مركز خدمة عملاء هيونداي ترحب باى شكوى من مالكي هيونداي

**El Prince** · 08-12-2009 03:34 PM

المشاركة الأصلية كتبت بواسطة mshmshm3

[overline]من فضلكم انا عندى مشكلة مزعجة وهى ان فى صوت طقطقة بلاستيك فى النصف اليمين فى جسم العربية من الداخل وانا سايق ممكن يكون البلاستيك اللى على القايم لاقيته مربوط تمام الصوت دة بيجي طول ما انا ماشى بالعربية انا هاتجنن من فضلكم الافادة فى الرد
[/overline]

نفس المشكله اللى عندى و اللى جايبالى هسهس فى نفوخى

**Ramiy** · 09-12-2009 12:30 PM

السادة

يمكن ارسال اى شكوى للرد عليها لى انا ايضا

بعد اذن المهندس عاطف طبعا
حتى تكون الخدمة على المستوى المطلوب
احد اقراد فريق غبور

**AHMEDCAR** · 09-12-2009 01:09 PM

طيب ماتقول كده من الصبح انك من التوكيل التعبان ده و لما تشوف استاذ عاطف ابقى قوله احمد كار بيسلم عليك

**سيد توحيد** · 09-12-2009 04:20 PM

اولا باشكر ادارة المنتدى وصاحب المنتدى شخصيا على فكرة انا عضو جديد والمنتدى جميل جدا انا بتكلم بخصوص خدمه عملاء هيونداى هو احسن وكيل فى مصر واحسن مركز خدمه فى مصر لكن هو بيوجد قله من العاملين ليسوا على قدر المسئولية انا معايا ماتريكس2008 والكاسيت عطل ولسه فى الضمان فقاموا فى مركز خدمه غبور بقليوب بتغيير الكاسيت بعد معاناه على انه ليس موجود ومع اصرارى تم تركيب كاسيت غيره لكن ايضا به عيوب فنية 0

**minaghopreal** · 09-12-2009 06:31 PM

يبدو أن الأستاذ/عاطف قد أقلع عن زيارة هذا الموضوع و لكني سأطرح مشكلتي لعلها تجد طريقها إليه ثم تجد طريقها إلى الحل

من فترة كدة فكرت أشتري عربية و بعد المشاورات والمداولات رسى الاختيار على ماتريكس 2010 أوتوماتيك كاش لون سماوي

و هنا بدأت المعاناه
رحت حجزتها من معرض في اسكندرية ( أنا اسكندراني)
قاللي هاتستلمها خلال 3 أيام بعد 3 أيام قاللي العربية اللي كنت هاتستلمها طلع فيها مشكلة وفراملها تقيلة واحنا مش عاوزين نديك عربية أي كلام فاستنى اسبوع كدة
قلت ماشي الصبر حلو

بعديها كلمتهم قالولي بصراحة احنا مستنيين نشوف لك عربية كويسة لأن بيبقى فيه عربيات زيرو ومركوبة وعاملة بتاع 200 كيلو واللي بيركبها بيشيل فيشة عداد السرعة قبل ما يطلع و بالتالي بتلاقيها مش عاملة أكتر من 60 كيلو ....
فاصبر شوية عشان تاخد حاجة كويسة

قلت مفيش مشكلة أصبر شوية واهو في الآخر هآخد حاجة كويسة

بعد الموضوع ده بحوالي عشر أيام قلتلهم خيييييير العربية مش موجودة ولا إيه ؟؟
قالولي على فكرة العربية موجودة أساساً بس بتبقى موديل 2009 و بيضربولها ورق إنها 2010 بس احنا بنعرفها من حاجة اسمها الــ VIN Plate

حسيت انهم بيلعبوا بيا بالرغم من اني سألت على الكلام اللي قالوه ده الناس قالولي إن فيه قدر من الصحة ....

