الموضوع: مالك جديد للستروين c3 وتجربتي معاها

المشاركة الأصلية كتبت بواسطة Ramy_2R

طب لو انا من إسماعيلية تفتكروا حواجه مشاكل في الصيانه و قطع الغيار ؟
و أسعار قطع الغيار الخارجيه و توافرها أخباره أيه ؟

بالنسبة لسؤالك :

أكيد طبعا هتلاقي مشاكل
لأن مش هتلاقي حد شغال فيهـا أو بيبيع حاجتها

بالنسبة لقطع الغيار :

طبعا اللي شغالين في citroen أقل بكتير من اللي شغالين في الكوري
بس حاجتها كلها موجودة , هي و c3 و xsara

دول مرميين في كل حتة , توفيقية أو وكالة أو حرفيين أو صقر قريش أو جسر السويس
فيه حتت كتير قوي بتبيع حاجتهم
استيراد و صيني و تايواني و اسباني و فرنساوي

مثل بسيط ودة لل C4 :
كبوت 550 تايواني , 800 اسباني , 1500 استيراد
فانوس 300 صيني , 750 ديبو ,450 استيراد
اكسدام 500 صيني ,1500 تايواني , 2200 استيراد (بيبقى بالشبكة وبالفيبر اللي وراه وبالفوجات)
ردياتير 300 صيني , 700 أسباني , 700 استيراد

وقيس بقى على كده كل قطع الغيار
كلها فيه منها درجات كتير
و إنت شوف إيه اللي مناسبك و هاته

زي ما أنتم ملاحظ , الاستيراد غالي شوية لأنهم مستغلين إن الأصلي غالي

اللي صعب تلاقي حاجتها شوية ال C3 plurial

المشاركة الأصلية كتبت بواسطة ahmed-adel

مجهزلك رد , عمرك ما شفت زيه في المنتدى
و إنت هتشوف بنفسك
بس في الموضوع هناك مش هنا

يعنى انا بسأل على العربيات الستروين فى قسم الستروين هترد عليه فى الهيونداى ههههههههههههههع

المشاركة الأصلية كتبت بواسطة khaabas

بس انا ملاحظ احنا نازلين تقطيع فى الستروين ومفيش حد رد علينا ههههههع هو القسم ده مفيهوش سكان ههههههههع ولا الستروين معروفة انها بتتقطع ( شوية استفزاز عالسريع ههههههع )
اووووف لو كان حد قال على هيونداى كده فى قسمها كان زمان الموضوع فية خمسة الاف مشاركة فى اول عشر ثوانى ههههههههع

حظك يا باشا ان رجالة السيترون فى امتحانات ، لما نخلص كنت هتلاقى ناس طالعة فى وشك من الشاشة ، بس بخصوص موضوع التقطيع يعنى مسمعناش عن مغامرات ال الار بى ، ولا مالهاش فيه ، طب أحمد باشا اللى معاه لانوس واضح من مواضيعه و مغامراته انه قلبه ميت و عربيته مبتسمعش لحد و بيعلم بيها على سيراتو و أوكتافيا ، أنا متشرفتش بمعرفته لسة طبعاً بس عاجبانى دماغه و عربيته كمان :) ، عايزين بقى نعرف مغامرات وحوش الهيونداى فى مواجهته ، كورى فى كورى من غير حساسيات بقى :)

المشاركة الأصلية كتبت بواسطة khaabas

يعنى انا بسأل على العربيات الستروين فى قسم الستروين هترد عليه فى الهيونداى ههههههههههههههع :f_eyeb1[1]::f_eyeb1[1]::f_eyeb1[1]::f_eyeb1[1]::f_eyeb1[1]:

ما أنا قلتلك تعالى اعمل موضوع هنا و أهلا بيك
وقلتلك برده منها تسمع آراء تانية

قلتلي جاوبني هناك هههههههه
وبعدين لا الناس تفتكرني مش عاوز اجاوب ولا حاجة

حبيبي :)

خاب من قارن الكوري بالفرنساوي كانك بتقارن مين الاقوى الاسد ولا الفرخه:d

المشاركة الأصلية كتبت بواسطة mangawy2012

خاب من قارن الكوري بالفرنساوي كانك بتقارن مين الاقوى الاسد ولا الفرخه:d

يا باشا بتتكلم فى ايه بس ، أكيد الفرخة طبعاً ، أولاً اعتمادية ، موجودة فى كل حتة ، أسعارها فى المتناول ، ممكن تجيبها من عند أى فرارجى مش محتاج تروح سبكترا ولا حتى KFC و الأهم من دا كله بناكلها ، الأسد بياكلنا....بتتكلموا فى ايه بس يا جماعة

المشاركة الأصلية كتبت بواسطة hamaka

حظك يا باشا ان رجالة السيترون فى امتحانات ، لما نخلص كنت هتلاقى ناس طالعة فى وشك من الشاشة ، بس بخصوص موضوع التقطيع يعنى مسمعناش عن مغامرات ال الار بى ، ولا مالهاش فيه ، طب أحمد باشا اللى معاه لانوس واضح من مواضيعه و مغامراته انه قلبه ميت و عربيته مبتسمعش لحد و بيعلم بيها على سيراتو و أوكتافيا ، أنا متشرفتش بمعرفته لسة طبعاً بس عاجبانى دماغه و عربيته كمان :) ، عايزين بقى نعرف مغامرات وحوش الهيونداى فى مواجهته ، كورى فى كورى من غير حساسيات بقى :)

ههههههههههههههههههههع وبالنسبة لمغامرات الار بى مستنى بس العربية تبقى قديمة شوية وقلبى يجمد عليها ومصر كلها هتسمع عن مغامراتها هههههههههههههههههع
اما بالنسبة لحوار الاسد والفرخة فاذا كانت الفرخة هى الكورى ففى الحالة دى هتكون الاقوى