الموضوع: سؤال عن تيل الفرامل الأمامي .. لانسر 2013

اعتقد مفيش عربيه بتغير تيل على 10000 !!!!! حتى ال 128
المفترض ان التيل دا خامته وحشه و المشكله انه يكون أثر على الطنابير و تكون هى كمان محتاجه تتمسح او تتغير
روح التوكيل فرع تانى واشتكى من الفرامل انها بتصفر و آدائها مش كويس وشوف هيقلولك ايه

المشاركة الأصلية كتبت بواسطة blazer

اعتقد مفيش عربيه بتغير تيل على 10000 !!!!! حتى ال 128
المفترض ان التيل دا خامته وحشه و المشكله انه يكون أثر على الطنابير و تكون هى كمان محتاجه تتمسح او تتغير
روح التوكيل فرع تانى واشتكى من الفرامل انها بتصفر و آدائها مش كويس وشوف هيقلولك ايه

النيسان صنى الجديدة تيل الفرامل بتاعها بيتغير على 10000 وفى ناس غيرتة على 8000 وواضح كدة ان دى مشكلة فى الصنى

المشاركة الأصلية كتبت بواسطة eng_mostafa_89

النيسان صنى الجديدة تيل الفرامل بتاعها بيتغير على 10000 وفى ناس غيرتة على 8000 وواضح كدة ان دى مشكلة فى الصنى

هى مش مشكله فى الصنى هى مشكله فى خامه التيل الامامى
واعتقد ان مش كل الناس بتشتكى منها
اعتقد انها مشكله عامه بسبب قله الضمير

المشاركة الأصلية كتبت بواسطة dragon78

السلام عليكم

مش هاطول عليكم ياجماعه .. باختصار انا كنت الاسبوع اللي فات في صيانة الـ 10 آلاف لعربيتي

فوجئت بالمهندس بيقولي "عربيتك محتاجه تيل فرامل أمامي .. عامل 600 جنيه" .. بس انا ماكنتش عامل حسابي طبعا

وبعد سؤالي لكذا واحد أعرفه بيقولوا ان لسه بدري على تغيير التيل أنا يادوب لسه كاسر الـ 10 آلاف بحاجه بسيطه

سؤالي هنا بقى هو : هل تيل الفرامل لو فعلا فيه مشكله واتاكل بدري كده يبقى ده كده يدخل في الضمان ؟

بمعنى ان لو العربيات اللي زي عربيتي كلها بتغير على بعد الـ 10 آلاف بكتير يبقى كده عربيتي كان فيها مشكله من الأول , وأعتقد اني قريت في الكاتالوج ان الحاجات اللي مش داخله الضمان هي البطاريه بس اللي عليها ضمان سنه . والباقي 36 شهر

ياريت اللي عنده معلومه يفيدني بيها ياجماعه ويقولي أعمل ايه

مع العلم انا أول ماروحت الصيانه ماكنتش باشتكي من الفرامل خالص .. لسه يادوب امبارح اللي ابتديت اسمع صوت صفاره خفيفه أوي كده ومش بتصفر على طول .. أحيانا بس لما بادوس فرامل تقيله شويه .

وشكرا مقدما لكل اللي يهتم ويرد عليا .

تحيـــــــــــــــاتي

حضرتك لازم تعمل مشكله كبيره وتخليهم يغيروا التيل والطنابير لو اتاثرت فى الضمان

شكرا على ردودكم جميعا ..

أعتقد من كلامكم كده ان فعلا مافيش حد بيغير تيل فرامل في الـ 10,000 الأولى وده فعلا اللي أنا حاسس بيه

بس هل تيل الفرامل داخل ضمن الضمان ياجماعه ؟

ولا أروح التوكيل يقولولي ده مش في الضمان ؟

المشاركة الأصلية كتبت بواسطة LANCAR

[size=5]]طبعاً ياباشا اكيد مش في الضمان ولو اتكلمت معاهم هايقولك دة استهلاك ليس الا .. وعلي فكرة ياباشا اكشف علي التيل عند اي حد من غير ماتغيرو هاتلاقية لسة فية كتير وموضوع الصفارة دة ممكن يكون شوية تراب مش اكتر

شكرا على ردك يانجم .. أنا سألت واحد صاحبي امبارح بس في توكيل تويوتا .. وقال فعلا ان التيل مش في الضمان

بس قاللي اني ممكن أروح كده وأغلس عليهم واشوف هايقولولي ايه ... خصوصا اني عندي مشكله تانيه

وهي ان عندي دراع الإشاره مش بيرجع لوحده لما بأشر شمال .. لكن اليمين شغال

والكلام ده أنا باشتكي منه من أول مااستلمت العربيه وقولتلهم عليه في صيانة الألف قاللي هي مش متوفره حاليا .. استنى علىصيانة الـ 10,000 ولما روحت قاللي نفس الكلام لسه ماجتش .

مش عارف بقى هم قصدهم يماطلوني لحد ما الضمان يخلص ولا هي مش موجوده بالفعل.

عموما دي انا كده كده هاعمل عليها مشكله .. لكن كان حاليا اللي يهمني موضوع الفرامل ده

وشكلي كده هايغرها بقى وأمري لله عشان خايف على الطنابير .

بس عندي سؤال بقى .. هل لما أغيرها بتيل جديد أصلي من التوكيل .. برضه هاييجي بعد 10,000 ويحتاج يتغير تاني ولا ايه ؟؟؟؟

ياريت الرد في النقطه دي .. أحسن ده كده بجد يبقى خرااااااااااب مستعجل

فين أيام الشاهين .. كان الواحد يجيب تيل الفرامل بـ 20 جنيه .. ويدي الميكانيكي زيهم وخلصت الليله .

أي نعم الواحد مش هايترفه ببلاش ... لكن الرحمه حلوه .. ولا ايه !!!!