فسحبت مقدم الحجز من عندهم و رحت أحجز عند المصرية لكن لقيتهم عاملين عرض كدة غريب مش عارف وديعة و قسط تاني (بالرغم من اني هشتري كاش )
حاولت افهمه اني عايز اخد كاش وامشي لقيته بيقولي لو مش هتاخد العرض يبقى هتاخد عربيتك في آخر شهر واحد و محدش هيروح معاك يرخصها لك ....

قلت أنا اللي غلطان من الأول أنا أروح لغبور و هو اللي يحل المشكلة (ماحدش يضحك) رحت لقيتهم ناس في منتهى الذوق الصراحة قلت لهم العربية هاتيجي امتى قاللي خلال يومين قلت له أكيد ؟؟؟؟ قاللي طبعاً
قلت يا فرج الله تاني يوم لقيته بيكلمني بيقول لي هو حضرتك عايز لون إيه ؟؟
قلت له سماوي قاللي الحقيقة هو الموجود الأزرق و النبيتي لكن السماوي كمان عشر أيام و طبعاً عشان أنا ساذج قلت مايضرش آخر حاجة بقى باكلمه لقيته بيقول لي ان شاء الله تجيب الفلوس بكرة والعربية تستلمها يوم 25 ديسمبر حسيت إن التاريخ بيعيد نفسه .......

يا ترى فيه حل للمشكلة دي ولا الأحسن أسحب فلوسي وأجيب لانسر 1300 واستلمها خلال يومين (زي ما ابن عمي عمل) ؟؟؟

**minaghopreal** · 11-12-2009 09:19 PM

يا جماعة هو ماحدش معبرني خالص ليه ؟؟؟
و م/ عاطف شكله ساب المنتدى ولا إيه ؟؟؟

**أبــوحبيبه ونور** · 12-12-2009 08:33 PM

المشاركة الأصلية كتبت بواسطة minaghopreal

يبدو أن الأستاذ/عاطف قد أقلع عن زيارة هذا الموضوع و لكني سأطرح مشكلتي لعلها تجد طريقها إليه ثم تجد طريقها إلى الحل

من فترة كدة فكرت أشتري عربية و بعد المشاورات والمداولات رسى الاختيار على ماتريكس 2010 أوتوماتيك كاش لون سماوي

و هنا بدأت المعاناه
رحت حجزتها من معرض في اسكندرية ( أنا اسكندراني)
قاللي هاتستلمها خلال 3 أيام بعد 3 أيام قاللي العربية اللي كنت هاتستلمها طلع فيها مشكلة وفراملها تقيلة واحنا مش عاوزين نديك عربية أي كلام فاستنى اسبوع كدة
قلت ماشي الصبر حلو

بعديها كلمتهم قالولي بصراحة احنا مستنيين نشوف لك عربية كويسة لأن بيبقى فيه عربيات زيرو ومركوبة وعاملة بتاع 200 كيلو واللي بيركبها بيشيل فيشة عداد السرعة قبل ما يطلع و بالتالي بتلاقيها مش عاملة أكتر من 60 كيلو ....
فاصبر شوية عشان تاخد حاجة كويسة

قلت مفيش مشكلة أصبر شوية واهو في الآخر هآخد حاجة كويسة

بعد الموضوع ده بحوالي عشر أيام قلتلهم خيييييير العربية مش موجودة ولا إيه ؟؟
قالولي على فكرة العربية موجودة أساساً بس بتبقى موديل 2009 و بيضربولها ورق إنها 2010 بس احنا بنعرفها من حاجة اسمها الــ vin plate

حسيت انهم بيلعبوا بيا بالرغم من اني سألت على الكلام اللي قالوه ده الناس قالولي إن فيه قدر من الصحة ....

