مساعدة علي الاختيار : بروتون جـين 2 - نيسان صني - شفروليه اوبـترا

**Ahmed.Fahmy** · 07-09-2013 12:51 PM

بسم الله الرحمن الرحيم

انا كنت غى نفس حيرتك من 4 شهور تقريبا وكان الدولار فى عزه وكنت عاوز حاجة فى نفس الرينج وبشروط معينة لان اللى هيركبها زوجتى ومعاها الاولاد فكانت لازم تبقى زيرة عشان ما تعطلش وفيها شروط معينة وكنت بفكر بشكل مرتب شوية

كان من وجهة نظرى لازم يكون فى حاجات اساسية زى

الامان
ABS
Air Bags
Stability
فرامل قوية
صاج قوى
ايموبيلايزر عشان ما تتسرقش
قطع غيار فى المعقول
شكل العربية ما يتغيرش او يعنى ما تتبهدلش بسرعة فكنت براقب العربيات فى الشارع اللى ماسكة نفسها مع الزمن واللى ما كملتش 6 شهور وبدون خبطات ولا حاجة بقى شكلها كانها بقالها 5 سنين
سهولة القيادة وتشمل باور، اوتوماتيك
واكيد الحاجات العادية زى 4 زجاج كهرباء، فوجات، مسد يد من الداخل بين الكرسيين، اماكن تخرين، سهلة القيادة
واخيرا الشكل يكون مقبول مش وهمى يعنى لكن حلو

فكنت محتار بين
أفيو ودى مافيهاش حاجة من دول الا انها باور خفيف جدا

كيا ريو وقولت ازود 30000 حتى لو اقسطهم مش مشكلة لقيتها ولا اير باج ولا ِABS مع انها شكلها تحفة

FRV ولقيت واحد جارى بيركن معايا فى الجراج سالته عربيتك بقالها كام سنة منت فاكره جايبها مستعملة لقيت بقالها 6 شهور بس فمكملتش

لوجان وهى هربية ممتازة بس شكلها صعب شوية

اكسنت RB نفس قصة الريو

بروتون جين 2 وهى دى اللى اشتريتها

العربية ما شاء الله، ملمومة جدا وواسعة الى حد ما معقولة، موتور حلو وجراية، فيها كل الحاجات اللى انا قولتها فوق وقطع الغيار فى المعقول وفى كل حتة، التوكيل فى مراكز صيانة ممتازة زى عصام صفا محترم جدا

قولت انقللك تجربتى لعلك تستفيد

بالتوفيق

**خيرى محمد** · 07-09-2013 03:07 PM

يا جماعة صاحب الموضع مختفى لية !!!
فينك يمحيرنا جبت حاجة ولا لسة
انا كفرااااان مش عارف اعمل اية انا متبعك من اول الموضع لما بتتاخر بقول عملها وجاب بى وى دى
رد عليا طمن قلبى
انا لفيت على عربيات مصر كلها فى المنتدى
فرنا لانوس لوجان افيو ( الصينى بانواعة ) تحت 100 الف
اوبترا صنى ( فوق 100 الف )
البجو مش لاقيها مانوال خالص خالص مع العلم انا معايا لغاية 120 الف مش اكتر وعاوز زيك كدة
عربية مميزتها اكتر من عيوبها
على العموم انا كونت عاوز اتواصل معاك بالتليفون انا من سكان م نصر رقم تليفونى 01228901149 وكنت عاوزك تتابع معايا عاوز اعرف عملت اية اخوك محمد

**Amr Axel** · 07-09-2013 07:25 PM

المشاركة الأصلية كتبت بواسطة eng f3lix

كل دي كانت اتفاقات وشراكة بين الشركتين والكلام ده معروف من ساعت الويرا

نفس الكلام على الانسبيرا ده اتفاق ان الشارك تنزل في ماليزيا بأسم بروتون وده مخليها مبتتبعش في حتة تانية غير ماليزيا بس

اما موضوع الواجا ده انا مش شايف اي شبه بينها وبين لانسر غير في اجزاء من العفشة يعني مش شكل

تاني بقولك اهو .. اتفاقات مش سرقة وحط تحت سرقة خماشر خط

انا عمري ماسمعت عن اتفاقية بين تويوتا و byd ولا بين مرسيدس و جيلي وحاجات تانية كتير

