الموضوع: <<<<< مقارنة شاملة بين الاسد الفرنسي Peugeot 508 والوحش الالماني OCTAVIA a7 الجديدة

المشاركة الأصلية كتبت بواسطة koshakindnes

بصراحة انتا عامل مقارنة بين عربيتين انا بعشقهم جداااااااااااااااااااااا احيك على المجهود الرائع دا

ثانيا اعتقد ان البيجو 508 افخم واحسن وبرضوا مش عايزين نظلم الاوكتافيا لاننا مشفنهاش فى الواقع وممكن تخلينا واحنا بنشوفها منتهى الاندهاش


بس لو الناس وقعت للاختيارين دول هيختاروال 508 وهيبعدوا عن ال dsg


وتحياتى

فعلا كلامك مضبوط والبيجو جمالها ياخد العقل لكن اكتافيا صاروخ بردو لكن الفيتيس ال DSG والسعر المبالغ فيه حيبهدلها ويخليها تخسر اي رهان

شكرا علي كلماتك الرقيقة
تقبل تحياتي

المشاركة الأصلية كتبت بواسطة falcon77

بالله عليكما شوفوا دريكسيون الاوكتافيا (دا ترضة تدفع فية 291 الف)!!!!!!!!!! على العكس شوف دريكسون ال 508.
تانيا شكل اوكتافيا قديم ومسروق من اودي a6 القديمة يعنى مافيش جديد فى الشكل غير انة تقليد. اما ال508 شكل جيديد والأهم العربية بريستييج. (طبعا اقصد شكل اوكتافيا بس هو اللى تقليد لكن العربية محترمة).
ثالتا موتور البيجو اقوى من بتاع الباسات اللى هتقول انه نازل فى اوكتافيا. يعني بيجو تكسب
رابعا لما اوكتافيا تنزل على اخر السنة هتكون ال508 نتزلت بمودبلات 2014 (شاشة نافيجيشن والكنترول اللى ورا الفيتيس وجنط 18) يعنى انسي.
شكل - موتور - صالون - علامة البيجو نكسب طبعا
وسع الشنطة اوكتافيا هتكسب مش بيجو بس دا كل العربيات

بداية تصميم سكودا بكل تفاصيلها من تصميمات المصمم العالمي Jozef Kabaň وده واحد من افضل مصممي السيارات علي مستوى العالم وهو ده اللي صمم Volkswagen Lupo, SEAT Arosa and Bugatti Veyron تخيل!! وعلي فكرة هو كان بيصمم لاودي بردو

ثانيا شكل 508 خرافي انا معاك قلبا وقالباً حاجة مبدعة فعلا

ثالثا موتور الاكتافيا لما تقارنه بموتور ال 508 تلاقي المقارنة صعبة لان البيجو فيها 16 حصان زيادة لكن الاكتافيا فيها 10 نيوتن متر زيادة وبما ان موتور الاكتافيا اصعر ب 200 سي سي يبقي المقارنة مش عادلة وكمان التوب سبيد واحدة

رابعاً تقبل تحياتي

المشاركة الأصلية كتبت بواسطة hossam_elwani

اوكتافيا هاى لاين فوق الوصف

بس سعرها خلاها زى المرسيديس مش اى حد حيركبها اوكتافيا 2012 كانت فئه متوسطه والطبقه المتوسطه فى الغالب كانت بتركبها عادى

خلاص ده كان زمان كل سنه وانتم طيبيين

حضرتك بالسعر ده انا اشك ان في حد حيركبها اساساً

المشاركة الأصلية كتبت بواسطة hossam_elwani

اللون الابيض عليها تحفه احلى لون على الطبيعه

المشاركة الأصلية كتبت بواسطة M7amD_7amDy

تسلم ايدك ياباشا

خش بقه على البيمر وجمد قلبك

وياريت تدخل السيتروين DS5 معاهم

يا باشا علم وجاري التنفيذ بالنسبة للستروين انما المشكلة ان البيمر والاكتافيا لسة مش مجربين والمقارنة كده حتبقي نظرية بحتة ومش حتفيد اوي غير لما دخلنا الاكتافيا مع 508 اللي في ناس جربتها

علي العموم الايام مفيش اقرب منها ومسيرك يا ملوخية تيجي تحت المخرطة

تحياتي