رابطة ملاك ال301

**heshammosaad** · 06-11-2013 10:53 PM

المشاركة الأصلية كتبت بواسطة eng.motasem

الحمد لله العربية اللى حجزتها وصلت بس للاسف انا خارج البلاد ان شاء الله هنزل مصر الاسبوع اللى جاى عشان استلمها الحمد لله جت الرغبه الاولى لونها فضى

مبروك وربنا يديك خيرها ويكفيك شرها

وبعد ما تستلم تقريرك بقى عن انطباعك ورئيك

**S.Hasan** · 06-11-2013 11:18 PM

المشاركة الأصلية كتبت بواسطة hussam301

السلام عليكم
انا عايز اشكركم واشكر جميع الاعضاء اللى شاركو فى موضوع 301 .. انا ان شا الله هستلم بيز لاين فضى بعد يومين وبجد قرارى بامتلاك 301 بعد اقتناعى بالسيارة ... واستفدت جدا من مشاركة اعضاء الرابطه وان شا الله يكون استمرار مشاركة الاعضاء مفيد للجميع

تستلم علي يا خير ان شاء الله

**Hussam301** · 07-11-2013 01:27 AM

شكرا ليكم ... وان شاء الله على تواصل عشان الفائدة تعم
بس عندى سؤال انا كنت ناوى اظبط الكوتش على 32 حسب اراء الاخوه الاعضاء وبعد تجربتهم ولكن ظهر عضو براى ان 28 افضل لثبات السيارة ... ارجو الافادة

**Ahmed Amin** · 07-11-2013 05:50 AM

المشاركة الأصلية كتبت بواسطة hussam301

شكرا ليكم ... وان شاء الله على تواصل عشان الفائدة تعم
بس عندى سؤال انا كنت ناوى اظبط الكوتش على 32 حسب اراء الاخوه الاعضاء وبعد تجربتهم ولكن ظهر عضو براى ان 28 افضل لثبات السيارة ... ارجو الافادة

ال 28 هيريح العفشة وهتبقي أنعم ويزود الثبات شوية, بس هيجي جامد علي حساب أستهلاك البنزين وعمر الكاوتش الأفتراضي,,
خليك دايماً في الوسط وأظبطها عال 30 ودا اللي أنا بعمله,

**amrelsaqqa** · 07-11-2013 08:46 AM

المشاركة الأصلية كتبت بواسطة hazem_alaedin

السلام عليكم, الحمد لله انا استلمت البيجو 301 بقالى اسبوع تقريبا, و عامل بها حوالى 200 كم فقط , الغريب بقى انى لما بلف الدريكسيون قرب اللفة الكاملة بسمع صوت تكة "معدنية" فى الأرضية لدرجة انى بحس بيها بسيط فى الدواسة تحت رجلى !!! هل كده الإسكترا فيها حاجة ولا لسه العربية عفشتها بتطبع مع بعضها ؟

ما حصلتش معايا بس في نفس الوقت ممكن تكون حاجة بتطبع زي ما حضرتك قلت
ابقى شوفها في صيانة 2500

**hazem_alaedin** · 07-11-2013 10:52 AM

يا رجالة موضوع الصوت اللى كان بيجيلى لما بلف الدريكسيون طلع حاجة مالهاش دعوة بأى حاجة فى العفشة !! طلع طرف الدواسة اللى انا حاططها بيشبك فى عامود الدريكسيون اللى تحت الطابلوه :) علشان كدة لما كان بيفك منه كان بيعمل صوت و بحس بالتكة فى الدواسة :)) الحمد لله

**hazem_alaedin** · 07-11-2013 11:21 AM

هو ليه ناس كتير بتسأل على ضغط الكاوتش ؟ مكتوب على قايم الباب bar 2.2 اللى هى بتساوى 31.9 psi !!! أنا عن نفسى ظبطه 32 نيتروجبن !!

**medori** · 07-11-2013 01:25 PM

المشاركة الأصلية كتبت بواسطة hazem_alaedin

يا رجالة موضوع الصوت اللى كان بيجيلى لما بلف الدريكسيون طلع حاجة مالهاش دعوة بأى حاجة فى العفشة !! طلع طرف الدواسة اللى انا حاططها بيشبك فى عامود الدريكسيون اللى تحت الطابلوه :) علشان كدة لما كان بيفك منه كان بيعمل صوت و بحس بالتكة فى الدواسة :)) الحمد لله

ههههه حمدا لله على السلامة، احمد ربنا انك عرفت بسرعة و ملفتش معاها كام اسبوع و انت بتعدى على كل حاجة فى العربية واحدة واحدة

**medori** · 07-11-2013 01:27 PM

المشاركة الأصلية كتبت بواسطة hazem_alaedin

هو ليه ناس كتير بتسأل على ضغط الكاوتش ؟ مكتوب على قايم الباب bar 2.2 اللى هى بتساوى 31.9 psi !!! أنا عن نفسى ظبطه 32 نيتروجبن !!

احنا كلنا مظبطينة على 32 بس العربية مش stable على السرعات مع الضغط دة، انا إن شاء الله هجرب اققلة فى الweek end و اجرب على 30 ورا و اشوف دة هيزود stability ولا لأ