الله يسلمك يا باشا

مش الفكرة لكن كان قصدي انك بتقول لأ بروتون مش واخدة من حاجة لكن هي واخدة سواء بشراكة او بدون
اما بخصوص الصيني هل تعتقد شركات زي متسوبيشي و غيرها هتسكت عن سرقة حاجة مسجله باسمها ؟؟ ليه متقولش انها بموافقة الشركة الاصلية مش شرط تعاون مباشر و الله اعلم احنا برده منعرفش الحقيقة احنا مجرد بنقرا في الموضوعات اللي زي ديه

**Amr Axel** · 07-09-2013 07:29 PM

المشاركة الأصلية كتبت بواسطة dr.hazem

خياااااانه....
ههههه
بص ياغالي..
بحكم اني ركبت الاوبترا فترة مش قليله...
هي عربيه تفتقر لوسائل الامان ومفيش اسهل من سرقتها!!!
الصني حلوه لكن بحس انها عربيه قديمه وتزهق منها بسرعه...
الجين 2 حلوة ولكن قطع غيارها هتكرهك عيشتك وصيانتها مش سهله...

هتخش عالبي واي دي
عشان تكون في الصوره..
العربيات الصيني بتهرم بسرعه وبيبان عليها العجز بدري...
ووكيل byd تعبان...
يتبقى انك تشوف بقية الفئه فيها ايه..
سواء 516 او ام 11 او انفي لان دول لا يمكن اهمالهم لانها عربيات كويسه واثبتت جدارتها في ابسوق عالاقل ال 516....
ربنا ييسرلك الاختيار ويوفثطقك للافضل...
تحياتي

sent from my xperia arc s using forum runner

هههههههههه لا متقلقش القسم كله بيتصفي واحد ورا التاني
طبعا انت جبت المفيد في كل اللي كنت بفكر فيهم و حتي لو توافرت فيهم كل المميزات و قطع الغيار مقرفة برده هبعد عنها
الـ516 خلاص انساها الانفي بدالها و للأسف مازالت مجهولة و منعرفش ايه قصتها
ام 11 حلوة بس كل اللي وقفتهم في الشارع سالتهم عنها اجمعوا ان التكييف و الهيد يونت سيئين ده غير ان لقيتها ضيقة شوية من ورا
فمش شايف قدامي غير البي واي دي لكن لسه مقلق من الموتور الـ1500 و مستني اجربه ع الطبيعة

**Amr Axel** · 07-09-2013 07:32 PM

المشاركة الأصلية كتبت بواسطة ahmed.fahmy

بسم الله الرحمن الرحيم

انا كنت غى نفس حيرتك من 4 شهور تقريبا وكان الدولار فى عزه وكنت عاوز حاجة فى نفس الرينج وبشروط معينة لان اللى هيركبها زوجتى ومعاها الاولاد فكانت لازم تبقى زيرة عشان ما تعطلش وفيها شروط معينة وكنت بفكر بشكل مرتب شوية

كان من وجهة نظرى لازم يكون فى حاجات اساسية زى

الامان
abs
air bags
stability
فرامل قوية
صاج قوى
ايموبيلايزر عشان ما تتسرقش
قطع غيار فى المعقول
شكل العربية ما يتغيرش او يعنى ما تتبهدلش بسرعة فكنت براقب العربيات فى الشارع اللى ماسكة نفسها مع الزمن واللى ما كملتش 6 شهور وبدون خبطات ولا حاجة بقى شكلها كانها بقالها 5 سنين
سهولة القيادة وتشمل باور، اوتوماتيك
واكيد الحاجات العادية زى 4 زجاج كهرباء، فوجات، مسد يد من الداخل بين الكرسيين، اماكن تخرين، سهلة القيادة
واخيرا الشكل يكون مقبول مش وهمى يعنى لكن حلو

فكنت محتار بين
أفيو ودى مافيهاش حاجة من دول الا انها باور خفيف جدا

كيا ريو وقولت ازود 30000 حتى لو اقسطهم مش مشكلة لقيتها ولا اير باج ولا ِabs مع انها شكلها تحفة

frv ولقيت واحد جارى بيركن معايا فى الجراج سالته عربيتك بقالها كام سنة منت فاكره جايبها مستعملة لقيت بقالها 6 شهور بس فمكملتش

