الموضوع: ايهما افضل لزيت الفتيس ليكوى و لا فالفولين

بسم الله

أولا أنا عندى سؤال ,, هو فى التوكيل ,, لما يحبوا يغيروا زيت الفتيس كله مش بس يزودوه ,, هل بيحل الكارتيره و لا فيه طبه ,, لأن انا سمعت ان فى بعض العربيات ,, الطبه بتبقى معموله للتزويد فقط زى الأوبترا و الأوبل و الدايو ؟؟

يعنى السؤال بالبلدى كده هل البى واى دى توجد بها طبه لتغيير زيت الفتيس و لا لازم نفك الكارتيره بتاعت الفتيس علشان نفضى الزيت القديم ؟؟

أنا سمعت كمان ان فيه عربيات فيها مسمار اسمه مسمار ضبط معيار الزيت ,, المسمار ده بيبقى ممغنط (فيه مغناطيس) عشان يلم برادة الحديد اللى بتبقى فل الزيت و اللى ناتجه عن الإحتكاك ,, و المسمار ده بيتفك و بيتنضف من البراده ديه ,, طبعا انتو عرفتو السؤال ,, هل البى واى دى فيها المسمار ده , و بيبقى مكانه فين ,, هه ,, مكانه فين ؟؟

طيب الطبه بقه اللى بنزود منها زيت الفتيس اللى بتبقى من فوق من تحت الكبوت ,, مكانها بيبقى فين بالضبط ,, يعنى جنب البطاريه و لا فين ,, يا ريت حد يصورها بالموبايل الصبح و يحملها على المنتدى للإستفاده ,, ماشى ,, اشتغلوا شويه مش كده

سؤال أخر :: سمعت ان زيوت الفتيس فيها مواصفتين على حسب المواد المصنع منها التروس , هل يدخل فيها عنصر النحاس أم لا ,, و المواصفتين دول هما API-GL 5 و ده اللى موجود بكثره فى مصر و المواصفه التانيه API -GL 4 و ده مش موجود منها غير زيت فالفولين dura blend اللتر ب 75 جنيه للاسف و السؤال طبعا عرفتوه ,, فتيس البى واى دى بياخد انهو مواصفه ؟؟؟,, ملحوظه انا بصيت فل كتالوج ملقتش سيره عن المواصفات ديه

حاجه غلسه أوى فل بى واى دى ألا و هى كمية زيت الفتيس اللى المفروض تتحط 2.1 ,, اثنين فصله واحد !!! , يعنى الواحد يضطر يجيب جركن 1 لتر عشان ياخد منه صفر فصله واحد ؟؟؟؟؟؟؟؟؟؟؟؟؟؟؟؟؟؟
أنا حقا أعترض


النهارده بعد صلاة الجمعه قلت أخطف رجلى لحد بنزينة موبيل اللى فى منطقة صلاح الدين أشوف موضوع زيوت الفتيس ايه أخباره

المهم لقيت عندهم نوعين

80w-90

85w-140

فسألت الراجل اللى فل بنزينه تخيلوا قلى ايه !!!!

قالى ده وحش !! عايز تجيب زيت فتيس ,, هاتو من شارع دمشق اللى هو المواصفه بتاعته 120 !!!

جديده ديه ,, ايه 120 ده

قالى ال 90 مش حلو فل صيف عشان خفيف و ال 140 ده تقيل أوى ,, قالى فيه بقه نوع معدل اللى هو 120

الصراحه مكنش عندى وقت انزل شارع دمشق , كان ورايا حاجات تانيه ,, بس ان شاء الله ناوى اسأل هناك و على ما أفضى و أروح ,, قلت أعمل سيرش على النت أشوف ايه الموضوع ده

