الموضوع: <<<<< مقارنة شاملة بين الاسد الفرنسي Peugeot 508 والوحش الالماني OCTAVIA a7 الجديدة

المشاركة الأصلية كتبت بواسطة Mohyeldin1974

عاااااااااااااااااااااااش

شكرا يا فندم

المشاركة الأصلية كتبت بواسطة amrelsaqqa

مع انى عاشق للاسد الفرنسى ولكن الاوكتافيا دى تحفة فنية ، عيبها القاتل هنا هيكون البنزين 95 ، بيتهيألى مش هينفع خالص الـ 92

لو في عربية حتتاثر اكتر ب 92 حتكون البيجو مش الاكتافيا على رغم ان الاتنين معامل الانضعاط بتاع الموتور 10.5 وده علشان ضغط التربو بتاع ال 508 اعلي

المشاركة الأصلية كتبت بواسطة Hosam_Optrawy

شكرا لمجهودك الكبير

بس بغض النظر عن الفئة السعريه او التجهيزات والاوبشنز

الاوكتافيا مش من فئة ال 508 ولا ال S60 ولا الباسات ولا ال 316i طبعا

امال السوبرب تبقى ايه ؟؟

الاوكتافيا تتقارن بالجيتا والاسترا التربو ماشى ودول أغلى عربيتين فى فئتهم 229 الف و 228,5 الف

زي ما اوضحت في اول الموضوع ان كلمة نفس الفئة تدل علي حاجتين (اما الفئة السعرية) وفي الحالة دي تحط فيها كل العربيات اللي بنفس السعر تقريباً او انك تتكلم عن (الفئة الفنية) وهي large family car وفي الحالة دي بتطلع من المقارنة بعض العربيات اهمها البيمر BMW 361i
تقبل تحياتي

المشاركة الأصلية كتبت بواسطة Mamoud salah H

اولا تسلم علي المجهود
ثانيا بي الاوكتافبا شكلها من الخلف في رايي وحشة جدا والبيجو تتفوق عليها بمراحل في الشكل الخارجي فخمة جدا وفي الصالون كذلك اشيك بكتيير

شكرا يا فندم وانا بتفق معاك في حكاية الشكل دي ولو انها ازواق

المشاركة الأصلية كتبت بواسطة fares_311

موضوع جامد جدا جدا بصراحه تسلم ايديك

مستني باقي المقارنات زي منتا قولت

ربنا يقدرنا ونكون عند حسن الظن
شكرا علي اهنمام معاليك

المشاركة الأصلية كتبت بواسطة eleanor

اولا البيجو فئه اكبر من الاوكتافيا ثانيا انت مش كاتب مواصفات البيجو الهاى لاين ثالثا مين قال ان اﻻسكودا هتنزل مصر بالكماليات دى رابعا شوف البيجو اللى بتنزل بره هاتلاقى الاسكودا ماتجيش فيها حاجه

أولا البيجو مش اكبر ولا حاجة نفس الفئة large family car
ثانيا المواصفات المرجع بتاعها موجود وهو مشتري للسيارة ولو في حاجة ناقصة حضرتك ممكن تساعدنا وتكملها.
ثالثاً اللي قال ان الاكتافيا حتنزل بالكماليات دي الوكيل وبردو الموقع موجود
رابعا المقارنة معمولة علشان نقارن وبعدها كل واحد ياخد قراره من دماغه

خامساً تقبل تحياتي

المشاركة الأصلية كتبت بواسطة monamize4

مبدأيا مجهود رائع و مقارنة ممتازة بس لو كنت حطيت الباسات معاهم كان هيبقى لوز اللوز :)

بالنسبة لل class فا ال 508 و ال passat دول large family cars و المنافس ليهم من سكودا ال superb
اما ال octavia فا دى C-segment يعنى هتتقارن بال civic , lancer , cruize , astra , focus
بس المستهلك المصرى ما يفرقش معاه الكلام دا كتير اوى المهم بالنسباله هو السعر
يعنى لما يجى يشترى عربية ما بيقولش انا عايز احسن compact لأ هو بيقول انا عايز احسن عربية ف السعر دا (الكلام دا مش عيب , هى دى ظروف بلدنا )
كمان زى ما قولنا قبل كده ان الoctavia نازل فيها high - technology
yet ماينفعش سعرها يبقى زى الفوكس او السيفيك (اقصد فئه 290 الف)

ياريت اللى مش مقتنع يراجع ال topic دا
http://www.nilemotors.net/Nile/349036-2013.html

بالنسبة للباسات علي راي باسم يوسف : "مسيرك يا ملوخية تيجي تحت المخرطة"
اما بالنسبة للفئات فالاكتافيا والبيجو الاتنين large family car
اما الباسات والسوبير والمرسيدس C180 تعتبر كلها فئة Executive car وهي فئة اعلي
طبعا محدش يقولي ازاي يا جاسوس يا عميل تقارن الاسكودا بالمرسيدس بس ده مش رايي ده التصنيف العام
اما في حكاية C-segment و D-segment حضرتك صح بس الكلام ده علي المستوى الهيكلي والتسويقي ومبيمشيش هنا
اما بالنسبة للفئة السعرية فبتلاقي فيها فئات فنية مختلفة زي ما حضرتك تكرمت واوضحت

شكرا علي التفاعل والافادة والاسلوب الراقي

تقبل تحياتي