لوجان وهى هربية ممتازة بس شكلها صعب شوية

اكسنت rb نفس قصة الريو

بروتون جين 2 وهى دى اللى اشتريتها

العربية ما شاء الله، ملمومة جدا وواسعة الى حد ما معقولة، موتور حلو وجراية، فيها كل الحاجات اللى انا قولتها فوق وقطع الغيار فى المعقول وفى كل حتة، التوكيل فى مراكز صيانة ممتازة زى عصام صفا محترم جدا

قولت انقللك تجربتى لعلك تستفيد

بالتوفيق

كل ده زي الفل و انا عارف الجين توو و سوقتها كذا مرة هي و كل الموديلات السابقة دي لكن الجين توو بالرغم كل ده ضيقة نسبيا و خاصة ورا قولت مش مشكلة لكن قطع غيارها مش شايفها معقول ده برة التوكيل فما بالك في التوكيل و مش منتشرة للدرجة و انا مش هخلي ميكانيكي يمد ايديه في عربية زي ديه

**Amr Axel** · 07-09-2013 07:35 PM

المشاركة الأصلية كتبت بواسطة the lawyer

أول حاجة لازم تفكر فيها ان العربية يكون فيها ايموبلايزر ، علشان تقلل من احتمالية سرقتها .
انا شايف البيجو 301 فيها كل اللي انت عايزه

يا باشا خليها ع الله هو الحامي و صدقني حتي لو فيها ايه مفيش حرامي بيغلب في حاجة
و ع ما اتذكر بالرغم ان البي واي دي مفيهاش ايموبلايزر و مش عارف ممكن يتركب و لا لأ لكن فيها خاصية فصل الموتور لو العربية متفتحش بالريموت ده اللي انا فاكره من ضمن وسائل الامان

اما البيجو يا راجل انا هربان اساسا من سوزوكي عشان قطع غيارها اخد بيجو و الطم زيادة انت عايزني ابطل سواقة و لا ايه هههههههه

**Amr Axel** · 07-09-2013 07:46 PM

المشاركة الأصلية كتبت بواسطة خيرى محمد

يا جماعة صاحب الموضع مختفى لية !!!
فينك يمحيرنا جبت حاجة ولا لسة
انا كفرااااان مش عارف اعمل اية انا متبعك من اول الموضع لما بتتاخر بقول عملها وجاب بى وى دى
رد عليا طمن قلبى
انا لفيت على عربيات مصر كلها فى المنتدى
فرنا لانوس لوجان افيو ( الصينى بانواعة ) تحت 100 الف
اوبترا صنى ( فوق 100 الف )
البجو مش لاقيها مانوال خالص خالص مع العلم انا معايا لغاية 120 الف مش اكتر وعاوز زيك كدة
عربية مميزتها اكتر من عيوبها
على العموم انا كونت عاوز اتواصل معاك بالتليفون انا من سكان م نصر رقم تليفونى 01228901149 وكنت عاوزك تتابع معايا عاوز اعرف عملت اية اخوك محمد

اعتذر يا باشا عن التأخير عليكم بس من ساعة الحادثة اللي عملتها بالعربية اول امبارح و انا بلف شوية
و متقلقش لسه متهورتش و جبتها :)
زمان انا كنت بفضل تحت فئة 100 الف عربيتين فقط نيسان صني الشكل القديم و البروتون جين تو
لكن لما يشيلوا الاي بي اس و هي من غير ميزان حتي السماعات متعتقش خرجت برة حساباتي
البروتون خلاص عدت الـ100
اما فيرنا و لانوس و افيو مش مقتنع بيهم اساسا
اللوجان هي اللي شايفها كويس لكن برده قطع غيار غالية و قليلة جدااا برة التوكيل و طبعا انسي الاوبشن لأنها محدودة
البيجو فيه 301 مانيوال من 109 الف تقريبا و زي الفل بس عشان عارف قطع الغيار شايلها من حساباتي :)
فملقتش غير الصيني سعر مناسب و قطع غيار متوافرة و رخيصة و طبعا اوبشن و وسائل امان و هو المطلوب
ملقتش غير بي واي دي اف 3 و اسبرانزا ام 11 و انفي و ايمجراند
الايمجراند شكلها محترم و فخم بس قفلوني منها الغالبية اجمعوا ع عيوب الصناعة و التقفيل طب مانا مش جايب عربية زيرو عشان افضل رايح جي ع التوكيل و افضل ازعق و اهلل
اسبرانزا ام 11 عجبتني لكن وقفت مالكيها في الشارع قالولي تكييف و هيد يونت سئ و لقيتها ضيقة شوية بالاضافة اني معرفش نظام قطع الغيار برة و لا تتولف من ايه
اسبرنزا انفي مجهولة بالنسبة ليا تماما
البي واي دي لقيت تتوفر فيها كل حاجة و مناسبة من جميع الجوانب و محدش اشتكي و قطع غيار يعيبها انها معروفة بانها تاكسي بس مش فارقة معايا
الحاجة اللي مستنيها بخصوصها الموتور انا بعد ما شوفت التقفيل الصيني فضلته عن المصري لكن للاسف الصيني بقي ينزل 1500 سي سي و منعرفش نظامه ايه مع العربية خاصة انه نازل في جي 3 و احد ملاكها قالنا ان الموتور ادائه متوسط لكن مستني اجرب و اشوف لو تمام خلاص نتوكل ع الله مش تمام نجيب التقفيل المصري عشان خاطر عيون الـ1600 :)

