تيار إسلام سياسى لسبب واحد بس

أنا من النهايه علمانية لكنى الحمد لله حاسة أن إيمانى أقوى من ناس كتيرة جدا دخلت الدين فى السياسة بشكل مقزز جدا

أول مادخلت أصلى لقيت مكتوب فى وشى لا للعلمانيين الكفره

طيب أية علاقة العلمانيه بالتكفير ؟

دا غير طبعا الكلام عن أشخاص بعينها و الدعوات بالنصر لحزب الحرية و العداله و حزب النور لأن من النهايه صلاة العيد دى كانت بالتنظيم بين حزب الحريه و العداله و حزب النور فى المنطقة و كان محطوط طبعا الدعايه بشكل مبالغ فيه

من النهايه يعنى أنا حسيت أن الصلاة كانت أعلان فى التليفزيون مش صلاة لله

فأنا من النهايه مش هصلى ورا حد بيصلى عشان يكسب دعاية أكتر

أنا هصلى ورا حد بيصلى لله فقـــط

و ربنا يوفقنى إن شاء الله أننا أبحث بشكل كويس عن مكان (((((محترم)))))
يتصلى فيه قبل صلاة العيد بساعة

100% متفق معاكى

و مقدمناش غير اننا نصبر .... هانت كلها 3 سنين و يغوروا فى داهيه

و عاده الحزب اللى بيحكم بعد اى ثوره بيختفى بعد كده و بيشيل الطين ... يارب اخفيهم بسرعه

المشاركة الأصلية كتبت بواسطة mohamed.fawzy

100% متفق معاكى

و مقدمناش غير اننا نصبر .... هانت كلها 3 سنين و يغوروا فى داهيه

و عاده الحزب اللى بيحكم بعد اى ثوره بيختفى بعد كده و بيشيل الطين ... يارب اخفيهم بسرعه

على فكرة.. أنصار التيار الاسلامي نفسه هما اللى مش هينتخبوهم عشان فشلوا في تحقيق الهدف المرغوب.. فمتفكرش ان التيارات الفاشلة التانية سواء علمانية أو ليبرالية كسبت..لأن بالعكس هيجيلك اللى أكثر رعبا (بالنسبة لك) منهم..أبو اسماعيل وحزب الشعب )))
إن شاء الله مش هنسكت إلا واحنا شايفين القدر المتفق عليه من الشريعة مطبق على أرض الواقع.

المشاركة الأصلية كتبت بواسطة m.radwan

على فكرة.. أنصار التيار الاسلامي نفسه هما اللى مش هينتخبوهم عشان فشلوا في تحقيق الهدف المرغوب.. فمتفكرش ان التيارات الفاشلة التانية سواء علمانية أو ليبرالية كسبت..لأن بالعكس هيجيلك اللى أكثر رعبا (بالنسبة لك) منهم..أبو اسماعيل وحزب الشعب )))
إن شاء الله مش هنسكت إلا واحنا شايفين القدر المتفق عليه من الشريعة مطبق على أرض الواقع.

اولا :انا مش مرعوب منهم ولا من غيرهم ... معرفش حضرتك وصلت للمعلومه القيمه دى منين :b4_444:

و ثانيا : انا معنديش مشكله مع اى حزب يمسك او يحكم البلد ... سلفى ... اسلامى .... مجوسى ... يهودى

انا عايز ناس بتشتغل و بس .... حكومه تجيب حق المواطن ... تعيش بكرامتك فى بلدك انت و اسرتك ... عايز عداله .... و صدقنى اللى هيعمل كده حتى لو ملوش مله ... هرفعله القبعه

مش خرفان بتمأمأ

المشاركة الأصلية كتبت بواسطة mohamed.fawzy

اولا :انا مش مرعوب منهم ولا من غيرهم ... معرفش حضرتك وصلت للمعلومه القيمه دى منين :b4_444:

و ثانيا : انا معنديش مشكله مع اى حزب يمسك او يحكم البلد ... سلفى ... اسلامى .... مجوسى ... يهودى

مش خرفان بتمأمأ

هو ده الخلاف بقى..أنا متبع للدين الإسلامي وبالتالي أؤمن بأنه لا ولاية لكافر على مسلم حتى لو كان هيأكلنا الشهد والعسل وهيحقق كل اللى بتقوله ده
طالما مش هيطبق الشريعة يبقى طظ.

المشاركة الأصلية كتبت بواسطة m.radwan

هو ده الخلاف بقى..أنا متبع للدين الإسلامي وبالتالي أؤمن بأنه لا ولاية لكافر على مسلم حتى لو كان هيأكلنا الشهد والعسل وهيحقق كل اللى بتقوله ده
طالما مش هيطبق الشريعة يبقى طظ.

لك مطلق الحريه و الأحترام فى رأيك ... وهيا دى الديموقراطيه فى تقبل الرأى و ارأى الأخر

انا مسلم و موحد بالله ... و بقيم فروض الله بما امرنى به الله و اجتهد و اسأل الله التثبيت و حسن الخاتمه

و تذكر يا اخى ان الله يقيم دوله الكفر بالعدل ..... و يسقط دوله الأسلام بالحاكم الظالم

العدل يا اخى اساس كل شيء

لازم عدل .... يتبعه .... رقى ..... يتبعه حضاره ..... يتبعه تقدم و رخاء

لو فى حد هيعمل ده تحت مظله الأسلام يبقى خير و نعمه من ربنا سبحانه و تعالى .... و لو مفيش يبقى يركن على جمب و يجى اللى بيفهم و يشتغل دون النظر الى ملته طالما لن يغير فى اساسيات الدوله

هذا رأيى .... و تشرفت بالحوار معك

المشاركة الأصلية كتبت بواسطة tutankhamoun

منا و منكم ... بس هو حضرتك بتتريأ ؟؟؟؟


و كل سنة و أنت طيب و عيد سعيد على كل المسلمين .......... و البشر جميعا على وجه الكرة الأرضية و يارب يهدينا جميعا من شرق الأرض لغربها .

مش باتريا بس رديت على الجزء الى متفق مع صاحب الموضوع فيه وهو الصلاة بغض النظر عن اهمية المكان
وحضرتك والأمة الاسلامية والمصريين جميعا بخير

المشاركة الأصلية كتبت بواسطة m.radwan

هو ده الخلاف بقى..أنا متبع للدين الإسلامي وبالتالي أؤمن بأنه لا ولاية لكافر على مسلم حتى لو كان هيأكلنا الشهد والعسل وهيحقق كل اللى بتقوله ده
طالما مش هيطبق الشريعة يبقى طظ.

بمناسبه الشريعه .... هيا فين الدول اللى بتعمل كده ؟