مساعدة علي الاختيار : بروتون جـين 2 - نيسان صني - شفروليه اوبـترا

**Amr Axel** · 01-09-2013 09:37 PM

بسم الله الرحمن الرحيم
السلام عليكم و رحمة الله و بركاته

بصوا بقي يا رجالة من الاخر كده
اخوكم محتار حيرة ما بعدها حيرة و عايز مساعدتكم ع الاختيار

حاليا محتار بين :

- بروتون جين 2 : 104 الف ج
- نيسان صني الشكل القديم مانيوال : 92 الف ج
- شفروليه اوبترا : 107 الف ج

و لو محدش طمني انا هتجنن و اجيب بي واي دي بجد مش هزار

و سعرها 78 الف ج

البروتون ميال ليها لكن ضيق الكنبة و سامع عن اسعار قطع غيار غالية و غير متوافرة

النيسان صني الشكل القديم العربية محترمة بس سمعت انهم شالوا الاي بي اس ده حتي
السماعات شالوها و اساسا العربية محتاجة سواي بار اللي بينزلوه بس في السوبر صالون طب يا تري بعد ما شالوا الاي بي اس خلوا الفرامل ورا كمان طبل و لا لسه طنابير
و محدش يقولي الشكل الجديد و لا هاجي ناحيتها و لا اسوقها حتي

الاوبترا كويسة بس معرفش ايه نظام الاوبشن اللي بينزل فيها دلوقتي

طب ليه قولت في الاخر ممكن ترسي ع بي واي دي عشان الامكانيات مقابل سعر و قطع غيار رخيصة و منتشرة و تولفها و مش هتخاف تجيب قطع غيار مضروبة و اي حد يشتغل فيها حتي العبد لله

طب انا عايز ايه في العربية
طبعا العربيات ديه كلها تعتبر في نفس المستوي بس يمكن اللي يهمني اكتر

موتور محترم و يحبذا لو تكون الكاتينة جنزير

انا أفضل المانيوال محدش يقولي اوتو انا مانيوال حتي النخاع

وجود اي بي اس و يفضل اي بي دي لأن من غيرها مش شايف ليه لازمة

توكيل عدل و اسعاره كويسة او ليه مراكز صيانة برة محترمة و معقولة

قطع غيار رخيصة و موجودة سواء في التوكيل او برة و يا ريت مثال ع اسعار قطع الغيار الدورية في التوكيل او برة

تقفيل و عزل محترم مش عايز ابقي قاعد في الشارع او في حوض الموتور و لا اصدع من ترزيع الفيبر و التقفيل

و اتمني لو تفيدوني في الاوبشن اللي نازلة في كل عربية منهم

هل من يساعدني ع هذا الاختيار الصعب ؟؟؟

و اعملوا حسابكم لو محدش ساعدني ع الاختيار هرتكب جريمة و اشتري البي واي دي و ذنبي في رقبتكم

**Amr Axel** · 01-09-2013 10:28 PM

المشاركة الأصلية كتبت بواسطة M_Marwan

ما تشوف لانسر شارك ؟

والله مش حتندم معايا من 2009 وزى الفل

بداية انا عايز زيرو مش مستعمل و في نفس الوقت يكون في رينج الـ100 و يفضل ميتعداش الـ100 اساسا
و مش عايز اشتت نفسي فرسيت ع الـ3 دول و لو قفلت معايا هترسي ع بي واي دي

**M_Marwan** · 01-09-2013 11:37 PM

المشاركة الأصلية كتبت بواسطة Amr Axel

بداية انا عايز زيرو مش مستعمل و في نفس الوقت يكون في رينج الـ100 و يفضل ميتعداش الـ100 اساسا
و مش عايز اشتت نفسي فرسيت ع الـ3 دول و لو قفلت معايا هترسي ع بي واي دي

طب عارف انت حتجيب بى واى دى فى الأخر

مش وحشه والله ركبتها كذا مره وعجبتنى

**M I D O** · 01-09-2013 11:52 PM

افضل عربية فيهم من وجهة نظري النيسان الشكل القديم لاكن مادام شالو ال abs يبقا فكك منها و الاوبترا حلوة بس مفيهاش وسائل امان سيبك منها الجين 2 بقي عربية جميلة بس قطع غيار غالية وتوكيل زي الزفت يبقي تسيبك منها هتقلي هشتري ال byd هقلك حلوة بس توكيلها برضو زي الزفت يبقي تسيبك منها بس العربية الي فيهم وشاملة معظم احتياجاتك ال byd ومن الاخر مفيش توكيل في مصر عدل وفي رايي الشخصي لو انا الي هشتري لاني في نفس الحيرة السودة دي يا هجيب اوبترا تقسيط يا هجيب اسبرانزا ام 11 كاش رغم اني ميال للكاش بس لسة هشوف وقتها القسط هيبقي عامل ازاي وربنا معاك يا باشا وموفق في الشراء باذن الله