فا لقيت المشاركه ديه خوفتنى من ال 120 ده

http://www.nilemotors.net/Nile/11507...post3872292626

المشاركة الأصلية كتبت بواسطة lonedoctor

انا لما غيرت زيت الفتيس كان فيه طبتين فى السيارة واحدة تفضى منها الزيت وواحدة تانية للتزويد وطبعا فى البنزينة هما عندهم مضخة بيزودوا منها لغاية ما يتملى وبعدين يحسب لك انت اخدت كام لتر
عموما ده شئ رائع انك وجدت النوع متعدد الدرجات 80 -- 140 وده مذكور فى كتيب مانوال السيارة انه من الممكن استعماله
بس هى منطقة صلاح الدين دى اللى فى مصر الجديدة موش كدة؟

يا دوكتور فيه ناس كتير مابيفضلوش الزيت اللى بيتزود بمسدس اللى هو بالمضخه ,, و بيفضلوا شراء الجراكن أضمن
ايوه منطقة صلاح الدين هى اللى فى مصر الجديده ,, فيه بنزينة موبيل هناك

المشاركة الأصلية كتبت بواسطة bassem.naguib

وابتدى ابتدى ابتدى مشوار البحث .. ربنا يعينك يا أبو حميد الموضوع مقرف شوية بس الأكيد أنه لما توصل لنتيجة حتبقى الفرحة مضاعفة .. وشاكرين على المعلومات والمجهود اللي بتعمله .

و لا مقرف و لا حاجه ,, ربنا يدينى الصحه و أكمل المشوار على خير ,, و لثالث و لا رابع مره يا أستاذ باسم بقولك فعلا ,, الفتيس بيبقى حلو أوى فى الحر و وحش فل برد العادى حتى مش القارص

و أنا لقيت طريقه اتغلب بيها على كحتة عصاية الفتيس من الغيار الأول للتانى ,, هو انى بجيب الأول و بشيل رجلى من على الدبرياج لحد نصف المسافه فقط مش كل المسافه لحد ما العربيه تتحرك أقوم دايس تانى دبرياج لحد الأخر نصف المسافه اللى انا شلتها و أقوم مدى التانى على طول ,, يعنى أول فى تانى من غير ما اشيل رجلى من على الدبرياج تماما و ديه بعملها أكتر فى الجو البارد عشان زى ما انت عارف , لحد ما اشوف ايه الموضوع ,, و الله شكلهم كده فى صيانة الألف و لا كشفواعلى زيت الفتيس و لا حاجه و شكلوا ناقص و لو اكتشفت انه ناقص حشردلهم هنا فل منتدى بس مش عايز اسبق الأحداث عشان ان بعض الظن اثم ,, و يا ريت الأعضاء النايمين يشاركوناو لو بصوره حتى و بلاش أقول أسامى عشان محدش يزعل بس انا ملاحظ ان فيه منهم بينام فل فصل

المشاركة الأصلية كتبت بواسطة peter magdy

بأمانة يا احمد انت برنس
بس انا اعتقد ان لو ملقتش زيت الفتيس متعدد الدرجات
يبقى ما فيش غير فالفولين 80-90 التخلقيى
الاعضاء برضو يفهمو عنى الكلام دة
لو قلت حاجة غلط اعذرونى انا لسة مبتدأ
شكرا لاحمد على البحث و تعبة
وشكرا لمشرفنا المميز استاذ باسم
للاعضاء كلهم المميزين اللى الواحد كل يوم بيستفاد منهم

يا باشا , انت اللى برنس و الله

فالفولين غالى قوى اللتر ب 75 جنيه بالمقارنه بأى زيت تانى اللتر ب 18 جنيه ,, طبعا اللى حيجيب حيجيب على الأقل 3 لتر ,, أنا حقا أعترض ,, إلا إذا كان الفتيس يحتاج مواصفه 4 مش 5 اللى أنا ذكرتها فى مشاركتى اللى فاتت , ساعتها حنضطر اسفين نجيب الفالفولين و الله المستعان

على فكره الهيونداى فيرنا برضه بتاخد المواصفه 4 مش 5 ,, عشان كده لازم كل الفيرناويه يحطوا فالفولين