وعليكم السلام ورحمة الله,
أهلا بيك في منتدي بيجو,,
مبدئياً البيجو ال 508 ملهاش علاقية لا من قريب ولا من بعيد بال 307
لا في موتور ولا في عفشة ولا في فتيس (ودا اللي كان محور المشاكل في ال 307)
وال 508 عربية صالون, وال 307 كانت نازلة هاتش باك و أستيت واجن بس.
يعني دي حمادة, ودي حمادة تانية خالص,,
ال 508 هتزيد في راحة السواقة عن ال 307 سواء Hatchback أو SW.
وسواقة السيدان بشكل عام مختلفة, وخصوصاً ان العربية دي أول عربية في الفئة الخامسة بالنسبة للبيجو فعليها أهتمام كبير بعد أكتر عربيتين ناجحين ليها ال 504 وال 505 واللي أثبتو الراحة والأعتمادية لحد يومنا هذا.
العربية أكتر من ممتازة, كلمة ممتازة قليلة عليها ومش مبالغة,
يعني تقدر تركبها في معرض او مع حد وهيا ماشية وتشوف راحتها في القعدة اللي راكب أو للسائق والسحب والفرامل بعدين تقارن سعرها بمميزاتها وكماليتها وتشوف أيه اللي في السوق اللي في نفس الفئة السعرية دي وأنت تلاقي أنها Best value for money.
والبيجو أسمه معروف في السوق من السبعينات, وكفاية أنك ممكن تشوف لحد أنهارده عربية بيجو 504 أو 505 موديل 79 أو تمانينات وبتدور من أول تكة وبتسحب عال سريع وبتجري جنب العربيات وحالة الموتور والثبات والراحة للركاب والفرامل فيها فوق الجيدة..
يعني متلاقيش عربية بنفس موديل السنة من باقي مصنعي السيارات من ياباني ولا الماني عايش لحد أنهارده بنفس حالة موتور البيجو..
بالنسبة لأعادة سعر البيع فالأوروبي كله بيخسر من تمنه كتير في أعادة البيع, بس مهما كان بيجو في مصر بتمسك سعر أعلي من السيتروين والرينو لأسمها وتاريخها عنهم.
فاللي بيشتري ياباني أو كوري ممكن يمسك أعادة سعر بيع أعلي من الأوروبي,
بس دا هيبقي علي حساب الراحة والأمان والأعتمادية في الزمن يعني ان العربية تعيش معاك 7 سنين بحالتها وبمميزاتها.
فأنك قدامك يا تشتري حاجة كويسة ومتخسرش فيها كتير لما تيجي تبيع, أو تشتري الأوروبي وتاخد راحتة في السواقة وأمانه وقيمته اللي مش بتقل بسرعة زي الكوري والياباني,
وكدا كدا لو الوالد ناوي تقعد بيها من غير بيع لمدة 5 سنين هتبقي سعتها أعادة البيع زيها زي باقي العربيات اللي في تاريخ أنتاجها, بس هيكون أخد منها في ال5سنين دول راحة ومتعة في السواقة وأمان عن الكوري والياباني.
والعربيةمفيش أي مشاكل منها تذكر حتي الأن.
والتوكيل مش سئ أووي ومش حلو أووي, حاله كحال أي توكيل في مصر.
وأنت في أول 50 ل 60 ألف كيلو مش هتغير غير زيت وفلاتر يعني كلها حاجات هايفه ومفاهش صعوبة علي التوكيل أنو يعملهالك أو يتعامل معاها.
وممكن تراجع علي المواضيع عشان تاخد فكرة عنها أكبر,
http://www.nilemotors.net/Nile/291613-508.html
http://www.nilemotors.net/Nile/341270-508.html
http://www.nilemotors.net/Nile/319753-508-2.html
http://www.nilemotors.net/Nile/358247-508.html
http://www.nilemotors.net/Nile/340504-508.html
http://www.nilemotors.net/Nile/351958-508.html
http://www.nilemotors.net/Nile/364828-508.html
http://www.nilemotors.net/Nile/337234-508.html
http://www.nilemotors.net/Nile/322450-508.html
http://www.nilemotors.net/Nile/348241-508.html
http://www.nilemotors.net/Nile/323332-508-5.html
المفضلات