**Amr Axel** · 02-09-2013 06:06 PM

المشاركة الأصلية كتبت بواسطة mohamed hussei

متابع انا كنت مقتنع ب صني شكل القديم في بيقولوا بتنزل ب abs وسعات لا بس الي قفلني منها مفهاش ايمبلوليز بس انا عاوز اعرف ازاي تشتغل منغير مفتاح ازاي فتيس بيتحرك الاتوماتيك بس انا جريمتي هتبئا افزع منك لانوس والعيشة مرة :(

لا البي واي دي ارحم انا معنديش استعداد افكر لا في فيرنا و لا لانوس

**Amr Axel** · 02-09-2013 06:07 PM

المشاركة الأصلية كتبت بواسطة M_Marwan

طب عارف انت حتجيب بى واى دى فى الأخر

مش وحشه والله ركبتها كذا مره وعجبتنى

شكلها كده

أحب انا البي واي دي عربية محترمة في كل حاجة
اختبارات و اوبشن و سعر يعيبها الدهان ضعيف شوية
بس خلاص مبقتش فارقة اي عربية لازم تلاقي فيها عيب بس المهم مميزاتها تطغي ع عيوبها

**Amr Axel** · 02-09-2013 06:12 PM

المشاركة الأصلية كتبت بواسطة M I D O

افضل عربية فيهم من وجهة نظري النيسان الشكل القديم لاكن مادام شالو ال abs يبقا فكك منها و الاوبترا حلوة بس مفيهاش وسائل امان سيبك منها الجين 2 بقي عربية جميلة بس قطع غيار غالية وتوكيل زي الزفت يبقي تسيبك منها هتقلي هشتري ال byd هقلك حلوة بس توكيلها برضو زي الزفت يبقي تسيبك منها

بس العربية الي فيهم وشاملة معظم احتياجاتك ال byd ومن الاخر مفيش توكيل في مصر عدل وفي رايي الشخصي لو انا الي هشتري لاني في نفس الحيرة السودة دي يا هجيب اوبترا تقسيط يا هجيب اسبرانزا ام 11 كاش رغم اني ميال للكاش بس لسة هشوف وقتها القسط هيبقي عامل ازاي وربنا معاك يا باشا وموفق في الشراء باذن الله

فعلا نادرا تلاقي توكيل كويس تخيل بقي اني سوزوكي ببالرغم اني سمعت الامل اتغيروا عن الأول بس المهم قطع الغيار و طالما متوافرة خلاص و كمان العربية اغلب الناس شغالة فيها دلوقتي و الميكانيكي اللي بتعامل معاه ايده فيها برده و انا ممكن اعمل الصيانات بنفسي زي ما بعملها لـلوللا

المهم اني شايف مميزات البي واي دي بتطغي و مخليها اخر اختيار اذ لم أوفق في دول
بخصوص الاسبرانزا ام 11 انا وقفت كذا واحد في الشارع اسألهم عنها اجمعوا ان الموتور و العفشة و بالتالي الثبات محترمين لكن تكييف ضعيف و هيد يونت سئ
ناهيك انها برده مش منتشرة اوي زي البي واي دي
اما الاوبترا فحدث و لا حرج يعني حسب كلامكم عربية داخلة في 110 الف و مفيهاش اي وسائل امان يبقي اجيبها ليه خليني في الصيني مفرقتش كوري من صيني من ياباني اهو كله اسيوي و كمان قطع بي واي دي حسب الفئة من متسوبيشي و تويوتا و هوندا و نيسان

-

-

الموضوع: مساعدة علي الاختيار : بروتون جـين 2 - نيسان صني - شفروليه اوبـترا

LinkBack

أدوات الموضوع

عرض

مساعدة علي الاختيار : بروتون جـين 2 - نيسان صني - شفروليه اوبـترا - انشر الموضوع فى :

-

-

-

-

-

-

المواضيع المتشابهه

مساعدة فى الاختيار

مساعدة فى الاختيار بين اسكورت و فيستا

مقارنة شفروليه اوبترا و بروتون برسونا

الاختيار الصعب: كيا كارينز أو نيسان ليفينا

الاسعار نزلت فعلا شفروليه و هيونداى يلا بقى يا بروتون

الكلمات الدلالية لهذا الموضوع

المفضلات

المفضلات

ضوابط المشاركة