الموضوع: مالك جديد للستروين c3 وتجربتي معاها

السلام عليكم ورحمة الله وبركاته

سلامي لكل المنتدى، أنا عضو جديد وحابب احكي تجربتي مع الستروين c3

أنا زي اي واحد مصري كنت مقبل على شراء اول سيارة في حياتي وطبعا حطيت حاجات كتير قوي في

حسباني وسألت ناس كتير قوي من صحابي اللي عندهم عربيات لدرجة اني كنت بوقف العربيات في

الشارع واسأل صحابها على رأيهم فيها.

لحد ما شفت الستروين ال c3 وعجبتني قوي شكلها صالونها شكل التابلوه وسائل الأمان وحاجات كتير طبعا

زي ما قلتلكم زي اي واحد مصري فكرت كتير قبل ما جيبها وكنت كل ما اسأل واحد يرد الرد التقليدي بتاع

المصريين قطع غيارها غالية، مش هتعرف تبيعها، هتخسر فيها ومش هتلاقي حد يشتغلك فيها.

ورغم كل الأراء دي صممت اني اشتريها لأقتناعي التام انه مهما كان في السيارة لا تقارن الصناعة

فرنسية بالصناعة الكورية أو اليابانية.

ودورت كتير لحد ما ربنا كرمني في سيارة ستروين c3 موديل 2005 كانت عاملة 87000 كم

سيارة بكل معاني الكلمة مفيهاش غلطة، لاتقارن بالفيرنا ولا اللانوس اطلاقًا

سيارة مريحة جدًا في السواقة، عالية من على الأرض، ناعمة جدا، سحبها فوق الممتاز

أقتصادية جدًا في البنزين، وسائل امان كتير، تكنولوجيا متطورة

كفايا انك راكب عربية مميزة مش تاكسي مع احترامي لملاكي الكوري

قبل ما اشتريها سألت كتير على قطع الغيار وعن اسعارها وعن مدى توافرها لقيتها متوفرة في كل حتة

منها الجديد والأستيراد كمان وبأسعار معقولة في منها المبالغ فيه شوية بس اللي يفرق ان قطع الغيار

معمرة بمعنى اني ممكن اشتري حاجة 1000 جتيه تتغير بعد سنتين وممكن اشتري حاجة 500 تتغير

كل 6 شهور، ودي المشكلة اللي كانت بتقابل ناس كتير من صحابي راكبين كوري. ويافرحتي برخص قطع

الغيار.

بالنسبة للميكانيكيا واللي بيشتغلوا فيها برده قبل ما جيب العربية سألت كتير ودخلت المنتدى هنا وجبت

اكبر معلومات لحد ما جبت رقم وعنوان مهندس / إيهاب جلال في صقر قريش كلمته ورحتله بالعربية قبل

ما اشتريها وكشفلي عليها بالكمبيوتر وأكدلي انها حالتها كويسة وعرفت ان عنده كل قطع غيارها جديدة

واستيراد واي شيء ممكن احتاجه في صيانتها.

باختصار واسف للأطالة قبل ما تحكم على اي عربية لازم تكون جربتها وركبتها ومتسمعش لكلام المفتيين

أنكم أكيد عارفين أن مصر مشكلتها أنها فيها دار افتاء واحدة و80 مليون مفتي

أه صحيح بالنسبة لقطع الغيار بالأمانة:

الحمد لله انا لسه موقعتش الا بس هغير تيل فرامل وكان سعره

من 120 -170جنيه حسب النوع وفي الماني وفرنسي ومصنعية التركيب 30جنيه بس.

طقم كبالن كامل استيراد 1000جنيه حالة نظيفة جدا وفي الوكالة قالي 350جنيه الواحد

الأوروبي لا يقارن بالكوري

اسف للأطالة

تقبلوا تحياتي

المشاركة الأصلية كتبت بواسطة lanos2004

افتخر انى راكب لانوس التاكسى--
ههههههههههههههههه
المنتدى لازم يتصنف طبقات بقه و غرف مغلقه
انا هشترى علامه مرسيدس وهلزقها على عربيتى

يا برنس انتا حتحيرنا معاك ليه بس هههههههههع من شوية عاوز تشتم فى اللانوس وعمتها الكبيرة اوى الفيرنا ودلوقتى بتفتخر باللانوس اللى خيطت بيها اسكودا وفيلوستر والالمانى بجميع مشتقاتة مترسى على حل بقى هههههع
الا صحيح ملكش مغامرات مع الستروين ههههههع

انا هيونداوى وافتخر