فسحبت مقدم الحجز من عندهم و رحت أحجز عند المصرية لكن لقيتهم عاملين عرض كدة غريب مش عارف وديعة و قسط تاني (بالرغم من اني هشتري كاش )
حاولت افهمه اني عايز اخد كاش وامشي لقيته بيقولي لو مش هتاخد العرض يبقى هتاخد عربيتك في آخر شهر واحد و محدش هيروح معاك يرخصها لك .... :i_angr1[1]:

قلت أنا اللي غلطان من الأول أنا أروح لغبور و هو اللي يحل المشكلة (ماحدش يضحك) رحت لقيتهم ناس في منتهى الذوق الصراحة قلت لهم العربية هاتيجي امتى قاللي خلال يومين قلت له أكيد ؟؟؟؟ قاللي طبعاً
قلت يا فرج الله تاني يوم لقيته بيكلمني بيقول لي هو حضرتك عايز لون إيه ؟؟
قلت له سماوي قاللي الحقيقة هو الموجود الأزرق و النبيتي لكن السماوي كمان عشر أيام و طبعاً عشان أنا ساذج قلت مايضرش آخر حاجة بقى باكلمه لقيته بيقول لي ان شاء الله تجيب الفلوس بكرة والعربية تستلمها يوم 25 ديسمبر حسيت إن التاريخ بيعيد نفسه .......

يا ترى فيه حل للمشكلة دي ولا الأحسن أسحب فلوسي وأجيب لانسر 1300 واستلمها خلال يومين (زي ما ابن عمي عمل) ؟؟؟

اولا بما انك هتشترى كاش يبقا الاولى والاهم ان تشوف العربية قبل ما تدفع الفلوس بالكامل ممكن تدفع مقدمة او دفعة حجز لا يزيد عن 5 الالف جنية عشان لو حصل وحبيت ترجع فى كلامك وهما اتاخرو انهم يرجعو فلوسك يبقا المبلغ بسيط

ثاتيا ودا الاهم دائما الانسان لما يقرر يشترى حاجة يكون عامل اختيار تانى او بديل انت ليه مش بتفكر فى حاجة تانية

**johnnaguib** · 13-12-2009 04:21 PM

المشاركة الأصلية كتبت بواسطة minaghopreal

يا جماعة هو ماحدش معبرني خالص ليه ؟؟؟
و م/ عاطف شكله ساب المنتدى ولا إيه ؟؟؟

اقتراح و لا اعلم ما مدى صحتة
انزل القاهرة و شوف اى معرض المعارض بالهبل و منطقة مصر الجديدة و مدينة نصر مليانة معارض مش هاتخسر حاجة لو نزلت يوم ياما خد اللون المتوافر و خلاص

**minaghopreal** · 14-12-2009 04:20 AM

المشاركة الأصلية كتبت بواسطة أبــوحبيبه ونور

اولا بما انك هتشترى كاش يبقا الاولى والاهم ان تشوف العربية قبل ما تدفع الفلوس بالكامل ممكن تدفع مقدمة او دفعة حجز لا يزيد عن 5 الالف جنية عشان لو حصل وحبيت ترجع فى كلامك وهما اتاخرو انهم يرجعو فلوسك يبقا المبلغ بسيط

ثاتيا ودا الاهم دائما الانسان لما يقرر يشترى حاجة يكون عامل اختيار تانى او بديل انت ليه مش بتفكر فى حاجة تانية

ماهو أصل أنا عندي مشكلة عمري ما كنت فاكر انها هاتبقى مشكلة بالنسبة لي غير لما فكرت اني اشتري عربية
وهي ان حجمي كبير شوية

و مش أي عربية باخش فيها
يعني تخيل ان اللانسر كانت ضيقة عليا,الياريس كانت ضيقة ,
الفيرنا مادخلتش من بابها و كذلك الأكسنت
الوحيدة اللي زنقت نفسي فيها كانت الجيتز
واللي قعدت فيها مستريح كانت الماتريكس
دلوقتي اللي جاي في دماغي جديد اني اشوفها هي ..... الكارينز

انت رأيك ايه ؟؟؟

**drvettox** · 15-12-2009 08:19 AM

لسه شاري سيارة نيو أكسنت 2010
ولم اكن اعلم انه يوجد فحص للسيارة عند 1000 كم
والآن وصل العداد إلي 2000 كم ....... فهل سيكون هناك مشكله نتيجة التأخير في الفحص مع العلم اني اقود السيارة منذ ثلاثه اسابيع ولكن ليس بشكل يومي
[
تحياتي....وشكراً لكم