المشاركه ديه مش عاديه
النهارده رجعت من الشغل اتغديت و نزلت بهدومى كده , لا غيرت و لا استريحت و لا اتشطفت و لا اى حاجه , نزلت بعبلى كده هوب هيلا بيلا على شارع دمشق
خدت الشارع من أوله لأخره و من أخره لأوله ,, جى رااااااااايح ,, رايح جااااااى ,, على رأى سعد الصغير
جى رااااااااايح ,, رايح جااااااى
محل محل ,, واحد واحد ,, و على الصفين
كنت بسأل عن إضافات زيت الفتيس
و بعد مشقه و سؤال كل أصناف البشر ,, وجدت التالى
فيه إضافتين تانيين أحسن و أغلى من الأبرو ,, و لو مانفعوش بقه ,, فيه الإضافه القنبله بس ديه انا سايبها فل أخر عشان سخرية التعليقات اللى حتبقى بعد مشاركتى ديه
المهم
الإضافه الأولى هى من إنتاج STP , صنع إنجلترا و ديه بتتباع فى ماركت بنزينة شل اللى فى شارع دمشق و ثمنها 34 جنيه و ديه صورتها
و حجمها 150 ملى يعنى أصغر حجما من الأبرو ال 207 ملى و لكن أغلى من الأبرو
خلاص كده
و الإضافه التانيه هى من إنتاج LIQUI MOLY , صنع ألمانيا و ديه بتتباع عند واحد متخصص ليكوى مولى على نفس صف بنزينة شل بس قدام شويه و ديه ثمنها 50 جنيه و ديه صورتها
و ديه بيتهيئلى أصغر حجما من الاس تى بى و كمان الأبرو بس أغلى منهم هما الاتنين .. بس اللى دايقنى فيها انها مش مبرشمه ,, فا اللى عايز يجيبها ,, يجبها من الوكيل أضمن
.................................................. .................................................. .............
جيت قلتلى ,, أنا جربت كل الكلام ده و منفعش معايا
خد ديه
كنت عند بنزينة التعاون اللى فى شارع دمشق و سألت عن إضافات الفتيس قالولى إسأل الميكانيكى ,, ده كان واحد قاعد على رصيف البنزينه و جنبيه اتنين صحابه ,, سألته ,, قالى عارف تعمل ابه ,, ايه ؟
قالى حط على زيت الفتيس موز !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
موز ايه ؟؟؟ انا قلت انا سمعت غلط ,, يمكن ده اسم منتج بس هو مش عارف ينطقه
قالى لاء ,, موز موز اللى بيتاكل ,, هات عشر موزات كده و حطهم مع الزيت فل فتيس
طبعا أنا كنت عايز أقوله "الموز ده تلبسه فى طــ ...... يا خــ ....
و لما سبته قعدت أضحك ,, دى أخرتها ,, هى دى أخرتها ,,, أخرتها حنزاءل موز فل طبه
ههههههههههههههههههههههههه هههههههههههههههههههههه
حنأكل العربيه مووووووووووووز ,, هو احنا بناكله عان نأكله للعربيه ,, اه أينعم هو رخص دلوقتى
بس أنا حقا أعترض ,,,,,,, و أعترض كبيره أوى
و على فكره طلع اللى الواد ده بيقوله موجود فعلا
أنا دخلت على مواقع أجنبيه و لقيت فيها الكلام ده ,, و أدى الروابط لو مش مصدقئنى
Banana Peel In Diff [Archive] - calaisturbo.com.au
Transmission noise when coasting in gear... [Archive] - SaabCentral Forums
Self-Service Science Forum Message
Gringey whine from the gearbox area!! - Land Rover Zone
ديه أمثله من المواقع اللى ذكر فيها الموضوع ده ,, أضغط ctrl+f و أكتب banana شوف الجمل اللى موجوده فيها كلمه banana
يعنى يا جماعه ,, ان شاء الله ,, المقابله الى جايه ,, كل واحد يجيب معاه كيلو موز
إحنا مش حناكله
و لا حنــ .......... لامواخذه
إحنا لامواخذه حنحطه فل فتيس
و الله المستعان
عشان يعجب شركة الأمل
عربيت الموز
بس إعوى القشر يزحلق
أنا كل ما أفتكر الموضوع أفطس على روحى
المفضلات