الموضوع: تقرير مبدئى لبيجو 301 بعد إستلامى

المشاركة الأصلية كتبت بواسطة mohamed_henedi

صوت الماتور عالى اوى ولا فى العادى

صوت الموتور فى العادى و لا يعلى إلا لما تكون على الSport mod بس صوت جميل ستستمتع به خصوصاً مع التسارع الرهيب عندما تكون على هذه الوضعية.

المشاركة الأصلية كتبت بواسطة esam_ayad

معلش عندي سؤال تاني.
إنت سالت عن قطع غيارها؟ لأن كل الناس مابتحبش تشتري البيجو والستروين علشان الصيانه وقطع الغيار اللي بيقولو عليها ناااااار

فقط أسعار قطع الغيارة المذكورة بإعلانات الجرائد ولكن مع الإنتشار الكبير المتوقع لسيارتين أتوقع توافر قطع الغيار بأسعار مناسبة داخل و خارج التوكيل.

المشاركة الأصلية كتبت بواسطة zooma2009

الف مبروك يا باشا والله فرحتلك ..... انا بقالي اسبوع مستني معاك

ربنا يباركلك فيها يااارب ... و ما شاء الله اللون جامد اوي عليها

مستنين منك تقرير متيين بقي عن السحب والكيك داون والسبورت درايف وطبعا الثبات والنعومه مع المطبات

انا حاجز برضه .... بس يارب السعر ميغلاش عشان الواحد كده هيشحت

الثبات أكثر من جيد جداً و بالنسبة للنعومة فى الدريكسيون فهو أنعم من السيراتو التى كانت معى و بالنسبة للمطبات فعند إستلامى للسيارة أحسست ببعض النشوفية لذا ذهبت لأحد محلات الكاوتش لوضع نيتروجين و سألت الفنى أن يقوم بقياس ضغط الكاوتش فوجده على 40 فى حين أنه من المفترض أن يكون على 32 و بعض وضع النيتروجين و ضبط الضغط على 32 أحسست بفارق شاسع و أصبح من النادر أن أشعر بالمطبات الصغير التى كنت قد قاسيت من عند إستخدامى للسيراتو.
قمت بتجربة السبورت درايف و لم أكن أتوقع هذا الفارق الهائل بين ال D و ال Ds قوة تسارع رهيبة و عزم قوى جداً بالنسبة لموتور مثل هذا ولكن مع علو فى صوت الموتور عندما تتخطى 5 rpm ولكن ستستمتع به .
الفرامل أيضاً أكثر من ممتازة و أفضل من فرامل السيراتو التى كانت معى .

المشاركة الأصلية كتبت بواسطة bmw323

ألف مبروك ربنا يعطيك خيرها ويبعد عنك شرها
سؤال كدا عن الباركينج سينسور.... هل فية شاشة بتبينلك فاضل قد اية مسافة زى ال 307 مثلا ولا صوت فقط ؟؟

الشاشة التى فى الوسط تتحول لشاشة بها رسم السيارة و الأبعاد وتظهر لك مدى قربك من أى شىء عند الرجوع إلى الخلف مع التنبة الصوتى طبعاً و عند إستخدامك لجهاز الكاسيت يخفت صوت الكاسيت و يظهر صوت السينسور.

المشاركة الأصلية كتبت بواسطة hugan

1000 مبروك
بلد الصنع ايه

السيارة فرنسية و تجميع فى مصنع بيجو و سيتروين فى أسبانيا و جواب المرور ذكر منشاء أوروبى.

المشاركة الأصلية كتبت بواسطة zooma2009

كان عندي سؤال بس .... البروشور بتاع البيجو 301 الهاي لاين مكتوب انها زجاج ملون ؟؟؟

يا تري فعلا الزجاج ملون غامق يعني .... ومثبوت فالورق بتاعها انها زجاج ملون؟؟؟؟

الزجاج ليس غامق و ليس مثبوت على الرخصة .

المشاركة الأصلية كتبت بواسطة hossam_elwani

وبعد طول انتظار

الف مليون مبروك

وفعلا اللون الابيض عليها شيك جداااا زى اختها الكبيره 508 لون جبار عليهم

اخبار الخامات الداخليه ايه ؟؟

وهل الاستبن بيجى بجنط ولا لا ؟؟

تحياتى

الخامات الداخلية جيدة جداً و الإستبن حديد 15