الموضوع: مساعدة علي الاختيار : بروتون جـين 2 - نيسان صني - شفروليه اوبـترا

بص ياباشا ممكن تفكر فى البريليانس fsv عربية جميلة جدا ومحترمة ومتحسش انها صينى خالص عربية محدش اشتكى منها وانا اشترتها لواحد صاحبى موديل 2010 زيرو ايام ما كانت ب 75000 ج دلوقتى تعمل 94000 ج مانيوال واوتوماتيك 105000 ج تقريبا ومن بعديها على طول ال byd برضه عربية محترمة وعن تجربة وفكك من الجين 2 والصنى والاوبترا فلوس ع الفاضى يااما تزود وتجيب لانسر بومه زيرو .

المشاركة الأصلية كتبت بواسطة amr axel

بص يا باشا بالنسبة انها منقولة فانا مش شايف انها عيب بل بالعكس ميزة انها واخدة فمش هغلب في قطع الغيار و للعلم اغلب العربيات هتلاقيهم واخدين من بعض حتي الألتو تقريبا موديل متاخد من موديل لنيسان ع ما اتذكر يعني و كذلك بروتون و انت ادري :)

مش هفكر في بيجو عشان التعقيد و قطع الغيار انا اساسا هربان من سوزوكي بسبب قطع الغيار اروح لبيجو او اقلها سويفت ابقي بنتحر ملاك سويفت بيشتكوا من قلة توافرها او سعرها متفتكرش ان كل السوزوكي زي الماروتي او السويفت القديمة موديل تسعينات

و زي مقولت فكرت فيها لعدة اسباب كماليات و وسائل امان و حتي الكراش تست محترم و طبعا قطع غيار متوافرة سواء ليها او متولفة من تويوتا او متسوبيشي و طبعا سعرها مناسب لكل ما سبق ذكره و طبعا زيرو انا معندش استعداد اركب مستعمل ابدا :)
لكن احنا للأسف عقدتنا الصيني عشان الجودة اللي دايما بنشوفها لكن زي موضحت سبب سوء الجودة بيرجع لمين :) و كمان يا جماعة هو انا هنزل اجيبها بكرة لسه لسه متستعجلوش مش هتجنن في خلال يومين و ارتكب المصيبة ديه :c_laugh[1]:

ياباشا عندنا في بروتون الاجزاء المعمولة للعربية معمولة لبروتون مخصوص وبتركب على عربيات زي اللانسر .. لكن انا بتكلم عن شكل العربية ودي انا شايفها مش ميزة ولا حاجة

جايز تكون ميزة ليك هيا عمتاً ازواق

المشاركة الأصلية كتبت بواسطة amr axel

بالرغم ان البريليانس فيه تعاون بينها و بين بي ام و بالرغم كل اللي فيها بس معرفش ليه مش مرتاح لها :)

انا شايف معاك بي واي دي يا ريت لو تقولنا وجهة نظرك بخصوصها

مفيش تعاون بين بريليانس وبي ام دابليو .. كل دي اشاعات طلعت عشان الناس تشتري العربية وخلاص

المشاركة الأصلية كتبت بواسطة Amr Axel

اعتذر عن التأخير في الرد
بس الحمد لله عملت حادثة اول امبارح بالعربية

الف سلامة ياكبير ان شاء الله بسيطة




ان شاء الله منتظر نشوف اخباره مع الناس و اجربه بنفسي




لا يا باشا الوايرا قايمة علي لانسر 97 و كذلك الواجا ع لانسر برده ده غير القطع زي مثلا طقم الدبرياج هي اللي في لانسر هي اللي عندكم و اكسيل كذلك الموضوع مش عيب و لا يزعل بالعكس ده افضل شئ عشان متتزنقش في قطع غيار و معرفش لو تفتكر كنت عامل موضوع في كل قسم للقطع اللي ممكن تتولف بين العربيات
بخصوص الشكل اه الشكل الخارجي مختلف لكن اللي يدقق هيحس بنفس الانطباع بتاع اللانسر و هيلاقي زي ما تقول ريحتها فيها
اما الانسبيرا فديه نسخة كربون من لانسر شارك
يبقي ازاي مش مقلدة :)
لكن مواتير بروتون معروفة
معاك ان يكون للعربية شخصية مستقلة افضل لكن انا ببص لمميزات اكتر من الشكل و كمان الشكل مش كربون يعني فيه اختلاف برده و اهي اذواق لولا اختلاف الاذواق لبارت السلع :)

بخصوص بريليانس معاك حق انا بصراحة برده مش مقتنع بالكلام ده

كل دي كانت اتفاقات وشراكة بين الشركتين والكلام ده معروف من ساعت الويرا

نفس الكلام على الانسبيرا ده اتفاق ان الشارك تنزل في ماليزيا بأسم بروتون وده مخليها مبتتبعش في حتة تانية غير ماليزيا بس

اما موضوع الواجا ده انا مش شايف اي شبه بينها وبين لانسر غير في اجزاء من العفشة يعني مش شكل

تاني بقولك اهو .. اتفاقات مش سرقة وحط تحت سرقة خماشر خط

انا عمري ماسمعت عن اتفاقية بين تويوتا و byd ولا بين مرسيدس و جيلي وحاجات تانية كتير