**Amr Axel** · 08-09-2013 09:00 AM

المشاركة الأصلية كتبت بواسطة خيرى محمد

الف سلامة عليك ياعموووور معلش انا بقولك عموووور وعوزك تسامحنى علشان انت اسمك على اسم واحد صاحبى اوووى اووى

دية اساسا مش موجودة وروحت وسائلت عنها كتير اوى بص علشان تجيب لون انت عاوزة صعب جدا!!!
لية لان الدفعة الى بتيجى بتبقى بيز لين وهاى لين وبيكون فيها عدد 4 او 5 عربيات مانيوال فقط وبيكونو محجوزين با اوفر بريس عالى

بالنسبة للوجان عن تجربة خاصة جدا اخويا جايبها من سنتين العربية حمالة قسية وعالية عن الارض
اة الى هيعبها بقة يا سيدى التكيف وما ادراك العربية بنكون فيها اربعة وعلى المحور ماشيين 100 بالعفية وقرص على الموتور وحاجة زى الزفت
لما بتكون فى الزحمة والجو حر نار فى عز الظهر بتبطل كتير
فيها ايبمليزر لا يوجد اي بى اس

انا بردة مسألة تاكسى دية مش فارقة معايا
بس يا عموررر انا معاك فى اى اختيار لانى يئست بجد
انا ساكن بجانب معرض اتو سمير ريان وشوف انت ناوى امتى تجيب وتعالى انا وانت نتفرج وناخذ خصم كويس على عربيتان بدلا من عربية فى اى شئ بقى وزى ما تيجى والى ربنا ها يريدوة هايكون ونتوكل على الله ومعاك رقم تليفونى وان ممكن انفذ فى خلال اسبوعين او ثلاثة

الله يسلمك يا كبيير :)

اللوجان ع ما اتذكر موتور 8 صمام فميسدش

لحد دلوقتي انا استقريت ع البي واي دي ان شاء الله بس قدامي وقت شوية لكن لو فضيت نفسي بدري ممكن اكلمك و اقولك هيا بنا :)

بس لو استقريت عليها برده خلاص يبقي توكل ع الله و انتم السابقون و نحن اللاحقون ان شاء الله :)

و ده موضوع لكيفية استلام البي واي دي و الأفضل تسألهم في القسم هل فيه ملحقات تانية للعربية لأني ع ما اتذكر لما شوفتها في معرض كان منزل معاها شنطة عدة و اسعافات اولية و مثلث عاكس
http://www.nilemotors.net/Nile/310174-byd-f3.html

و متنسناش بقي بالتقارير و الاستلام و كل حاجة

الموضوع: مساعدة علي الاختيار : بروتون جـين 2 - نيسان صني - شفروليه اوبـترا

LinkBack

أدوات الموضوع

عرض

-

-

-

-

-

-

المواضيع المتشابهه

مساعدة فى الاختيار

مساعدة فى الاختيار بين اسكورت و فيستا

مقارنة شفروليه اوبترا و بروتون برسونا

الاختيار الصعب: كيا كارينز أو نيسان ليفينا

الاسعار نزلت فعلا شفروليه و هيونداى يلا بقى يا بروتون

الكلمات الدلالية لهذا الموضوع

المفضلات

المفضلات

ضوابط المشاركة